مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

 

الجزء الرابع ❤شكرا على تفاعلكم السكر زيكم❤بقلم سولييه نصار❤

- يا ربي علي الق*رف يا ست سيبيني في حالي بقا انا مش عايزك دده انا اتلككت عشان اطلقك ...

-وانا مش همشي الا لما تردني وصدقني ه*قرفك في حياتك ...

زقيته شوية ودخلت وقعدت علي الانتريه براحة ...جات مراته وقالت:

-بتعمل ايه هنا 

-جاية ابارك ...صباحية مباركة يا عروسة 

-اطلعي يا ليلي ...اطلعي برة حياتي انا سيبتلك الشقة وهديكي نفقة عايزة ايه تاني 

-عايزاك تردني ..

-هو عافية انا مبحبكيش 

-خلاص متردنيش... بس علي الاقل تديني حقي 

- يا ستي ما معاكي الشقة وهديكي نفقة وانا مكتبتش مؤخر فملكيش حق 

-شقة ايه يا علاء الشقة غير مناسبة اني اسكن فيها يعني ما شاء الله عندك شقتين دلوقتي الشقة دي والشقة اللي في المهندسين 

-انجزي عايزة ايه ...

-عايزة الشقة ...شقة نضيفة لاولادك ...

-انسي 

-يبقي تردني وأعيش معاكم هنا 

- انتي عبيطة 

-اول مرة اشوف راجل مش مبسوط ان مراته عايزة ترجعله وهتمو*ت عليه 

-خدي الشقة يا ليلي وحلي عن سمايا

زعقت مراته وقالت:

-نعم يا عينيا مش قولت انك هتكتب الشقة دي بإسمي 

حطيت ايدي علي بوقي بدهشة مصطنعة وقولت:

- يعني انتي اتجوزيه مقابل انه يكتبلك الشقة 

اتوترت وقالت:

- لا طبعا لاني بحبه 

-خلاص يا عروسة ما دام بتحبيه مالك بالشقة اصل ممكن علاء يفهمك غلط ولا حاجة 

بصلي علاء بغيظ وقال:

-بكرة اسجل الشقة بإسمك...حاجة تانية

بصتله بحزن وقولت :

-وايه فايدة الشقة وانت مش موجود. بس 

- يا ربي  عليي القرف خلصيني يا ست ...

-خلاص يا علاء مش هزعجك ...هستناك بكرة تسجل الشقة بإسمي ...

بصيت لمراته وقولت:

-مبروك عليكي علاء يا عروسة ده جوهرة 

.....

-انا قولت هيطردك لما تقوليله علي طلبك 

-انا عارفة علاء كويس ضغط بسيط هيخليه يرضخ

- بس مراته ممكن تلعب في عقله

-لا متقلقيش انا شككته فيها 

-هتكتفي بالشقة يا ليلي 

-لا الشقة مش هتعمل حاجة لازم حاجة عشان اضمن مستقبل اولادي وده اللي حبيت اعمله عشان اضمن ان علاء هيوافق علطول بعيد عن مراته الح*رباية

بصتلي ضحي بضحك وقالت:

-هي برضه اللي حر*باية...متوقعتش يطلع منك ده يا لولا

بصتلها بحزن وقولت:

-ولا انا كنت عايزة ابقي وحشة كده ...بس انا مستعدة اعمل كل حاجة عشان عيالي ...انا عايزاهم يعيشوا احسن من عيشتي ويتعلموا عايزة افتخر بيهم ...

-ان شاء الله هتفتخري بيهم ...

......

-يعني ايه تكتبلها الشقة يا علاء 

-لو معملتش كده هت*قرفنا علطول ودي لازقة خليها تغ*ور

--لا طبعا انت وعدتني

-وانتي اتجوزتيني عشان اكتبلك الشقة ؟!!

توترت مرة تانية ومردتش عليه ..

.....

تاني يوم 

بعد ما علاء كتبلي الشقة وقولتله علي طلبي التاني

-نعم يا اختي ...ما تلمي نفسك يا ليلي ده انا كاتبلك شقة المهندسين لا بقولك ايه متبقيش طماعة 

- انا لا طماعة ولا حاجة بس انت عندك مبلغ محترم في البنك  من شغلك اللي انا وقفت جمبك فيه من حقي جزء منه عشان افتح المشروع واقف علي رجلي انا عايزة اعيش اولادي عيشة محترمة  ومتنساش اني بيعت دهبي عشانك عشان تفتح المشروع جمب شغلك 

- ما ابوهم موجود 

-ابوهم لو كان موجود مكانش يفكر يكتب شقة لمراته التانية وسايب عياله يعيشوا في خراب  ...

-ايوة بس مشروع انك تفتحي مطعم ده مكلف انتي عايزة ربع فلوسي 

- يا سيدي اعتبرهم صدقة وربنا يعوض عليك ..

-وانا قولت لا 

-خلاص يا علاء ردني وعيش اولادك نفس العيشة بتاعتك ولا اقولك خدهم وانا اتجوز ما دام مش عايز تقف معايا 

-امتي اتغيرتي كده يا ليلي عمرك ما كنتي طماعة ولا بتساومي 

-لان ليلي يا علاء بتعمل اي حاجة عشان الناس اللي بنحبهم زي ماكنت بشتغل وانا حامل عشانك وزي ما خدمت امك عشانك برضه 

.......

بعد ضغط كبير وافق يديني فلوس مشروع لمطعم صغير ...بيعت البيت القديم  واخر سلسلة  دهب كانت معايا وفضلت اصرف منه لحد ما قام المطعم علي رجليه ..

مرت سبع شهور 

.مطعمي الصغير كبر وبقيت بتعامل مع شركات عشان اكل الموظفين واللي كان صدمة اني اتعاملت مع سلطان جوز اخت علاء واللي معاه شركة صغيرة ....اول مع شافني اتصدم وحاول يتقرب مني بطريقة غريبة بس خليت  تعاملنا في حدود  الشغل لحد ما في يوم جاني :

-اهلا يا استاذ سلطان جاي بنفسك ليه انا كنت هبعت الاكل دلوقتي مع الموظفين بتوعي 

-ليلي تتجوزيني ؟!!

يتبع 

#ليلي

#سولييه_نصار

هانت بدأت اكتب في الجزء الاخير اللي هيكون كبير❤

البارت الاخير من هنا