مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

الجزء التالت❤شكرا لتفاعلكم السكر زيكم ❤بقلم سولييه نصار❤

- انتي عبيطة صح ؟!

-ليه

- ايه هو اللي ليه ؟!!بعد البهدلة دي كله عايزة ترجعيله؟!فين كرامتك يا ليلي بطلي غب*اء 

-هبقي غ*بية فعلا لو اتطلقت وفرطت فيه ...

-افندم 

-انا اللي عملت علاء يا ضحي انا اللي اشتغلت وتعبت معاه ...وفرتله فلوسه ووقفت جمبه لحد ما اتثبت ...انا وقفت جمبه لحد ما حاله بقا كده دلوقتي ارضي بشقتي الضيقة اللي تقصف العمر دي وملاليم لما اتطلق كنفقة والهانم تتمتع بفلوسه لا مستحيل .بيحلم ...انا من حق عيالي يتمتعوا بالفلوس دي مش هحرم اولادي من اللي اتحرمت منه 

-ليلي ده طمع !

قالتها ضحي فبصيت ليها وقولت بحزن:

- انتي اكتر واحدة عارفة اني مش كده بس حق عيالي اللي اتحرموا من حاجات كتير ...يعني حتي لما ابوهم ربنا يكرمهم يتحرموا ويكتفوا بملاليم...مرات علاء الجديدة مش كويسة هتقلبه علي عياله انا مش طماعة يا ضحي انا بفكر في عيالي ...

-طيب هتعملي ايه 

-هقولك ...

.....

بالليل كنت حاضنة اولادي ونايمة في السرير الضيق ...ببص علي حيطان البيت المتشقق ...ده البيت اللي اتجوزت فيه ...البيت اللي انا فرشته خطوة خطوة مع علاء ...علي قد ما كنت بقدم لعلاء كنت بفاجئ ببروده...عمره ما حسسني بحبه رغم كل اللي عملته ...افتكرت اني لما اكون زوجة صالحة ليه هيحبني ويقدرني بس لا اديتله كتير ...اديتله حب واحترام وتعب وتقدير وفي الاخر اتجوز عليا واهانني في فرحه خدمت امه بعينيا وده بقا جزاتي ...في الاخر اطلق وأعيش في شقة نص عمر انا وولادي ونكتفي بملاليم انا وعيالي...انا مش هعرض اولادي لده ...عيالي ليهم حق يعيشوا في نفس مستوي ابوهم حتي لو هخسر كرامتي 

.....

تاني يوم جات اختي تقعد مع العيال .

.لبست كويس وجهزت ...كنت ببص للمرايا وانا بعيط ...صعب اعمل كده بس دوول ولادي ...وعشانهم اعمل اي حاجة ..

-انا مش مصدقة انك هتعملي كده ...هت*هيني كرامتك تاني ...

-عشان خاطر عيالي اعمل اكتر من كده 

- يا بنتي ما تشتغلي وطز فيه 

-معيش شهادة قوليلي هرجع اتم*رمط تاني في الشغل واكسب ملاليم 

-الملاليم دي هي اللي ساعدت جوزك في حياتكم الصعبة ...ومع النفقة صدقيني هتبقي احسن ...وبعدين علاء مستحيل يسيب عياله اكيد هيصرف عليهم ..

- علاء رماني ورما عياله 

- بس يا ليلي

- ضحي خلاص لو سمحتي أنا اخدت قراري 

-براحتك ...

.....

- انتي ايه اللي جابك هنا ويوم صباحيتي 

-ممكن ادخل 

-تدخلي فين انت مجنونة ..انا عريس جديد ومش عايز ازعاج ...امشي يالا 

-لا مش همشي الا لما تحقق طلبي 

-اخلصي عايزة ايه ...

عيوني دمعت كان صعب عليا اقول كده بس قولتها:

-عايز تردني وانا مستعدة اعتذر من مراتك

يتبع 

#ليلي

#سولييه_نصار

تكملة الروايه من هنا