 |
رواية البت السودة الكودة الجزء الأول
للكاتبة/حنان حسن
احيانا الظروف ...
وتصرفات الناس الي حواليك
بتجبرك انك تتغير
من النقيض... للنقيض
وممكن كمان
يحولوك.. من شخص طيب
وقلبة ابيض بيحب الخير
لشخص قاسي
ممكن يدمر كل الي حوالية ...
وممكن كمان..
يتحالف مع الشيطان عشان ينتقم من الي ظلموة
ايوه.. انا اتحالفت مع الشيطان
وعملت حاجات لا يمكن تتخيلوها
وانا دلوقتي
حاسة نفسي شيطان بيمشي علي الارض
مع اني بتمتع بفطرة نقية
وبكره الشر
و مكنتش احب ابقي كده
عارفة ان كلامي مش مقنع
لكن...
لما هحكيلكم حكايتي وهتفهموا ليه انا بقيت كده
بس قبل ما ابدء حكايتي
هعرفكم بنفسي
انا اسمي...( سمارة)
السن ٢٥ سنة
مؤهلي متوسط
عايشة في القاهرة
من اسرة متوسطة الحال
امي متوفية...
وعايشة مع ابويا...
وزوجة ابويا...
واختي التؤام
(بياضة)
وسموها كده نظرا لشدة بياضها
فا بالرغم من اني انا وبياضة تؤام
وتقريبا في الشكل تقريبا واحد ونسخة كربون من بعض
لكن اختي لونها.. ابيض بياض الثلج
وانا لوني.. اسود سواد الليل
وطبعا انتوا كده خمنتوا شكلي
عامل ازاي ....
وشكلها عامل ازاي؟
في ناس كتير بيقولوا اني
حلوه ....بس سمرا
وطبعا هما يقصدوا يقولوا (سودة)
بس بيخففوا حدة الوصف
ومن هنا بتبدء حكايتي
وهرجع بيكم لبداية الحكاية
زمان... لما كنت صغيرة
كان عندي تقريبا ١٣ سنة...
سمعت جملة اتقالتلي في خناقة مع بنات عمتي
والجملة هي...
( يا سودة يا كودة)
الجملة دي اثرت في نفسيتي جدا
لدرجة انها كانت سبب
في تغير نظرتي للحياة كلها
لاني بعدها ...فهمت ليه البنات في المدرسة...
كانوا بيبصولي ويتغمزوا عليا كل لما يشوفوني
وليه كانوا بيحبوا يصاحبوا اختي التؤام بياضة
الي لونها ابيض وانا لا
وغيرها من المواقف
الي كسرت نفسي...
وخلتني افهم اني اقل من صحباتي
وبدات الاحظ
اني بتعامل علي اساس درجة لوني الغامق ...
وكاني انا الي اخترت لوني
وشكلي
وكل ده كوم ...
والتفرقة الي كانت بتحصل بيني وبين اختي التؤام
كوم تاني
وده لاحظتة
من ايام ما كانت امي
لسة عايشة
ايامها ابويا كان بياخد بياضة معاه
في كل مشاويرة
وزياراتة لاصحابة ... وقرايبة
وكانه بيفتخر بجمالها ادام معارفة
ده غير الدلع.. والهدايا
الي كانت بتجيلها...
وانا لا
مما جعل بياضة تتربي علي حب الذات
وبقت شخصية انانية و مغرورة
ومش بتفكر غير في نفسها
..ولما كانت امي
تقول لابويا بلاش تفرق في المعاملة بين بناتك...
كان يقولها
ملكيش دعوة
بياضة بنتي
اقرب لقلبي لانها شبهي
انما سمارة شبهك..
غوروا في داهية انتوا الاتنين
وكانت امي بتحاول تعوضني الظلم ...والاهمال
الي كنت بشوفة من ابويا... وكل الي حواليا..
بالدلع... والاهتمام
علي اد ما تقدر
لكن ....
انا كنت بحس ديما
اني اقل من كل البنات
ومرت السنين علي كده ...
لغاية ما كبرنا
وكل واحدة فينا اخدت شهادتها
وبقينا بنات عرايس
في سن الشباب
ونصلح للجواز
بداؤا العرسان يجوا لبياضة لوحدها
ولما حد من معارفنا يجيبلي عريس...
اول ما يشوفني يهرب
وميرجعش تاني...
وده كان بيكسرني اكتر...
لانه حصل اكتر من مرة...
لغاية ما اتعقدت....
وقررت اني متجوزش خالص..
والي زود من حالتي النفسية سؤ
وخلاني اعتزلت الحياة كلها
هو وفاة امي ...
وبعدها بكام شهر
بابا اتجوز وجابلنا زوجة اب
في الوقت ده
انا اعتزلت العالم... وقربت من ربنا
و لبست النقاب
وبصراحة النقاب كان رحمة بالنسبالي
علي الاقل...
اترحمت من التنمر الي كنت بشوفة في كل مكان
. و بقيت اشوف الناس منغير ما هما يشوفوني...
ويسمموا بدني بكلامهم...
وبالرغم من اني... كنت بتحسر علي نفسي
وانا بتفرج علي اختي بياضة
وهي محتارة تختار مين من طابور العرسان
الي متقدمين لها ..
وكل عرسانها كانوا هيموتوا عليها
لكن.... كنت بحمد ربنا
وبقول ...اكيد ربنا له حكمة من كده
لان ربنا مش بيظلم حد
وعشان مركزش مع الي بيحصل..
شغلت نفسي بشغلانة اون لاين علي النت
واشتغلت مع واحدة كانت بتقلد البرندات
وبتستغل اسم مصنع شهير
وبتحط اسمة علي منتجاتها
وللاسف... انا كنت بوزعلها منتجاتها
من خلال الاون لاين علي النت...
برقم مو بيلي الشخصي
ولما بياضة لقتني بكسب من الشغلانة
قررت تشتغل معايا
وطبعا انا كنت حاطة رقم موبيلي
عشان..
اتواصل مع الزباين وابعتلهم الاوردرات
واستمر الحال علي كده
لغاية ما في يوم
لقيت موبيلي بيرن
ولما ر ديت
سمعت صوت راجل وقور
بيقولي..
مساء الخير
قلت..مساء النور مين معايا
قال..انتي بتسوقي منتجات مصنع لامار مش كده؟
قلت..ايوه
مين حضرتك بقي؟
رد الشخص بغضب
انا الي حضرتك بتستغلي اسمو
وبتسرقيني عيني عينك
وانا كمان الي هوديكي في ستين داهية
استنيت شوية عشان استوعب الكلام
ولما مفهمتش حاجة من كلامة
قولت دا اكيد حد فاضي وبيتصل يتسلي
فا بدات ااهزقة... واشتمة بكل مفردات الشتايم
الي الناس استعملوها والي لسة مخترعوهاش
وفي الاخر
قلتلة..
اسمع يا حيوان انت
انا عارفة انك شاب صايع
ومش لاقي حاجة تعملها
عشان كده..
بتعاكس بنات الناس
عموما...
انا هحط رقمك في الحظر..
ولو الشيطان وزك....
وكلمتني من رقم غريب
انا همسخر الي .....
وقفلت السكة في وشة بسرعة
وبعدها
لقيت صاحبة الشغل بتتصل بيا
وبتقولي..
شوفتي المصببة الي حطت علي دماغنا؟
قلت..مصيبة ايه؟
قالت..واحد من المناديب
الي بيتعامل مع مصنع لامار
بيقول...
ان صاحب المصنع قالب علينا
قلبة سودة
ومصمم يقدم فينا بلاغ لمباحث الانترنت
وبيتهمنا اننا بنقلد منتجاتة وبنحط اسمة عليها
يعني ...بنستغل اسمة
فسالتها؟
قلت...وهو احنا بنعمل كده فعلا؟
قالت..ايوه طبعا
قلت...لكن ده غش
قالت..غش بقي ولا مش غش
انا مش عارفة
ايه الي قلب الراجل صاحب المصنع ده علينا كده؟
في اللحظة دي
افتكرت المكالمة
وقلتلها
...استني
هو في واحد كلمني
وانا هزقتة
وبيتهيالي انه هو صاحب المصنع
لانه كان بيقول اننا بنستغل اسمة
ردت صاحبة الشغل
وقالت..نعم يختي
هزقتية؟
يعني انتي سبب المصايب الي احنا فيها دلوقتي؟
اتفضلي صلحي الكارثة الي عملتيها حالا
قلت...اصلحها ازاي؟
قالت..اتصلي بيه واعتذريلة
وقوليلة... انك مكنتيش تقصدي
او..
قوليلة اي حاجة
المهم خرجينا من الورطة دي
وبعدما قفلت معايا السكة
فضلت افكر بيني وبين نفسي
واقول..
طيب هقولة ايه ده دلوقتي والنبي؟
دنا لسة ماسحة بكرامتة الارض؟
ومفيش شتيمة الا وقولتهالة
طيب اعمل ايه؟
ده فيها غرامة ...و حبس؟
وده صاحب مصنع؟
يعني راجل واصل
وبعد ما فكرت شوية
اتصلت بصاحب المصنع تاني
ولما رد عليا
غيرت صوتي...
واتكلمت بنبرة غاية في الرقة
وقلت...الووه
رد صاحب المصنع بغضب
وقال...
ايه نسيتي تشتميني بايه تاني
قبل ما تحطي رقمي في الحظر؟
رديت بنفس النبرة الرقيقة
وقلت...
اسفة يا فندم حصل سؤ تفاهم
وانا بعتذر لحضرتك علي الي حصل فعلا
ولو سمحت اديني فرصة اوضحلك سؤ التفاهم
رد بنبرة اقل حده
وسالني
قال..
.سؤ تفاهم ايه ده؟
الي يخليكي تشتمي بالافاظ القذرة دي؟
قلت..لا يا فندم
مهو مش انا الي كنت بكلم حضرتك
دي اختي التؤام
اصل انا عندي اخت تؤام عندها خلل في عقلها
مريضة نفسيا اقصد
وكل ما بتلاقي موبيلي بيرن بترد عليه
وتشتم اي حد تسمع صوتة
وللاسف..
المرة دي جت في حضرتك
وانا بتصل عشان اعتذر
بعدما صاحب المصنع سمعني
رد بهدوء
وبدء يعرفني بنفسة
وقال...
حمزة الشرقاوي
قلت..مالة؟
قال..مالوا ايه؟
انا اسمي حمزة الشرقاوي
صاحب مصنع وسلسلة محلات لامار
قلت اه اهلا بحضرتك طبعا
هوفي حد في الدنيا
ميعرفش رجل الصناعة الاول في مصر
حمزة الشناوي
رد وهو بيصلح الاسم
وقالي
حمزة الشرقاوي
مش الشناوي
قلت...ايوه يا فندم طبعا منا قولت حمزة الشرقاوي
بس حضرتك الي سمعت غلط عيب شبكة مش اكتر
رد حمزة
وقالي..
عموما طالما اختك مريضة وتعبانة نفسيا
انا خلاص مش زعلان
نرجع بقي لسرقتكم لاسم المصنع وال....
وقبل ما يكمل...لحقتة في الكلام
وقلت...احنا مقصدناش نسرق الاسم يا فندم
وكل الي حصل برضوا سؤ تفاهم..
وعموما من بكره احنا هنغير اسم المنتج بتاعنا
ولو حابب حضرتك اننا نغير المجال خالص
ونفضها ...
هنفضها بس حضرتك متبقاش زعلان
فا رد حمزة بيه
بنبرة رضا
وقال..لا طبعا انا ميرضنيش الخسارة
ولا وقف الحال لحد
كل الي انا عايزة
انكم تبعدوا عن اسم لامار
ضحكت بنعومة
وقلت...
بس كده ؟
ده حضرتك لو قلتلي غيري اسمك
الي في شهادة الميلاد هغيرة
فا ضحك حمزة
وسالني
وقال..
وياتري ممكن اعرف اسمك الي في شهادة الميلاد ؟
قلت...اسمي...اسمي؟
اسمي بياضة
بعدما سمع حمزة الاسم
فضل يضحك
قلت..بتضحك علي ايه
قالي...
انتي بياضة واختك المريضة اسمها سمارة؟
معندكوش الوان تانية؟
بعد القلشة دي
كنت عايزة اشتمة تاني
لكن قلت..
امسك نفسي لغاية ما يتنيل
و ينهي المكالمة
لكن لقيتة بيسالني
وقالي
تحبي تشتغلي معانا يا بياضة؟
قلت...طبعا ده شرف ليا
بس انا دلوقتي كل الي انا عايزاه ان حضرتك
متبقاش زعلان مننا
قال..خلاص مش زعلان يا بياضة
وفجاءة
لقيتة بيمليني ارقامة الخاصة...
وبيقولي اكتبيها علي موبيلك
وشوية...
لقيتة بيديني عنوان المكتب الي هروحله عليه عشان الشغل
وطبعا..انا اخدت منه العنوان
بس مكنش في نيتي اني اروحلة
لكن تاني يوم
لقيتة بيتصل بيا تاني
وبيسالني...
مجتيش ليه يا بياضة؟
فا قلت اخترعله اي عذر
وقلت...
معلش بابا رفض اني انزل اشتغل في المصانع
وقالي كفاية عليا شغل الاون لاين
ومن هنا بدء حمزة يسالني عن تفاصيل حياتي
عن بابا ؟..
وبيشتغل ايه؟
وعايشة مع مين تاني؟
واتكررت المكالمات بينا
وتدريجيا طالت مدة المكالمة..
وتقريبا كنا بنتكلم كل يوم
انا وحمزة
لاكتر من شهر
بدون ما يشوفني ولا اشوفة
وبصراحة انا اتعلقت بيه اوي..
وعشقت نبرات صوتة...
وبقيت اتلهف علي الوقت الي هيكلمني فيه
وافضل احسب الدقايق قبل الساعات
عشان اسمع صوتة
لدرجة اني سيبت الشغل وسيبت الي ورايا
والي قدامي
وبقيت سرحانة علي طول
في كلامة.. ورقتة ..واسلوبة الجميل الي بياخد العقل
ولما اختي بياضة لاحظت التغير الي انا فيه
سالتني
مالك متغيرة كده ليه؟
فا سردتلها حكايتي مع حمزة
وعرفتها اني بحبة اوي
فاردت عليا بياضة بغضب
وقالت...
شاب ابن ناس...
و صاحب مصنع
هيحبك ازاي قبل ما يشوفك؟
ده اكيد بيضحك عليكي
فوقي من احلامك
واحسنلك تنسية
قلت...مقدرش انساه يابياضة
دنا بقيت عايشة بس
عشان اللحظة الي بسمع فبها رنة موبيلة
بصتلي بياضة بتعجب
وقالتلي
لا ده انتي باين عليكي اتهبلتي
والراجل ده هيتسلي بيكي يومين
وهو من نفسة هيبطل يكلمك وهفكرك
وبعدما سابتني بياضة ومشيت
الموبيل رن
ولقيتة حمزة
فا قلت
الووو
رد حمزة
وقال..ايوة يا حبيبتي
قلت..ايه حبيبتي دي؟
رد حمزة
وقال..
دي الحقيقة يا بياضة
انا حبيتك من قبل حتي ما اشوفك
فسالتة
قلت..حبيت فيا ايه؟
قال..
حبيتك روحك الجميلة .... وحنيتك... وبساطتك... واحساسك العالي
ودي المواصفات الي انا كنت بدور عليها
في شريكة حياتي
قلت...نعم؟
قال..ايوه يا بياضة
انا عايز اتقدملك
ايه رايك؟
قلت..بس انا مشوفتش شكلك؟
ولا انت لسة تعرف شكلي
وفي اللحظة دي
لقيتة بيقولي
بس كده
سهلة يا ستي
ادي صورتي
وابعتي صورتك
وفي لحظة لقيت صورةلشاب زي القمر ادامي
وبعدها لقيتة بيطلب مني تاني اني ابعت صورتي
فا قفلت بسرعة الوتس
وقفلت الموبيل كله...
وقررت مردش عليه تاني
لكن تاني يوم
لقيت زوجة ابويا
جاية غرفتي انا وبياضة تجري
وهي بتقول..
الحقوا يا بنات
في شاب بره طول بعرض وزي القمر
جاي وجايب معاه امة
وبيقول انه عايز يقابل ابوكم
ولما ابوكم خرجلة
و قعد معاهم شوية
عرفت انه جاي لابوكم
عشان يطلب ايد بنته
بس العريس شكلة ابن ناس اوي
وامه باين عليها بنت عز
في اللخظة دي
ابتسمت بياضة بكل غرور
وسالت زوجة بابا
وقالت..انتي مستغربة ليه
منا كل عرساني مناصب وولاد ناس
وطبعا ده عريس جديد جاي عشاني
ابتسمت زوجة ابوبا
وقالت..طيب اتفضلي يلا اجهزي عشان تقابلي حمزة عريسك
في اللحظة دي
انتفضت من مكاني
وقلت..بتقولي اسمة ايه؟
قالت..حمزة ليه؟
فسالتها
قلت...مقلش بيشتغل ايه؟
قالت...لا ده لسة داخل هو وامة ومعرفتش غير اسمة بس
في اللحظة دي
قمت بسرعة من سريري
واتسللت بالقرب من غرفة الصالون
وبصيت من بعيد..
واكتشفت ...
انه نفس الشاب الي شوفتة
في الصورة...
يعني هو حمزة
وجريت بسرعة علي بياضة
وقلتلها...
هو يا بياضة.. هو حمزة
ردت بياضة
وقالت...
احسنلك متقبليهوش يا سمارة
لانة لو شافك مش ممكن هيقبل يتجوزك
بصراحة بعد ما سمعت بياضة اقتنعت بكلامها
ومخرجتش من اوضتي
لكن بعد شوية
لقيت والدة حمزة بتستاذن في الدخول لغرفتنا
واول ما شافتني انا وبياضة...
تفنكروا عملت اية.......؟
لو عايز باقي احداث الرواية صلي علي رسول الله وطبعا مش هننسي نضع عشر ملصقات
مع متابعة للمدونه
تكملة الروايه من هنا
تعليقات
إرسال تعليق