 |
رواية البت السودة الكودة الجزء الثاني
للكاتبة/حنان حسن
بعدما سمعت ام حمزة
وهي بتستاذن
عشان تدخل عندنا الاوضة..
طلعت اجري عليها و استقبلها..
واول ما شوفتها..
مديت ايدي
وقلتلها..
اهلا بحضرتك
وكنت فاكره انها هتاخدني في حضنها
او علي الاقل.. هترحب بيا
لكن الي حصل..
اني لقيتها اتسمرت في مكانها
وهي بتبصلي من فوق لتحت
وكانها شافت عفريت
وكل الي عملتة والدة حمزة
انها سالتني بدهشة
وقالت..انتي بياضة؟
في اللحظة دي
اتلجمت ومبقتش عارفة ارد اقولها ايه؟
وقبل ما ارد عليها...
سمعت زوجة ابويا
بتقولها..
لا.... لا... بياضة اهية
ونادت علي بياضة
وقالت..
تعالي يا بياضة سلمي علي طنط
وفي اللحظة دي
بصيت علي بياضة
لقيتها بتبتسم ابتسامة انتصار
ورسمت ابتسامة الخجل علي وشها..
وقربت من ام حمزة
وفي ثانية
لقيت ام حمزة ملامح وجهها اتغيرت تماما
وكانت زي الي هتطير من الفرحة
بمجرد ما شافت بياضة
ولقيتها علقت علي جمال بياضة
وقالت..ايوه كده
اهو كده
بياضة بصحيح
الله اكبر عليكي يا عروستنا
في اللحظة دي
لقيتني مش قادرة اقف معاهم
بعد كسرة النفس الي اصابتني...
ودمرت ما تبقي ليا من امل في الدنيا
واستاذنت منهم
بحجة اني هروح اجيبلهم حاجة يشربوها ..
وخرجت من الغرفة
وبمجرد ما خرجت من الباب
سمعت زوجة ابويا وهي بتسال ام حمزة
وبتقولها...
الا مالك اتاخدتي كده اول ما دخلتي الاوضة... وشوفتي سمارة؟
ردت والدة حمزة علي استحياء
وقالت...
لا ابدا متخدتش ولا حاجة
انا بس اتاخدت لما شوفت البنت السمرا
اصلي طول عمري بحلم لحمزة بعروسة حلوه وبيضة
زي بياضة كده
عشان عيالة يبقوا حلويين زيها هي وحمزة
بعدما استمعت لكلام والدة حمزة..
طلعت اجري علي المطبخ وانا عمالة اعيط...
لكن... لما سمعتهم
خرجوا من
الغرفة ومتجهين للصالون..
حاولت اتماسك
عشان محدش يشوفني وانا بعيط
وبعد شوية
سمعت زغاريد
ولقيت زوجة ابويا
بتقولي..
زغرطي لاختك يا سمارة
والدة العريس اصرت انها متمشيش
قبل ما يقراؤا فتحة بياضة
عقبالك يا سمارة
ابتسمت وهزيت راسي
وحاولت اغير الموضوع قبل ما انفجر في العياط
فا سالتها
قلت..هو انتوا قدمتوا حاجة للضيوف؟
ردت زوجة ابويا
وقالت...
البت بياضة اختك
قلتلها تعالي خدي صينية الحاجة الساقعة
وادخلي بيها للعريس ...وامه
لكن هي مرضيتش....
وقالت انها بقت موضة قديمة
ودخلت علي العريس بايديها فاضية
ورنت زوجة ابويا ضحكة عالية
وهي بتقول...
البت يختي مصدقت قعدت جنب العريس
ومش راضية تقوم
بصراحة العريس يستاهل شباب... ووسامة ... وفلوس... وعز ...واصل طيب
في اللحظة دي
بصيت في الارض
عشان زوجة
ابويا
متلاحظش الدموع الي في عيني..وحا ولت اغير الموضوع تاني
فا سالتها
يعني هتقدموا لهم ايه دلوقتي؟
فا وقفت زوجة ابوياو فكرت شوية وبعدين
قالتلي
اسمعي يا سمارة
انا هفتح علبة من علب الجاتوة الي جابها العريس
وهرصها في اطباق الجاتوة
وانتي ساعديني وهاتي الحاجة الساقعة الي في الثلاجة
قلت ..حاضر
وبعدما جهزنا صواني التقديم
لقيتها بتقولي
البسي النقاب بتاعك بقي..
وهاتي صينية الحاجة الساقعة... وتعالي ورايا للصالون
قلت..
ايوه بس يا طنط....؟
وقبل ما اكمل اعتراضي
لقيتها سبقنني علي الصالون
فا قلت...
اروح وراها للصالون
بحجة اني ادخل الصينية... واشوف حمزة
وهو فرحان بالعروسة الجميلة
يمكن ده يخليني اهدي وانساه...
وانسي اني حبيتة و كلمتة في يوم من الايام
وبالفعل ..اخدت الصينية
ودخلت علي الصالون
وفضلت ادور علي حمزة
واول ما عنيا وقعت عليه
لقيتة قاعد هادي
والغريبة ...
انه مكنش باين عليه انه سعيد زي والدتة
لان مكنش في اي ابتسامة علي وجهة
بالعكس..
ده كان عمال يبص لبياضة وهي بتتكلم باستغراب..
وكانه مش مقتنع انها نفس البنت
الي كان بيكلمها في الموبيل...
وفضلت ابص لحمزة..
واتابع حركاتة... ونظراتة..
لغاية..
ما سمعت زوجة ابويا وهي بتقولي..
قدمي الحاجة الساقعة يا سمارة
في اللحظة دي
لقيت حمزة بص ناحيتي ...
فا اقتربت وانا برتعش
...وقدمت المشروب لاقرب شخص مني
وهي ام العريس..
وبعدها بابا
وبعدها ....لقيت نفسي بقيت ادام حمزة..
وغصب عني لقيتني ببص في عنية
وهو كمان بص في عنيا اوي
وكانة كان بيسالني
ويقولي...
انتي مش عايزة تقوليلي حاجة؟
في اللحظة دي
كنت عايزة اقولة قوم يا حمزة امشي ...
بياضة مش هي البنت الي انت جاي عشانها
وانا مش هعجبك لو شوفتني
وهتتريق علي شكلي زي ما امك جرحتني بكلامها
لكن. ..مقولتش ولا كلمة..
ولقيتني ببص لحمزة وهي بيبصلي
بدون ما يتكلم
ولما لاحظ ان نظراتي له كانت طويلة
سالني
قال..انتي اخت بياضة؟
في اللخظة دي
حسيت اني اتوترت والصينية اترعشت في ايدي
ووقع كاس المياة الغازية علي بنطالون حمزة
وهنا لقيت زوجة بابا صرخت فيا
وقالتلي..
مش عارفة تقدمي صينية الحاجة الساقعة
انتي بلوة وطول عمرك خايبة
فا بصيت لحمزة الي كان محرج من الموقف
وكان عمال يبسط المسالة
ويقول..
خلاص محصلش حاجة يا جماعة..
عادي انا الي هزيت الصينية
وانا باخد الكاس
وفضلت بياضة تعطي لحمزة مناديل
عشان يمسح البنطالون
وهي بتبصلي بقرف
وفي الاخر لقيتها
بتقولي..
ما تروحي تجيبي حاجة.. وامسحي الي انتي وقعتية علي الارض ده
ولا هتفضلي واقفة تتفرجي كدة كتير؟
بعدما سمعت كلام زوجة بابا وبياضة
حسيت اني اتخنقت بالعياط..
وعايزة اخرج
من غرفة الصالون واختفي بعيد عن الجميع
فا قلت.. لاحظة واحدة هجيب حاجة امسح بيها
وبسرعة خرجت واختفيت في غرفتي
وفضلت اعيط
وبعدما حمزة وامة مشيوا
من عندنا
لقيت بياضة داخلة عليا الغرفة
وهي بتقولي..
مالك؟
بصيتلها بدهشة
وسالتها
قلت..انتي بتسالي مالي؟
ليه يا بياضة وافقتي علي حمزة؟
منتي عارفة انه كان جاي يخطبني انا؟
وعارفة كمان اني بحبة؟
ردت بياضة
وقالت..حب ايه يا سمارة؟ وكلام فارغ ايه؟
انا وافقت علي حمزة لاسباب اهم من الحب
والكلام الفارغ ده
قلت.... اسباب ايه؟
قالت...
اولا.... انتي عارفة الحالة المادية الزفت
الي بنعيش فيها من ساعة ما ابوكي طلع علي المعاش
وحمزة شاب غني
واحنا محتاجين لفلوسة
عشان نطلع بيها علي وش الدنيا
ونحس اننا عايشين بقي
قلت..لكن انتي كده بتكسري قلبي ؟
وبعدين ده غش
وانا لازم اقول لحمزة انك خدعتية...
ووافقتي تتجوزية
بالرغم من انك كنتي عارفة كويس
هو كان جاي يتجوز مين؟
فا ردت بياضة بكل برود
وقالت..
روحي قوليلة
بس ساعتها ...
هتبقي طيرتيه من ايدي انا وانتي
لان حمزة لو شاف شكلك هيهرب
زي العرسان الي اتقدمولك
قبل كده
واديكي شوفتي بنفسك
رد فعل امه
لما شافتك كان عامل ازاي؟
وبعدين ليه بتقولي اننا بنغش
حمزة ؟
الراجل كان جاي يتقدم لواحدة ارتاح لها نفسيا
ودلوقتي.... هو مش مرتاح نفسيا بس
لا ....ده فاز بعروسة زي القمر
كمان
يعني هو الكسبان
فا بصيتلها بغضب
وسالنها
قلت..
لو كنا عكسنا الموقف وانا الي عملت معاكي كده
كنتي هتسامحيني يا بياضة؟
ابتسمت بياضة بغرور
وقالت..
اتجدعني انتي..ظ واقنعي اي عريس اتقدملي قبل كده
انه يتجوزك..
وانا اوعدك مش هزعل منك
فا صرخت فيها
وقلت..
انتي لايمكن يكون عندك ذرة من المشاعر... ولا الاحساس
وبصتلها بتحدي
وقلت..
انا هقول لحمزة علي الحقيقة
والي يحصل يحصل
واثناء ما كنت بمسك الموبيل عشان اتصل بحمزة
لقيت بياضة دفعتني علي الارض
وهي بتحاول تاخد مني الموبيل
وفي اللحظة دي
دخل بابا علينا
وسالنا...
وقال... في ايه؟
ردت بياضة
وقالت..
سمارة غيرانة مني
ومش عايزاني اقبل العريس حمزة يا بابا
فا بصلي بابا بغضب
وسالني
قال...صحيح االكلام ده يا سمارة؟
قلت...اصل يا بابا.....
وقبل ما اكمل..لقيت بابا قبض علي ذراعي
وقالي..
اسمعي الكلام الي هقولهولك كويس
انا معنديش فلوس لجهازك انتي واختك
وام حمزة قالتلي... ان ابنها مش هيكلفني اي حاجة
يعني نص مشاكلي هيحلهالي حمزة...
ده غير ان اختك هتعيش في مستوي تاني
عشان كده
انا مش هسمحلك تدمري مستقبل اختك
وتقفلي باب الرزق الي جاي من عند ربنا
انت سامعه ولا اقول تاني؟
وفي اللحظة دي
لقيت زوجة ابويا بتخلصني من ايد بابا
وهي بتقولة..
ايوه طبعا فمهت
هي سمارة صغيرة؟
دي كبيرة... وعاقلة
انت فاكر يعني عشان حظها قليل
ومفيش عرسان بيتقدمولها
تقوم تقف في طريق اختها؟
لا طبعا..
هي عارفة كويس انت ممكن تعمل فيها ايه
وبعد ما سمعت كلامهم
بصيت لبابا الي كان بيبصلي بغضب
ولقيتني بقولة..
حاضر يا بابا
مش هقف في طريق اختي
وفي اللحظة دي
اخد بابا زوجتة
وتركنا وخرج من الغرفة
وهو بيتمتم بكلمات مش مفهومة
وكانه كان بيلعن البنات وخلفة البنات
وفضلت بياضة تضحك
لان بابا وزوجتة حسموا الموقف
وادام ضحكاتها المستفزة
كنت هترك لها الغرفة واخرج لكن ...
سمعت الموبيل بتاعي بيرن
فا بصيت في الموبيل..لقيتة رقم حمزة
فا جريت علي الموبيل
وفتحت الخط
وسمعتة وهو بيقولي...
الوووه
وكنت هرد عشان اشوف هو عايز ايه؟
لكن..
في اللحظة دي
لقيت بياضة بتشد الموبيل من ايدي
وبتقولي..
من النهاردة مترديش علي موبيلك
فسالتها
وقلت...ليه؟
ردت بياضة موضحة
وقالت
لان حمزة سالني
وقالي ليه مش بتردي ع الموبيل بتاعك؟
فا قلتلة ان موبيلي ضاع وجيبت خط جديد ...
وبالرغم من اني اعطيتة الرقم الجديد
مش عارفة ليه هو بيتصل تاني بالموبيل بتاعك؟
وقبل ما ارد علي بياضة
اخدت بياضة الموبيل مني.. ونزعت منه الخط بتاعي
وجابتلي خط قديم خاص بيها
وحرجت عليا اني اشغل الخط القديم تاني
ومش بس كده
لا ...دي اقترحت عليا اننا نتخلص من الخط بتاعي نهائي
لكن انا اخدت من ايديها الخط بتاعي ...
وتركتها وخرجت من الغرفة
وبالرغم من اعتراضي علي تحكماتهم فيا...
الا اني فعلا مرجعتش الخط بتاعي للموبيل تاني
واحتفظت بالخط بعيد عن الموبيل
وبقيت احاول انسي حمزة باي طريقة
لكن النسيان مكنش سهل عليا
وكنت كل يوم بفضل اعبط
لغاية ما اروح في النوم
والغريبة ان امي الله يرحمها كانت حاسة بيا
وكتير جاتني في المنام تطبطب عليا
وتقولي متزعليش يا سمارة
وفي ليلة
سمعت زوجة بابا
وهي بتقول ..
ان والدة حمزة جاية عشان تحدد موعد الخطوبة ...
وكتب الكتاب
فا اتصدمت من الخبر
ولبست هدومي... وخرجت اجري في الشوارع
وبالرغم من ان المطرة كانت بتمطر....
الا اني فضلت اجري و المية نازلة عليا
لغاية ما وصلت لحديقة. . اومشتل للورد
ومن تعبي قعدت علي الكرسي الحجري الي في الجنينة
وحطيت اييدي علي وجهي وقعدت اعيط
وفي اللحظة دي
حسيت بايد بتطبطب عليا
فا رفعت راسي
عشان اشوف مين الي جنبي
لقيتة واحدة ست عجوزة ظهرها محني ..
لكن... الست العجوزة دي لونها ابيض ناصع
بطريقة ملفتة للنظر
فسالتها
انتي مين؟
قالت...انا جدتك (شمعة)
ولقيتها بتسالني
وبتقولي..
مالك يا بنتي؟
فيكي ايه؟
فا بصيتلها
وقلت...
عايزة اموت
قالت.. ليه؟
قلت...
عشان لوني اسود
والناس مش بتحب حد لونة اسود
وسالتها وانا في حالة ياس
وقلت..
ليه الناس بيحاسبوني عشان لوني اسود ؟
انا معملتش لوني ولا اخترتة؟
قالت
... استغفري الله يا بنتي
ومتقوليش كده؟
قلت.. الناس كلها بتحب اللون الابيض
عشان جميل
ليه انا متولدتش لوني ابيض؟
رد ت العجوز
وقالت...
مين الي قال ان البياض بيعني الجمال؟
ما الكفن لونة ابيض
هل ده معناه انه حلو؟
وبعدين مين قالك ان اللون الاسود مش حلو؟
انتي ناسية ان الكعبة اجمل شيئ في الدنيا
ولونها اسود؟
والنني بتاع عينينا
اغلي شيئ في الوجود
و (لونه اسود )
قلت...مليش دعوة بالكلام ده
انا حياتي كلها متحطمة بسبب لوني
اشمعني بياضة ؟
فسالتني
مين بياضة؟
قلت..
اختي التؤام
ردت العجوز
وهي بتجلس علي الارض علي النجيلة
وقالتلي...
طيب اسمعي
ما تحكيلي حكايتك
يمكن اقدر اساعدك
قلت...هتساعديني ازاي؟
قالت...
انا عندي سري الصغنن
الي بيحقق كل الاحلام
استغربت من كلام العجوز
وسالتها
قلت...
يعني ممكن
في يوم وليلة لوني يتغير وابقي بيضاء؟
قالتلي...طبعا ممكن
في اللحظة دي
قعدت جنبها علي الارض
وسردتلها كل حكايتي
وبعد ما سمعتتي
قالتلي..
اييييييه يا بنتي ومين في الدنيا عاجبة حالة؟
يعني انا مثلا
بيضة اوي زي منتي شايفة ومش عاجبني لوني
وسالتني العجوز
وقالت
تحبي تبادليني؟
قلت...
ابادلك ازاي؟
قالت...(تاخدي لوني وحتة من رزقي)
(واخد لونك وحتة من رزقك)
قلت.. ايه الي انتي بتقولية ده يا حاجة؟
انا مش عايزة اخد من رزق حد
قالت...طيب خلاص
سيبك من الرزق دلوقتي
ونبدء في تبديل الالوان
وبعدين ادام
نبقي نبدل الارزاق
وسالتني
وقالت..
ها تحبي تبادلي لونك بلوني
دلوقتي؟
ولا بعد الشمس ما تطلع؟
بصيت للست العجوزة
وقلت بيني وبين نفسي
واضح انها ست كبيرة ..
واصابها داء الهذيان ...
وبتخرف
والاحسن اني اخدها علي اد عقلها
فا قلتلها...
فعلا انتي بيضة
ولونك جميل
وانا كنت اتمني يكون لوني زي لونك
قالت..
يعني موافقة علي التبديل؟
ابتسمت
وقلت مازحة
..موافقة
فا اتفاجئت ( بشمعة )
وهي بتضع ايديها علي عيني
وتمتمت ببعض الكلمات الغير مفهومة
وبعدها شالت ايديها
وقالتلي...
احنا دلوقتي
اتبادلنا الالوان
ولما يحصل المراد
هنتبادل الارزاق
ابتسمت وانا بفرك في عيني
بعد ما شيلت ايديها من علي وجهي
وقلتلها..
والله ضحكتيني يا حاجة شمعة
بالرغم من كل الهموم الي عندي
ومديت ايدي عشان اودعها
لكن....
لما رفعت عيني عشان ابصلها...
اتفاجئت بشيئ لا يمكن حد يتوقعة......
لو عايز باقي احداث الرواية
صلي علي رسول الله
يتبع
تكملة الروايه من هنا هنا
تعليقات
إرسال تعليق