 |
شكرا على التفاعل القمر❤️ البارت الرابع
أكرم (والد نغم) بغضب : بقا انتى حامل من أحمد يانغم كسرتى عينى قدام الناس منك لله يا بنتى
نغم اتصدمت من كلامه وازاى هو عرف
نغم بدموع : يابابا افهمنى بس
أكرم قعد على الكرسى بتعب : افهم ايه بس مش كان زمان لو صونتى نفسك كان أحمد اتجوزك مهربش زى ماعمل
نغم بصراخ : انا مش حامل ومعرفش ازاى هما بيقولوا كده أحمد معملش معايا حاجه والله مافاكره حاجه
أكرم مردش عليها وفجأه وقع فى الأرض ونغم صرخت وبعد وقت الإسعاف جت أخدته ونغم راحت معاه ووالدتها عرفت وراحت وراهم
رباب (والدتها)بدموع : الله يسامحك يانغم دى أخرة ثقتنا فيكي
نغم مسكت ايد والدتها بلهفه : ماما انتى اكيد مش هتصدقى عليا كده ياماما حرام عليكي متظلمنيش انتى كمان
رباب بعدت عنها بجمود وقالت : انا بقول ال انا شيفاه وسمعاه اتنين دكاتره قالوا كده وانتى لسه بتكدبى طب لما هو غلط معاكي مقولتيش ليه من الأول بدل مانتي عامله فيها ملتزمه بضوابط الخطوبه اووى كده ياختى
نغم اتصدمت من كلام والدتها واتقهرت على حالها وقالت بصوت ضعيف : شكرا ياماما شكرا
الدكتور خرج وقال : المريض اتعرض لصدمه ياريت تحاولوا تبعدوا عنه أي ضغوطات نفسيه عن أذنكم
الدكتور مشي ورباب لسه هتدخل وقفها صوت بنتها
نغم بدموع : هتيجوا فى يوم تندموا فى وقت مش هينفع فيه الندم
قالت اخر كلامها وخرجت تجرى من المستشفى ورباب دخلت لجوزها
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
نغم وصلت الشقه دخلت ولقت محمود واقف يبصلها بغضب
محمود بغضب : الهانم كانت فين
نغم بتنهيده : هتفرق معاك
محمود بعصبيه : ماتنطقى كنتى فين ولا كنتى بتقابليه مثلا
نغم بعصبيه وقد فاض بها الكيل : كنت مع مين ها انتوا مصدقين نفسكم لاء بجد مصدقين نفسكم ازاى انا واحده كنت عايشه فترة خطوبتى فى أمان فجأه كده عريسى يهرب وفجأه اتجوز اخوه وفجأه اكون حامل هو أنا فى مسلسل حامل ازاى وانا واثقه أن محدش لمسنى انا واحمد كانت علاقتنا كويسه ومتفاهمه وهو كان بيحبنى معرفش ايه ال غيره معرفش اهلى وغضبوا عليا وانت ومش مصدقنى ايه انتوا معندكوش احساس انا بكر"هكم كلكم بكر"هكم
واترمت على الأرض وهى منهاره من العياط محمود قلبه وجعه عليها قرب منها على الأرض ولسه هيحضنها زقته
نغم بقوه : انت نسيت ان جوازنا باطل ولا ايه زي ماحضراتكم بتقولوا حامل يبقا خلاص كل ال بينا فى الهوا
محمود بهدوء : نغم أهدى انا عارف انك مضغوطه صدقيني انا مش هضغط عليكي اكتر من كده ولو عايزه نبدأ حياتنا كويسين وبعد ماتولدى يكون جواز شرعى يبقا خلاص موافق
نغم بدموع : محتاجه اكون لوحدى شويه
محمود : بس
قاطعته نغم بدموع : معلش سيبنى لوحدى
محمود قام وقف وخرج من المكان بأكمله وهى فضلت تعيط بحرقة
أحمد : مالك يانغم
نغم بزعل : مفيش
أحمد : لاء طبعا في هو أنا مش عارفك زعلانه من ايه
نغم : مشاكل مابينى وبين أهلى
أحمد بمشاكسه : خلاص هانت يابنتى وهنتجوز وهبعدك عن العالم كله
نغم بضحك : كله كله
أحمد بضحك : كله كله
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
نغم تاني يوم قامت لبست وخرجت وقررت تروح لدكتوره لوحدها تاني عشان تتأكد لأنها شكت أن محمود بيتفق مع الدكاتره
(ملحوظه يابنات انا كنت بكتب أن نغم بتروح لدكتور لاء هي بتروح لدكتوره وده طبعا ال مفروض كلنا نعمله الدكتوره افضل من الدكتور ولو وقفت خلاص هنضطر لدكتور تمام)
وصلت عند الدكتوره وكشفت عندها
نغم بقلق : ها يادكتوره طمنينى
الدكتوره بابتسامه : انتي حامل يامدام نغم فى الشهر التانى
نغم كانت دموعها هتنزل بس حاولت تبان قويه : تمام يادكتوره شكرا
الدكتوره بشك : انتى مش فرحانه
نغم بابتسامه مزيفه : لاء طبعا فرحانه عن أذنك
خرجت نغم وهى هتتجنن كل الدكاتره بيأكدوا أن هى حامل حاولت تفتكر اي حاجه بينها وبين أحمد بس كان عقلها واقف عن التفكير روحت البيت ودخلت جهزت اكل ورتبت البيت وكل حاجه وبعد وقت محمود وصل
محمود باستغراب : ايه ده انتي ال عامله كل ده
نغم بابتسامه : ايوه
محمود بعدم فهم : وايه ال غير الحال
نغم بهدوء : ال حصل يامحمود لغبط كل حاجه فى حياتى ودلوقتى انا بقيت فى أمر واقع ياريت توافق أن احنا نكون اصدقاء وقت مؤقت لحد ما نشوف الموضوع هيخلص علي ايه
محمود بابتسامه : وانا موافق بس وجودى هنا ميصحش
نغم بتنهيده : للأسف وعدم وجودك ميصحش برضوا الناس عارفه ان فرحنا كان أول أمبارح ومينفعش انت تسيب البيت احنا هنعيش كل واحد فى اوضه لحد لما الناس تنسى وبعدين هنشوف حل
محمود بتنهيده : وانا موافق
نغم بابتسامه : يلا نتغدا
محمود بابتسامه : يلا
(غلبتونى ياولاد🙂)
#هاجر العفيفى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
المجهول : هى خلاص رضيت بالأمر الواقع يبقى هو ملوش لازمه لازم يتقتل
المجهول الأخر : معندناش أوامر بكده
المجهول بغضب : وانا قولت يتق"تل مفهوووم
يتبع
توقعاتكم❤️
#حمل خطأ
بقلمى هاجر العفيفى
دمتم في حفظ الرحمن💙
تكملة الروايه من هنا
تعليقات
إرسال تعليق