 |
جحيم القصر
البارت الثالث
استيقظوا في صباح اليوم التالي ولم يجد باسل سالي في الغرفة فبدأ ينده عليها
باسل :سااالي انتي فين يا حبيبتي ولكنه وجد سالي تدخل الغرفة وهي تحمل في يديها صنية بها كل ما لذ وطاب لطعام الفطور
باسل بابتسامة :ده ايه الدلع ده كله يا حبيبتي
سالي بدلع وطفولة :اي بدلع جوزي وحبيبي ان مدلعتكش انت هدلع مين يا روحي
باسل بهيام :ربنا يخليكي ليا يا حبيبتي ويقدرني واعوضك عن كل حاجه وحشه شوفتيها في حياتك
سالي :وجودك جنبي هو اكبر عرض ليا
باسل :انتي ازاي حلوه كده
سالي :علشان بحبك
باسل :ماتبجي اقولك حاجه وغمز لها
سالي :حاولت ان تغير مجرى الكلام فقالت له تعالي نفطر علشان انا عايزه نعمل شوبينج النهاردة وناكل ايسكريم ونتبسط
باسل :بس كده يا قلبي احلي شوبينج واحلي ايسكريم لاحلي واحدة في العالم
انهوا فطورهم وذهبوا الي المول تسوقوا واكلوا وانبسطوا جدا
مر اسبوع علي هذا الحال وهما يعيشان في سعادة بالغة ويقتربون من بعض كل يوم عن اليوم اللي قبله وباسل قد تعلق بها جدا واصبح لا يقدر علي الابتعاد عنها وقد تغير واصبح لا يشرب ولا يغازل اي بنت
سالي :حبيبي
باسل :عيون حبيبك
سالي :اي رأيك نعمل شهر عسل
باسل :الله بقي علي الافكار الجامدة
سالي :يعني هنعمل
باسل:ياحبيبتي انتي تؤمري
سالي :طب نروح فين
باسل :شاوري انتي بس علي المكان
سالي :انا من زمان نفسي ازور روسيا حلم حياتي اني ازورها
باسل :بس كده روسيا نحجز يا قلبي ونقضي اجمل شهر عسل في روسيا يا قلبي
سالي وقد احتضنته:انا بحبك اوي
باسل وقد اشتد علي احتضانها :مش اكتر مني يا روحي
حجزوا التذاكر علي مساء اليوم التالي الساعة الثامنة مساءً
في صباح يوم السفر
سالي :باسل حبيبي يلا اصحي عايزين نجهز علشان السفر
باسل ومازال مغمض العينين لسه الطيارة ٨بلليل يا حبيبتي
سالي :يوه قوم بقي يا باسل
باسل :شدها لحضنه طب تعالي ننام ونصحي كمان ساعة
سالي :لا انا عايزه اروح المول
باسل وقد استيقظ:ليه
سالي وقد وضعت يديها حوالين عنقه قائلة مش هينفع تعرف ايه دلوقتي لان انا محضره مفاجئة لحبيبي
باسل بفرحه:تصدقي انا عمر ما حد عملي مفاجئة
سالي :انا في حياتك وحياتك كلها هتبقي عبارة عن مفاجئات
باسل :طيب يا حبيبتي بس خدي معاكي السواق
سالي :اه علشان يقولك علي المفاجئة بتاعتي
باسل :مانا هخاف علي حبيبي يطلع لوحده
سالي :عيب ده انا مرات باسل الجارحي محدش يقدر انه يبصلي حتي
باسل احب ثقتها فيه:ثبتيني بكلامك يابنت الايه
سالي :طب يلا بقي علشان متأخرش
باسل :خدي الفيزا بتاعتي ولو هتحتاجي كاش افتحي الخزنة وخدي اللي انتي عايزاه
سالي :ماشي يا حبيبي
بدلت سالي ثيابها واخذت شنطة ثيابها وشنطة باسل ايضا
باسل :اي يا حبيبتي واخده الشنط ليه معاكي
سالي :قولت انزلهم معايا في طريقي
باسل :تقال عليكي يا حبي وبعدين يلا علشان متتأخريش علي مشوارك
سالي :حاضر يا حبيبي
انتظرت سالي حتي دخل الحمام ليأخد دش واخذت شنطتها سريعًا ثم نزلت للاسفل
وضعت سالي الشنطة بجوار الباب حتي لا يراها الحراس ثم طلبت من احد الحراس ان يحضر لها تاكسي
ومثلت العطش امام الحارس الاخر وطلبت منه ان يحضر لها كوب ماء وعندما ذهب الي المطبخ اخدت شنطتها وذهبت الي المخرج الخلفي للقصر كانت تنتظرها سيارة وضعت حقيبتها ثم طلبت منه ان يأخذها الي المطار….
اي توقعاتكم للاحداث القادمة
اتمني البارت يعجبكم ♥️
بقلم الكاتبة هدير أحمد ♥️
تكملة الروايه من هنا هنا
تعليقات
إرسال تعليق