مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

# فارس# حلامي 

الحلقه الثانيه

#رانيا #محمود 

وفي اليوم ده خبط على اوضتها ولما مافاتختش فتح الباب وأول حاجه عاملها بص تحت السرير وفعلا لاقاها كانت هتموت من العيط وكانت لمه نفسها في وضع الجنين كان خايف عليها لدرجه كبيره وأول مره يفكر يحضنها وفعلا حضنها وهي دفنت رأسها جواه وفضلوا كتير لحد ما هديت ونامت ولما الفجر اذن قام وحاول يقومها علشان تكمل نومها على السرير وقفل الأوضه عليه ومامته شافته ولأنها عارفه مدى حب فارس لساندي كانت مبسوطه ودعت ربنا أنها تكون أم عياله 

ف الصباح :_

سميره :_فارس حبيبي اطلع صحي ساندي 

فارس :_حاضر هحاول معاها أنها تنزل وتفطر

في غرفه ساندي -: 

فارس -: افتحي يا ساندي ماينفعش اللي انتي بتعمليه في نفسك ده حرام عليكي ..مش انك تمنعي نفسك عن  الأكل ولا حتي الحياه هترجع اللي راح ..انتي بس بتأذي نفسك مش اكتر ..( واتنهد بحزن واتكلم بصوت غير مسموع )وبتأذيني كمان يا حبيبتي 

قعد ورا الباب وقالها -: فاكره يا ساندي اليوم اللي بابا اتوفى  حسيت ان كل حاجه راحت والدنيا اتهدت فوق دماغي وبصيت علي اخواتي البنات و ماما لاقيتهم لاحول لهم ولا قوه. تاني يوم في العزا قررت انه هيكون اخر يوم للحزن واني لازم اعدي الصعب و اتمسك بالحياه حتي لو الحياه ماتمسكتش بيا ..ارجوكي تحطي الكلمتين دول في رأسك كويس اوي علشان مافيش حد بيموت من الحزن لكن بيموت من القهر و الضياع ..خالي الله يرحمه مات لما خلا القهر يتملكه وقرر يسيب نفسه للضياع ..كان ممكن يقف و يقام و ذي ما بني نفسه في الاول يقف و يبني نفسه تاني و يجري ورا حقه بس هو للأسف استسلم ارجوكي يا ساندي ماتستسلميش ..ارجوكي 

لكن ساندي كانت بتسمع وبس بتعيط وبس منهاااره وبس 

سميره بتبص علي ابنها اللي نازل لوحده من غير ساندي وشافت الوجع و الحزن علي وش ابنها بس للأسف مافيش في ايديها حاجه تعملها 

سلمي :_خير يا ابيه فارس نزلت لوحدك ليه

فارس :_مش راضيه حت ترد عليا.. انا شايف نسبها وهي لما تجوع هتنزل

 سابوها براحتها  ولما الليل جه حاولوا كلهم معاها تاني لأنها ماكلتش بقالها يومين لكن  بردوا مافيش فايده.... 

تقريبا  نص الليل خبط فارس وبعدين قرر انه يفتح الباب بس  مالقاهاش في الاوضه و بص تحت السرير كانت موجوده اخد نفس طويل ونده عليها

فارس :_....اطلعي يا ساندي كفايه اللي بتعمليه في نفسك 

لكن  هي ما رديتش جرب كذا مره بدون استجابه فكان منه إلا أنه شدها من تحت السرير وهي صرخت جامد بصلها وعنيها كلها دموع وورمه اوى من كتر البكاء 

فارس كان هيموت ويحضنها بس تماسك لأن مش وقته ده وقت االصدمه لازم تفوق 

فارس بصوت عالي وماسكها من كتافها:_ فوقي بقى لازم ترجعي لنفسك ما ينفعش الضعف ده خلاص ابوكي وأمك ماتوا هتعملي ايه هتموتي نفسك وراهم .الدنيا لازم تستمر ولو فضلتي كده مش هتغيري حاجه الحياه مش بتقف عند حد ولا علشان حد ...(.طبعا صوته عالي خلا الكل يجري ويشوف فيه ايه مامته زعقتله بس هو ولا كان سامع أو شايف حد غير ساندي وفضل يزعق فيها وهي بتبصله باستغراب و فاجاه ضربها قلم من شدته وقعت على الأرض والدم نزل من جانب شفايفها راحتلها سميره واخدتها في حضنها أما فارس فضل ثابت وهو بيكرر جمله واحده

فارس -:( الدنيا عمرها ما هتبطل تديكي بالقلم طول ما انتي هتفضلي مستسلمه يا تفوقي يا تموتي ورا أهلك بالحيا)

وسبهم ومشى وسط زهول الكل 

سميرة عارفه أنه بيعمل الصح بس استغربت من التوقيت  

سلمى كانت مبسوطة لأنها عارفه ان فارس بيحب ساندي واللي حصل ده خلاها تحس انه بطل يحب ساندي لأنها طفله مدلعه بس هي ماتعرفش أن ده قمه الحب لأنه هيموت وخايف على حبيبته

 تاني يومي ساندي ما نزلتش فارس فعلا مش عارف يعمل ايه كان  طول اليوم في المزرعة و حاول يشغل باله ونفسه عن التفكير لكن مافيش فايده ...باليل بيبص على البلكونه شاف نور الاوضه مفتوح عرف أنها صاحيه 

راح المطبخ عمل أكل وجابه على صنيه وحطه قدام بابها وخبط وقالها

فارس:_ الأكل قدام الباب ارجوكي كلي( وسابها ودخل اوضته اللي هي قدام اوضتها وفعلا بعد شويه فتحت واخدت الصنيه وهو شافعها وكان مبسوط لأن حبيبته اخيرا هتاكل

تاني يوم الكل قاعد بيفطر فاجأه دخلت ساندي لبسه جينز اسود وتي شيرت اسود وربطه شعرها على ورا بشكل ديل حصان وصبحت على الكل بس مابصطش لحد كانت بتبص في الأرض وواضح على شكلها أنها مقرره حاجه وده اللي شافه فارس في عنيها 

سميره -: تعالى يا حبيبتي اقعدي جنبي ..دا انا عمله بيض بالبسطرمه هيعجبك اوى ..انتي دايما بتحبي تاكليه من ايدي

نيره -: اتفضلي يا ساسو الفطيره ده طعمه يجنن 

سلمي بغيظ -: ما تسبوها على راحتها يا جماعه هي حره تاكل او ماتكلش

فريده -: ايه اللي نسبها علي راحتها دا احنا ماصدقنا أنها نورتنا و خرجت من عزلتها 

ساندي -: خلاص يا جماعه مافيش داعي لكل ده انا اساسا ماليش نفس للأكل..انا بس هشرب نعناع من اللي بتعمله عمتو سميره بيدهي الأعصاب 

سميرة -: و ماله يا حبيبتي اتفضلي ..المهم انك نزلتي من اوضتك وقعدتي معانا ووحده وحده الأمور هترجع لطبيعتها

ساندي بحزن -: مافيش حاجه بترجع تأتى يا عمتو 

فريده -: لا اله إلا الله وحدى الله يا ساسو بلاش تشائم 

سميرة طبطبت علي ساندي و حضنتها وبتملس على شعرها وقالت -: ماتقلقيش يا بنتي سيبي ارمي وجعك و حزنك علي الله وهو قادر يداوي جروحك 

كان الحوار يدرو بين الجميع وفارس في حاله صمت وحزن علي ساندي لايعرف ماذا عليه أن يفعل ليعيد اليها ضحكتها و سعادتها وكيف سيواجه القادم مع هذه الطفله المدللة الحزينه 

بعد الفطار كانت  هتقوم لكن فارس 

فارس -: استني يا ساندي لو سمحتي عاوزك انتى وماما وانتي كمان يا خالتو تعالوا نشرب القهوه في المكتب 

ساندي -: ليه يا فارس و اشمعنا احنا بس 

فارس -: ماتستعجليش ....عاليا اطلبنا القهوه 

عاليا -: حاضر يا ابيه 

 اجتمعوا الاربعه في المكتب وكان سؤال فارس موجه لساندي

فارس .:_..ناويه على ايه يا ساندي 

ساندي :_....كويس انك اتكلمت انا كنت اساسا عاوزه اتكلم معاكم انا عارفه ان بابا كاتب لي 5فدادين باسمي انا وبصراحه عاوزه ابعهم دلوقتي 

سميره .:_..ليه يا بنتي 

ساندي ...علشان عاوزه معايا فلوس وأنا مسافره أمريكا 

فريذه.:_...أمريكا ليه يا حبيبتي ليه الغربه خاليكي معانا يا بنتي احنا أهلك 

ساندي وبعصبيه:_ .....لا مش أهلي انا اساسا ماليش علاقه بيكم دي مجرد علاقه سطحيه وبس 

فريده لسه هتتكلم بعصبيه هي كمان بس سميره بحكمتها وقفت الكلام وقامت اخدت ساندي في حضنها 

وقالتلها:- حبيبتي احنا أهلك وبنحبك واللي أنت عاوزاه هنعملهولك انا بحبك يا ساندي صدقيني وكنت اتمنى علاقتنا بيكي ماتكونش سطحيه زي ما انتي بتقولي  ..(.بصوت مليان حب وحنان صادق من أم) والله يا بنتي انت غاليه علينا اوى

 (و حضنتها ساندي حست بدفئ مشاعر الأمومه وبكت في حضن عمتها

 قامت ساندي من مكانها و  مسحت دموعها:- انا عاوزه اسافر انا دراستي تخليني اشتغل في شركات كثيره أحسن من مصر كمان ٠٠من فضلكم  سبوني اشوف مستقبلي انا عاوزه فلوس علشان ثمن تذكره السفر وكمان اعرف اعيش  هناك عقبال ما الاقي شغل لأن اكيد مش هيكون فيه شغل متاح من اول يوم ليا 

فريده .:_...طيب فكري تاني 

ولسه هتنفعل ساندي لكن مره ثانيه فارس وقف وخبط بايده على المكتب وقال -:  كفايه بقى (الكل بص باستغراب) 

فارس :_مافيش بيع أرض 

ولسه هتتكلم ساندي و سميره و فريده مستغربين طريقه فارس و عصبيته

فارس مقاطعا:_ لأن الأرض مديونه وحالتها زفت كمان  وأمي عارفه ده..هوفر عليكي يا ساندي  وهقول الحكايه من الأول ...عمي بعد اللي حصله باع محصول العنب وهو لسه في الأرض يعني قبل الزرعه ما تطرح لأنه كان محتاج فلوس علشان علاجه في الفتره الاخيره ولأنه مش عاوز يبع الأرض علشانك يا ساندي..... ولازم قبل ما تبيعي الأرض الاول  لازم نجمع المحصول ونديه لصاحبه علشان فيه عقود والأرض ما تروحش دي المشكله الاولانيه 

ساندي :_وهو فيه حاجه تاني 

فارس .-:..أيوه للاسف الأرض... مش هنقدر نطلع محصول من أرضك  لأن الصرف الزراعي مبهدل الأرض وللأسف الشجر ابتدأ يموت ...على فكره دي مش مشكله أرضك بس احنا كمان مزرعتنا و اراضي ثانيه حوالينا بتعاني من المشكله ده واحنا ابتدينا نشوف هنعمل ايه 

ساندي بتسمع وتقريبا مغيبه مش عارفه ولا فاهمه هي فعلا في حقيقه ولا ده فيلم وهيخلص والسينما تنور وهتبقي كل حاجه  كويسه... فاقت من شرودها على حضن سميره اللي حقيقي مهون عليها كتير حتى لو هي ما قالتش ده  لكن هي حساه اوى 

ساندي والدموع في عنيها :_..يعني ايه هي كل أحلامي بتتحطم ليه هو انا عملت ايه علشان يحصلي كل ده 

فارس.:-..لازم تفوقي و كمان .... 

ساندي بعصبيه :- كفايه محاضرات بقى انا  زهقت 

فارس انتبه فعلا كفايه كلام و نصايح  لازم فعل ..و فعل قوي كمان

فارس:- ....عندك حق هو لازم الفعل فيه خطه وضعتها مع عمي على وجمال وجوز خالتي البشمهندس محمد وهنقولها ليكم النهارده بالليل 

ساندي :-....خلاص بالليل لما تتجمعوا ابقواقولولي ..

وطلعت اوضتها من غير حتى ما تدي حد فرصه يكلمها 

بالليل اجتمعوا كلهم و ابتدى فارس الكلام 

فارس :_احنا خططنا هتكون قائمه على 3محاور

 اولا هنعمل كل حاجه تنفع بأرضنا علشان ننقذها

 وثانيا هانوفر على قد ما نقدر وهنبتدي بالعمال والأكل والكهرباء وكل شي ينفع نوفر فيه

 ثالثا والاهم هو أننا هننزل نشتغل بأيدينا

( سلمى اتخضت وتقريبا اعترضت بس حست بالاحراج لأنها الوحيده اللي اتكلمت أما ساندي فكانت زي الكل سامع وساكت وكان ده اذن من الجميع بالموافقه)

ساندي فقدت الشغف في الحياه و تقريبا مقومتها لأي شي بقت صفر 

فارس ماعندوش اي حل غير انه يكمل في دوره كرجل عيله مسؤل و مافيش وقت لأي رفاهية 

باقي العيله مابين رفض للواقع ورضوخ ليه بدون مقاومه اوي حتي تفكير في حلول بديله 

بس هيفضلوا كده كتيره ...لسه في الحكايه فى بدايتها 

#رانيا محمود

تكملة الروايه من هنا هنا