مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

.....#part 6

خرج الدكتور و مسك ايد مروان: البقاء لله مقدرناش ننقذ الطفل السكي"نة اخترق جسمه بس الام لحقناها الحمدلله هي انتقلت للعنايه 

اتصدموا كلهم من الكلام وان كان في طفل تاني 

مروان بذهول : هدى كانت حامل 

الدكتور : في شهر و نص تقريبا 

عيط مروان و زعل على مو"ت ابنه  

مسكت هيلين أيده : مروان الحمدلله أن هدى بخير و انتو تقدروا تجيبوا غيرو 

بصلها بحزن : لو كانت قالتلي انها حامل عمري ما كنت هسيبها 

هيلين باستغراب : تسيبها؟ انتو انفصلتوا ؟ 

مروان : قررنا نتتطلق بس ....

كمل كلام وهو حزين اكتر : بس خلاص انا عمري ما هسيبها تاني 

خده مالك في حضنه و حاول يهديه و هيلين راحت وقفت جنب أمها اللي كان وشها اصفر و تعبان من الحزن على بنتها اللي فقدت ابنها للمرة التانيه 

- امي اهم حاجه هدى أنها بخير

بصت سيده على بنتها و حضنتها و عيطت : كل ده بسببي لاني مفهمتش بناتي ولا عرفت ولادي محتاجين ايه كنت انانيه

حاولت هيلين تهون عليها : خلي اللي راح يروح احنا لسا بخير و معاكي 

سيده : انا هتطلق من احمد 

اتصدمت هيلين و بعدت عنها و بصت ل مالك : ليه ؟

سيده : كان لازم اخد الخطوة دي عشانكم من زمان 

حاولت هيلين تكلمها ولكن مالك شاورلها عشان تسكت 

اتدايقت هيلين و سابت المكان و خرجت برا 

خرج مالك وراها 

- سيبيها تقرر يا هيلين 

اسيبها تدمر حياتها ؟ ....اه فعلا عندك حق انت اصلا محبتهاش و دايما عايزها برا حياتكم لانك اناني هي فضلت معاكم و مع ابوك و انت عايزاها تسيبوا

اتعصب مالك عليها و مسكها من ايديها جامد : انا اناني ؟؟

زعقت هيلين : أيوة اناني و محبتنيش ولا حبيت اهلي 

ساب ايديها و اتكلم بحده : من هنا و رايح انتي من طريق وانا من طريق 

اتصدمت هيلين منه ولكن غمضت عينيها من الحزن و دخلت على جوا 

و مشي مالك بالعربيه و هو متعصب 

فضلت هيلين قاعدة برا مستنيه اختها تصحى و روحوا كلهم ما عدا هي و مروان اللي نام من التعب ولكن رن تليفونة فجأة 

صحي مروان و رد : الو مين ؟

- مروان انا سلوى هدى كويسة 

_ اه الحمدلله كويسة 

- طيب انت كويس اكيد مفعول الجرعة راح 

اتعصب مروان في التليفون : متتصليش عليا تاني و ارمي كل اللي عندك انا مش هشم تاني 

سلوى : انت ليه بتكلمني كده ده جزائي اني فتحتلك بيتي و خليتك تشرب الزفت ده عندي ،ده ذنبي اني احتويتك 

- متعصبينيش قولتلك انسي اني جيت عندك بقى امسحيني من راسك 

قفل مروان و لف لقى هيلين واقفة وراه : مين دي يا مروان ؟ 

- دي ...دي السكرتيرة كانت مستنياني عشان في ورق بس انا مش همشي من هنا غير و هدى معايا 

ابتسمت هيلين : ربنا يخليكم لبعض

خرجت الممرضه : تقدروا تشوفها بس بلاش كلام كتير 

فرحت هيلين و دخلت بسرعة على جوا حضنت اختها بكل طاقتها : الحمدلله انك رجعتيلي بالسلامه 

ابتسمت هدى و باست هيلين من خدها : ربنا يخليكي ليا 

مسك مروان ايديها و عيط 

حطت ايديها التانيه على رأسه : متعيطش عشان خاطري انا كويسة بس ..

هيلين : بس ايه 

- حاسه بطني بتوجعني من كل مكان وجع شديد 

هيلين : اثر السك"ينه و .....

هدى : و ايه ....

هيلين : انتي كنتي حامل و حصل اجها"ض

بصتلها هدى و حطت ايديها على بطنها : انا كنت حامل 

طيب ليه كده يوم ما قررت انهي حياتي اقتل ابني 

مروان بصدمه : تنهي حياتك ؟

هيلين : هدى انتي بتقولي ايه 

هدى بهستيريا  : انا مش عايزة اتكلم اطلعوا بره سيبوني لوحدي 

خرج مروان و هيلين 

هيلين : مروان خلي بالك منها ارجوك 

- هتروحي فين ؟

_ هرجع البيت اجيب حاجه و اجي 

خرجت هيلين من المستشفى و ركبت تاكسي لحد البيت و فتحت بالمفتاح كان مالك واقف بيبص للسما 

راحت على اوضتها و حضرت لبسها كله في شنطه و نزلت تاني  وهي شايله الشنطه بعد ما غيرت لبسها 

مالك بكل برود : على فين 

مردتش عليه و فتحت الباب

مالك : لو خرجتي من هنا تبقي طالق يا هيلين ...........

#ألجوس_الألم

#الجزء_التاني

#سميه_عامر

تكملة الروايه من هنا