 |
# **روايه صديقي المفضل الفصل الاخير**
**=زى مسمعت**
**مسك ايديا ب ايده_انا ممكن استحمل اى حاجة إلا دى تمم؟**
**=ودى الحقيقه تمم بردو؟**
**زعق_ بطلى استفزاز**
**=سيب ايدى يا احمد اه بيوجعنى**
**سابنى_ لازم تسمعى الحقيقه واسكتى مسمعش صوتك**
**=بس...**
**_ممكن تسكتى معلش! وهطلقك لو عاوزة بس بعد متسمعى الحقيقه، انا كنت عارف ان اخويا هيهرب مع امل، جه وقالى يوم الفرح انه بيحبها، ومش عارف يعمل اى وفي نفس الوقت مش عاوز يجرحك ويسيبك في الموقف دا، قولتله ياخدها ويهربوا عشان، عشان بحبك وعمرى محبيت غيرك، من زمان اوى يمريم من ايام الشغل والفطار سوا، من يوم مخليتك أغلى حد في حياتى، كنت كل يوم بشوفك مع محمود كنت بتوجع، ولما يزعلك واصالحك واشوفك مبسوطة بعدها، كنت بقول مش عاوزها غير مبسوطة حتى لو بعيدة عنى، كنت كل شويه اسمع منك كلمة صحاب معرفتش معناها فعلا غير لما ألاقيكى واقفه في ضهرى في كل مرة أقع فيها، كنتى تيجى تهزرى وتخرجينى من الى انا فيه، انا بحبك يمريم واحسن يوم فحياتى يوم متجوزتك، وبالنسبه الرهان، كنت قايل ل محمود انك اكيد هتحبينى بالعشرة وهو قال قلب مريم مش بيحب بسهولة، فقولتله انك حبتينى عشان هو حاسس بالذنب هو وأمل، انا اسف لو جرحتك او كنت السبب في وجع او ان دمعة منك تنزل، دموعك غاليه اوى والله**
**كنت بعيط وانا سامعة الكلام ومش عارفه ارد اقول اي**
**ضحك ومسح دموعه إلى نزلت_ بس مش هنسالك القلم عشان كان صعب**
**ضحكت =عشان تحرم بقي**
**_طول عمرك ايدك سابقه لسانك، وبطنك سابقه عقلك**
**=انا جعانة يا احمد**
**_افندم!!!**
**=انا فعلا جعانة والله**
**الأطباء في ذهول! حيلة بسيطة لتخسيس 11.5 كجم في أسبوعين بأمان**
**الأطباء في ذهول! حيلة بسيطة لتخسيس 11.5 كجم في أسبوعين بأمان**
**_طب والموقف الحزين إلى حصل من شويه**
**=ألاه منا بتألم والله ، ناكل بس ونعيط جامد اوى**
**_بردو!**
**ضحكت ودخلت المطبخ وعملت اكل وطلعت وكلنا سوا، لازم نسامح إلى بيحب بجد بيسامح يجماعة، مضيعوش عمركم في الزعل هى حياة واحدة، كله يسامح إلى جرحه الحياة ابسط من كده صدقونى والله، استنوا كده حاسه انى حكيمة سيكا**
**_مريم**
**=ها**
**_عاوزك تسامحى محمود وأمل عمرك مهتلاقي حد بيحبك كده**
**=مسمحاهم، تدرى ليش؟**
**_عشان قلبك مفيش منه والله**
**=لاء عشان عليهم عشرين ج هموت وأخدهم**
**_قومى من قدامى**
**=مش انت الى بتسأل**
**_انا غلطان انى عبترك وجبتلك هديه والله**
**=اى دا بجد، بتصالحنى بشياكة يعنى، يلا هات**
**_حضن الأول**
**=مش طيقاك لاء**
**_خلاص مفيش**
**=دا انت رخم**
**حضنته وبعدت_هات**
**=دا ملوش طعم دا**
**_ابقي حطيتله ملح يظريف**
**طلع علبه من الجاكيت=خدي يلمضه**
**فتحت العلبه_الله زوقك يقرف**
**=اي!!!**
**_بهزر، جامد والله متحرمش منك**
**=حاف كده!**
**_حطلها جبنه**
**=قلشه كمان هلزقك في الحيطة أصلها مرارة واحدة**
**_..**
**=تيجى نخرج**
**_الساعة 12 يعسل**
**=يبقي نخرج يلا**
**_هغير هدومى**
**=لا كده حلو اوى يلا**
**مشينا على البحر شويه وقعدنا**
**_شوفتي البحر دا يا مريم**
**=ماله!**
**_شبهك**
**=عارف انى حلوة يبنى**
**_لا مش قصدي**
**=نعم يبا!**
**_قصدي انه مهما حزن لازم يبان بمنظره الهادى دا، مهما الموج بتاعه ارتفع بس آخره على الشط، معندوش مشكلة يسمع مشكلة اى حد، زيك بتسامح وبتحبي وبتبقي جميلة على طول، انا فعلا بحاول ألاقي زيك مش لاقي**
**=يسطا انا بحبك والله**
**_احنا عندنا كام اوضه في البيت؟**
**=3**
**_قسميهم كده**
**=اوضه ليا واوضه ليا واوضه للأطفال**
**_مش للضيوف يعني**
**=تؤتؤ أطفال**
**ضحك_انا بقول نرجع البيت تانى بقي**
تمت
تعليقات
إرسال تعليق