 |
رواية البت السودة الكودة الجزء الخامس
للكاتبة/حنان حسن
بعدما صدمتني بياضة
وقالتلي...
ان بابا راح يطلب من حمزة
انه يطلقني...
ويتجوز بياضة
فسالتها...
وقلت..
ومين قالك
ان حمزة هيوافق انه يطلقني؟ ويتجوزك؟
ردت بياضة
وقالت..
مهو في مفاجئة انتي لسة متعرفيهاش
قلت...
مفاجئة ايه؟
قالت...
انا حامل من حمزة
بصيتلها بذهول
وقلت...
انتي بتقولي ايه؟
ردت بياضة
وقالت...
انا سلمت نفسي لحمزة
بعدما اقنعني اننا في حكم المتجوزين
ومفيش قوة علي الارض
ممكن تفرق بينا
قلت..مستحيل حمزة يطلع بالاخلاق دي
قالت..
اصل حمزة مكنش يعرف انك هتعملي كل الحيل دي
عشان تفرقينا عن بعض
لكن انا حكيت لبابا
علي كل حاجة...
وهو رايح لحمزة دلوقتي
عشان يصلح الغلطة الي حصلت
في اللحظة دي
وقفت اكلم نفسي زي المجنونة
واقول...
حامل من حمزة؟
استحالة حمزة يعمل كدة؟
وفجائة
افتكرت كلام حمزة
لما قالي انه مقدرش يحب بياضة
وكمان افتكرت كلام حمزة مع بياضة
في الموبيل
لما طلب منها ياجل كتب الكتاب
عشان هو لسة مش مرتاح نفسيا ....
فا قررت اواجه حمزة
واسالة؟
ان كان كلام بياضة حقيقي؟
ولا هي بتكدب؟
فا حاولت اتصل بحمزة تاني
لكن ...برضوا موبيلة كان بيعطي مغلق
فا روحت علي المطبخ
وسالت زوجة ابويا
عن رقم والدة حمزة؟
عشان اعرف منها
ليه حمزة
قافل موبيلة؟
لكن زوجة ابويا
قالتلي
انها متعرفش رقم (ام حمزة)
لكن ...تعرف عنوانهم فقط
وفي اللحظة دي
قررت اروح لحمزة بيتة
واخدت من زوجة بابا العنوان
وبالفعل
خرجت من بيتنا
بدون ما اقول لحد انا رايحة فين
ولاول مره
كنت بخرج بدون النقاب
من يوم ما لبستة
وبعدما نزلت من البيت
وقفت اوقف تاكسي
فا وقف ادامي تاكسي ابيض
وقالي..اركبي
فا ركبت في الكرسي الخلفي
وانا بقولة....
مصر الجديدة لو سمحت
وانتظرت السواق يمشي بالعربية
لكن...
لقينة بيسالني
وبيقولي....
لية .قعدتي في الكرسي الخلفي؟
فا بصتلة باستغراب
وقلت...نعم؟
انت بتكلمني ؟
ابتسم السواق
ورجع وجه وشة لعجلة القيادة
وقالي...
خلاص اقعدي زي ما يريحك يا قلبي
فا استغربت لامر السواق الغريب الي ركبت معاه
وفضلت قاعدة قلقانة
منه
طول الطريق
والي زود قلقي
اني لقيتة بيمشي من شوارع غريبة
وبعد ما قطعنا مسافة بالسيارة
لقيتة وقف العربية ...
ونزل
وبعد لحظات
اتفاجئت بيه
بيفتح باب السيارة
وبيقولي..
..انزلي
فسالتة....
انزل فين؟
بقولك عايزة اروح مصر الجديدة
وفي اللحظة دي
لقيتة بيقولي
انزلي يا بياضة بقي متتعنيش قلبي
استغربت لما سمعتة
بيقولي بياضة
فسالتة؟
انت تعرف بياضة؟
بصلي الشاب اوي
وهو بيبتسم
وقالي..
عيب تسالي السؤال ده
لمجنون بياضة
فسالتة
وقلت ...
وايه الي بينك وبين بياضة؟
يا مجنون بياضة؟
رد الشاب
وقالي..
تعالي معايا
وانا اقولك ايه الي كان بينا؟
قلت..هنروح فين؟
ابتسم الشاب تاني
وقالي ..اسمعي يا بياضة
العربية عايزة مية
تعالي معايا ندخل نجيب شوية مية للعربية
ونتكلم جوه براحتنا
قلت..مية ايه الي عايزني ادخل اجيبها معاك من جوه؟
انت اهبل؟
رد السواق بغضب
وقالي...دلوقتي بقيت اهبل... وعبيط
بعدما ظهر حمزة بيه؟
بصيتلة بدهشة
وقلت. ..انت تعرف حمزة؟
رد السواق
وقالي...
احنا هنفضل نتكلم في الشارع كده كتير؟
لاحظي ان الناس بدات تتفرج علينا
ادخلي نتكلم جوه
وبالمرة تاخدي حاجتك الي نسيتيها هنا
المرة الي فاتت
في اللحظة دي بس
فهمت... ان السواق ده يعرف بياضة اختي
ولما شافني
افتكرني بياضة
وكان لازم اعرف
هي بياضة تعرف السواق ده منين ؟
وايه الحاجة الي هي نسيتها معاه قبل كده؟
فا خرجت من العربية
ودخلت مع السواق لشقتة
وانا عمالة اتلفت حواليا
وبمجرد ما دخلت شقتة
لقيتة قفل الباب عليا انا ...وهو
وحاول يتحرش بيا...
فا دفعتة بعيد عني
وانا بقولة
ابعد عني يا حيوان ؟
رد السواق
وقالي ....
جري ايه يا بت هي اول مرة؟
قلت ..اسمعني بس انا مش بياضة
انا اختها التؤام
رد الشاب بغضب
وقالي ...ايوه ..ايوه
اعملي فيها انك واحدة تانية
بس قديمة ..
لاني عارف ان اختك التؤام
لونها اسمر
وانتي بيضة زي القشطة
يعني جربي غيرها
قلت...ارجوك يا اخ......
انت اسمك ايه ؟
رد السواق
وقالي...بلاش تمثلي وتعملي انك مش عارفاني
لانك لو عملتي فيها فاقدة الذاكرة
هضطر اجيبلك فيديوهاتنا مع بعض
وافكرك بيا
قلت..هو انت وبياضة ليكم فيديوهات مع بعض؟
في اللحظة دي
رد عليا السواق وهو بيخرج موبيلة من جيبة
وقالي..
لا عيشي الدور براحتك بقي
بس انا هساعدك عشان تنشطي الذاكرة
وفتح السواق الموبيل بتاعة
وفضل يفرجني
علي هوايل
بينة وبين بياضة اختي
فا صرخت بعدما ما شوفت القذارة
الي في الفيديوا
وقلتلة
خلاص اقفل البتاع ده
فا بصلي
وقالي...
اظن كدة افتكرتيني ؟
قلتلة..
ارجوك امسح الفيديوهات دي من علي الموبيل
رد السواق
وقالي..
منا لو مسحتها من الموبيل هجيبها تاني من علي الهارد بتاع الكمبيوتر
وشاور بايدة علي الكمبيوتر بتاعة الي في الصالة
وكمل تهديدة
وقال..
يعني لو مرجعتيش لعقلك ..
هنشر الفيديوهات دي كلها علي النت
قلت..استني بس يا مزاج نتفاهم ارجوك ....
وقبل ما اكمل كلامي
لقيتة قرب مني وطلع من جيبة مطوة
(سلاح)
وقالي..
انتي هتبطلي تمثيل ولا...
فا قلت...لالا خلاص ماشي
موافقة انفذ كل الي انت عايزة
فا ابتسم مزاج
وقالي...ايوه كده
هي دي بياضة حبيبتي العاقلة
فكي كده علي ما ادخل اظبط القعدة
وتعالي نرجع ايامنا الخوالي
ولمحتة بيحط المطوة علي التربيزة
فا انتظرت لغاية ما اداني ظهرة
واخدت المطوة
ووجهتها لظهره
وانا بقول...
انا عايزة اخرج من هنا
حالا
والا...هقتلك
وكنت فاكرة ان مزاج هيخاف من المطوة الي في ظهرة
وهيسيبني امشي
لكن الي حصل..
اني لقيت مزاج
التفت ليا بسرعة
وحاول يهجم عليا وياخد المطوة مني
ومعرفش ازاي وانا بحاول ادافع عن نفسي
المطوة دخلت لصدرة
ومستوعبتش الي حصل
غير لما شوفت مزاج بيسقط علي الارض... جثة هامدة
وفي اللحظة دي
انا كنت هطلع اجري... واهرب من الشقة
قبل ما حد يعرف اني قتلت مزاج
.لكن ....
هدومي وايدي كانت مليانة دم
ومكنش ينفع امشي في الشارع كده
فا فدخلت ادور علي الحمام
ولما وصلتلة..
غسلت ايدي ..
لكن التيشرت بتاعي لسة كان عليه الدم..
فالفت نظري وجود جاكيت علي الكرسي
الي في الصالة
فا لبست الجاكيت
عشان اخفي الدم الي علي التيشرت
وكنت هخرج من الشقة
لكن..
افتكرت الفيدوهات الي علي الموبيل ...والكمبيوتر
فا اخدت الموبيل بتاع مزاج..
وحاولت افتح الكمبيوتر
كمان
عشان امسح الفيديوهات
لكن الكمييوتر كان مقفول بباسورد
فكان الحل اني اخد الهارد معايا
وعشان مكنش فيه وقت
اني افصل الهارد
من الكيسة بتاعة الكمبيوتر
فا اضطريت اني اخد معايا الكيسة كلها
وخرجت بسرعة من الشقة
بال الكيسة والموبيل
ونزلت اجري علي السلالم ..
ولما خرجت للشارع
فضلت ادور علي اي تاكسي
لكن ملقتش اي وسيلة مواصلات
وفضلت ماشية بالكيسة
لغاية وصلت لطريق عمومي
واخيرا قدرت احصل علي تاكسي
المهم ...
بعدما وصلت للبيت
دخلت بسرعة علي الحمام...
وغيرت هدومي
واخدت شاور
وبعدما خلصت
روحت علي المطبخ
وجيبت كيس زبالة كبير
و حطيت فيه...
هدومي الي كانت غرقانة دم...
والجاكيت بتاع مزاج
وخبيتهم في دولابي الخاص
وكنت هخبي الكيسة والموبيل
معاهم
لكن...
قبل ما ادخل الكيسة للدولاب
اتفاجئت ببياضة جاية عليا
وبتسالني
وبتقولي..انتي كنتي فين؟
بابا سال عليكي
ولما اتاخرتي
قال انه هيطين عيشتك
قلت..
وليه كل ده؟
قالت
انتي ناسية ان حمزة طفش بسببك؟
فسالتها..
قلت..هو حمزة لسة مظهرش ولا فتح تليفونة؟
رد بياضة
وقالت...
البركة فيكي
منا قولتلك انه هيهرب من وشك ال.....
وقبل بياضة ما تكمل لومها وعتابها
لاحظت الشنطة والموبيل الي في ايدي
وسالتني
اية اكيسة الكمبيوتر والموبيل دول؟
قلت ...دول الي عليهم مصايبك... وفضايحك
مع مزاج
يا بياضة هانم
بصتلي بياضة بلؤم
وقالت..
مزاج مين؟
وفضايح ايه ؟
انتي بتخرفي تقولي ايه؟
قلت..لا والله؟
مش عارفة فضايح ايه؟
انا الصبح هاخد الموبيل اعملة سوفت وير
وهتعرفي فضايح ايه؟
ومش كده وبس... لا
دنا هعرف بابا حقيقتك يا سفلة
في اللحظة دي
بصتلي بياضة بتعجب
ولقيتها بتقولي
انتي باين عليكي اتجننتي ربنا يشفيكي
وبعدها تركتني بياضة...
وخرجت من الغرفة
قعدت لوحدي افتكر الي حصل
وافتكر اني بقيت متهمة في جريمة قتل...
وقلت لنفسي
واكيد هيعرفوا
اني انا الي قتلت مزاج
لاني نسيت المطوة هناك
والمطوة عليها بصماتي
وبعدما ما شيلت الكيسة
والموبيل
في الدولاب..
روحت لسريري ....وفضلت اعيط
وانا بترعش
من الخوف ...والقلق
وفضلت علي كده لغاية ما
روحت في النوم ...
وبعد فترة معرفش اد ايه
صحيت علي ايد زوجة ابويا
وهي بتقولي...
اصحي يا سمارة
في ناس عايزينك
قلت..مين الي عايزني؟
قالت..
معرفش.... اخرجي شوفيهم بنفسك
فسالتها..
قلت..هو نمت اد ايه؟
قالت...
انتي نايمة بقالك يومين
وبعدما تركتني زوجة ابويا وخرجت
لقيت نفسي بتمني ان الي حصل امبارح يكون حلم
فا جريت بسرعة علي الدولاب
عشان
اشوف الكيسة والموبيل
لكن ملقتهمش
فا روحت بسرعة علي المطبخ
ولقيت بياضة بتعمل شاي
فسالتها
وقالت..
مين اخد الكيسة والموبيل الي كانوا في الدولاب؟
بصتلي بياضة
وقالت..
انا اخدتهم واتخلصت منهم
قلت..
انتي فاكرة انك بكدة اتخلصتي من دليل ادانتك؟
لا يا حلوة
انا هقول لبابا علي كل حاجة
ردت بياضة
وقالت..
جربي تفتحي بوقك
بكلمة واحدة
وانا هقول لبابا وحمزة انها فيدوهاتك انتي
وانتي الي كنتي علي علاقة بمزاج
وطبعا بابا هيصدق
لاننا بقينا شبة بعض يا... (بيضة)
بعدما استفزتني بجرائتها... وفجرها
كنت عايزة اوقفها عند حدها
لكن..
لقيت زوجة بابا بتستعجلني
وبتقولي..
يلا يا سمارة
الناس منتظرينك
فا قلتلها حاضر
ولبست هدومي بسرعة
وروحت للصالون
..لقيت ادامي واحدة ست
لابسة عباية سودة
في انتظاري
فسالتها
قلت.. قالولي ان حضرتك عايزاني
في حاجة؟
قالت..ايوه
انا جيالك من طرف
(بعافية)
قلت..من طرف مين؟
قالت..
من طرف واحد اسمة (بعافية)
قلت ...انا معرفش حد بالاسم ده
فا ردت المراة موضحة
وقالت...
ده واحد بلطجي...
طلب مني اوصلك الرسالة دي
قلت...فيها ايه الرسالة دي
قالت...بصي
هو قالي وصلي الرسالة
وانا وصلتهالك
لكن معرفش ايه مضمون الرسالة
ولا اعرف بعافية بعتهالك ليه؟
قلت...يا سلام؟
وانتي بقي اي حد يديكي رسالة
عشان توصليها
بتاخديها منه عادي كده
من غير ما تعرفي القصة ايه؟
ردت المراة
وقالت..انا مقدرش اقول لا
ل بعافية
ده بلطجي
وقتل اتنين من صحابة قبل كده عشان سيجارة
ومدت المرة ايديها ليا بظرف
وهي بتقولي...
خدي الرسالة الله يصلح حالك
بدون اسالة
عشان بعافية مياذنيش
فا اخدت منها الظرف
وسالتها
قلت...
لا منتي لازم تفهميني
يطلع ايه بعافية ده اصلا؟
وبعدين ايه الاسم ده؟
هو في حد اسمة كده؟
رت المراة
وقالت
الناس سموه بعافية لان دماغة هي الي بعافية
وهو فعلا دماغة ضاربة
ومهزوز نفسيا
قلت...يا يلهوي
وطلعلي منين بعافية ده كمان؟
ردت المراة وهي بتستعد للمغادرة
وقالت...
معرفش ...
انا كل مهمتي اني اوصلك رسالتة
وادي الظرف معاكي اهو
سلامو عليكم
وبعدما المراة غادرت
فتحت الظرف
لقيت فيه اكتر من صورة
صورتي ....
وانا شايلة الكيسة وخارجة من بيت مزاج
وصورة تانية
للجثة وهي فيها المطوة
وصورة ثالثة ...للمطوة لوحدها
ولقيتة كاتبلي رسالة
فيها الاتي....
انا شوفتك وانتي بتقتلي ...
وبتسرقي
الكمبيوتر والموبيلات
من شقة مزاج
ومعايا الدليل
صورك...
وبصماتك الي علي المطوة
بعدما قرات الرسالة
اتصدمت..
وبطني وجعتني...
وقلبي كان هيقف من الرعب...
والقلق
وقررت اعترف لحمزة
بكل شيئ
عشان يساعدني ...
و يقولي اعمل ايه
في المصايب دي كلها؟
فا جريت بسرعة علي الموبيل
واتصلت بحمزة
لكن ...برضوا كان مازال موبيلة مغلق
فا فضلت اعيط
وانا بترعش
ومش عارفة اعمل ايه؟
وفجاءة
افتكرت العجوز شمعة
وقلت...
ان شمعة هي الوحيدة الي هتقدر تساعدني
لان الي خلاها تقدر تعمل المستحيل...
وتغير لوني
فا اكيد هيبقي عندها حل...
لكل الي انا فيه دلوقتي
وبسرعة خرجت من البيت
وروحت للجنينة
البعيدة
الي قابلت فيها شمعة قبل كده
وفي خيمة صغيرة من الخيش
لقيت شمعة قاعدة بتغني
فا قلت في نفسي
يا روقان بالك يا شمعة
وناديت عليها
وقلت.. الحقيني يا شمعة
قالت ..مالك يا سمارة؟
قلت...
انا عايزاكي تساعديني
قالت..مالك يا سمارة بتشتكي من ايه
فا جلست بجانب شمعة...
وسردتلها كل الي حصلي
فا مصمصت شمعة علي شفايفها
وقالتلي
شوف ازاي؟؟؟؟
وانا االي افتكرت ان مشكلتك اتحلت؟
وبقيتي سعيدة قي حياتك
بعدما بقي لونك ابيض؟
قلت...سعيدة دا ايه؟
دنا دلوقتي متهمة بجريمة قتل...
وجريمة سرقة...
وفي واحد معتوه بيهددني
ده غير اني مهددة بالفضيحة
الي في الفيدوهات
وكله كوم
وحمزة الي اختي بتتهمة انه ابو الجنين الي في بطنها
كوم تاني
ونفسي اسال حمزة عن حقيقة اتهام بياضة
لكن...
معرفش ليه حمزة اختفي فجاءة
بصتلي العجوز شمعة
وهي بتبتسم
وقالتلي..
يلهوي.... يا سمارة
هو كل ده حصلك
لمجرد اني بدلت معاكي رزق واحد من رزقك؟
بعدما سمعت كلام شمعة
استغربت و
سالتها
قلت...رزق ايه ؟
الي انتي بادلتية معايا؟
قالت...راحة البال
انتي متعرفيش ان راحة البال رزق؟
قلت..يعني انتي ؟؟؟
قالت..ايوه
انا اتفقت معاكي اني زي ما هبدل معاكي لوني بلونك
هبدل معاكي رزقك
وانا بدات في التبديل
و بادلتك رزق واحد بس
وهو( راحة البال)
قلت...نعم؟
بادلتيني رزق واحد بس؟
انتي عايزة تفهميني انك هتتبادلي معايا حاجة تاني؟
ردت العجوز
وقالت...
لسه باقي الارزاق الي عندك
استغربت من كلامها
وسالتها
قلتلها.... ارزاق ايه؟
انا معنديش حاجة تاني
عشان تطمعي فيها ؟
ابتسمت شمعة
وقالتلي ...
طالما معندكيش ارزاق تانية خايفة من االتبديل ليه؟
قلت...
المهم دلوقتي
انا جيالك عشان تساعديني...
علي حل مشاكلي
او علي الاقل
تقوليلي اعمل ايه؟
ردت شمعة
وقالت..
انا ست عجوزة
مقدرش اساعدك
انا كل الي بقدراعملة هو اني ابادلك
وسسبيني دلوقتي بقي
عشان
ده ميعاد نومي
وبعدما سابتني العجوز شمعة ونامت
قمت خرجت من الجنينة
وفضلت امشي في الشوارع
وانا بعيط
ومش عارفة اعمل ايه
وفجاءة
لقيت موبيلي بيرن
ولما بصيت في الموبيل
لقيتة حمزة
فا فتحت بسرعة الموبيل
وقلت الو يا حمزة
انت فين؟
ولية مكنتش بترد عليا
وقبل ما حمزة يرد عليا
سالتة...
وقلت...
هو انت بجد عملت علاقة مع بياضة
وهي حملت منك يا حمزة؟
وانتظرت رد حمزة
وبعد لحظات سمعت رد غير متوقع......؟
لو عايز باقي احداث الرواية
صلي علي رسول الله وطبعا مش هننسي
نضع عشر ملصقات
مع متابعة للمدونه ليصلكم اشعار بالنشر مع البرنس محمد السبكي قصص وروايات كامله يسعدني تواجدكم معنا في المدونه قصص وروايات حصريه فقط عندنا وبس تابعنا ليصلك كل جديد
تكملة الروايه من هنا
تعليقات
إرسال تعليق