 |
البت السودة الكودة
الجزء السادس
للكاتبة..حنان حسن
بعدما خرجت ...
من عند العجوز شمعة محبطة
فضلت ماشية في الشارع
اعيط...
لكن ...رنين موبيلي
خلاني اتوقف عن العياط
وخصوصا ...
لما شوفت ان المتصل
هو حمزة
فا رديت بسرعة
وقلت...الووه
يا حمزة انت فين؟
وليه كنت قافل موبيلك ؟
وقبل ما حمزة يرد عليا
سالتة
قلت..
هو صحيح الي بياضة بتقولة ده يا حمزة؟
انت فعلا عملت معاها علاقة وهي حامل منك؟
وكان الرد صادم
لاني سمعت حمزة
بيقولي
بجد انا مش عارف ارد اقولك ايه؟
انا نفسي اعرف انتي ليه
عملتي معايا كل ده يا سمارة
فسالتة بحسرة
وقلت...عملت ايه يا حمزة؟
اقسملك انا ما عملت حاجة
دي بياضة هي ال....
وقبل ما اكمل
رد حمزة وقالي..لا
انتي خدعتيني
واتفقتي مع اختك عليا ...
بس نفسي اعرف؟
انا عملت فيكي ايه؟
عشان تعملي فيا كل ده؟
قلت..انت ظالمني يا حمزة
وانا كنت ناوية اقولك علي الحقيقة كلها
و قبل ما احاول اشرحلة
ولا افهمة اي حاجة
رد حمزة
وقالي..
خلاص يا سمارة ..
(انا طلقتك)...
ومن النهاردة
انتي من طريق ...
وانا من طريق
وقفل حمزة الموبيل
بعدما قذفني بجملتة الصادمة
وهي
(انا طلقتك يا سمارة)
وبعدما قفل حمزة في وشي السكة
فضلت ماشية للبيت
وانا حاسة اني اخدت خبطة علي راسي
واول ما وصلت للبيت
لقيت بياضة بتفتحلي الباب
وقابلت في وشي بابا.. وزوجتة
وكانوا بيستقبلوني باللوم والعتاب
و لقيت بابا
بيقولي..
شوفتي نتيجة عمايلك؟
اديكي ضيعتي حمزة من ايديك
ومن ايد اختك كمان
وراح منكم عريس لقطة
اي بنت تتمناه
ردت بياضة
وقالت...
يا بابا انا قولتلها...
انه هيهرب من وشها زي باقي العرسان
الي هربوا بس هي مصدقتنيش
في اللحظة دي بالذات
كنت حاسة بكمية غضب... ووجع
كان لازم اخرجها عليهم
وعلي بياضة تحديدا
فا استعملت نقس اسلوب بياضة في (الكيد)
وقلت...
علي فكرة
حمزة مكنش فارق معايا
انا اتجوزتة عشان احرق قلبك عليه
مش اكتر
ودلوقتي...
انا متاكدة انه مش هيقبل يتجوزك يا بياضة
حتي لو بوستي جذمتة
وبالنسبة للعرسان..
فا انا بقيت زي القمر
وكل عرسان البلد يتمنوا اشارة من صباعي
ردت زوجة بابا
وقالت...
بصراحة بقي
انتي عندك حق في دي
يا سمارة
انتي فعلا بقيتي زي القمر...
والعرسان هيترموا تحت رجليكي
بصتلي بياضة بغيط
وقالت ساخرة...
اراهنك لو حد اتقدملك ولا عبرك
يا سمارة ...
والايام هتثبتلك كلامي
و ابقي فرجيني يا سمارة عرسانك
الي هيترموا عليكي
ومشيت بياضة
وانا دخلت لغرفتي
وانا مقررة
اني لازم اجيب عرسان يتقدموا لبابا لخطبتي
باي طريقة
وابقي و ارفضهم بعد كده
بس المهم
اني اثبت لبياضة
اني جميلة ...ومرغوبة
اكتر منها
وبسرعة دخلت علي موقع للزواج
وحطيت صورتي
وطبعا لما العرسان شافوا صورتي اتهبلوا
وكتير منهم اتصلوا بيا...
و طلبوا مني
احدد لهم ميعاد مع بابا
وبالفعل...
كان كل يوم تقريبا بيتقدملي عريس ...وارفضة
وكانت بياضة بتعض علي صوابعها من الغيظ
و من كثرة العرسان ..
كانت بنات الجيران بيحسدوني
وبيقولولي..
يا بختك
يا سمارة
وطبعا كل ده كان ادام بياضة
وكان مفروض اشعر بالسعادة
لاني بنت محظوظة بجمالي
وبيتقدملي عرسان كتير
لكن...
للاسف مكنتش حاسة اني مبسوطة
لاني كنت شايفة
ان العرسان
جايين لل (الصورة )
الي شافوها وعجبتهم
يعني
مش جايين لشخصي انا
بدليل الست الي جت تخطبني لابنها
الي مسافر بره...
لمجرد ان صورتي عجبتها
(هي )
يعني والدة العريس...
لو كانت شافت صورة لواحدة اجمل
كانت هترشحهالة
وهاكذا..
واستغربت نفسي
انا ازاي مش فرحانة؟
مش هو ده كان حلم حياتي
لما كان لوني غامق؟
اني يتقدملي ولو عريس واحد؟
فا قررت
اني اقفل الباب في وش عرسان (الصورة)
واثناء ما كنا قاعدين جميعا علي الغدا
بصيت لبابا
وقلتلة..
بابا..
انا خلاص قررت اني مش هتجوز ابدا
يعني اي حد يتقدملي ارفضة بدون ما ترجعليى
وقبل ما حد يسالني عن السبب
سيبتهم... ودخلت لغرفتي
وفضلت افكر في حمزة
وانا بعيط
وكنت بتمني حمزة يتصل بيا...
واسمع صوتة... ولو لثواني
واثناء ما كنت بحلم بمكالمة حمزة
بالصدفة موبيلي رن
فجاءة
فا جريت علي الموبيل
وكنت فكراه حمزة
لكن لقيتة رقم غريب
فا قلت...الووه
رد صوت راجل
اول مره اسمعة
وبدون اي مقدمات
قال...
محتاج نصف مليون جنية كا دفعة اولي
انزلي فورا قابليني وهاتيهم معاكي
فا رديت بغضب
وسالت
مين الي بيتكلم؟
رد الرجل
وقال...
انا بعاقية
قلت...
انت الي بعتلي الظرف؟
قال...
برافوو عليكي
ايوه هو انا صح
فا رديت بكسرة
وقلت...
صدقني انا مش معايا اي فلوس و....
وقبل ما اكمل..
لقيتة صرخ فيا
وقالي...
مهو اسمعي يا بت انتي
انتي ادامك من هنا لبكرة الصبح
ولو مجتيش تقابليني بالفلوس
بكره الظهر
هكون مبلغ عنك البوليس
وقفل بعافية السكة
ولقيتني بقول لنفسي
يلهوي ده مجنون...
وممكن فعلا يبلغ عني بكره
الصبح
او ممكن ياذيني
طيب هعمل ايه؟
واجيب منين فلوس؟
ده بيتنا كله مفيهوش خمسة الالاف جنية
في اللحظة دي
فكرت في شمعة
وخرجت بسرعة روحتلها
وفي الخيمة الخيش
لقيتها حاطة سماعات في ودانها (هاندفري)
وعايشة مع الاغاني
فا جريت عليها
وقلتلها...
عايشة انتي ومروقة علي نفسك
هنا يا شمعة
وانا الدنيا عمالة ترزع فيا يمين وشمال
ردت شمعة
وقالتلي
ايه الي حصلك تاني؟؟؟
قلت...حمزة طلقني
وانا كرهت الجواز...
وكرهت اهلي...
وكرهت نفسي
بس مش هي دي مشكلتي دلوقتي
ردت شمعة
وسالتني
قالت.....امال ايه؟
قلت..مطلوب مني نصف مليون جنية
والا بعاقية البلطجي
هيبلغ عني
ردت شمعة
وقالت...
هو انا كل ما ابدلك واخد منك نعمة
تحصلك مصايب جديدة؟
قلت...انتي اخدتي مني نعم جديدة؟
قالت...ايوه
اخدت منك( الرضا)
ولا انتي متعرفيش
ان الرضا بالمقسوم نعمة؟
قلت.....
مش مهم الكلام ده دلوقتي
المهم ...
انا عايزاكي تساعديني ...وتدبرلي نصف مليون جنية
ضحكت العجوز شمعة
وبعدين قالتلي
يا بنتي انا ست عجوزة....
وفقيرة
لا اقدر احل مشاكل
ولا معايا فلوس في بنوك
ويلا بقي
عشان عايزة انام
بصيت لشمعة
وقلت...
يا بختك يا شمعة بيجيلك نوم
وسيبتها وخرجت من الجنينة
وفضلت ماشية في الشارع
مش شايفة ادامي؟
وفجائة...
خبطتني عربية
ولقيت الدنيا بتلف بيا
وكنت هقع علي الارض...
لولا بنت من سني كانت ماشية جنبي
لما لقيتني هقع
سندتني وسالتني
مالك..؟
قلت..حاسة اني دايخة وهيغمي عليا
فا اخدتني البنت
و قعدتني علي الرصيف
وبسرعة جابتلي عصير
وبعدما فوقت شوية
سالتني
قالت..
قادرة تمشي ؟
ولا اجيبلك تاكسي؟
قلت...لو سمحتي هاتيلي تاكسي
فا قالتلي..
استني انا هتصل ب اوبر
وبالفعل
اتصلت...بوسيلة مواصلات
تبع اوبر
واثناء ما كنا قاعدين ننتظر
عرفتني البنت بنفسها
وقالتلي....
انا هدير...
قلت..وانا سمارة
ردت هدير
وقالت...
انتي تعبانة ولاحاسة باية؟
قلت...
لا انا بقيت كويسة
فسالتني
امال بتعيطي ليه؟
قلت...
انا متدايقة شوية بس
قالت..
ممكن اعرف متدايقة ليه؟
قلت...
عندي مشاكل كتير...
بصتلي هدير باسف
وسالتني
طيب ما تحكيلي علي مشاكلك ؟
قلت..
دي حكاية طويلة
ردت هدير
وقالت..
لسة عندنا وقت علي ما العربية تيجي
ممكن تحكي حكايتك
بصراحة....
في الوقت ده
انا كنت في حالة نفسية سيئة
وكنت محتاجة احكي لحد
وافضفض
بدل ما اتجلط... واموت
فا سردت لهدير حكايتي
فا اتاثرت
وقالتلي..
انا ممكن اساعدك انك تحلي مشاكلك
وترجعي لحمزة طليقك كمان
قلت...
مستحيل ...
مشاكلي ملهاش حل
وحمزة خلاص طلقني بعدما كرهني
ردت هدير
وقالت...
بيتهيالك
انا كمان اختي كانت حياتها مبهدلة
وجوزها طلقها
واتعرضت للسجن... والموت...
لكن ...
لما عرفت الشيخ نوايا
مشاكلها كلها اتحلت
قلت...ساعدها ازاي
قالت....
رجعها لجوزها وحل كل مشاكلها
ودلوقتي بتقضي شهر عسل جديد
قلت...انتي بتتكلمي جد؟
ردت هدير
وقالت..
وجد الجد كمان
قومي تعالي معايا
وانا هوديكي عند الشيخ نوايا
وهو الي هيخلصك
من مشاكلك كلها
بصيت لهدير بتردد
وقلت..
طيب بس اعرف مين هو الشيخ نوايا ده علي الاقل؟
قالت..
الشيخ نوايا مشهور بمعجزاتة
في حل المشاكل
وجلب الحبيب ورد المطلقة
وده بعون الله مفيش مشكلة بتقف معاه
قلت....
احسن يكون راجل دجال؟
ردت هدير بثقة
وقالت...
بقولك اختي جربت معاه
وفعلا حياتها اتبدلت تماما
يبقي دجال ازاي؟
وبعدين ...تعالي وجربي
هتخسري ايه يعني؟
قلت...علي رايك
هخسر ايه؟
وبالفعل
قومت معاها
وا اول ما العربية وصلت..
روحنا للشيخ نوايا
وكان ساكن
في بيت قديم متهالك
ودخلنا في اوضة النور فيها ضعيف جدا
وقابلنا شاب صغير
كان واضح انه بيشتغل عند الشيخ
لان الشاب قابلنا
وقالنا....
لاحظة واحدة
الشيخ عنده حالة
يخلصها وبعدها يقابلكم
وبالفعل انتظرنا
ودخلنا في دورنا...
واول ما دخلنا....علي الشيخ
لقيت الشيخ بص لهدير
وسالها...
اختك عاملة ايه دلوقتي؟
ردت هدير
وقالت..
الحمد لله يا عم الشيخ
اختي حياتها استقرت ...
ومفيش اسعد من كده
وفي اللحظة دي
بصلي الشيخ
واول ما عنية جت عليا..فضل مسهم شوية
وف الاخر مدلي ايده
وقالي...تعالي
فا بصيت لهدير وانا مرعوبة
ولقيت هدير بتشاورلي
وتقولي... روحي متخافيش
فا قربت من الشيخ بحذر
وقلت..نعم؟
قالي..تعالي قربي
وهاتي ايدك
فا مديت ايدي في ايده
ولقيتة مسك ايدي
وقعدني جنبة
وبدء يتلمس جسمي بطريقة مقلقة
فا سحبت ايدي من ايدة
وقلت..
انا عايزة امشي
فا صرخ فيا الشيخ نوايا
وقالي...
اقعدي يا سمارة
خلينا نخلصك من الي عملتة فيكي اختك بياضة
برقت عنيا
وسالتة
قلت...هو انت تعرف اسمي منين؟
وازاي عرفت الي بيني وبين اختي بياضة؟
رد الشيخ نوايا
وقالي
مشاكلك كتير يا سمارة
والحياة بتقفل بابها في وشك
قلت..ايوه ده حقيقي
انت عرفت ازاي؟
رد الشيخ نوايا
وقالي...
انتي جاية تحلي مشاكلك؟
ولا جاية تسالي؟
قلت.. انا....
رد الشيخ نوايا
وقالي...
اسمعي وبلاش تسالي
قلت..حاضر
قال..
انتي جاية دلوقتي عشان
عايزة تخلصي من مشاكلك
وترجعي لحمزة بعدما طلقك صح؟
قلت...صح
قال...مشاكلك كبيرة
ومحدش هيقدر يخلصك منها غير
( دستور)
قلت..مين دستور؟
قال..
دستور ده فرد من الجن
لو دخل في اي مشكلة بيحلها في لمح البصر
قلت...ياريت يا عم الشيخ
تسخرة وتطلب منه يحل مشاكلي
قال...بس دستور طلباتة كتير
وهيكلفك اكتر
قلت.. يادي النيلة
يبقي مشاكلي كده مش هتتحل
لاني مش معايا فلوس
رد الشيخ
بعدما بصلي من فوق لتحت
وسالني
وقال...
طيب ايه رايك
نعرض الامر علي دستور نفسة
ونشوف راية ايه
هزيت راسي
وقلت...ماشي
رد الشيخ
وقال....
دستور معانا هنا دلوقتي
وانا هشوف رده ايه
فا بصيت لهدير
لقيت ركبها بتخبط في بعض من الرعب
وبصت للشيخ
وقالتلة...
اسالة كده يا عم الشيخ
وشوف هيقولك ايه
خلينا نمشي
فا بص الشيخ للمبخرة
وفضل يمرر ايده علي الدخان
الي كان خارج من المبخرة
وبعدما همس ببعض الكلمات الغريبة
غمض عينة
وفضل يتكلم مع حد مش موجود
واخيرا
قال...
خلاص هقولها
وبص الشيخ لهدير
وقالها..
الجن دستور
عايزها لوحدها
اخرجي بسرعة
وفعلا خرجت هدير تجري
وقعدت لوحدي
وانا حاسة اني قلبي هيقف من الرعب
وفجاءة
لقيت الشيخ
بيقولي...
الجن دستور وافق انه يساعدك
بس بشرط
قلت...شرط ايه؟
قال..
لما شافك عشق جمالك
وقال ....
انه عايز يتجوزك
لمدة ...ليلة واحدة
وبعدها ...مشاكلك كلها هتتحل
في اللحظة دي
لاحظت نظرات الشيخ
المريبة ...
والشرط الغريب الي قالة
شكيت ان يكون الشيخ دجال
لكن...
مبينتش اني شاكة فيه
وقلت...اجارية
فا بصيت للشيخ
وسالتة..
قلت...
والجن هيتجوزني ازاي؟
وانا من الانس؟
وهو من الجن؟
رد الشيخ
وقالي
في عرف الجن
لما بيرغب مخلوقة من الانس
بيتجسد في جسم اي انسان
وبيتجوزها
فا بصيت للشيخ
قلت.. انا موافقة
لكن بشرط
بصلي الشيخ
وقالي..شرط ايه؟
قلت...الجن يحل كل مشاكلي في الاول
وساعتها انا هبقي تحت امره
بصلي الشيخ وسكت شوية
وبعدها
قالي..
طيب هعرض كلامك علي
دستور
ورجع يتمتم ادام المبخرة
شوية
وفي الاخر
قالي...طلبك مجاب
ودلوقتي قومي روحي
وانتظري الفرج
وبالفعل قومت ومشيت
ولما هدير سالتني
عن راي
قلتلها ....
الشيخ بتاعك ده نصاب ودجال
وبعدما هدير وصلتني للبيت
رجعت افكر تاني
هعمل ايه
في المهلة الي اعطهالي بعافية؟
وفضلت افكر طول الليل
لغاية الصبح
ووفجاءة
سمعت الموبيل بيرن
فا قلت. ...
الووو
لقيت بعافية
بيقولي
اكتبي العنوان ده عندك
وبعدما اداني العنوان
قالي منتظرك متتاخريش
فا قلت...حاضر
وبالفعل..
لبست وروحت اقابل بعافية
عشان احاول اقنعة
باني مش معايا فلوس
وفي المكان المحدد ...
فضلت انتظره
وشوية
ولقيتة ظهر ادامي
راجل ضخم
واضح علي وجهة البلاهة
فا سالتة
قلت..انت بعافية
هز راسة
وقالي....
ايوه انا
ودليل ادانتك معايا علي الموبيل بتاعي
وخرج من جيبة كيس صغير
فيه المطوة الي عليها بصماتي
وفتح الموبيل بتاعة
وقالي
مش دي انتي
الي بتقتل... وتسرق ولا ...
انا غلطان؟
فا مسكت الموبيل
وقلت ...ايوه انا
بس انا مش معايا فلوس وجاية دلوقتي عشان.....
وقبل ما اكمل كلامي
لقيت شوية رجالة بينقضوا
علي( بعافية)
وفي لحظة
لقيتهم بيحاولوا يكتفوه
فا حاول بعافية يفك نفسة ويضربهم...
ودارت عركة
وصل علي اثرها رجال البوليس
وقبضوا علي الجميع
واخدوا كل الرجالة الي في الخناقة
وفضلت واقفة مش مصدقة نفسي
معقولة بعافية اتقبض عليه
والموبيل بتاعة معايا والمطوة كمان معايا؟
يعني خلاص مبقاش معاه دليل ادانه ضدى؟
ولقيتني بقول لنفسي
وطبعا طالما قبضوا علي بعافية يبقي هيتحبس....
او يتعدم
لانه قاتل
وهربان من البوليس
ووقفت مش مصدقة نفسي
وانا فرحانة....
لان مشاكلي كده بدات تتحل
وبسرعة اخدت المطوة والموبيل
وروحت علي البيت
وانا مش مصدقة الصدفة..
الي خدمتني ... وانقذتني من
( بعافية)
وكتت تقرييا
راجعة البيت برقص... واتنطط من الفرحة
لكن ....
بمجرد ما دخلت البيت
اتفاجئت....
بحاجة لا يمكن حد يتوقعها
عارفين ايه هي الحاجة دي.....؟
لو عايز باقي احداث الرواية
صلي علي رسول الله
وطبعا مش هننسي نضع عشر ملصقات مع متابعة للمدونه في الأسفل
تكملة الروايه من هنا
تعليقات
إرسال تعليق