 |
تكملة البارت قبل الأخير . بقلم سلطان زماني
وليد بقا يكلمني ع الواتس وفتح ليا شغل وقالي اعرضي
الهدوم دي علي الماركت الي في الفيس بوك والجروب الي
في القرية بتاعتنا والقري الي حوالينا وناس كتير هتطلب
منك وفعلا عملت كده واكتشفت اني مش بس ابويا وحمايا
وعمرو بس الي ذئاب لا ده رجالة كتير كده لما كنت بنزل
بوست علي جروب اعلان عادي رجالة كتير يدخلو
يستظروفي ويقلو ادبهم ويبعتو في الخاص صور وسخه
وكلام وسخ زيهم والي يفتح معايا حوار ويقولي هو أنا لو
اشتريت منك هدوم ب 2000 جنيه هتكسبي منهم كام مثلا
افتكر كلامه جد واقوله يعني مثلا 250 أو 300 يقولي طب
تعالي نقضي مع بعض ساعة وحده وهديكي 600 مش 300
بس وكلام كتير قزر ..وكان في ستات تأني عايزين بس
مشكلتهم كلها في الموصلات واني بعيدة عنهم لما كلمت وليد
قالي عادي أنا اوديهم وفعلا ساعدني كتير وكنت ببيع كاش
وكان احسن بكتير من القسط ونظرات الاعجاب الي بنا بتزيد
وكذا مره يقولي عايز اكلمك في موضوع ولما اساله موضوع
اي يسكت ويغير الموضوع وفي مره قالي اني واحد صاحبه
بيحب وحده ومعجب بيها اوي بس مش عارف يقولها ازاي
فهمت اني الكلام عليا انا ...وانا الي توهت في الكلام وبعد ما
قفل قعدت وقولت لنفسي اعقلي يابت ده انتي
اكبر منه ..متعلقيش نفسك ب حد وفكك انتي مش ناقصه
بس مقدرتش امنع نفسي من التفكير فيه ومن اني اتخيله
لدرجة اني بقيت احلم بيه وبشوفه في الحلم وقولت يمكن
ده علشان بقيت اشوفه كتير وبكلمه كتير ..
وليد اتشجع وقالي وانا فضلت ساكته قدامه مش بنطق
وسبته وطلعت شقتي بس هو عرف من نظرتي اني بحبه
عرفت اخرص لساني ومخلهوش ينطق لاكن عيني فضحتني
يخربيت جدعنته وأيامه الجميلة الي بحس فيها اني لسه
بنت بنوت واني اتولدت ع ايده بمجرد لما اشوف رقمه
بيتصل عليا بفرح وقلبي بيفرح وبحس اني عايشة حبه حبه
ليا واهتمامه وحنينه واحترامه وخوفه عليا ..حبيت بجد اول
مره احب وراجل يوحشني واشتقاله واكون ملهوفه عليه
ويخطف قلبي كده عرفت مره أنه عمل حادثة كنت هتجنن
وتسيب بناتي واجري اطمني عليه وفضلت اقنع في علاء أنه
عيب واني صاحبك لازم ترحله وعملت حوار علشان يخدني
معه وهو كمان كان لو كنت زعلانه أو تعبانه كنت بشوف
خضته وخوفه عليا وقلقه استمرت علاقتنا ببعض شهرين
كلام حب واهتمام وبوس وإحضان علي السلم وكنت ديما
بقوله اني هطلق وهو يقولي احسن واني ده اصلا مش راجل
وانتي متعرفيش بيقول ايه عليكي قولتله بيقول اي سكت
وقالي مش هقول بس ب امانه ده راجل مش مظبوط
معرفش ايه الي خلاني احكيله حكايتي مع حمايا بس
كنت عايزة اقوله بالحكاية دي اني تعبانه نفسيا واني اتبهدلت
ومش حمل بهدلة تاني كنت عايزة يعرف اني مش عايزة
اتصدم فيه ولا قلبي يوجعني وعرفته اني اول مره احب
وقلبي يدق كانت ليك قولتله هو أنا لو أطلقت منه انت تقبل
تتجوزني ياوليد قالي انتي مليون واحد يتمناكي ياوعد
وانتي لسه صغيرة قولتله يعني تقبل تتجوز وحده اكبر منك
بسنتين ومعها بنتين قالي ده انا تبقا امي دعيالي ياوعد
يتبع
تكملة الروايه الأخير من هنا هنا
تعليقات
إرسال تعليق