 |
تكملة البارت العاشر ✍️بقلم سلطان زماني
تاني يوم وهي نازلة مشيت ع طول مع اني كنت لابس
ومتشيك ومغرق همومي برفيوم كلمتها وقفلت معايا علي
في الموصلات كلمتها بليل وفضلت تحكيلي عنها كتير
وتحاول تعرف عني كل كبيرة وصغيرة في حياتي طبعا
خبيت عنها كل حاجه وحشه عملتها واتفقنا اني بعد السنة دي
ما تخلص هتقدم وحكتلي عن اخوها الكبير واني الكلمة
كلمته والبيت ده هو الي مشتريه بفلوسه وأنه بيبعتلهم كل
شهر فلوس ومدلعنها اخر دلع
حبيت شخصيتها جدا وكل ما اقرب اكتر وافهمها يبقا عايز
اضرب نفسي بالشبشب علي سوء ظني ليها رقيقة جدا
وبتتقمص وتزعل من ابسط حاجه وهادية وذكية ولماحة اوي
ومش بتنسي وبتسمعني وانا بطبعي كنت بمل بسرعة ومليش
خلق بس معها هي اتعلمت طولة البال والصبر ولما سالتها اي
اكتر حاجه عجباكي فيا قالتلي بص الاول كان عاجبني جنانك
بس لما اتكلمت معاك عجبني حبك ليا اوي وحنيتك خطفتني
اوووي وكمان انت حبتني بالطريقة الي بحبها وكان نفسي
فيها .. قولتلها طريقة ايه دي ياهاجر
قالتلي يعني انا مش عايز اتجوز جواز صالونات أو أعيش
حياة تقليدية كل ما بحبك وبتعلق بيك اكتر كل ما بخاف
وقلبي بيتقبض اوي ياعمر
ليه ياهاجر الخوف معقولة تخافي وانا معاكي طب تيجي ازاي دي
قالتلي خايفة حبك ليا يقل اهتمامك بيا ولهفتك عليا بعد ما
تضمن وجودي تهملني زاي ما بشوف مع صحابي وبسمع
خايفه تخوني أو تتغير
قولتلها ..عمري ما هتغير أنا ما صدقت اني لقيتك وعمري ما
هزعلك ابدا علشان خاطري انسي الخوف
اخوها الصغير بقا يلاحظ وقفتنا في المحل مع بعض وبقا
مركز اوي معايا وبيبص ليا بصات غريبة وانا بكبر دماغي
وبعمل نفسي مش شايف وبقا يجي يشتري وبحاول افتح
معاه كلام لحد ما اتصاحبنا وكلمني كان عايز يشتري كلب
وكلمتله واحد حبيبي راح معاه جاب الكلب وحكالي عن
البنات الي ماشي معها ومعجبين بيه وبصراحة مستحمله بس
علشان هاجر
مرت الايام والبت الي كانت بتكلمني باستمرار ولازقة بقت
تيجي المحل وعايزة تعرف مالي ورسمه بقا ع جواز شفها مره
معايا وشفها تاني معايا واحنا نازلين من الشقة وبصلي الي
هو الله يسهلك ياعم وانا جاتلي حالة ارتباك وكنت عايز
الأرض تنشق وتبلعني وبدعي واقول يارب ما يقولها
من بعدها قطعت علاقتي بيها نهائي من حالة الخوف والرعب
والقلق الي كنت فيهم
يتبع ..😘
البارت الحادي عشر بقلم ✍️ سلطان زماني
بقيت اكلم هاجر وانا قلبي بيدق وخايف ليكون اخوها حكلها
حاجه حتي لما كانت تيجي المحل أو اقابلها برا كانت عيني
بتتهرب منها ومش بطول في نظرتي ليها لحد ما اتاكدت اني
الدنيا تمام وبقيت طبيعي خلصت امتحانات كنا مستنين
اخوها يجي علشان أتقدم وفعلا اتقدمت بس اخوها الصغير
بيبصلي بصات غريبة مش قادر افهمها اخوها الكبيرة قعد
يسأل بابا ع الشقة وقاله انها موجودة وجاهزة وأننا مش
هنختلف اخد أخوه الكبير علي جنب وبعدها جيه قعد يرحب
بينا وقبل ما نقراء الفاتحة ونحدد ميعاد الخطوبة قبل
مايسافر قال ل ابويا أنه هيسال علي عمر ويرد علينا ابويا
قاله حقك طبعا وسلم علينا ووصلنا لحد تحت
فضلت قاعد مستني انها تتصل عايز افهم في ايه وقالو ايه
كلمتها الساعة ١.٣٠ كنسلت عليا وقفلت موبيلها وتأني يوم
ركبت العربية مع اخوها ومعرفش راحو فين ولقيت بعدها
اخوها معدي من قدام المحل بيبصلي بصه مش مفهومه
عملت نفسي برتب في البضاعة مش عايز اديله اهتمام أو
يحس بقلقي وخوفي ده اكلمها بليل برضو مش بترد لحد ما
اتصلت هي وقالتلي انت عاوز ايه قولتله اي ياهاجر مالك
بتعملي كده ليه
هاجر ..أنا الي بعمل كده ليه ولا انت ..أنا مش قولتلك اني
خايفة وكل ما بتعلق بيك اكتر بقلق واخاف اكتر ..انت مش
راجل ياعمر ولا بتحبني زاي ما كنت بتوهمني
_ انتي اتجننتي اي الي بتقوليه ده ياهاجر في ايه ممكن تهدي وتحكيلي
هاجر ..أنا لا عايز احكي ولا عايز اسمع صوتك تاني خالص خالص خالص انت فاهم ولا
_ علشان خاطري ياروح قلبي عرفيني في ايه طيب انا عملت ايه
هاجر ..متقولش روح قلبك دي أنا مش روح قلبك 😭
_ انت روح قلبي وحياتي كلها قوليلي عملت ايه زعلك كده وانا والله مش هعمله تاني حقك عليا أنا آسف
هاجر...بتخوني ياعمر وبتعرف بنات وبتكلمهم وبيجولك المحل وبيطلعلولك الشقة 😭😭
_ أنا .........................
هاجر ...أنا بكرهك وبلعن اليوم الي شفتك فيه
قفلت وانا اتصلت بيها ولقيت موبيلها مقفول تاني يوم فصلت
اتصل مفيش وأخوها شفته كنت عايز اضربه علقه محترمة
وافش غليلي منه بس علشان الموضوع ميتعقدش اكتر
وبصتله بغل الي هو لو الحوار باظ هفشخك وهخليك تحرم
تنزل من بيتكم تاني ياحيلة امك
بعديها نزلت وندهت عليها واتحرجت من الناس وجت وقالتلي أنا جيت بس علشان كان هيبقا منظرك زبالة لو معبرتكش ومشيت ع طول ..انت مش اخويا ولا جوزي ولا أنا بنتك علشان تندهلي كده في الشارع
قولتلها قسما برب العز اولعلك في نفسي انتي بقا يعجبك وبيحلالك مرمطتي معاكي أنا الي بيحصل فيا ده كله علشان بحبك حرام عليكي
هاجر ..طب ممكن تهدأ انت في المحل ياعمر
_انا زهقت وتعبت ونفسيتي زاي الزفت أنا بحبك يا هاجر ومش هسيبك انتي فاهمة والله ما هسيبك انا تعبت معاكي وتعبت فيكي جامد اوووووووووووي
هاجر ..الجواز مش بالعافيه ياعمر وانت كداب وخاين ودي صفات أنا عمري ما هقبلها في شريك حياتي مهما كنت بحبه
_ أنا تقوليلي بكرهك ياهاجر 😭 أنا
هاجر..عمر ممكن متعملش كده
_ مسحت دموعي وقولتلها انت عذبتني اوووي يا هاجر وانا بجد تعبت وجبت أخري
هاجر..بص طيب انا رائحة عند خالتو هقعد معها شوية وانا نازله من عندها هكلمك ونتكلم ماشي
_ ماشي قوليلي طيب اي كلمة حلوه محتاج اسمعها اووي
هاجر ..لا مش هقولك سلام
فضلت تبص عليا لحد ما خرجت وطمنتني شوية اني في امل تسامحني وتغفرلي الي عملته
يتبع ....رايكم
تكملة البارت الحادي عشر بقلم✍️ سلطان زماني
رحت قبلتها وقعدنا في العربية ومش عايز تبصلي ولا تتكلم
قولتلها أنا آسف بس كل الي سمعته ده كان قبل ما اعرفك
لقتها لفت وشها ليا وركزت في عيني اوي قالتلي انت بتكدب
ياعمر قولتلها أنا قبل ما اعرفك كنت كده اه إنما من ساعة ما
عرفتك قطعت علاقتي بكل البنات دي والي بيجو في المحل
بيجو علشان أنا قفلت ومنعت كل وسائل الاتصال بيني
وبينهم علشان كده بيجو المحل ولما بيجو بيلاقو مني وش
تاني وبعرفهم اني هتجوز وفي منهم الي بيبعد ومنهم الي بيتنح
هاجر ..هو أنا مش سألتك وانت قولتلي انك مكنتش تعرف
غير البنتين الي كنت خاطبهم بس
_ ما أنا خوفت لو حكتلك تبعدي أو تتفتكري اني ده طبعي
هاجر..ياعمر البيت عندي كله عرف انك بتاع بنات وحشاش
ومصاحب ناس مش كويسة وبتقعد معاهم في الكافيه
_ من مين عرفو كل ده
هاجر ..من اخويا وشاف البنات بعينه ..واتعرف ع واحد
صاحبه وحكاله كل بلاويك انت والصيع الي بتقعد معاهم
_ والله ياهاجر كل ده كان زمان زمان والمصحف الشريف
هاجر ..أنا مش عارفه اقولهم اي واخويا الكبير قالي ده
مينفعكيش وبابا نفس الكلام
_اه يعني وبعدين
هاجر ..ولا قابلين أنا هنزل ولو سمحت متكلمنيش تاني
_ اقعدي هنا يابت انتي رايحة فين
هاجر ..سيب ايدي ياعمر اي الي بتعمله ده انت اتجننت
_ انتو لسه مشفتوش جنان ده انا هخرب الدنيا
هاجر ..ب ابتسامة هتخرب الدنيا ازاي يعني
_مش عارف ياهاجر😭 بس انا مش هسيبك وبكرا كلكم هتندمو علي الي عملتوه فيا
هاجر ..مالك ياعمر فيك اي ياحبيبي
_ بلا حبيبك بلا زفت بقا سيبني في حالي انتو عالم ظالمه
هاجر ..طب ياعم اولع بقا برحتك سلام
_ استني يابت
هاجر ..اي ياعمر بت دي الي بقت لبانه في بوقك اسمي هاجر
_ استني ياروح قلبي هاتي ايدك كده شوفي قلبي بيدق ازاي
وشوفي وشي سخن ازاي حرام عليكي والله ..كل أما بحس
انك هتضيعي مني بيحصلي كده والله مش هسيبك غير ما تطمنيني
هاجر ..خلاص هكلم ماما تكلمهم ولو سالوني هقولهم اني موفقة
_ قوليلي بحبك والنبي
هاجر ..بحبك
_ امال اي بكرهك دي الي قولتهالي ياهانم
هاجر ..ياعمر أنا فضلت ٣ ايام ابكي ومش بخرج من اوضتي واخويا الكبير كان بيخرجني علشان اهدا وانسي
_ حقك عليا ياقلبي والله عمرها ما هتتكرر تاني
هاجر ..اعمل حسابك اني لو حسيت لمجرد احساس بس انك خونتني والله ما هتشوف وشي تاني حتي لو كنت مراتك
_ أنا عمري ما هضيعك مني تاني ياعمري 😘♥️
..كفايا كده ولا عايزين تاني يالي اشوف فيكم يوم😂
البارت الثاني عشر بقلم✍️ سلطان زماني
اتكلمت مع مامتها وحاولت كتير مع اخوها موفقش وقالتلي
وانا وقفت امها في الشارع وقولتلها وكلمته تاني وهاجر
كلمتني وقالتلي أنها زعقت واتخانقت معه وهو قالها انتي
حره بس مش هحضر فرحك ومليش دعوة بحاجه ولو
حصلك اي حاجه معاه اوعي تشتكي قولتلها والله عمري ما
هزعلك ولا هحوجك ليهم اصلا وحتي لو زعلنا مع بعض
وانتي الي غلطانه أنا الي هسيب البيت ولما اهدا ارجع
قالتلي لا أنا بحاول تاني معاه قبل ما يسافر لاني نفسي
يحضر خطوبتي ..حولت معه وهو مصدق اخوه ومقتنع بالي
في دماغه امها ضغطت ع ابوها أنه يوافق وميقفش في
طريق سعادتها وخطبتها وأخوها الصغير ده شايل منه مش
قادر اصفاله حاولت كتير هاجر معاه ومعايا بس انا مش قادر
اضحك في وشه ولا قادر انساله الي عمله وقولتلها اني لو اي
حد في عائلتي انتي مش حباه ورفضه تتعاملي معه أنا عمري
ما هغصبك انك تكلميه غصب عنك واني مش بحبه علشان
كان عايز يضيعك مني مش لسبب شخصي ومش بقولك
اكرهيه ولا همنعك منه بس انا بجد مش عارف ومتعودتش
اني امثل والايام عدت وأخوها الي في امريكا كان شارط
عليها انها لو اتجوزتني مش هيجهزها ومكنتش اعرف الحوار
ده ولما عرفت اني أمها باعت دهبها علشان تجيب الحاجات
الي نقصه خربت الدنيا معها وكنت عايز اروح أنا وهي محل
الدهب الي أمها باعت الدهب منه وادفع الفلوس وارجعهم
عرضت كتير عليها اني اساعد واني مفيش فرق وهي رفضت
ده خالص قولت ياض عادي بعت ما تتجوز ابقي غير كل ده
وهات الي نفسها فيه
قالتلي أنا قولتلك كده علشان تعرف سبب التاخير اي إنما
مش محتاجه مساعدة يا اخويا من حد كفي نفسك😂😂
بحب عزة نفسها وبراءتها وروحها الحلوة وطبعها الجميل
النقي الخالي من الحوارات والغش والمكر والجداع .
.طول فترة الخطوبة ولا لحظة مليت ولا زهقت منها مهما
قعدنا واتكلمنا وسهرنا مكنتش بشبع منها عودت نفسي اني
مكدبش عليها ومن كتر حبي ليها كانت بتفضحني عنيا مجرد
ما تبص فيهم بتعرف أنا كداب ولا صادق ..التزمت في نومي
وشغلي حتي صحابي بقيت اشوفهم كل فين وفين وبعد
فترة اتجوزنا
كفايا بقا كده عليكم وبكرا نكمل ..😘
تكملت البارت الثاني عشر بقلم✍️ سلطان زماني
اتجوزنا واول ما دخلنا شقتنا مكنتش مصدق انها خلاص
معايا تعبت اوووي اووووووي علشان اوصل للحظة دي بس
مش مهم المهم انها معايا وبقت بتاعتي
استغنيت بيها عن كل العالم بقت صحبتي واخوتي وعشقتي
كمان انزل الشغل كانت تفضل تكلمني كل ساعة تطمن عليا
وتسمع صوتي وانا لو في أيدي مليون حاجه كنت ارد عليها
اول ما اقفل طيران عليها..اول ما اشوفها شايلة حاجه تقيلة
ولا بتروق ومحتاسه..من نفسي كده اتومتك اقوم اعمل معها
واساعدها علشان تفضالي وتقعد معايا ونسهر سوء مع بعض
ومتكونش تعبانه أو مرهقة كانت بتستحمل غيرتي عليها
وعمرها ما اشتكت مني ليا وكانت شايفه أنه حقي مش زاي
البنات البجحة الي بسمع عنهم من صحابي
المهم اول ما عرفت انها حامل كنت فرحان فرحتين
ألاولي ..اني كان نفسي اكون اب
التانية ..اني علاقتنا بالمولود ده بقت اقوي واستحالة نسيب
بعض أو تبعد عني مهما كان
كان نفسي في ولد وهي كان نفسها في بنت ..رحنا لدكتورة
في الشهر الخامس رحنا عرفنا أنه ولد قولتلها كل الي يجيبه
ربنا حلو ياحبيبتي بصت في عيني وقالتلي عليا انا برضو
مقدرتش امسك نفسي من الضحك والفرحة باست ايدي
وقالتلي أنا فرحانه بفرحتك دي اكتر ما كنت هفرح لو كانت
طلعت بنوته
وباست ايدي وقالتلي ربنا يخليك لينا وميحرمناش منك ابدا
يتبع ..
تكملة الروايه من هنا هنا
تعليقات
إرسال تعليق