 |
البارت 12__13__14
#روايه بنت يتيمه
البارت 12
سليم دخل الفيلا
سليم بصدمه : غزل
شاف غزل قعده بتاكل الكيكه بالشكولاته ومبهدله نفسها
غزل اتخضت : منك لله قطعتلي الخلف
سليم : انتي عملتي في نفسك كدا لي.. انتى طفله يبنتي
غزل : اسكت انا بحب الكيكه دي اوي بتبقا كلها شكولاته
سليم : بس انتى بهدلتي نفسك اوي
غزل اتنهدت: انت متعرفش حكيتي معاها دي حياتي اسكت بقا عشان اعرف اكل
سليم ابتسم وقعد جنبها وجاب منديل
سليم بص علي المنديل وبص علي غزل
سليم رما المنديل : لا دا مش هينفع
غزل بستغراب : رميتو لي
سليم : انا همسحها بطريقتي
وشال غزل
غزل : عااا سليم نزلني عايزه اكل الشكولاته
سليم : تعالى بس نطلع فوق امسحلك الشكولاته دي وشويه وتعالى خديها
*عند اياد
روح بيتو وكلف حد يراقب مريم
سمع تليفونو بيرن وكان الى بيراقب مريم
اياد : في اي
الشخص : اياد بي مريم قعده مع علي
اياد بستغراب : علي
الشخص : هما قدامي اهم
اياد : فين مكانهم
الشخص : في كافي *........
اياد : انا جاي خليك مكانك
الشخص : اياد بي خليك وانا هقرب منهم واحاول اعرف بيخططو لاي بلاش انت تيجي عشان اكيد مريم عرفاك
اياد بتفكير : طيب خليك واعرفلي بيتكلمو في اي باي طريقه
الشخص قفل مع اياد وقرب من الطربيزه بتاعت علي ومريم
*عند علي ومريم
علي : انتي عايزه سليم وانا عايز غزل ها قولتى اي
مريم : بس انا مينفعش اعمل لسليم كدا.. دا لو عرف ممكن يقتلنا
علي : هي دي الطريقه الوحيده الى هترجعو ليكي
مريم بتفكير : سبني افكر شويه
علي ابتسم بخبث : الوقت الى انتي عيزاه
مريم هزت راسها : انا همشي بقا سلام
علي : سلام
مريم اخدت شنطتها ومشيت وعلي فضل معاكنو
علي بعد ما مريم مشيت : لازم ادمرك ي سليم ومفيش طريقه غير اني هاذيك في غزل ... وبعد فتره خرج من الكافي
الشخص سمع كلام مريم وعلي وسمع كلام علي بعد ما مريم مشيت...
خرج من الكافي ورن علي اياد
اياد : اي ي احمد عملت اي
احمد : سمعت....
حكي الى سمعو لاياد
اياد : معرفتش تسمع اى الي خططو ليه
احمد : لا ملحقتش اسمع... انا بقول نبلغ سليم بي
اياد : انا هقولو سلام
احمد : سلام
*عند سليم وغزل
غزل في حضن سليم
غزل : سليم
سليم : قلبو
غزل : عايزه اخرج
سليم ببتسامه : عايزه تروحي فين
غزل بفرحه : الملاهي
سليم بستغراب : ملاهي ي غزل
غزل : ايوا وحياتي
سليم : حاضر بكرا اخرجك
غزل : بحبك اوي
سليم ببتسامه : وانا بحبك
*في صباح يوم جديد
غزل صحيت وبصت لسليم وقربت منو بستو من خدو
غزل: اي الصباح القمر دا
سليم ابتسم غصب عنو وهو نايم وفتح عينو : بجد قمر
غزل شهقت وضربتو علي كتفو : انت كنت صاحي من امتي
سليم ضحك : من اول البوسه كدا
غزل قامت من علي السرير : انت رخم اوي
سليم بضحك : طب يلا اجهزي عشان نخرج
وقام ودخل الحمام ياخد شور
غزل قربت من الدولاب بتاعها وطلعت اللبس بتاعها عشان تجهز
غزل : جتلي فكرا
قربت من دولاب سليم وطلعت اللبس بتاعو بنفس اللوان اللبس بتاعها
سليم من وراها : بتعملي اي
غزل اتفزعت ولفت ليه وشهقت (قفلت عيونها): انت طالع كدا لي خد تيشرت اهو
سليم ضحك وخد منها التيشرت ولبسو : خلاص فتحي
غزل فتحت نص عين وبصت لي وبعدين فتحت عيونها
سليم ضحك : انتي احمريتي كدا لي.. وبعدين انتى فتحه الدولاب بتاعي لي
غزل : كنت بطلع ليك لبس شبه لبسي هتلبس دول (ورفعت اللبس بتاع سليم الي معاها) وانا هلبس دول(وشورت علي السرير مكان لبسها )
سليم ابتسم: ماشي هروح اجهز
اخد منها اللبس ودخل الحمام وبعد وقت جهز وخرج
وبعدين نزل يطمن علي مامتو
وغزل دخلت الحمام تاخد شور وبعد فتره جهزت وحطت ميك اب خفيف وفردت شعرها..
سليم نزل وسمع صوت ضحك في المطبخ استغرب وراح في اتجاه المطبخ
شاف اياد وسميره قعدين وبيضحكو
سليم : اياد انت هنا من امتي
اياد بضحك : من شويه
سليم : انت مروحتش الشركه
سميره : تعالى اقعد ي سليم
اياد قام وقف : استنى بس ي سوسو عايز الواد ابنك شويه.. تعالي ي سليم يبني عيزك
خرج اياد من المطبخ وراح للصالون وسليم خرج وراه
اياد : انا رقبت مريم زى ما قولتلي
سليم بتركيز : ايوا واي الى حصل
اياد : احمد رقبها وشافها وهي قعده مع علي و سمع كلامهم بس مسمعش الى اتفقو عليه
سليم : خد بالك منهم كويس مش عايز حاجه تحصل لغزل اهم حاجه
اياد : ماشي يصحبي
سليم : تمام
غزل دخلت عليهم
غزل ببتسامه : ازيك ي اياد
اياد ببتسامه : الحمدلله ي قمر
سليم مسكو من التيشرت : انت بتعاكسها قدامي
اياد بضحك : خلاص هبقا اعكسها من وراك
سليم : متجبرنيش امد ايدي عليك
اياد بص لسليم وبص لغزل : انتو ريحين فين
غزل بفرحه: سليم هيخرجني
اياد بص لسليم
سليم فهم : لا مش هتيجي
اياد بحزن مصطنع : كدا ي سليم دا انا صحبك من زمان
سليم : ولا اعرفك
اياد بص لغزل : شوفي جوزك بيعمل فيه اي
غزل بضحك علي طريقته : خلاص مش تزعل
اياد : انت قلبك قاسي
غزل بضحك : اوي اوي
اياد طبل علي الطرابيزه : انت مش بتحس
غزل بضحك : كدا وكدا
اياد : لولولولولولوي
سليم : بااااس يخربيتك (بص لغزل) احزمك وترقصي انتى كمان
اياد : ايوا يلا
غزل ضحكت جامد
سليم بص لغزل : لو سمعت صوتك تاني مفيش خروج
غزل حاولت تكتم ضحكتها: اهو خلاص
اياد بحزن مصطنع : يعني مش هتاخدني معاك
سليم : لا
اياد وقف : انا اروح اخرج مع فريده مش عايز منكو حاجه
غزل: مين فريده
.......
#يتبع
#بقلمي رحمه محمد
#روايه بنت يتيمه
البارت 13
غزل : مين فريده
سليم : دي حبيبت اياد
اياد ابتسم : فريده دي حياتي كلها بقالنا سنه مع بعض
غزل ابتسمت وبان حب اياد لفريده فعيونو : ربنا يخليكو لبعض
سليم بتفكير : جاتلي فكرا
غزل واياد: اي هي
سليم ابتسم وبص لاياد : روح هات فريده ونخرج كلنا سوا وغزل تتعرف عليها
غزل بفرحه : ايوا فكره حلوه اووي
اياد : ماشي
اياد قام وقف
سليم : رايح فين يمتخلف
اياد بستغراب : هجيب البت يكابتن
سليم : صبرني يارب رن عليها ي بنى ادم ونروح نجبها ونخرج
اياد : صح انت صح
سليم : الصبر من عندك يارب
غزل واقفه بتضحك عليهم
اياد رن علي فريده وقال ليها تجهز ونص ساعه وهيجي يخدها وهي وافقت
اياد : طيب يلا نمشي
سليم : يلا
قاموا التلاته وسلمو علي سميره ومشيو
سليم رايح يركب عربيتو واياد راح علي عربيتو
غزل بصت ليهم : استنو
الاتنين لفو ليها بستغراب
سليم قرب منها : انتى كويسه ي حبيبتي
غزل ابتسمت : ايوا بس طلما كلنا مع بعض يبقا نركب عربيه واحده
سليم : طيب تعالو في عربيتي
اياد حط ايدو في وسطو : ولي مش عربيتي متشبهش ولا متشبهش
سليم ضحك جامد : اي حاجه يعم
اياد راح لعربية سليم وفتح باب العربيه : طب يلا
غزل بضحك : كان من الاول
سليم بضحك : يلا ي غزل
ركبو عربية سليم ووصلو عند بيت فريده... وفريده نزلت من بتها وركبت العربيه جنب اياد
(سليم كان بيسوق وغزل جنبو واياد وفريده ورا)
*فريده*: بتحب اياد جدا عايشه مع والدتها وباباها توفي من سنه...ملامحه جميله وبريئه جدا عيونها رصاصي نفس عيون اياد وشعرها قصير
اياد ببتسامه وهمس : وحشتيني
فريده بكسوف وهمست : وانت كمان
غزل ببتسامه لفريده : ازيك
فريده ببتسامه : الحمدلله ي غزل.. اياد حكالى عنك انتى وسليم
اياد : عقبالنا لما نتجوز اناوانتي يارب
سليم : مستعجل اوي يخويا
اياد : ايوا ما انت فيوم ومكملتش الليل بتاعو كنت اتجوزت يمفتري (بص لفريده) متيجي نتجوز
فريده اتكسفت وخدودها احمرت
سليم بضحك : السكوت علامة الرضا زغرط يبني
اياد : لولولولوي
غزل : طيب ما انتو مع بعض من سنه لي متجوزتوش
فريده : بسبب وفات بابا
غزل : الله يرحمو
كملو باقي الطريق بفرحه وضحك كتير
وصلو الملاهي ونزلو من العربيه
غزل بفرحه : وصلنا
فريده بفرحه وبتشد ايد اياد : يلا بسرعه
سليم واياد بصو ليهم وبعدين بصو لبعض
اياد : دا باينو هيبقا مرار طافح
سليم : جبنا اطفال معانا
سليم خد غزل واياد اخد فريده...
*عند سليم وغزل
غزل بتشاور علي بيت الرعب : سليم عايزة ادخل بيت الرعب
سليم بتوتر : بلاش يغزل
غزل : لي انت بتخاف
سليم : لا انا بتكلم عليكى
غزل : مش بخاف يبني انا وخده بطولات فيه تعالى بس متخفش
وشدتو وراحت عند البيت
غزل اول ما دخلت البيت... مسكت ايد سليم جامد
سليم : اي ي بطل خوفت
غزل : لا انا بس بطمنك انت
سليم ضحك : لا متخفيش عليا
غزل فضلت تصوت لحد ما خرجت من البيت جري
سليم وراها وبيضحك جامد : مش قادر
غزل بخوف : يماما عااااا
سليم بضحك : احنا خرجنا خلاص انتى لسه بتصوتي
غزل : منكلله انت السبب
سليم ولسه بيضحك : وانا مالى ي لمبي مش انتى الى عملتى فيها بطل
غزل : يعنى انت لازم توافقني
*عند اياد وفريده
فريده : اياد عايزه اركب قطر الموت
اياد : لا
فريده : ونبي ي اياد وحياتي
اياد : ي حبيبتي هتخافي
فريده : لا مش هخاف
اياد : لا ي فريده انا خايف عليكى
فريده شدته : تعال بس
راحو عند اللعبه ولسه هتبدا
اياد : انتى متاكده يفريده
فريده بتحاول تداري خوفها : ولا تقلق بص هبهرك
اياد : ربنا يستر
اللعبه بدات
فريده : عاااااا نزلوناااااااى يالهوى
اياد بيضحك جامد : ي بنتى اهدي فرجتي علينا الناس
فريده : عاااااا نزلنى ي عمو ونبي انا هموت هنا
اياد مش قادر يبطل ضحك
فريده : منكلله ي اياد انت السبب يارتني ما كنت عرفتك عاااااااا
اياد بيضحك : مش انتى الى عايزه تركبي اشربي بقا
فريده : عاااااااا الحقوني منكولله نزلوناااااي
فريده فضلت طول اللعبه تصوت والناس بتتفرج عليها وبتضحك
نزلو من اللعبه فريده دايخه واياد مش مبطل ضحك عليها
فريده : بطل ضحك
اياد بضحك : انا اتبهرت فعلا
فريده : مكنتش اعرف انها صعبه كدا يالهوى
اياد بضحك : عشان تسمعي الكلام
فريده : طيب شوف سليم وغزل فين عشان نقعد مع بعض شويه
اياد : ماشي
اياد رن علي سليم.. واتقبلو كلهم
كانو قعدين الاربعه بيضحكو ويهزرو
غزل وفريده بصوت واحد
غزل : سليم عايزه ايس كريم
فريده : اياد عيزه غزل بنات
سليم واياد ضحكو عليهم : ماشي
قامو مع بعض سليم راح يجيب ايس كريم بالشكولاته لغزل... واياد راح يجيب غزل البنات لفريده
وبعد شويه رجعو.... سليم كان معاه الايس كريم بالشكولاته وبلالين
سليم : الايس كريم اهو وجبت بلالين كمان
غزل ببتسامه : ربنا يخليك ليا
اياد جه وفريده خدت غزل البنات
فريده : تسلم ي كبير
اياد : الله يكرم اصلك
فضلو طول الوقت يضحكوا مع بعض
غزل : سليم هروح اجيب حاجه اشربها
سليم : استنى هروح انا اجبلك
غزل ببتسامه : لا انا هروح خليك انت... تحب اجيب ليكو حاجه
فريده هتتكلم
اياد : هاتي ليها عصير مانجي
فريده ضحكت وسكتت
غزل بضحك : حاضر
غزل بصت لسليم وابتسمت : اجبلك حاجه
سليم بخوف : خليكى وانا هجبلك
غزل ببتسامه : مش هتاخر
غزل مشيت وسليم عينو عليها وحاسس بخوف
سليم وقف : انا هروح ليها
فريده : هي هتروح وتيجي
اياد حس بخوف صحبو : ماشي روح
سليم مشي في الطريق الى مشيت في غزل
سليم : كانت هنا راحت فين
غزل اختفت وسليم خاف جدا عليها
سليم سمع حد بينادي عليه بصوت عالي ركز في الصوت وكانت غزل
سليم بزعيق: غزل
......
#يتبع
شكرا علي تفاعلكم 🖤
تتوقعو حصل اي مع غزل..
#بقلمي رحمه محمد
#روايه بنت يتيمه
البارت 14
غزل سابت سليم واياد وفريده ومشيت...
.......: غزل
غزل افتكرت سليم جه وراها..
غزل ابتسمت ولفت : انا مش قولت.......
كملت بصدمه : س...سامر
سامر مبتسم : ايوا سامر
غزل وبترجع لورا : انت بتعمل اي هنا
سامر بيبص لغزل بنظرات غربيه : ليكي وحشه والله.. كدا تسيبي خالتك وتمشي
غزل بغضب : انتو كدبتو عليا وسمعتكو وانتو بتتكلمو وانت كنت عايز.....
غزل سكتت وبصت لسامر بقرف
سامر ضحك : كملي
غزل بغضب : امشي من هنا بدل ما انادي علي.......
سامر قاطعها : اي هتنادي علي سليم السيوفي جوزك
غزل : ايوا هنادي عليه ولو شافك هيقتلك
سامر : ما هو مش هيلحق يشوفني
غزل بتوتر : ت... تقصد اي
سامر شد غزل من اديها جامد وبيمشي
غزل : سبني عاااااا سليم
سليم كان بيدور علي غزل... وسمع صوتها
سليم : غزل
غزل حست بالامان لما شافت سليم جاي عليهم
سليم قرب من سامر وفضل يضرب فيه لغايت ما اغمي عليه
اياد شاف سليم وهو بيجري وراح وراه.. وشاف سليم بيضرب سامر فضل يحاول يبعد سليم عنو
فريده راحت لغزل وحضنتها
سليم قرب من غزل : انا مش قولت انا هروح اجيب وانتى مسمعتيش الكلام افردي كان خدك دلوقتي كنت هعمل اي
غزل عيطت وجريت حضنت سليم
غزل بعياط : دا سامر ابن الست الى ضحكت عليا كان عايز ياخدني ي سليم
سليم بهدوء وحاول يهديها : طيب اهدي انا معاكي متخافيش انا معاكي .. يلا نمشي
سليم بص لاياد... واياد فهم هو عايز اي
اياد بص لفريده : روحي معاهم وانا شويه وجاي.
فريده بخوف : لا تعالى معانا
اياد قرب منها وحضنها وباسها من جبينها
اياد بحنان : متخافيش مش هتاخر وهكلمك كل شويه
فريده هزت راسها بالايجاب ومشيت مع سليم وغزل
راحو ركبو العربيه.. سليم ساق العربيه وغزل وفريده قعدو وراه ومشي
فريده بخوف : واياد
سليم : اياد هيجي ورانا متخافيش
فريده بتوتر : م ماشي
سليم وصل فريده بيتها
سليم : اياد كويس متقلقيش عليه
فريده ابتسمت بخوف : ماشي
سليم : غزل انتى كويسه
فريده ابتسمت : غزل نامت
سليم بص وراه لقاها فعلا نامت ابتسم وسكت
فريده نزلت من العربيه وطلعت بيتها
فريده : حبيبتي ي ماما انتى لسه صاحيه
مامت فريده : انتى عارفه اني مبعرفش انام غير لما اطمن عليكى ي حبيبتي
فريده قربت منها وباستها من جبينها : انا جيت اهو ي حبيبتي كنت مع اياد وسليم ومراتو غزل
مامت فريده : مالك ي حبيبتي قلقانه لي
فريده ابتسمت : انا كويسه ي ماما
مامت فريده : مش هغصب عليكى تحكي يحبيبتي بس ربنا يريحك ليكى قلبك وعقلك
فريده حضنتها : ربنا يخليكي ليا ي ست الكل
*عند سليم وغزل
سليم وصل ودخل الفيلا وهو شايل غزل
سميره جريت عليها : مالها ي سليم هي كويسه
سليم ابتسم : ايوا هي نايمه بس
سميره ابتسمت : طيب يلا طلعها
سليم : انتى اي الى مصحيكي لحد دلوقتي
سميره : كنت مستنيه اطمن عليكوا حسيت ان في حاجه حصلت معاكو
سليم : احنا كويسين ي سوسو يلا روحي نامي
سميره بحنان وباست غزل من جبينها : اوعي تزعلها ي سليم كفايه الى هي عشتو ي حبيبي
سليم بص لغزل : عمري ما هزعلها ي ماما
سميره ابتسمت : وانا واثقه فيك ي حبيبي
سميره سبتهم وراحت اوضتها وسليم طلع بغزل اوضتهم
ونيمها علي السرير... وراح نحيت الدولاب بتاعو وطلع لبس ودخل الحمام
بعد فتره خرج سليم من الحمام وقرب من غزل وهي لسه نايمه
سليم بخوف : لو كان حصل حاجه ليكى كنت هعمل اي ي غزل خوفتيني عليكي اوي كنت هموت لما اختفيتي من قدامي كنت تايه انا اسف اني زعقت ليكي ي حبيبتي
ونام جنبها وخدها فحضنو جامد
سليم : اوعي تعملي فيه كدا تاني ي غزل مش هستحمل صدقيني انتي بقيتي كل حياتي
وقاطع كلامو صوت رساله علي تليفونو وفتحها وشافها وابتسم
*عند اياد
واقف تحت بيت فريده ورن عليها... فريده ردت بسرعه
فريده بخوف : انت فين وبرن عليك مش بترد لي ولي سبتنا ومش جيت معانا خلتني هموت من الخوف عليك
اياد ابتسم : انا كويس ي حبيبتي
فريده بعياط : انا خوفت عليك اوي ي اياد
اياد : طيب انزلي
فريده بستغراب : انزل فين
اياد ببتسامه : انا تحت البيت انزلي
فريده بصدمه : لا مش هينفع ي امشي
اياد باصرار : انزلي لطلعلك ي فريده
فريده بخوف : لا ي اياد امشي عشان خاطري
اياد : ماشي همشي سلام
فريده : ايا...
اياد قفل معاها
فريده : اوف بقا هو زعل اهو طيب ما انا كنت هعمل اي مينفعش انزل دلوقتي الساعه 1بلليل
اياد : وانا طلعت
فريده : عااااا
اياد قرب منها بسرعه وكتم صوتها : يخربيتك هتفضحيني
فريده بصدمه : انت طلعت ازاى
مامت فريده خبطت علي بابا الاوضه
مامت فريده : فريده حبيبتي انتى كويسه
اياد بيخبط علي وشو بايدو : يفضحتك ي اياد يفضحتك
فريده كتمت ضحكتها : ايوا ي ماما انا كويسه
مامت فريده : كنتي بتصوتي لي
فريده : اصلي ش..شوفت صرصار
مامت فريده بستغراب : صرصار؟. فين دا
فريده : في البلكونه ي ماما
مامت فريده : طيب تصبحي علي خير
مامات فريده مشيت
فريده بضحك : انت بتعمل اي هنا
اياد بيقرب منها : بطمن علي حبيبي
فريده بتوتر : طيب انت بتقرب لي
اياد بيقرب اكتر : عشان تسمعيني
فريده بترجع : لا انا بسمع كويس من بعيد
اياد شدها ليه وحضنها : تعالى بس
فريده عيونها دمعت : خوفت عليك اوي ي اياد
اياد بيمسح دموعها : اهدي محصلش حاجه
فريده : مين الى كان عايز ياخد غزل دا ولي انت فضلت ومش مشيت معانا وبرن عليك مش بترد
اياد : شششش انا كويس
فريده بدموع : انا مش هستني اني اخسرك زي بابا ي اياد انا مش هستحمل
اياد ابتسم : وحياتي عندك بطلي عياط وانا معاكي اهو وعمري ما هبعد عنك
فريده اتنهدت براحه: وعد
اياد حضنها اكتر : وعد
*في صباح يوم جديد
غزل صحيت كانت لسه بلبسها وسليم مش جنبها
غزل بخوف : سليم......
.......
#يتبع
يارب يكون البارت عجبكم 🥺 تسلموا وتسلم كلامكم وتعليقاكم الحلو ده 🥰 ربنا يخليكم ليا ❤️لو عجبتكم الروايه متنسوش تعلقه ب20ملصق لايك ومتابعه للمدونه في الأسفل
اتمنلكم اقراءه ممتعه في روايات كاملة 😍💙🤘
تكملة الروايه من هنا
تعليقات
إرسال تعليق