 |
#بقلمي رحمه محمد
#روايه بنت يتيمه
البارت 15_16
*في صباح يوم جديد
غزل كانت لسه بلبسها الي خرجت بيه وسليم مكنش جنبها
غزل بخوف : سليم
قامت غير لبسها ونزلت من اوضتها.. شافت سميره قاعده في الصالون
قربت منها : خالتو هو فين سليم
سميره ببتسامه : صباح الفل.. سليم قال انو رايح مشوار وراجع مش هيتاخر
غزل : طب لي مش صحاني وقالي
سميره : محبش يقلقك
غزل : هو اي الي حصل معايا امبارح انا مش فكرا غير اني كنت في العربيه
سميره ضحكت : نمتي
غزل : نمت؟
سميره بضحك : ايوا نمتي في العربيه وسليم شالك وطلعك الاوضه
غزل ضحكت : نمت كتير اوي
سميره : شكلك كنتي تعبانه.. يلا ي حبيبتي قومي افطري
غزل : مليش مزاج ي خالتو
سميره باصرار : لا ي غزل مينفعش قومي افطري يحبيبتي
غزل : حاضر
*عند سليم في المخزن
سليم بيضرب سامر بقوه
سليم بغضب : ايدك دي هقطعهالك عشان لمستها بس
وضربو بالبوكس جامد
اياد بضحك : يبني اهدي بقا
سليم : متقوليش اهدي
اياد بضحك : الواد هيموت
سليم بعد عن سامر
اياد بضحك : اهدي بقا كدا
سامر بتعب من الضرب : هي الي كانت بتوقعني هي الى قالتلى عايزه تيجي معايا واول ما شافتك صوتت
اياد : يبني اتكتم هيموتك
سليم قرب من سامر : عيد كدا تاني
اياد بضحك : البس ي سوسو
سامر خاف من نظرات سليم وسكت
سليم بزعيق : عيد الى قولتو
سامر بخوف : لا مقولتش حاجه
اياد ضحك اكتر : هموت
سليم تليفونو رن وكانت غزل... خرج برا المخزن
سليم : الو ي حبيبتي
غزل بخوف : انت فين ي سليم
سليم : اهدي ي حبيبتي انا في مشوار مع اياد وراجع
غزل اتنهد : طيب هترجع امتى
سليم ابتسم : وحشتك
غزل : بطل رخامه انت فين
سليم كشر : يعني موحشتكيش
غزل ابتسمت : انت بتوحشني وانت معايا ي سليم شوف بقا وانت بعيد
سليم ابتسم : بحبك
غزل : وانا بحبك
اياد جه من ورا سليم : تيراراررا
سليم : سلام ي حبيبي دلوقتي ونص ساعه وجاي
اياد : سلام ي غزولا
سليم قفل مع غزل وبص لاياد
سليم : غزولا
اياد : ايوا
سليم بصدمه : انت بدلع مراتي قدامي وبتبجح كمان
اياد ابتسم : ايوا عادي
سليم : اياد هضربك
اياد : خلاص هبقا ادلعها من وراك
سليم : يصبر ايوب
اياد : ايوب ماتت ي سولوم ادعيلو بالرحمه
سليم : خفه.. يلا انا همشي عشان غزل قلقانه
اياد : ابي سليم
سليم بصدمه : ابي.؟
اياد : انا عايز اتجوز ي ابي
سليم حط ايدو علي كتف اياد : بص ي اياد يبني انا عشت وشوفت كتير اوي وانا من نظري انك متنفعش في الجواز
اياد ضحك علي طريقة سليم : لا هنفع متقلقش
سليم : طيب ما تتجوز
اياد: ايوا ما انا عيزك تيجي معايا انت وغزل وسميره
سليم : اديني سبب واحد يخليني اعمل كدا عشانك
اياد : مش هقرفك كل شويه ومش هفضل ارن عليك
سليم بتفكير : انت صح
اياد : خلاص اخر الاسبوع نروح لمامت فريده
سليم ببتسامه : ماشي
عدا الاسبوع وجه اليوم الى هيروحو في لمامت فريده
(في الاسانسير)
سليم : فين الورد او الشكولاته الى هتدخل بيها علي الناس
اياد بستغراب : اعمل بيهم اي
سليم : انت مجبتش حاجه بجد
اياد : هو كان لازم اجيب
سليم : يلا نرجع الواد هيشلني
اياد : طب استنى
سليم بستغراب : هتعمل اي
اياد : في سوبر ماركت تحت هنزل اجيب توفي وشبسي وشكولاته من تحت فريده بتحبهم
سليم بصدمه : انت بتتكلم بجد
اياد : اه والله هنزل
سليم : دا بينو هيبقا مرار طافح
غزل بضحك : يالهوي هموت.. خلي ينزل ي سليم
اياد : اهو غزولا موافقه
سليم بص لاياد : اتلم وعدي يومك بدل ما يبقا يوم اسود عليك وعليها وعلي الناس هما كمان
اياد : لا ونبي خلاص سكت اهو
الاسانسير اتفتح قدام شقة فريده
غزل لسه هتطلع من الاسانسير واحد كان هيخبط فيها
الشخص : اسف... اي القمر دا
سليم قرب من الشخص ولسه عيونو علي غزل : مين دي الى قمر
الشخص(شاور علي غزل) : دي
سليم شدو من هدومو ودخل بي الاسانسير.. وفضل يضرب في وبعد وقت سليم خرج من الاسانسير
اياد بضحك : الله يخربيتك
سليم بغضب : يلا ادخل عشان انا علي اخري
غزل : مكنش لي داعي تعمل دا كلو ي سليم
سليم بغضب : واحد بيعاكس مراتي وعيزاني اسكت اركب اريل بالمره
غزل بضحك : طيب اهدي
اياد خبط علي بابا شقة فريده.. ومامتها هي الى فتحت
ورحبت بيهم جدا
مامت فريده : اهلا وسهلا اتفضلو
اياد ببتسامه : اهلا بيكي (شاور علي سليم) دا سليم السيوفي صحبي (وشاور علي غزل) ودي مدام غزل سليم السيوفي
مامت فريده ببتسامه : نورتو
غزل ببتسامه : بنور حضرتك .. فين عروستنا
مامت فريده : في اوضتها.. تعالى ادخلي ليها
غزل ببتسامه : طيب هي فين اوضتها
مامت فريده (شاورت علي الاوضه): دي ي حبيبتي
غزل قامت وراحت الاوضه بتاعت فريده وخبطت
فريده : ادخلي ي ماما
غزل ببتسامه : عروستنا القمر
فريده بفرحه : غزل اتفضلي..بحسبك ماما
غزل ببتسامه : زي القمر
فريده بتوتر : بجد
غزل ببتسامه : والله شكلك يجنن ربنا يحميكي
*برا عند مامت فريده وسليم واياد
سليم : احنا جيين نخطب فريده لاياد
مامت فريده : فريده قالتلى وانا موافقه وهي كمان موافقه
اياد : بس انا عايز اكتب الكتاب اخر الشهر
مامت فريده : بالسرعه دي
سليم ببتسامه : مش بسرعه ولا حاجه عيزين نفرح بيهم
اياد بهمس : كداب عايز تخلص مني
سليم بهمس : اخرس انت مش وقتك
مامت فريده : ناخد راي فريده الاول علي موضوع كتب الكتاب وانا ميهمنيش غير سعادت بنتي
وقامت راحت تجيب فريده
مامت فريده دخلت الاوضه : جهزتي ي حبيبتي
فريده بتوتر : ايوا ي ماما
طيب روحي المطبخ انتى وغزل عشان تقدمي العصير
فريده بتوتر : حاضر
مامت فريده قربت منها وعيونها دمعت : كبرتي ي حبيبتي وبقيتي عروسه زي القمر
فريده حضنت مامتها : ربنا يخليكي ليا ي ست الكل
*برا عند سليم واياد
اياد : فينك ي سميره كان نفسي تكوني موجوده
سليم : كانت عايزه تيجي بس تعبت شويه
اياد : بعد ما نمشي هروح اشوفها
مامت فريده جت : نورتوني ي حبايبي
اياد : البيت منور باهلو ي حماتي
مامت فريده وسليم ضحكو
*عند فريده وغزل في المطبخ
فريده : هعملها ي غزل
غزل : بلاش ي بنتى
فريده باصرار :........
....
يتبع
البارت 16
سليم واياد اول ما شافوهم بصو لبعض وسكتو
مامت فريدة : تعالي ي حبيبتي
فريده بابتسامه : حاضر ي ماما
وقعدت جنب اياد وغزل قعدت جنب سليم
اياد بهمس : اي القمر دا
مامت فريده : اياد بيقول ان كتب الكتاب اخر الشهر اي رايك ي حبيبتي
فريده : بسرعه كدا
سليم : ملهاش لازمه الخطوبه انتو بقالكو سنه مع بعض
غزل : ايوا وافقي عشان عيزين نفرح بيكو
فريده بابتسامه : موافقه
سليم : طب يلا نقرا الفاتحه
اياد ببتسامه : يلا
مامت فريده : صدق الله العظيم... الف مبروك ي حبيبتي
فريده جريت عليها حضنتها
غزل : الف مبروك
فريده بفرحه : الله يبارك فيكي ي غزل
سليم : مبروك ي صحبي اخيرا هخلص منك
اياد : قاعد علي قلبك
سليم : لا احنا متفقناش علي كدا
كلهم ضحكو
سليم لاحظ ان فريده وغزل بيبصو لبعض وبيبتسمو
سليم خبط اياد وهمس : هما بيبصو لبعض كدا لي
اياد ضحك : شكلهم هيقتلونا
غزل مسكت كوباية عصير وقدمتها لسليم
سليم : يكرم اصلك
في نفس الوقت فريده مسكت كوبايه وقدمتها لاياد
اياد : حبيبي تسلم
وفريده قدمت كوبايه لماما وخدت هي وغزل كوبايه
فريده بصت لغزل وابتسمو بخبث
سليم بخبث : انتو بصين لبعض كدا اشربو
غزل : حاضر
غزل شربت شويه من العصير ورماتهم : يالهوي شطه
في نفس الوقت شربت فريده ورماتهم : يعع ملححح
اياد وسليم بصو لبعض بنتصار وضحكو
اياد ضحك : وقعتو ولا حد سمي عليكو
سليم : بقا انتو كنتو عيزنا نشرب ملح وشطه
فريده : انتو عرفتو ازاي
_فلاش باك
مامت فريده كانت في الاوضة عند فريده وغزل
اياد : انا عايز اشوف فريده
سليم : طب ما هي جايه انت غبي
اياد : عايز اشوفها قبل ما تيجي
سليم : عندي فكرا... لما مامتها تيجي اسألها عن الحمام وهي هتبقا في المطبخ
اياد : لا ذكي
مامت فريده جت
اياد : ممكن الحمام
مامت فريده : اكيد تعالي اتفضل يبني
ووصلتو للحمام وكان المطبخ جنبو
اياد : شكرا
مامت فريده مشيت واياد كانت هيدخل المطبخ سمع
غزل : بلاش يفريده
فريده باصرار : لا شويه شطه صغيرين نضحك شويه
غزل : طب بالمره شوية ملح لسليم
ضحكو هما الاتنين
اياد برا : دول عصابه ي قلب امنا يسليم وقعدنا وقعه سوده
ورجع الصالون كان سليم ومامت فريده بيتكلمو
سليم بهمس : انا جمايلي غرقتك
اياد بهمس : يعم اتنيل دول طلعو عصابه
سليم بهمس : مش فاهم
اياد حكي ليه الي سمعو
وكانت غزل وفريده جم... سليم واياد بصو لبعض وسكتو
_باك
غزل : وبدلتو الكوبيات ازاي
سليم : لما كانت فريده بتحضن مامتها بدلتها
غزل وفريده بصو لبعض
اياد قام وطلع علبه صغيره من جيبو وقرب من فريده
اياد بهمس : كنتي هتشربيني شطه ي فريده شطه
فريده بضحك : يعني انت الي شربتها اوي يعني
اياد فتح العلبه وكان فيها خاتم
فريده : الله حلو اوي ي اياد
اياد ابتسم : عجبك
فريده : اوي
اياد : يخساره كان هيبقا من نصيبك
فريده : تقصد اي
اياد : بعد الى عملتى دا اخاف اتجوزك تحطي سم فالاكل
فريده دمعت : والله كنت بهزر
اياد : يخربيتك والله بهزر
فريده : يعني هتلبسهولي
اياد ابتسم : ايوا
ومسك اديها ولبسها الخاتم وباسها من ايديها
اياد ببتسامه : بحبك
فريده ببتسامه : وانا بحبك
كملو القعده هزار وضحك
سليم : طيب يلا عشان ماما
غزل ببتسامه : يلا
مامت فريده : الف سلامه علي مامتك ي سليم
سليم ابتسم : الله يسلمك
اياد وسليم وغزل وقفو
اياد : سلام ي حماتي
مامت فريده بضحك : سلام ي حبيبي
ومشيو
مامت فريده ببتسامه : مبسوطه
فريده ببتسامه : اوي اوي ي ماما
مامت فريده قربت من فريده وحضنتها : ربنا يديم فرحتك
فريده حضنتها اكتر : ويديمك ليا
*عند سليم وغزل واياد
سليم : تعالى اروحك
اياد : لا انا عايز اتمشي
سليم : يلا ي اياد مش هينفع تمشي دلوقتي
اياد ضحك : الساعه لسه9 ي سليم
سليم : مش مطمن ي اياد
اياد : يلا بس خد غزل وانا هتمشي
سليم بقلق : ماشي
اياد مشي وسليم وغزل ركبو العربيه
غزل : انت قلقان كدا لي
سليم : مش عارف
غزل مسكت ايدو وابتسمت : متخافش هيكون كويس
سليم ابتسم وباسها من ايديها
وساق العربيه ومشي..
سليم وغزل وصلو الفيلا
سليم : هروح اطمن علي سميره
غزل : هاجي معاك
سليم ببتسامه : ماشي
سليم مسك ايد غزل وراح اوضة سميره
سليم : سوسو
سميره قفلت المصحف :صدق الله العظيم... حبيب سوسو جيتو امتي
غزل قعدت جنبها علي السرير : لسه وصلين
سليم قرب منها وباس راسها : عامله اي ي حبيبتي
سميره ببتسامه : الحمدلله ي حبيبي... عروسة اياد عامله اي
غزل ببتسامه : كويسه اوي يخالتو
سليم : ايوا ما انتو عملتو عصابه
غزل ضحكت
سميره : ازاي عصابه
غزل ضحكت : انا حطيت في كوباية سليم ملح وفريده حطت في كوبايه اياد شطه وهما حبو يبقو اذكياء وبدلو الكوبيات
سميره ضحكت جامد : عصابه جامده
سليم : وفي الاخر هما الي شربوهم
سميره بضحك : من حفر حفره لاخيه وقعه فيها.. وقعو فشر اعمالهم
سليم بضحك : طب ارتاحي ي ماما شويه واحنا هنطلع
غزل بضحك وباست سميره من جبينها : تصبحي علي خير ي خالتو
سميره : وانتي من اهلو يحبيبتي
سليم ببتسامه : تصبحي علي خير ي حبيبتي
سميره : وانت من اهلو
*عند فريده بتكلم اياد
فريده بضحك : كان نفسي انت الي تشربها
اياد : ماشي ي فريده هتقعي قريب
فريده ضحكت بس سكتت لما سمعت صوتت حد اتخبط بالعربيه
فريده : ايااااااااد
......
يتبع
تكملة الروايه من هنا هنا
تعليقات
إرسال تعليق