 |
part 1
استعدي عزيزتي
مريم بحزن: محمد طلقني
محمد بعدم فهم: ليه فيه ايه
مريم: عشان انا مش هقدر
محمد: مش هتقدري ايه ما تفهميني
مريم: محمد انا عارفة انك هتتجوز عشان ترضي مامتك
بصلها محمد بصدمة
محمد: انتي عرفتي ازاي
مريم: مش مهم عرفت ازاي المهم اني مش هقدر علي و*جع القلب دة صدقني
محمد: بس انا هتجوزها كام شهر وهطلقها وهطلع اي مشكلة عشان ماما تحل عننا
مريم: افهمني انا مش هقدر اشوفكم مع بعض وخصوصا اني عارفة انها بتحبك
محمد بغضب: طلاق مش هطلق فاهمة
ونزل وقفل الباب بغضب
قعدت مريم في الارض تبكي بحسرة علي الي هي فيه
مريم: ليه يارب بيحصلي كدة ليه
دي مريم اتجوزت محمد عن طريق حب دام لمدة خمس سنين ولما اتجوزوا حماتها مسبتهاش وطلعت عليها اشاعات انها مش بتخلف رغم انها راحت لكذا دكتور وقالوا ان مفيش حاجة مجرد وقت بس هي مصرة
ومكفهاش كدة... عايزة تجوز محمد لبنت خالته سها
سها بتحبه جدا وهو عمره ما بصلها وتقدر تقول انها انتصرت انهاردة علي الحرب الي عشتها عشان يبقي ملكها هي!!
خبط الباب فاقت مريم من شرودها وقامت تفتح
دخلت حماتها وزقتها
حماتها بشماتة: ايييه ابني زعلان ليه منك لله.. دة قرف منك و مبقاش يحبك امشي.. غوري بقي
حاولت مريم تملك نفسها: ابنك هو الي عايزني ومتمسك بيا وبكرة يجي اليوم الي ابقي حامل فيه والكل يسكت ومتقدريش تفتحي بوقك
حماتها بسخرية: ومين قالك اصلا انك هتحملي ياماما خلاص انسي سها حبيبت خالتها هتيجي وهتاخد مكانك دة انتي لو ليكي مكان بيننا من اساسه
مريم بكره: انتي ازاي كدة ايه مش خايفة ليحصلك
حاجة قبل ما تتوبي هاا لما تقفي قدام ربنا هتقوليلوا ايه
حماتها: مصلحة ابني ياماما هااا ويلا اداري في اي حتة عشان سها هتيجي تتفرج علي الشقة عشان لو عايزة تغير فيها حاجة عشان الاسبوع الجاي هيبقي كتب الكتاب!
مريم: اطلعي برا
حماتها بصدمة: انتي بتطرديني من شقة ابني
مريم بزعيق: اطلعي براااااا
حماتها بتأفف: خلاص ياختي كتك القرف
قفلت الباب مريم وقعدت تعيط
مريم: ليه حرقة الدم دي يارب
عدا اسبوع وكان اصعب اسبوع
كان واقف محمد قدام المراية بيلبس البدلة
مريم بحزن وكسرة: البس الكرافتة الزرقا بتليق عليك اكتر
محمد با*س ايدها بلطف: متزعليش مني صدقيني مفيش حاجة هتتغير
ابتسمت بكسرة: مش زعلانة ويلا روح عشان متتاخرش
خرج محمد وقعدت مريم وتقريبا دموعها نشفت
مريم: انا هوريكم كلكم كسرة القلب الي انا فيها دلوقتي
يتبع...
part 2
بعد ما كتبوا الكتاب وسط فرحة المعازيم وصوتهم العالي بتدخل مريم وهي لابسة فستان ابيض جميل وشبه الاميرات بتنزل دمعة من عنيها بتمسحها بسرعة
بتقعد بعيد علي ترابيزة لوحدها وسط نظرات محمد ليها وهو مضايق جدا
بيجي وقت فقرة الرقص
سها: يلا نرقص
محمد بتأفف: معلش ياسها مش هينفع
سها: لاا يلاا
وبتشده وبيرقص معاها غصب عنه
بتبقي مريم بتشوفهم وهي حزينة علي الحالة الي وصلتلها معاه
بيجي واحد بصوته الرجولي وبرفانه الي ريحته تشد اي حد
رحيم: تقبلي الرقصة دي
بتبص علي محمد الي لقته مندمج وبتمسك ايده وبيرقصه بكل احترافية ولفتوا كل الانظار
بتنتهي فقرة الرقص
مريم ببتسامة: شكرا جدا
رحيم: رحيم اسمي رحيم
مريم: انا اسمي مريم اتشرفت بمعرفتك يااستاذ رحيم وشكرا علي الرقصة دي
رحيم ببتسامة: انا الي اشكرك طبعا
انا مضطر امشي دلوقتي
هزت مريم راسها ومشي
بيبقي محمد هين*فجر من الغيرة
محمد بغضب: انا هروح بسرعة وراجع
سها بغضب: رايح فين
مدهاش اهتمام وقام من جمبها ومسك ايد مريم وخرجها برا القاعة خالص
مريم: فيه ايه
محمد بغضب: فيه ايه بترقصي مع راجل غريب وفيه ايه
ايه انا مش مالي عينك
مريم: طب مانت كمان كنت بترقص معاها ولا هي تحلي ليك ومتحلاش ليا
ضر*بها بالقلم
محمد: دي بقت مراتي زيها زيك ويلا اسبقيني علي البيت
دخل محمد تاني القاعة
ومريم قعدت تعيط وروحت وهي مكسورة للمرة التانية
تاني يوم
بتصحي مريم علي صوت عالي
سها: يلا قومي حضريلي الفطار انا وجوزي
مريم: انا مش الخدامة الي جبهالك ابوكي عشان انتي مشلو*لة
سها بغضب: قوميي
وقربت منها وقالت بهمس: ولا اخليه يطلقك بكدبة قد كدة
مريم: ياحيوا..
سها: تؤتؤ انا مش بحب كدة اسكتي خالص واسمعي الكلام والا قسما عظما اطردك وتروحي في داهية
مريم: داهية اما تاخدك يابعيدة
سها: يلا يابت
قامت مريم بغضب وجهزت الفطار وادتهولها
مريم: خدي بالس*م الها*ري ان شاء الله
سها: دوقيه
مريم: ههه انتي فاكراني هس*مم واحدة زيك يامع*فنة عشان ادخل فيكي السج*ن
سها: امشي امشي مش ناقصاكي
بيصحي محمد وبيلاقي الفطار متحضر
محمد: مين الجميل الي حضر الفطار
مريم: ا
سها: انا ياحبيبي هو فيه غيري
محمد: غريبة دة دايما مريم هي الي بتجهزه
سها بخبث: قولتلها بس هي مرضيتش وشت*متني
محمد بتنهيدة: معلش ياسها وباس راسها
بصتله مريم بعتاب ودخلت بسرعة وبتحاول تخبي دموعها
بتبص سهة بانتصار علي طيفها وبتاكل مع محمد
عدا اسبوع كامل علي العيشة دي دة غير شماتة حماتها ليها
مريم: انت الي مدخلك هنا
محمد: ايه اوضتي وجاي انام مع مراتي
مريم بسخرية: مراتك دة الي هو انت متجوز واحدة تانية خدت كل اهتمامك ونسيت الي بتقول عليها مراتك
محمد بنفاذ صبر: بقولك ايه هنام هنا ولا انتي مش عايزة
مريم: عايز تيجي تعالي لو مش عايز مش فارقة
نام محمد وجمبه مريم الي مكنتش عارفة تنام بسبب دموعها
اول ما حست انه نام دخلت في حضنه وقعدت تعيط كتير
مريم ببكاء: متسبنيش تاني انا بحبك اوي
عند سها كانت قاعدة متغاظة جدا انه برضو رحلها تاني
ترن ترن ترن
سها بغيظ: رحلها تاني
_خلاص يبقي ابدأي في الخطة الي جاية
سها بفرحة: تمام
يتبع...
part 3
صحي محمد من النوم بيلاقيها ماسكة فيه وحض*ناه
بيملس علي شعرها بحنان وبيطبع قب*لة خفيفة علي خدها ومشي
بتراقبه سها وبتتاكد انه مشي وبتجيب ماية س*خنة وبتدلقها عليها
بتصحي من الصدمة والالم وبتجري للحمام وبتغسل وشها وهي بتعيط
بتيجي سها من وراها وبتتكلم بخبث: دة اخرة الي ياخد حاجة مش بتاعته
بتنشف وشها ببطئ وبتبصلها بملامح هادية وبتمسك ايديها وبتلفها بجحيم
بتقرب من ودانها وبتتكلم بهمس: انتي شكلك نسيتي انك انتي الي هنا ضيفة صح
بتحاول تحرك ايدها منها بس بتمسكها جامد: انتي شكلك نسيتي نفسك يامعن*سة انتي اتجوزتي جوزي عشان مش لاقية عريس يلمك صح
سها: ياحيو
مريم بقوة: لو انتي فاكرة انك هتل*وي دراعي لما تدلقي علي وشي ماية سخنة ولا تصحيني بصوتك المتخلف دة فانسي انا عندي دراعين ها لو لو*يتي واحد عندي التاني ادافع عن نفسي بيه
بتزقها لدرجة ان هي بتقع وبتعدي من جمبها ولا كأن حصل حاجة
وبتروح تقف قدام المراية وبتحط كريم وهي بتتوعدلها (هي والفانز وانا😂🙆♀️)
بتدخل سها وبتقفل الباب علي نفسها
سها ببكاء: الو ياخالتي
ماجدة: الو يابنت الهب*لة بتعيطي ليه
سها: ياخالتي ضربتني
ماجدة: تستاهلي مانتي خايبة طول عمرك
سها: ليه ياخالتي
ماجدة: يعني انا اخليه يتجوزك ومش كدة بس لا اخليه كمان يعملك فرح وكتب كتاب كبير ويعزم الناس كلها وانتي سيباه كدة ليها جتك ني*لة
سها: ايوة اعمل ايه
ماجدة:******
سها بصدمة: دلوقتي
ماجدة: ايوة دلوقتي
سها: حاضر
طلعت مريم من الدولاب نوت صغيرة وكتبت فيها التاريخ والي حصل انهاردة
وكتبت تحتها
"مش استسلام اني امشي بس دة ممكن يبقي اختبار بجد بيحبني ولالا"
استنت لما جه
مريم: محمد عايزاك بسرعة
سها: وان
مريم بصوت عالي: عايزاك يامحمد
محمد: استني ياسها
قفلت الباب عليهم
مريم: بص يامحمد انا قبلت ان تبقي ليا ضرة انت فاهم
محمد: والي اتغير
مريم بغضب: اتغير انها بتشاركني فيك بتشاركني فيك ايه دة كأني انا الضيفة الي انت هتطلقها
محمد: ياحبيبتي
مريم بصوت عالي: بس كفاية انت مش شايف وشي انت مش شايفه
مسكت مناديل وشالت الميكاب الي كانت مخبية بيه شكل وشها الاحمر
بيلمس وشها
محمد: ايه دة
بتبعد عنه: متلمسنيش انا بقيت اكرهكم كلكم هي الي عملت فيا كدة
محمد: ازاي
مريم: لسة مش مصدق صح
بتمسك مريم الشنطة وبتحط فيها هدومها
محمد: انتي بتعملي ايه
مريم: سيبهالك انت وهي الهي تخر*ب عليها
بعد ما حضرت هدومها
مريم: لو انت فاكر اني مليش حد يوقفلك فانا هوقفك
نزلت تحت بغضب وهو نزل وراها وكانت سها واقفة فرحانة
بتركب مريم تاكسي بسرعة وبتبص وراها علي محمد وبتبتسم بخبث
مريم: كدة اللعب هيبقي امتع
يتبع...
تكملة الروايه من هنا هنا
تعليقات
إرسال تعليق