 |
💥المقدمة 💥👈بقلم ✍️ سلطان زماني
كنا عايشين ومبسوطين وابويا راضي بقليلة وربنا بيعينه
علينا وكان في خير وبركة وكنا عائلة كبيرة وبتنا ده مش
بيخلي من قريبنا عمامي. عماتي. بنات عماتي وولادهم كان
اليوم بيعدي مش بنحس بيه من حلاوته وكانت جدتي الله
يرحمها عايشة ومكنتش بتحب تقعد مع حد غير ابويا لانه
كان حنين عليها اوي ومرتبطه بيه جدا وليه معزه في قلبها
اكتر من اخواته كانت اوقات امي تغير من دلع ابويا لجدتي
كان يقعد يسرح شعرها ويشغلها اغاني بتاعة زمان علشان
تسقف وكان استحالة يقعد معانا أو يدخل اوضة امي قبل ما
يدخل لجدتي ويطمن عليها وكانت أمي ديما بسمعها بتشتكي
ل إخوتها عن الي بيعمله بابا مع جدتي ابويا كان طيب جدا
عكس امي..امي مش يتسامح وبتخزن وكنت بشوفها بتحب
تكبر المواضيع ووقفه ل بابا علي الوحدة الي عرفته من
جدتي اني امي ربطت ابويا ب العيال خافت ليتجوز عليها أو
يطلقها لانها عارفه أنه مش بيحبها وأنهم واحنا صغيرين كانو
بيتخانقو مع بعض كتير ولولا جدتي كان ابويا طلق امي من
زمان ومكنتيش جيتي يابت وكانت تضحك وانا كنت بعشقها
عمرها ما زعلت حد منها ع طول تجبلنا حاجات حلوه ولو
امي ضربت حد فينا يبقا يومها اسود ورغم كبر سنها ده كانت
تقول وتحوش وتزق امي وتقولها ولاد الغالي دول ميضربوش
جتك ضربه في مصارينك ومكنتش انام غير في حضنها
جدتي كان عندها مشاكل في التنفس في الرئتين ومركبه
دعامه في القلب وكنت حفظة مواعيد الأدوية واظبط المنبه
اقوم اتاكد انها اخدت الدواء وأكمل نومي تاني
حنيه الدنيا كلها فيها في مره دخلتها الصيدلية تقيس الضغط
وتجيب علاج وانا كنت وقفه عن مكتبه وكان فيها عروسة
حلوه اوي لقتها وقفه جنبي استغربت وقالتلي وقفه بتتفرجي
علي ايه يا منه قولتلها العروسة دي قالت الراجل هتلاها
ياجدع انت العروسة الي عجبها دي
قالي انهي وحده شورتله عليها قالي الي مكتوب عليها 80
جنيه قالتله أن شاء تكون ب800 فات علي الحال ده ٦ سنين
كانت جدتي جالها شبه زهايمر اوقات تفتكرنا وأوقات لا وع
طول ع السرير مش بتقوم غير تخش الحمام أو تروح تكشف
مع ابويا أو امي وترجع لحد ما سمعت امي وهي بتقول ل
ابويا ما تخليها تكتبلك الأرض الي حيلتها ب اسمك
ع الأقل تبقا اخدت تمن خدمتك ومرمطتك معها طول العمر كله
يتبع ..
🔥البارت الاول 🔥
ستي كانت مجمعه العيلة كلها ..كله يوميا بيجي يمضي
حضور وانصراف يجو يطمنو عليها ويبوسو ايديها ويخدو
منها دعوه حلوه وكله بيتمنا رضها ..اوضتها دي عبارة عن
جنه ريحة المسك والعود والياسمين والفل مغرفة الاوضه
وهدومها
ع طول ذكر وتسابيح القران شغال في اوضتها ٢٤
ساعة بليل بس توطي الصوت لو أنا نايمها معها
ديما كلمة الحق علي لسنها. متحبش الكدب وصريحة جدا
ومش بيهمها حد ولا بترعي شعور حد في الغلط
كانت بتحب احفادها اكتر من ولادها
ابويا كان ديما يقول اني ربنا كرمه بسببها ومخلي رزقه فيه
بركة وميستورين بسببها
ستي كانت عارفه تاريخ كل العيلة وكانت ديما تحكيلي عن
ايام زمان مكنتش بمل ابدا من حكاويها بالعكس كنت اقعد
افتح معها كلام واستفسر عن كل حاجه وكنت برتاح وانا
بسمعها وبحس انها كمان مرتاح انها بتحكي واني في حد
بيسمعها عكس اخواتي الباقين واحفادها بيحبوها اه ويمكن
اكتر مني بس كله سلام وهزار سريع سريع كده
المهم بعد ما امي قالت ل ابويا خليها تكتبلك الأرض الي
حليتها وكان معني كلامها اني استغل الحالة المرضية الي هي
فيها والأوقات الي عقلها فيه بيغيب وبتنسي
قالها ..ارض ايه الي اخليها تكتبهالي انتي اتجننتي
امي ..هو حد شارب المرار والعذاب معها غيرنا حد بيصبر
عليها ولا بيستحملها غيرنا ..مين الي بيتبهدل ويتشحطت في
الموصلات وورايح جاي ع الدكاتره والمستشفيات ده حقك
وحق عيالك مش احسن ما حد من اخواتك يسبقك ويعمل
كده ويلهف الأرض لوحده
ابويا..بقولك ايه اكتمي حطي لسانك ده جوه بوقك وبناقص
ياستي من مساعدتك ليها ..امي وانا أوله بيها
امي ..ع رحتك يا اخويا بس خد بالك اول ما هحس اني
المركب هتغرق أنا هنط واسبلك المركب بالي فيها
ابويا ..مركب ايه الي تغرق
امي ..انت معاك بنتين وحده منهم ع وش جواز خلاص
معملتش حسابك لو جالك عريس ليها هتجزها منين
ومصطفي حبيب قلب امه مش لازم يتجوز وعايز شقة ومولد
ليه متعيشناش زاي اخوك كمال كده عمارة بتاعته مقعد فيها
عياله كلهم ده صارف بس علي جهاز بنته 150 الف ده جيبلها
التكييفات كمان ده غير المحلات الي بيفتحها لولاده
ابويا .. ياولية قولي ماشاء الله ولا حول ولاقوة الا بالله
ماله حالنا احنا احسن من ناس كتير الحمد لله الي يبص في
عيشت غيره تحرم عليه عيشته احمدي ربنا
امي ..حمداه يا اخويا وشكراه وبحمد فضله ..خليك انت كده لحد ما تخرب في دماغك
....امي مبطلتش زن وتقلب وشها عليه وكنا كلنا ملاحظين
قلبت وشها وحتي لما يتصالحو بترجع تاني تزن تزن ولما
تلاقيه ع رأيه ترجع تاني تعامله معاملة زاي الزفت وتقلب
وشها ولما يتصل بيها علشان تاخد ستي وتروح يخدو جلسة
البخار وتصرف العلاج من التأمين الصحي تقوله أنه مش
فاضية وأنه قالها ..اني دي امي وانا أوله بيها ....
كان يسيب الشغل وياخد خصم ويجي يوديها أو يتصل بحد
من اخواته أو يخليني انا واختي نروح بيها
فضلنا حوالي شهر او شهرين علي الحال ده لحد ما اقنعت
ابويا أنه ياخد منها الأرض واني اخواتك معاهم فلوس ومش
محتاجين ومش هيفرق معاهم الورث وانت مش اقل منهم
وهي كده كده بتحبك وانت بذات لو طلبت عنيها مش هتقولك لا.
يتبع ..متابعة لصفحتي الشخصية لضمان وصول باقي القصة ليك
البارت التاني
امي اتصلت ب خالي جيه بعربيته ونزلنا ستي كانت نايمة
علي الكنبه الي وراء وانا معها نايمه علي رجلي وياعيني
مكنتشي فاهمة حاجه وابويا وامي سبقونا ب التاكس الشهر
العقاري ابويا وخالي طلعو فوق علشان يظبطو الورق ويكتبو
وعلي البصمه بتاعتها خالي كان عارف موظف جوه اخد
فلوس ونزلوا وكان معها ختم بديل الامضاء علشان مكنتش
بتعرف تكتب بصمو ستي وهي نايمة في العربية واحنا
مروحين ستي فاقت لما امي كانت بتمسح البصمه من صبعها
وزعقتلها وشتمتها وحلفت انها تنام ع رجل ابويا
وروحنا عايزين يشيلوها يطلعوها فوق وهي بتقاوح وعايزة
تطلع ل لوحدها وتتسند ع ابويا
ابويا زاي الي عامل عاملة كبيرة باين عليه القلق والخوف
وامي بقا الله ينور متتوصاش دلع اي وحنية ايه وفرحة اي
الي عايشة فيها ومعيشانا احنا كمان فيها
تيجي سيرة جهاز اختي امي تقولها كل حاجه هنجبهالك
وتقول لمصطفي اخويا هجبلك وهجيبك وهجبلك
الوحيد الي مش فرحان ابويا ع وشه غضب ربنا عمامي
وعماتي قمرين اني ابويا زعلان كده ومهموم بسبب اني امي
منكده عليه لأنها علي طول منغصه عليه عيشته
كل ما ابويا يكلمها أنه عايز يقول ل اخواته وأنه مش راضي علي الي عمله ده وخائف من رد فعلهم
امي كانت تقوله ولا حد هيقدر يعملك حاجه ده ورق رسمي
يابابا يعني مطرح ما يحطو رأسهم يحطو رجليهم
يقولها أنا مش قادر ابص في وشهم عامل زاي العسل الصغير
الي عمل نصيبة وخايف من أهله يعرفو
امي تقوله ..والنبي يا اخويا انت عملت الصالح الي فيه الخير
لينا ولعيالك بكره يااخويا لما ننقل من عشة الفراخ دي. نقعد
في شقة عليها القيمة وتليق بيك وتجوز عيالك وتسترهم
وتشوفهم اسعد الناس هتشوف انك عملت الصالح
ابويا ..ننقل من هنا ليه
اني ..الشقة دي قدمت ومنطقة زبالة والاوض بتاعتها صغيرة
بص احنا نوضبها توضيبه حلوه ونجوز مصطفي فيها
عمي جيه واتقفل الكلام علي كده ودخل يطمن ع ستي وامي
بقت لما اي حد يجي يزور ستي يا أما هي تبقي موجودة يا
اختي علشان لو لسانها فلت أو حكت حاجه عن الأرض أو
البصمة يلحقو يسيطرو ع الموقف لحد ما امي بقت تهمل في
جلسات البخار بتاعتها وتقول ل ابويا انها راحت وهي
مرحتش حتي العلاج بتعها كان ينقص متخدهاش تجيب
غيره هي ياعيني مش حسه بحاجه لحد ما اتوفت
يتبع 🔥
تكملة الروايه من هنا
تعليقات
إرسال تعليق