 |
يوم العيد ميلاد بتاع مليكه
كانت متألقه بفستانها الزهري والحجاب الأبيض فكانت غايه في الجمال ..
فكان ينظر إليها كريم ويريد أن يحجب الأنظار عنها فكانت حقا جميله ....
ذهب إليها وأخذها من يدها
ودخلوا أحدي الغرف..
مليكه بعصبيه:في اي يا كريم مش احنا مش بنتكلم
كريم:اي الي انتي لابساه دا
بلامبالاه:فستان
_انا عارف انو زفت بس دا مخليكى حلوة اووى يا هانم
مليكه بكسوف:بجد عجبتك
_اها عجبتيني بقولك اي
_اي
_بما أننا في حفله والجو رومانسي متيجي نتجوز
_لا يا كريم
كريم بعصبيه:لي بقى أن شاء الله ناقص ايد ولا رجل
:لا ناقص حاجات كتير يا كريم انت ناقص حنيه وعقل يفهمني وقلب يحس بيا
_امال قلبي اللي بينبض بحبك دا اي والصور الي راسمهالك دانا مفيش صورة ليا في اوضتى كلهم ليكي انتى اللي مزعلك انى بغير عليكى وبحبك اكتر من روحى مليكه انتى اول متولدتي انا اول واحد مسكك وحبيتك من أول نظرة انتى اتعلمتى كل حاجه علي ايدي اول اسم قولتيه كان أسمى وانا متاكد انك بتحبيني بس مشكلتك في غيرتي اوعدك انى هتغير علشانك وهخف غيره بس غصب عنى والله
مليكه بدموع:انا موافقه يا كريم اتجوزك بس مش دلوقتى الا لما اتاكد انك هتنفذ وعدك ليا
_بجد يا مليكه
_بجد يا قلب مليكه بس توعدنى تتغير
:انتى قولتى اي
_توعدني تتغير
_لا اللي قبلها
_يوووه بقى يا كريم
_يوووه اى دانتى قلب كريم وعقله بحبااااك بحبك يبنت عمى بموت فيكي
_صوتك
_عادى كلهم كدا كدا عارفين بحباااك
جريت وسابته
وهي.بتضحك
_ههههههه مجنون
كريم راح لعمه
_عمى
_اي يا كريم
_بما أن بنتك تكرمت عليا ووافقت اي رايك نعمل الخطوبه النهارده
_مستعجل اووي
_اووي يا عمى انت اكتر واحد عارف انى مستنى اللحظه دي من زمان
_طيب انا موافق اقنع مليكه وأمها بقى انا مليش دخل
_كدا يا عمى تبيع ضناك حبيب قلبك علي أول الطريق
_انا مش عارف اي دا ابوك يسافر ويسيبك انت تدوشني وسع من وشي كدا
_حبيب قلبي عمى دا
جه مالك
مالك:اي في اي
كريم بفرحه:مليكه وافقت تتجوزنى
مالك:انت محسسنى انك خدت كاس الأولمبيات دي اختى يا كريم عادي يعنى
_بالنسبه ليك عادى بس بالنسبه ليا كل حياتى انا كنت ممكن اموت لو هى مش بتحبنى
مالك مالك انت رحت فين
فكان مالك في عالم اخر يشرد في تلك الحوريه التي أمامه ظل سارحا حتى فوقه كريم
مالك بانزعاج:عاوز اي
كريم بغمزه:للدرجادي مش مركز معايا بس حلوة
مالك بشرود:فعلا وخطفت قلبي اصلا هى مين دي
كريم:دي تبقى أنتيم اختك اللي هطلقها بسببها أن شاء الله
مالك :لي
كريم:الاتنين عاملين زي التوأم الملتصق اطرد دي دي تخرج معاها ازعق لدي دي تقف ازعقلها معاها دى تتخانق دي معاها الاتنين معروفين في الجامعه كلها التوأم الملتصق وانا بغير منها
مالك:هى دي سهيله
كريم:الله ينور عليك عرفت منين
مالك بضحك:دي مليكه مش دوشانى غير بيها سهيله عملت سهيله سوت راحت جت كلت شربت وكانت بتترجانى امبارح اتجوزها علشان تفضل جنبها بس الصراحه مكنتش اعرف انها قمر كدا
كريم:اها اديك اتدبست وشكلك وقعت وهفرح فيك قريب
سارة:هتفرحوا في مين ها فرحونى معاكوا
كريم :هوا انتى مش بتيجي غير في المصائب
سارا:طبعا اومااااال ها احكولي بقى
لسه كريم هيتكلم مالك حط أيده علي بقه وقال
:مفيش حاجه يا ساره احنا بس كنا كنا عاوزين نعمل مقلب في مليكه بما أنه النهارده عيد ميلادها
ساره:اها لو عالمقلب فسيبنى انا اعمله
مالك:ماشى
وكانت سهيله معديه من جنبهم وسارة ندهت عليها
ساره:ازيك يا سوسو عامله اي نورتى
سهيله بابتسامه خطفت قلب مالك:دا نورك يا سارة ازيك عامله اي
سارة الحمد لله
كريم بص لمالك وهوا كان مركز مع سهيله
كريم بضحك:يبنى عينك البنت خدت بالها وبصت في الأرض
مالك:اعمل اي يا كريم خطفتنى
كريم:يسيدي عالواقع ويا عيني عالحلو لما تبهدله الايام
مالك:ايام اي يبنى انا لسه شايفها
كريم:هوا انت مش شايف نفسك دانت بتكلمها كأنك بتعشقها
كريم بص ناحيه الباب وكان داخل الد أعداءه بالنسبه ليه (ياسين)ايوا بالظبط هوا ياسين ابن عمر كريم طول عمرة مش بيحبه لانه علاقتوا مع مليكه حلوو ا وهم أصحاب جدا جدا وكمان مليكه عارفه انو بيحب همس بس هوا مستنى الوقت المناسب
مليكه قريب عليه ويضحك
_اكيد طبعا حضرت الظابط عمره مكان هيرفض دعوتى وبغمزه دا غير أن المزه جايه
ياسين :بجد هى جايه يا مليكه
:اها جايه ولسه مأكده عليها وحايه في الطريق
_انا مش عارف اقولك يا احسن اخت ولا يا اجمل صديقه بس اللي اقدر اقدمهولك دي
_اي دي
_هديه الحاجه اللي انتى بتحبيها
_كتب صح الروايات الجديده صح
_دايما قفشانى كدا
_اماااال الحلو مش بيجي الا من الحلو يا حلو
كريم من وراهم:واي كمان كملي ...
مليكه:كريم تعالي شوف ياسين جابلي اي الكتب اللي بحبها
كريم محاولا التماسك حتى لا يفتك به:اها جميل يا حبيبتي عن اذنكوا
*انا وعدتها انى اتغير بس مش كدا انا كنت عاوز امسكه اضربه انا مش عارف هوا اصلا مالو بيها واي علاقتهم دي انا لازم اكلمها في الموضوع دا
لسه جاي يخرج تليفونه رن
مجهول:معايا استاذ كريم
_ايوا حضرتك مين
المجهول:حضرتك انا عندى خبر مش كويس والد حضرتك في العمليات دلوقتي كان عمل حادثه بالعربيه وكان معاه والدتك بس هى كويسه بس لسه مفاقتش
الصدمه لجنته:اي مستشفى اي بسرررررعههههههه...
#يارا_عبد_السلام
#همس_القلوب
#البارت_الثالث
بعد أن سمع كريم خبر حادث والده خرج الي عمه
_عمى عمى
_في اي يا كريم
كريم بدموع:بابا وماما عملوا حادثه وفي المستشفى انا لازم اروح
احمد:استنى يا كريم انا جاي معاك
يارا جت عليهم
يارا:في اي
احمد:يحيي ونور عملوا حادثه
_
يارا بدموع:اي ازاي يا احمد انا جايه معاك
احمد:ماشي
في دقائق كان الحفل رأسا علي عقب والتوتر يسود المكان مليكه عرفت فضلت تعيط لانها تعتبر نور امها ويحيي ابوها وكمان زعلت علشان كريم حبيبها
قربت من ساره وهي تحاول التماسك
مليكه:متخافيش يا ساره هيبقوا كويسين
مالك:متقلقيش انا هروح وهبقى اطمنكوا
مليكه:لا احنا هتيجي معاك
وفي تلك اللحظه جاءت سلمى وحسن وهمس وبراء
سلمى بتوتر :في اي يا ولاد
مالك:عمو يحيي وطنط نور عملوا حادثه وبابا راح وماما وكريم
سلمى بدموع:اي اخويا لا حسن ودينى لاخويا بسرعه
مليكه لا تريد ترك كريم فهوا ما يشغلها
:مالك ارجوك وديني لكريم عوزا ابقى جنبه هوا محتاجلي ارجوك
قربت عليها سهيله وحضنتها والدموع في عينيها خطفت قلب مالك
سهيله بطمأنينه:اهدي يا مليكه أن شاء الله هيبقوا كويسين وهتروحي تشوفيه دلوقتي أهدى يا حبيبتي
مليكه:مالك يلا ودينا
مالك:طيب ماشي تعالي يلا
ذهب مالك وساره ومليكه وهمس راحت معاهم وكذالك ياسين
ياسين برغم التوتر اللي هم فيه بس كان سعيد انو شافها ومعاها في نفس المكان...
وصل كريم المستشفى
ودخل بتوتر والدموع في عينيه لا يستطيع التحدث
:حضرتك في هنا حد جاي في حادثه اسمه يحيي الباز
_اه حضرتك وحاليا هوا في العمليات واللي معاه في العنايه المركزه
_طيب هم فين ارجوك
_الدور الخامس
صعد كريم بأقصى سرعه فهوا لم ينتظر الاسانسير بل صعد الدرج وخلفه احمد
وصل الدور الخامس ظل يسال هنا وهناك حتى وصل إليهم سأل الطبيب عن حال أمه
_امى عامله اي يا دكتور
_حالتها صعبه ادعيلها لان الخبطه جت في دماغها
_ووالدي
_والدك في العمليات ادعيله ربنا يصبرك
_تمام يا دكتور
جلس بعيدا لا يري أمامه ولا يسمع ولا يتكلم فهوا في صدمه لما حدث والديه أمامه في أقصى حاله لا يري أمامه سوى والديه فهوا لم يتخيل موقف الفراق فهوا صعب واصعب ما يشعر به الشخص هوا فراق اقرب حد ليك فكان يعتبر نور كوالدته التى حرم منها منذ زمن وكان يحيي يعامله كصديق ليس ابن فهوا لم يتخيل هذا الموقف..
وجد يد أحدهم تحضن يديه
نظر إليها فكانت مليكه لا يريد أن يظهر ضعفه لها لماذا وهى قلبه الذي ينبض حبيبته ومعشوقته نظر إليها ولم يخفي دموعه فكانت أول مره يبكي بها كريم أمام مليكه
كم هزت دموعه كيانها لم تتصور يوما أن كريم يبكى أو تهزه المواقف بكت لأجله ولم تتوقف نظرت ليه
_كريم هيبقوا كويسين صدقنى يا حبيبي
ظل صامتا لا يتحدث
_كريم انت كويس رد عليا
قام كريم من جوارها فهوا يريد احتضانها فلم يقدر فهى ليست حلاله ذهب إلي احمد واختبأ في حضنه وبكى كالاطفال فهوا يعتبره بمثابه والده فاحمد هوا الذي رباه..
مليكه ظلت تبكى وذهبت الي ساره واحتضنتها فسارة لا تقل حالتها عن حالة كريم
مليكه:هيبقوا كويسين يا سارة متقلقيش
ظل الجميع يبكى
لكن همس اخذت ركنا وظلت تقرا قران وتدعي لهم وهذا ما لفت انتباه ياسين فهى تخطف قلبه دائما بهدوءها وجمالها وطيبة قلبها فهوا ليس يحبها بل يعشقها وينتظر اليوم التى تكون هى من نصيبه ...
خرج الطبيب من غرفة العمليات
اجتمع الجميع حوله
_ها عامل اي يا دكتور
_الحمد لله العمليه نجحت ولسه هيتحط تحت الملاحظه 24ساعه وان شاء الله هيبقى بخير
_سارة بعياط:طيب وماما يا دكتور
_ادعولها هى دخلت في غيبوبه بس أن شاء الله هتفوق ادعولها انتو بس
ساره بعياط:يارب يارب
اقترب كريم منها وأخذها في حضنه
_هيبقوا كويسين متقلقيش انا معاكى
_يارب يا كريم
_لو سمحتوا يا جماعه انا مش عاوز يكون موجود هنا غير اتنين بس معلش
كريم:انا طبعا
مليكه:وانا هفضل مع كريم
احمد:لا انا اللي هستنى معاه انتى مينفعش علشان انتو لسه مفيش بينكوا حاجه
مليكه:لا هيبقى فيه
احمد:ازاي
مليكه:هنتجوز دلوقتى
كلهم بصدمه:اي وكذالك كريم...
و....
يتبع..
#يارا_عبد_السلام
#همس_القلوب
#البارت_الرابع
احمد بعصبيه:انتى اتجننتى يا مليكه جواز اي دلوقتي مهو بقالو كتير بيتحايل عليكى وانتى رافضه
مليكه بدموع:ارجوك يا بابا افهمني انا لازم اكون مع كريم لازم اكون جنبه ارجوك هوا محتاجلي يبابا
وبصت لامها ماما أقنعى بابا أنا هتجوز كريم دلوقتى اجوكوا
على الرغم من أن هذا الخبر يسعد كريم إلا أنه لا يعرف ايفرح ام يحزن كان ينظر إليها دون حديث
احمد :متتكلم يا كريم عقلها
مليكه هى تمسك يد كريم وتنظر في عينيه:كريم ارجوك انا عوزا ابقى معاك وجنبك ارجوك مش عوزا حاجه غير انى كون جنبك كل مره كنت بقولك مش بحبك كنت بقول بعدها انى كدابه وانا فعلا كدابه انا بحبك يا كريم وبقولها قدامهم ارجوك خلينى جنبك
*كانت دموعها تمزقه أيعقل هذا مليكه التى انتظر سنوات لياتى هذا اليوم ياتى وفي تلك الظروف اااااااه لا اري ماذا سأفعل لكننى احبها...
كريم:انا موافق
ونظر إليها
انا كمان محتاجك جنبي يا مليكه بحبك
ونظر الي احمد
واهو يا عمى تخلص مننا شويه
احمد بإستسلام:خلاص تمام يلا قدامى على المأذون
مليكه باست احمد من خده:حبيبي يا بابا
كريم بغيظ:نعم يا اختى هوا مين دا اللي حبيبك وبعدين اي اللي عملتيه دا
مليكه:دا بابا علي فكره ودي تحيه منى ليه وكمان انت مش قولت هتتفير ولا انا بيتهيألي
_لا بيتهيألك انتى ملكي انا وبس سامعه
لا مؤاخده يا عمى
احمد بنفاذ صبر:لا وعلي اي لامؤاخذه متضربوا بعض احسن واحنا واقفين
كريم:طيب يلا يا عمى قبل مبنتك ترجع في رايها
مالك :ماما هوا مش انتى وبابا اتجوزتوا كدا برضو انتى كنتي حكيالي
يارا :اها كان يوم وفاة ماما فكرتنى بأيام الحنين ربنا يرحمها
احمد:لا يحبيبي بنتك هتعمل زيك اه بس عمرها مهيبقوا زينا دول مجانين بس
ياسين قرب عليهم:عمتو انا مضطر امشي بقى علشان عندي شغل ابقى طمنيني عليهم والف مبروك يا مليكه انتى وكريم
مليكه:االله يبارك فيك يا ياسو عقبالك انت واللي في بالي يارب
نظر إليها ياسين بنظره مغزي تمالكت نفسها ونظرت إليهم فالجميع ينظر بفضول ومن بينهم همس التى انقلب وجهها وأصبح كتله حمراء من هى التي خطفت قلب ياسين فهوا معروف بانضباطه وحبه لشغله وفقط
مليكه:بصوا بقى هتسالونى هي مين هقولكوا معرفش أو بمعنى أصح هتعرفوا قريب صح يا ياسين
ياسين:انا ماشي يا عمتو عوزا حاجه وابقى طمنيني
وهوا ماشي تقابلت عينيه وبعينيها فصارت رجفه في جسدها كانت تلك النظره تطمئنها كأنها يقول لها انتى لي
أحست همس أن الدنيا تدور بها هل يحبها ام يحب غيرها لا تعلم فهى تريد أن تسأل مليكه حين ياتى الوقت فهى لا تريد أن تعلق نفسها بحبال ذائبه
ذهب الجميع الي المأذون فمليكه فعلت ما صممت عليه واللي هي عوزاه
"بارك الله لكما وبارك عليكما وجمع بينكما في خير"
في تلك اللحظه أخذها كريم بين زراعيه بل بين ضلوعه واحضانه احس أن روحه رجعت للحياة فمعشوقته الان بين يديه وهمس في أذنها "بحبك"
_مش خلاص بقى اتجوزتوا عاوزين نروح نتطمن عليهم ونروح
كريم بتوهان كأنه في عالم اخر:اه طبعا يلا
احمد:والله انا خايف علي بنتى حتى وهي بقت مراتك مش واثق فيك
كريم:عيب عليك يا عمى انا محل ثقه
احمد:يارب بس المحل ميطلعش مسروق
همس :مبروك يا اجمل مليكه في الدنيا
مليكه قربت عليها وحضنتها:الله يبارك فيكي يا رب وهمست وافرح بيكي انتى والواد ياسين
همس بفرحه:بجد يا مليكه
مليكه:ما الجميل واقع اهه امال كنتي سائقه الهبل والتقل لي
همس:احم هوا مش في دماغى اصلا
هوا في قلبي والله يا مليكه وربنا اللي يعلم
مليكه:عارفه والله وانا اللي هجمعكوا سوا متقلقيش
همس:شكرا يا مليكه
سارا قربت عليها:والله مش عارفه ازعل ولا افرح بس انتو مجانين بس كدا
مليكه:الحب من غير جنان ميبقاش حب ولا اي يا دوك دانا حتى شايفه عينك كانت طالعه عالدكتور بتاع الامتياز
سارة:يشيخه هوا انا كنت فاضيه ابص لحد
مليكه:والله مش عارفه هوا ولا انتى ايهما أقرب
سارا:طيب اسكتي يا مليكه وخلينا نمشي
سلمى:مبروك يا اجمل مليكه اخيرا هنخلص من خناقكوا
مليكه:يا عمتوا انتى اكتر واحده عارفه اهداف العلاقه عندنا عامله ازاي
سلمى:لا استسلام في الحب ولا للمحن الخناق بيولد الحب
مليكه:هههههههههه
حسن:علشان كدا مطلعه عيني
سلمى:امال اي يا حبيبي اسيبك كدا
حسن:لا طبعا لازم نكد متبقيش سلمى حبيبة قلبي
مليكه:دائما مثبتها
حسن:امال دانا اللي كسبتها من الدنيا
سلمى:حبيبي
انتهت المباركات وطبعا مالك سلم عليها من بعيد لبعيد خوفا من كريم😂😂😂😂❤️
ذهب الجميع الي المنزل خلاف كريم ومليكه ذهبوا الي المستشفي
كريم:مع انى كنت مستنى اليوم دا في ظروف احسن من كدا بس فرحان اووي يا مليكه كدا انتى بقيتى ملكى وحبي وقلبي وحياتى كلها بحبك
مليكه:كان لازم دا يحصل انا شوفت في عنيك انك محتاجنى ومحتاج تترمي في حضنى تبكى وانا كان لازم اعمل كدا علشان اكون جنبك ومعاك وفي حضنك ومتروحش تحضن بابا انا موجوده
_انا مش عارف اعمل اي اعيط ولا افرح انك بقيتي معايا جوايا افكار كتير متلغبطه يا مليكه مش عارف اعمل اي انا انا عاوز احضنك مش عاوزك تبعدي عنى ثوانى عاوز احس انى مش لوحدي عاوز احس انك معايا انتى معايا صح
_اهدي يا كريم انا معاك وبحبك اووى وعوزاك متحسش انك لوحدك انا نصك التاني انا حبيبتك بحبك يا اغلى حاجه في حياتى بحبك من وانا في اللفه يا اجمل كوكى في الدنيا ...
أخذها بين أحضانه وكأنه امتلك العالم أجمع ...
نسيبهم ونروح القصر وتحديدا في غرفة مالك
*انا معجب بيها من اول مشوفتها حقيقي هي جميله جدا بس مش عارف اوصلها ازاى ولا اكلمها ازاي انا متلغبط لولا انى لسه في اخر سنه في الكليه كنت اتقدمتلها...
اها فكره ..
دخل علي الفيس وبدأ في البحث عن الاكونت بتاعها وبعد محاولات عده وجده
دخل البروفايل ووجد موقع صراحه...
جاءت في باله فكره ما.....
علي الجانب الآخر في منزل سهيله..
*مليكه طول عمرها بتكلمنى عن اخوها بس معرفش انى لما اشوفه هيحصلي كدا !؟
وفي تلك اللحظه جاء لها إشعار لرساله صراحه
*جميله انتى كالورد ...بريئه كنسمات الهواء...لذيذه كحبات الفاكهه....متألقه كأحد النجوم....عندما تذهبين لمكان تلتفت الاضاءه حولك ...فاي جمال تمتلكين انتى...جمالك جعلنى لا اتمالك نفسي عندما رايتك اليوم..اتدرين انكى ملكتى قلبي❤️❤️
قرات الرساله ودقات قلبها تتعالى من هذا الشخص المتيم بها ..
عند ياسين
*انت بقى يا استاذ ياسين هتفضل تحب من بعيد لبعيد كدا مش ناوي تاخد خطوه جاده كدا
انا لازم اعترفلها بحبي لا هوا انا لسه هعترفلها
_الو يا عمى حسن
_اي يا ابنى في حاجه
_لا كل خير انا كنت عاوز اطلب طلب
_قول يا ابنى
_انا طالب ايد همس بنت حضرتك..
و...
#بقلمى_يارا_عبد_السلام
#همس_القلوب
#البارت_الخامس
_في اي يا دكتور في اي
_المريضه للاسف بيصارع الموت ولازم تلحقها عن اذنك
_انهى مريضه في اي
كريم جري وراه ووقف قدام الباب والدته يتصارع الموت وكأن دلوا من الثليج انسكب فوق رأسه وقفت مليكه بجانبه وهى تبكي مسكت يديه تطمئنه ...
نظر إليها
_امى يا مليكه بتروح منى امى الاولى راحت منى لما اتولدت والتانيه بتروح مني لما اتولدت تاني انا تعبان يارب قومها بخير وتكون كويسه انا مش هقدر اعيش من غيرها يارب...
خرجت الممرضه وهى تجري أوقفها كريم
_في اي قوليلي أرجوكى
_معلش كل ثانيه بتضيع خطر أن شاء الله خير
ظل يبكى ومعه مليكه تمده بالقوه فلحظات الحب تولد وقت الازمات ...
_انا مش هقدر يا مليكه انا عاجز دلوقتي والدي جوا وامى انا ضعفت قوتى خلاص انا مش خايف لان دا حكم ربنا انا بس زعلان انى لسه مفرحتهمش بيا وساره اختى انا عاوز اموت
_اهدى يا حبيبي والله خير متقلقش أن شاء الله هيبقوا كويسين متقلقش ارجوك اهدي علشان خاطري انا مقدرش اشوفك كدا في الحاله دى انا ممكن اموت وانت كدا ارجوك
الدكتور خرج وهو يتنفس الصعداء
_خير يا دكتور
_الحمد لله قدرنا ننقذها ربنا استجاب ليكوا اه وكمان بابا ساعه وهيفوق ربنا يطمنكوا عليهم عن اذنك
مليكه:مش قولتلك يا كريم أنهم هيكونوا كويسين متقلقش أن شاء الله هيروحوا معانا انا واثقه عمو يحيي قوى وماما نور برضو
_يارب يا مليكه يارب
دخلت في حضنه لكى تطمئنه
_متقلقش يا حبيبي
_مش جعانه!؟
_لا مش جعانه
_مليكه انتى مكلتيش حاجه من الصبح انا عارف
_ارجوك يا كريم مليش نفس اتطمن عليهم الاول
_بتحبيهم
_طبعا دول بابا وماما وكمان ابنهم اللي خاطف قلبي دا
_خاطف قلبك بجد
_طبعا امال انا قلبي معرفش يحب الا علي ايدك اصلا يا ابني
_مليكه انتى مش ملاحظه انك النهارده رومانسيه زياده عن اللزوم!؟
_صدق صح مش عارف مالى ...
_سخنه تقريبا
_لا مش سخنه انا بحبك..
_انا كمان..
يلا نروح ننام ساعه كدا ونصحا نشوف بابا علشان تركزي ماشي يا حبيبتي
_حاضر يلا..
في صباح يوم جديد
استيقظ كريم وكانت مليكه بجواره
_اي دا الساعه كام
ينهار ابيض الساعه 7
ترك مليكه وخرج سريعا
دخل غرفة والده كانت الممرضه عنده
_صباح الخير يا بابا عامل اي
_الحمد لله يا ابنى
جت خير
_عامل اي دلوقتي يا بابا
_كويس الحمد لله
المهم امك فين ولا حصلها اي انا بسال عليها من وقت مصحيت ومحدش راضي بديني قعاد نافع كلو بيقول كويسه
_ااااه فعلا يبابا هى كويسه
_طيب عاوز أشوفها مليش دعوه
_يبابا أهدى ازاي انت لسه خارج من العمليه
_ملكش دعوه انا عاوز أشوفها هتقومنى ولا اقوم لوحدي
_طيب طيب
ساعد كريم والده لكى ينهض وقف علي قدمه وكريم سنده خرج من الغرفه يشعر بنغزه في قلبه فهى معشوقته لا يتحمل إذا اصابها مكروه
مليكه:اي دا يا كريم اي اللي قوم عمى
كريم:عاوز يشوف ماما
_يا عمى هى كويسه
يحيي:مش هتاكد الا لما أشوفها قلبي مش متطمن
جاء الطبيب
_مينفعش اللي بيحصل دا
نظر إليه يحىى نظره ذات مغزى :مش شغلك وديني لنور والا قسما بالله ارفدك من هنا
تراجع الطبيب
_احم طيب تعالو
وقف يحىى على بابا الغرفه
_هعرفك مين
يحيي:لا انا هعرفها لوحدي محدش يجى ورايا
تراجع الجميع فجميعهم يعرف من هوا يحىى الباز !؟
دخل الي الغرفه يجوب بعينيه فعثر عليها تجاه قلبه فهوا يضع يده علي قلبه ...
اقترب منها وسند علي حاجز السرير
*انا عارف انك سمعانى وحاسه بيا كمان احنا روح واحده يا نور حياتنا اتعلقت ببعض من يوم ما شوفتك قلبى مازال بيدق ليكي انا عارف انك مش كويسه بس كونى كويسه علشان خاطري انا مش هقدر اعيش ثانيه من غيرك انا دائما يتظاهر بالقوه بس معاكى انتى وقدامك ببقى اضعف انسان في الدنيا انا جيتلك علشان حسيت انك عوزانى ندهتيلي جيتلك علشان اشوفك واقومك معايا ونمشي اصحى بقى يا نوري متسبيش حبيبك يحىى كدا انتى عارفه هوا بيحبك قد اى انتى سمعانى وهتصحى صح انا حاسس بكدا ...
بدأت نور تحرك يدها لاحظ يحىى ذالك فاق الأمل داخله مرة أخرى استيقظت معشوقته...ضغظ علي جرس الأنظار جاء الطبيب مسرعا
_نور فاقت يا دكتور انا شوفت أيدها بتتحرك صدقنى
_طيب أهدي هشوفها اهه
فحصها الطبيب وابتسم
_هي فاقت والعلامات الحيويه بدأت تشتغل بس لازم تتحط ساعتين تحت الملاحظه علشان كدا حاسه واحده اللي اشتغلت ناقص تفتح
_يعنى هتبقى كويسه
_اه هى كدا عدت مرحلة الخطر لو كان عدى عليها 24ساعه كانت دخلت في غيبوبه ومكناش هتعرف هتصحى امتى انت تقريبا انقذتها انا بحيي الحب دا بجد
_تسلم يا ابنى وانا اسف لو كنت اتعصبت عليك
_مفيش حاجه انا مقدر ربنا يخليكوا لبعض انا اول مره اشوف حب كدا بجد ربنا يوعدنى بواحده احبها كدا ومهما حبيتها مش هتوصل لحبكوا دا
_ربنا يوعدك يا ابنى
خرج يحىى وقلبه قد ارتاح
كريم:بابا انت كويس
_انا كويس طالما نور بقت كويسه خدمة الأوضه بتاعتى عاوز ارتاح
_ماشي
اخذه كريم ومليكه إلى الغرفه
_ارتاح يا بابا وانا هنزل اجيب فطار علشان مليكه مكلتش من امبارح
_من امتى الحنيه دي يا ابن ابوك
_من امبارح بس من بعد مبقت مراتى يا حاج ..
_مراتك!؟من غير معرف
_احكيله يا مليكه عقبال ماجى
نسيب مليكه تحكيله ونروح عند بيت حسن
همس يا بنتى صحيتي
همس:اها يا بابا انت عارف بصحى اصلي الفجر واقرا الورد ومش بنام تانى وبشوف المذاكره علشان امتحانات الفاينال قربت وانا في اخر سنه في الكليه (همس دخلت كليه طب مع مالك وساره وهي في اخر سنه برضو)
حسن:طيب انا عاوز اتكلم معاكى في موضوع كدا
همس:خير يا بابا
حسن:في عريس متقدملك والصراحة انا شايفه كويس جدا وشاريكي وشكله بيحبك
همس وقد وقع قلبها فكيف ستكون ملكا لغيره!؟
همس:بس يبابا انا مش بفكر في الجواز دلوقتي انا في اخر سنه وعوزا اجيب تقدير كويس
حسن:انا بقول شوفيه بس واعرفيه مش ممكن يعجبك وكمان انا ابوكي وعارف اي يعجبك واي لا ولا اي
همس:طيب يبابا اللي تشوفه
دخلت غرفتها وظلت تبكي لماذا لم يجمعهم القدر حتى الآن هى تحبه كثير لكنه لم يأبى بها هى تؤمن بالقضاء والقدر لكنها تؤمن أيضا بعندما يدق القلب لأحدهم يشعر الاخر به فهى تقرأ في علم النفس كثيرا وتعلم أن هذا هوا الحب الروحى فهل يحبها ياسين مثلما تحبه!؟
اخرجت صورته من أحدي الإدراج تحتفظ بها منذ زمن تجلس تتحدث إليها بالساعات وكأنها شخصا أمامها فماذا لو كانت هوا الذي أمامها تريد أن تخبره باشياء كثيره لكن كل هذا سيتحطم عندما ياتى هذا العريس فلماذا وافقت واستسلمت!؟
نروح علي مالك الذي استيقظ بكل نشاط وكل ما يدور في باله هى فقط وهذه الرساله الذي ارسلها إليها لم يعلم يوما أنه سيتفوه بمثل هذه الكلمات ياالله أصبحت رومانسيا علي يديها فماذا ستفعلين بي بعد يا سهيله!؟
أما سهيله بقى استيقظت بكل حماس ونشاط تتجهز لجامعتها خرجت الي المنزل فهى من عائله متوسطه فقابلها والدها فهو رجل حاد الطباع
_سهيله
_نعم يا بابا
_متتاخريش
_عريس تانى صح يبابا انا قولت مليون مرة مش هتجوز كدا انا
_امال عوزا تتجوزي ازاي عوزا تحبي وتقابلي وتروحى وتيجي ولا علشان دخلتى هندسه هتنفشي ريشك لا فوقي انتى كنتى ومازلتى تحت.سلطتي
_تحت سلطتك تجوزنى اللي على مزاجك طيب تفرض مارتحتش هتعمل اي هتسيبنى أغرق معاه اعيش مع حد مش حباه
_بقولك اي مش كل مره تسمعيني الاسطوانه دي وبصراحه بقى مصاريفك كترت انا مبقش حمل مصاريف واخواتك عاوزين مصاريف فانتى يا اما تقبلي بالعريس وتتجوزي يا اما تشتغلي وتصرفي على نفسك فاهمه
_تمام هشتغل واصرف على نفسي
_ماشي بس انا أديت الراجل كلمه
_اسحبها يا بابا سلام
خرجت وانا متعصبه مخنوقه. انا لى بابا بيعاملنى انا بالذات كدا حتى اخواتى بيعاملهم كويس مش عارفه اعمل اي ...
ذهبت الى الجامعه واتصلت بمليكه تحكي لها ما حدث وكالعادة مليكه تخفف عنها وتضحكها وتقول لها أنه إذا ضاق بها الأمر ستزوجها اخوها!؟
فظلت تفكر به قليلا ثم بتلك الرسالة ...
وفي تلك اللحظه كان مالك واقف أمامها
_مالك
_اه عامله اي مش انتى اللي كنتي امبارح في الحفله صاحبت مليكه صح
_اها اي اللي جابك هنا
_مستنى صاحبي هنا انتى عامله اي
_اها كويسه
_ميسوط انى شوفتك جدا
_تسلم
_احم انتى هتدخلي الكليه صح
_اه وانت هتستنى صاحبك
_لا مخلاص صحبي جه واتطمنت عليه سلام
وذهب
ظلت تفكر في حديثه...
معقول!؟
#يارا_عبد_السلام
#همس_القلوب
#البارت_السادس
تكملة الروايه من هنا هنا
تعليقات
إرسال تعليق