 |
البارت 20_21 بقلم ✍️
روحت البيت وفتحت الباب وانا بقفله كانت هي بتفتح الباب
قفلت بسرعة وطفيت المبة الي قدام باب الشقة ودخلت
قعدت ع كرسي الانتريه وحطيت ايدي علي وشي ودماغي
عايز اهدا وافكر في حل عايز اخلص من حالة التوتر والقلق
ده مش عارف هبص في وشها ازاي ده انا كنت مرعوب وانا
باخد منها اياد افتكرت انها قالتلي لما تروح طمني مسكت
الموبيل ولسه بطلع رقمها اتصلت بيا ايمان كنسلت عليها
وجيت اتصل ب هاجر مردتش لقيت ايمان بعتالي ع الواتس
بتقولي ممكن افهم في أي مردتش عليها وقفلت شاشة
الموبيل وقلبته ع وشه علشان مشفش المسجات ولا اتصالها
وقلبي عمال يدق جامد وبفكر في مليون حاجه ..اقول ل
ابويا ويقولي اتصرف ازاي وازاي أتمالك اعصابي .
.لا لا مقولش حاجه ومتعرفش حد سرك
انت بيع الشقة دي واشتري شقة في أي داهية بعيد عن
الزفته دي ..لا لا احسن حاجه انك تقول لهاجر وتكدب وتقول
اني كان هيحصل حاجه بس انت قاومت وبعدت ..طب ما
ممكن هاجر متصدقنيش أو تتخانق معها أو جوزها يعرف
وتبقي مشكلة ولو حصلها مشاكل مش هتسيبك وممكن تكون
مسجله ليك أو وخده اسكرينه من محادثة تثبت اني كداب
في عز ما أنا عمال افكر وبحاول اوجد كل للازمة الي أنا فيها
وعايز ارتاح بجد الحالة الي أنا فيها دي تعباني مهزوز ومش ع
بعضي حتي لما كنت في المحل تايه قاعد زاي الي مستني
نتيجة الامتحان ابويا لاحظ وصحابي الي روحت اتلهي بيهم
وقولت أخرج بالحالة الي أنا فيها دي معاهم كلهم لاحظوا اني
في حاجه ..هاجر بقا مش هتلاحظ ولقيت الباب بيخبط
براحة فتحت الباب لقتها دخلت وقفلت وراها
_ انتي اتجننتي اي الي بتعمليه ده
ايمان ..ششششش وطي صوتك ممكن افهم مالك
_ انتي مينفعش تبقي هنا من فضلك اخرجي يا ايمان
ايمان ..مش هخرج قبل ما تقولي مالك 😭
_ ايمان أنا راجل متجوز وبحب مراتي ومش عايز اخسرها
ايمان..وانا يعني الي مش متجوزة ..مالك ياعمر اي الي زعلك
مني ده انا قاعدة بكلم الساعة وبقولها يلا اجري بسرعه
علشان حبيبي يرجعلي
_ أنا مش حبيبك يا ايمان والي حصل امبارح ده انا مش
عارف ازاي حصل ومكنش ينفع يحصل اصلا بالله عليكي اخرجي
ايمان .. بس حصل ياعمر قربت ليه مدام عايزني ابعد عنك دلوقتي
_ أنا مقربتش وابعدي ايدك دي ..أنا يمكن ضعفت علشان
غياب مراتي عني الفترة دي بس
ما انتي كنتي قدامي من ٤ سنين عمري بصتلك بصه كده ولا
كده ولا حسستك اني عيني منك
ايمان ..قصدك اي ياعمر اني مش ست ومعجبش
_ ايمان انتي ست جميلة جدا وتعجبي بس الي حصل امبارح
ده الي مش عاجبني أنا متوتر وقلقان ويمكن مش عارف
أجمع ولا أرتب الكلام بس كل الي عارفه اني بحب هاجر
ومش عايز اخسرها ولا اخسر بيتي وابني
ايمان..وانا صدقني مش حبه انك تخسر بيتك ومراتك
وصدقني محدش هيعرف حاجه عن الي حصل بنا ممكن تهدأ بقا
_ ههدا لما تخرجي أنا خائف جوزك يجي ولا حد من سكان
العمارة ياخد باله
ايمان..متخفش ياحبيبي ليه ايدك وجسمك بيرتعش كده
يتبع
البارت 21
ايمان..متخفش ياحبيبي ليه ايدك وجسمك بيرتعش كده
مسكت نفسي وامتلكت اعصابي شوية لما لقتها زودتها وعمالة
تلعب في شعر صدري وتفكلي زراير القميص وبعدت أيدها
قالتلي لو تدخل جوايا وتشوف بحبك قد اي تلعن اليوم الي
اتجوزت فيه هاجر و تحبني وتعشقني أنا
وتبوس ايدي وتقولي اول مره احس فيها اني انثي امبارح
ياعمر ..أنا دخلتي كانت امبارح مش من ٧ سنين أنا الي
حسيته معاك امبارح محستش نصه في ال ٧ سنين دول
قولتلها ممكن بقا كفايا
قالتلي أنا راضيه ب اي حاجه تعملها واي حاجه تقولها ومهما
تعمل أنا مش هبطل احبك ولا اشوفك أعظم راجل في الدنيا
كلامها عمال يوترني زيادة قلعتني الكوتشي والشراب وانا
عمال اتفرج عليها ومستغرب هي مالها دي وفي ايه
قعدت علي حجري وقالتلي والله بحبك ومن زمان مش من
دلوقتي حبيتك غصب عني والله معرفش ازاي كنت الاول
اسمع عادي واقول ربنا يهنيهم ربنا يصلح ليهم حالهم بسم الله
ماشاء الله بس بعد كده معرفش فجأة لاقتني بحبك وبتمناك
وبتخيلك وبستنا اشوفك وانت طالع ونازل ومن العين
السحرية كنت شايفه اني حبك كتير ع هاجر وأنها مقصره
اوي معاك حتي قبل مرض ولدتها انت تستاهل وحده تخدمك
برموش عنيها تبقي تحت رجلك متسبكش لحظة ووتقيد
صوبعها العشرة شمع ليك ياريت كنت مراتك يااريت كنت هبقا
اسعد زوجة في العالم والله ..أنا هقوم وهسيبك وهروح
شقتي ممكن لما تهدأ تغير هدومك تكملني عايزة اسمع
صوتك قبل ما انام
قامت وانا كلامها زاولني ولغبطني وعملي روشة في دماغي
وزود الحيرة والدوشة قمت فضلت تحت الدش نص ساعة
وطلعت لقتها اتصلت مرتين قفلت الموبيل وقفلت الباب
بالمفتاح ودخلت نمت ولما صحيت كلمت هاجر وقالتلي انها
جايه في الطريق قولتلها مقولتليش ليه كنت جيت وصلتك
قالتلي انت فين قولتلها أنا لبست وكنت رايح المحل قالتلي
طب اصبر أنا هاخد بس هدوم اياد ونرجع مع بعض قولتلها
حاضر وهاجر جت سلمت عليا قولتلها انتي سايبه اياد مع
مين قالتلي مع عمو في المحل ودخلت طلعت الهدوم وانا
قاعد مستنيها جابت الحاجه وطلعت وقبل ما نفتح الباب
مسكت ايدي واول ما لفيت وشي ليها حضنتني جااامد
اوووي وقالتلي وحشتني ياعمر قولتلها وانت كمان وحشتيني
اكتر ياهاجر قالتلي وهي حضناني اني خلاص هانت ومعلش
والكلام ده وقالتلي واحنا ع باب الشقة اصبر اسلم ع البت دي
علشان وحشاني وعايزة اشوفها مبتسالش ليه الجزمة اخدت
منها الحاجه وقولتلها هستناكي تحت طب انا
بعد 10 دقايق نزلت و فضلت تكلمني عن المشاكل الي بين
إخوتها وانها محتاسه بينهم ومش عارفه تراضي مين ولا
تعمل ايه ..وانا عقلي سرحان وفي دنيا تانيه عايز اقولها ما تيجي
نروح اي بلد تانيه نعيش فيها أنا وانتي بعيد عن المشاكل
والقرف ده وصلنا ونزلت وقالتلي خلي معاك اياد شوية ولما
تتعب منه كلمني هنزلك اخده قولتلها ماشي وطلعت وانا
رحت المحل ..استغربت نفسي ومبقتش عارف هو انا بقيت
بعرف اداري وامثل واخبي ولا هي الي مخدتش بالها ..
يتبع
تكملة الروايه من هنا
تعليقات
إرسال تعليق