 |
روايه: " نور _ الجاسم 3 🖤✨" البارت(11). الجزء (3)
بقلم نيللي ياسر.
..
مالك بتصفير: واو..انا انبهرت..
كنز بابتسامة: طب امسك كده.
مالك مسك شنطتها: اي هتعملي ايه.
كنز: هنتصور..
" مالك ابتسم وحط الشنطه بتاعتها في عربيته واتصورو بموبايل كنز وركبت معاه عربيته وهيروحو الحفله"
..
" جاسم قاعد بجمود علي مكتبه وقدامه قاعد يوسف مبتسم وكبر طبعاً ولابس نضاره نظر شيك"
يوسف: أكيد حضرتك مستغرب اني جاي..بس انا الصراحه لما صدقت ان نادر ينزل مصر لانكم وحشتوني جداً والله..انا مقدر الي امي عملته بس انت مليش ذنب..انا اتربيت معاكم وحبتكم جداً..
جاسم اتنهد: انت عايز ايه يا يوسف؟!.
يوسف بحزن: انا طلبي بسيط..انا بس عايز اسلم عليكم انا كنت في شغل هنا مصر..وهسلم علي نادر علشان واحشني..وهرجع بلدي تاني..ممكن؟!.
جاسم: تمام استناني هخلص شغل ونروح سوا..
يوسف بامتنان: انا متشكر لحضرتك جداً..عن أذنك.
" يوسف خرج من مكتبه ودخل الحمام واول ما قفل الباب قلع النضاره ونكش شعره وخد نفس"
..
نادر: وده اسمه ايه بقي..
تاليا: ده فطار..
نادر: في فطار الساعه ٨ بليل؟!.. تاليا انا مدرب رياضه ودارس تغذيه اللي بتعمليه خطر علي صحتك..انتي مش بتاكلي بانتظام..بتخسي بسرعه وتتخني بسرعه..لازم تظبطي أكلك...
تاليا بزهق: أن شاء الله حاضر..
...
جاسم: طب تلاقيها واحده مجنونه ولا حاجه..
نور وهي بتقلب الرز: لا يا جاسم دي لبسها شيك جدا ولابسه نضاره غاليه..حسيت انها عرفاني..
جاسم: هو الجنون باللبس..طب ما انا مجنون بيكي ولبسي شيك اهو!!.
نور بضحك: جاسم بتكلم جد..
جاسم: طب انا هيجي معايا ضيف النهارده..
نور باستغراب: مين؟!.
جاسم: لما اجي هتعرفي..باي يا روحي..
نور: باي..يا تري معاه مين؟!.
...
مالك: وصلنا يا مدلعه..
كنز: هو انت لايه بتقولي يا مدلعه؟!.
مالك: من اول يوم شوفتك وانا حاسس انك الدلوعه كده لايق عليكي الدلع.
" كنز بصت الناحية التانية وشاف المكان وهي بتنزل من العربيه"
مالك بيحدف المفتاح لواحد: خلي بالك من العربيه..
الشاب: عيوني يا باشا..
كنز: هي الحفله في نايتكلب؟!.
الشاب: اممم واحده زميلتي عيد ميلادها..
كنز بضيق: اممم طيب.
" كنز وقفت قدام الباب ومتردده تدخل لانها لاول مره تروح مكان زي ده"
مالك: خايفه من ايه؟!
Flash back.. الجزء الاول..
جاسم: خايفه من ايه؟!
نور: خايفه اختك..متتقبلنيش..
جاسم مسك ايديها: متخافيش!!.
Back..
مالك: خايفه من ايه؟!.
كنز: خايفه ادخل مكان زي ده..يعني.
مالك مسك اديها: متخافيش..
" مالك خدها ودخل وهي خطفت انظار الكل بجمالها وهي ماسكه ايديه وكان في بنت واقفه علي البار بتشرب كاس ميلت واحده عليها قالتلها حاجه والبنت لفت وراحت تستقبل مالك"
البنت: هاي كوكو.. وحشتني موووت..
مالك بضيق: كل سنه وانتي طيبه اتفضلي..
البنت: واو ذوقك حلو في الساعات يا كوكو..
كنز بقرف: كوكو!!.
البنت بصتلها: واو.. سندريلا مصر..
كنز بخنقه منها: كل سنة وانتي طيبة..
البنت وهي بتسحب مالك منها: ميرسي وانتي طيبه..تعالي يا كوكو عوزاك..
" كنز غارت منها لان فعلاً البنت تستاهل..كانت لابسه فستان حرير لونه احمر وشعرها مش طويل اوي بس صحي وشكله يخطف وجسمها جميل واطول من كنز"
كنز وهي بتقعد علي ترابيزه: قال ايه تعالي يا كوكو...
مالك قعد جمبها وهي اتخضت: بتندهي يا مدلعه..
كنز بخضه: اي ده مش تكح..
مالك: هو انا داخل عليكي الحمام..
كنز: نينيينيني...ما تروح لست بتاعه دي.
مالك: أولا اسمها چايدا ثانياً انتي زعلانه لايه؟!.
كنز: و انا اتضايق لايه...
مالك: طيب تشربي حاجه؟!.
كنز: واحد اورنچ فريش؟!.
چايدا بتقعد برخامه: لا دانتي صغنونه خالص..هنا مفيش اورنچ..هنا في...
كنز علشان تبان انا اكبر: مش انتي اللي هتقوليلي هنا في ايه...لو سمحت هات كاس هنا..
مالك: لا يا كنز..هاتلها عصير..
كنز: انا قولت انا عايزه كاس..يا والله هروح اشرب في حته تانيه..
مالك اتخنق منها: براحتك يا كنز..
" الراجل جاب الكاس لكنز وازازه شمبانيا لچايدا ومالك ..وچايدا بتشرب لاستفزاز وبتبص لكنز بتحدي انها مش هتقدر تشرب الكاس وفعلاً اول ما كنز شربت بوق رجعته وكحت كتير وكانت هتشرق ومالك ناسكها وچايدا بتضحك وشويه وكنز هديت واشتغلت اغنيه"
مالك: تحبي نرقص..
كنز بغيظ لجايدا: يلا يا..يا كوكو..
" بدأو يرقصو وهي مكسوفه جدا من قربهم وعلي تربيزه تانيه"
شخص بيصورهم: هيبقي خبر جامد..انظر ابنه الطبيب جاسم الوردي في احد الملاهي الليلية بصحبه شاب..
...
مالك: حضرتك خلصت.
جاسم: اه يلا..
" ركبو العربيه وساكتين تماماً وأخيراً وصلو ونور سمعت صوت العربيه خرجت تستقبل جاسم كالعاده لقت معاه شاب"
نور بابتسامة: اهلا بيك يا ابني..
يوسف: ابنك..ده حضرتك تبقي اختي الصغيره واحلي كمان.
جاسم بضيق: يوسف ابن.. مادلين..
نور بصدمه: ايه؟!.
..
روح: احنا رايحين فين يا نوح..
نوح: هنروح الملاهي..
روح: لا انا عايزه اروح مكتبه..
نوح: روح حبيبتي انا نوح مش نجيب محفوظ..مكتبه ايه بس يعني انا رايح افسحك وانتي تقولي مكتبه..
روح: علشان خاطري..
نوح: علشان خاطرك..يلا بينا علي احلي مكتبه.
..
ليلي: تتجوزني..وده شفقه ولا ايه..
ادم: لا طبعاً لايه بتقولي كده..
ليلي: يعني قولت هتقعد معايا يبقي لازم تكون مراتي علشان حرام أهلها ماتو وملهاش حد..
ادم: ليلي افهمي..
ليلي حست انها هتعيط: عن أذنك..
..
مالك: كنز بطلي شرب انتي دايخه..
كنز: سبني بقييي..هوف.
مالك: يلا نروح..
كنز: لا انا ه..هرقص..شيك شوك..ارقص معايا يا مز انت..
مالك هيموت من الضحك: هنرقص حاضر..
" مالك شالها ودخل العربيه ومكنش قدامه خل غير انه يروحها البيت بتاع جاسم وهو عارف الطريق لانه مجمع معلومات"
..
" في بيت جاسم كلهم قاعدين حولين يوسف وساكتين تماماً حتي نادر مستغرب هو جي لايه والباب خبط وقام جاسم يفتح"
مالك: احب اعرفك بنفسي..مالك يوسف رأفت!!!.
جاسم بصدمه وغضب:***
..
جماعه البارت كان جاهز امبارح الفجر بس قولت هتكونو نايمين فنزلت النهارده لو بتسهرو للفجر ممكن انزلكم واحد بليل خالص بس علو الكومنتات بقي.. واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت 😍😊
بقلم نيللي ياسر
Nile Yasser
روايه:" نور _ الجاسم 3 🖤✨" البارت (12). الجزء (3)
بقلم نيللي ياسر.
..
مالك بيبتسم: احب اعرفك بنفسي.. مالك يوسف رأفت!!.
جاسم بصدمه وغضب: ايه اللي جابك هنا يا حيوان انت..كنز فوقي يا بابا..عملت فيها ايه يا ابن**.
مالك: تؤتؤ..لايه كده انت تعرف ابويا علشان تشتمه؟!.
نور بتجري علي كنز: حبيبتي..مالها يا جاسم..كنز فوقي..
يوسف: كنز..هاتها هطلعها اوضتها..
مالك برفعه حاجب: وانت مال أهلك!!.
جاسم بزعيق: هات البنت..
" جاسم شالها علشان يطلعها الاوضه وكلهم طلعو وراه ومالك دخل وبيتفرج علي الحيطان وقعد علي الانتريه"
جاسم وهو نازل علي السلم: وحيات امك..قوم يا اض..
مالك بغضب: كلمه كمان عن اهلي والمصحف ما هرحمك..
جاسم وهو بيمسكه من القميص: انت مصدق نفسك يا اض جاي تعمل عليا نمره انك مش عارف..ان ابوك كان يعرفني كويس...
مالك وهو بيزقه: وانا ابويا يعرف اشكال** منين!!.
عمر وهو بيضربه في كتفه: لا اهدي علي نفسك يا وحش كده..انت لسه بشخه وجاي عامل نفسك حاجه..
جاسم: انطق عملت ايه في البنت..
مالك بأستفزاز وهو بيعدل القميص: هه..لا هي تبقي تقول انا عملت فيها ايه!!.
" مالك مشي وجاسم قعد بصدمه وفي الف سيناريو في دماغه يا تري مالك عمل في بنته ايه..هو فعلاً خايف عليها كأنها بنت..ومش عارف يكلم ابوها يقوله ايه"
جاسم: عمر شوف كنز فاقت ولا لا..
عمر: أهدي يا جاسم اكيد هو معملش فيها حاجه وحشه..
جاسم بوجع: شوف كنز فاقت ولا لا.
" عمر نزل وبلغه أنها فاقت وغيرت هدومها"
جاسم بيخبط: تك..تك.
نور: ادخل..
" جاسم دخل ولقاها قاعده علي السرير وكلهم حوليها بصلهم وهما خرجو وسبوهم"
جاسم: عمل فيكي حاجه..
كنز باستغراب: هو مين ده؟!.
جاسم بصرامه: بقولك عمل فيكي حاجه الزفت ده..
كنز فهمت: ايييه..لا طبعاً ازاي حضرتك تقول كده..
" جاسم خد نفس وحضنها لانه فعلاً كان خايف عليها وبعد كده بعد عنها"
جاسم: احكيلي ايه اللي حصل..
كنز بكدب: انا كنت في عيد ميلاد صحبتي ولقيته هناك..ودوخت من الهزار والرقص وهو جابني علي هنا زي ما نور قالت.
جاسم: و هو عرف عنوانك منين..
كنز بتوتر: ا..اكيد صحابي قالوله..
جاسم: وليه هو اللي جابك..لايه مش صحابك؟!.
كنز قامت: يووو معرفش انا كنت مغمي عليا..
عمر فتح الباب: جاسم في مصيبه..
...
ادم: يا ليلي افتحي الباب..
ليلي ببكاء: مش عايزه افتحه..
ادم: براحتك يا ليلي..بس اعرفي اني هتجوزك الاسبوع الجاي..غصب عنك..
" ليلي ابتسمت لانها حست في نبره صوته انه عايزها بعد كده عملت نفسها بتعيط علشان ميحسش أنها فرحت"
ادم: افتحي يا هبله عايز اشوفك وانتي بتضحكي..
..
" مالك راح شقته اللي علي النيل وامه اتصلت مردش عليها وقعد علي النيل وهو بيأنب نفسه"
مالك: انا غبي..غبي..كانت معايا..في أيدي..مكنتش رجعتها..كنت لويت دراعه بيها..كنت رجعتها ليه مش نافعه..بس انا غبي..
" التلفون رن تاني كنسل وفتح الصور واول ما فتح ظهرت صورته مع كنز لانه اتصور معاها برضو على تلفونه"
مالك بيضحك: ما ترقص معايا يا مز انت ( بيقلدها وهي سكرانه).
" مالك مسك الفرشاة وبدأ يرسم..من فتره كبيره مش بيرسم وبيصور بس..بدأ يرسم بمشاعره اللي كونت صوره "المدلعه".
...
" جاسم قاعد في الريسبشن وكلهم حواليه وهو متعصب وبيهز رجله ونور جمبه بتطبطب عليه وكلهم ساكتين"
جاسم: اعمل ايه اتصرف ازاي!!.
عمر: أن شاء الله في حل..
جاسم: الصحافه كلها بتتكلم علي السندريلا اللي بترقص في نيتكلب مع شاب.
ملك: طب الموضوع ده يتحل ازاى..
جاسم بغضب: مش عارف..
كنز قامت: انا هتصرف..ممكن يا روح تندهي تاليا من فوق..
روح: حاضر..
" روح نازله من علي السلم"
روح بتوتر: طنط نور تاليا مش فوق..
" كلهم اتصدمو لان جاسم كان مانعها تخرج من اخر مره وجاسم حط دماغه بين ايديه بتعب واضح من المشاكل اللي فيها ومش بتخلص "
كنز: تعالي معايا انتي يا روح..
ملك: علي فين..
كنز: هحل الموضوع الاول..وانتو شوفو تاليا..
...
" مالك فاتح القميص والسلسه باينه وحاطط سيجاره بين شفايفه علي الجمب وبيرسم ومشغل فيروز والباب خبط"
مالك: ايوه..كنز..
كنز: خليكي في العربيه يا روح.
روح بتوتر: طب متتأخريش..
" روح نزلت وكنز بصاله وهو شدها من وسطها عليه وقفل الباب"
مالك: حمدالله على السلامه يا مدلعه..
كنز بتبعده: احم..الله يسلمك..انا كنت عايزه اطلب منك طلب.
مالك قعد: ايه هو..
كنز: دلوقتي في حد صورنا وأحنا بنرقص وانا قولت..نقول في بوست انك خطيبي وكنا في عيد ميلاد جايدا وان دي صحبتي..ممكن..
" مالك راح وقف قدامها بالظبط والباب اتفتح فچاه"
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉
بقلم نيللي ياسر.
Nile Yasser
روايه:" نور _ الجاسم 3 🖤✨" البارت(13). الجزء (3).
بقلم نيللي ياسر.
...
" الباب اتفتح ودخلت فاطمه"
فاطمه: مالك ايه اللي بيحصل..
كنز بكسوف: ا..اهلا يا طنط..ا..مالك انا همشي فكر في كلامي وابقي كلمني احكيلي ايه اللي حصل بينك انت وبابا..
" كنز مشيت ومالك قعد وامه قعدت"
فاطمه: كنز كانت هنا لايه..
مالك: انتي مش كنتي هتقعدي يومين؟!.
فاطمه: اتصلت بيك علشان اقولك اني هرجع النهارده انت مردتش.. وبعدين رد عليا كنز كانت هنا ليه..
مالك: قريب هتفهمي كل حاجه..
...
" كنز فتحت باب العربيه وقعدت ورا جمب روح"
روح: ايه اللي حصل..
كنز: لقيت حل للموضوع..
روح: طب لما انتي هتطلعي لوحدك خدتيني لايه؟!.
كنز: علشان يعرف اني مش لوحدي.. وبعدين انتي كنتي عايزه تدخلي معايا؟!.
روح: اه كنت خايفه عليكي وانتي معاه لوحدك!!.
كنز ابتسمت: روحنا الڤيلا يا عم عبده.
السواق بطاعه: أوامرك يا كنز هانم..
...
عمر: يعني هي معاك دلوقتي يا جاسم انت نازل من البيت بقالك ساعه ومتصلتش تقولنا لقتها ولا لا ونور منهارة.
جاسم بخنقه: قولتلك عرفت مكانها ورايح اجيبها.. وبعدين كنت بكلم ناس تعرفلي مكانها..اديني نور..
" جاسم خد نفس علشان ميتعصبش أو يزعل نور"
جاسم بحنيه: نور..بطلي عياط يا روحي..
نور ببكاء: خايفه عليها يا جاسم..
جاسم: بس انا خايف عليكي برضو يا نور..
نور: حاضر هبطل عياط بس بالله عليكي طمني.
جاسم: عيوني يا عيوني.
" نور قفلت وكالعادة جاسم عمره ما يفشل انه يطمنها"
..
تاليا في بيت صحبتها: ميمي انا حسيت اني بموت..انا ادمنت صح..
ميمي وهي بتنفخ السيجارة: انتي شايفه ايه.. وبعدين ده مش ادمان ده مزاج!!.
تاليا: انا جيت اخد السيجارة بتاعت كل يوم..همشي بقي.
ميمي: بس وحيات ابوكي اللي من اغني رجال مصر هاتلنا المره الجايه فلوس علشان نشبرق بيها علي نفسنا..
تاليا: ماشي باي.
..
" تاليا نازله في الاسانسير واول ما الباب اتفتح في الحوش ظهر جاسم وهو حاطط ايده علي الباب وبيشرب سيجاره عاديه"
تاليا بخوف: بابي!!.
جاسم بينفخ السيجارة: ده انتي ليله ابوكي سوده..
...
فاطمه: انت نازل...انت عارف الساعه كام دلوقتي..
مالك بيقفل الچاكت: مشوار وراجع .
فاطمه: اهرب براحتك..بس انا مش هسيبك غير لما اعرف انت قولت لاجاسم ايه..
مالك: يبقي يحلها ربنا..
..
" كنز وصلت الڤيلا وكان في نفسي الوقت جاسم وصل وكان ماسك تاليا من ايديها جامد وداخل الڤيلا وكنز وروح نزلو من العربيه التانيه ودخلو وراه وكلهم وقفو في الريسبشن"
تاليا بتشد ايديها: في ايه يا بابي انا مش صغيره علي كده.
جاسم بصوت عالي: ده انا اكسر رقبتك واوعي تفتكري اني علشان سايبك براحتك ابقي مش قادر عليكي.
نور: انتي ايه اللي خرجك.
تاليا: صحبتي كلمتني وقالت إن عربيتها عطلت وانا روحت وقفت معاها وروحتها بيتها علشان كانت تعبانه وكنت همشي.
جاسم: وانا برياله علشان اصدق..
نور: ولو ده اللي حصل مقولتيش لايه..
تاليا بدموع: علشان كلكو..كلكو مشغولين بست كنز..ومشاكلها.. محدش مهتم بيا..حتي اخويا البتاعه اللي اسمها روح خدته مني..انا هغور في داهيه وابعد عنكم..انا مش مسمحاكي يا ماما علي اي حب كنز خدته منك وانا كنت اولي بيه..
" تاليا كانت هتطلع اوضتها بس وقفها صوت جاسم"
جاسم: استني عندك..
" جاسم راح وقف قدامها ونور مكانها بتعيط"
جاسم: انا عمري ما سمحت لمخلوق يزعق لنور..وعمري ما خليت حد يهين حد في البيت ده وانتي غلطي..وانا قصرت في تربيتك...
" قلم نزل علي وش تاليا ونور كانت هتجري عليها بس جاسم مسكها من ايديها وتاليا طلعت اوضتها..
كنز ببكاء: جاسم هي..ممكن اكون..يعني ده مش مكاني.. ومينفعش اكون هنا هي اولي باهتمامكم..انا همشي..وعلي العموم انا حليت الموضوع او تقدر تعتبره اتحل..
" جاسم نده عليها كتير بس هي كانت هتعيط فجريت ركبت الاسكوتر وطلعت علي بيتها."
..
" مالك دخل النيتكلب وكانت چايدا لسه موجوده"
مالك: چايدا عايزك..
چايدا: هي القموره روحت فأنت رجعت لحضني..
مالك: متجبيش سيرتها..انا عايز اتكلم معاكي.
چايدا: نعم يا مالك..
مالك: انتي هتطلعي في مؤتمر صحفي تقولي انك صاحبه كنز وانها كانت في عيد ميلادك..
چايدا: وانا ايه اللي يجبرني علي كده..
مالك مسكها من شعرها: انا يا روح امك!!!.
چايدا: مالك اااه.. خلاص حاضر..
مالك سابها: كده اتفقنا.. Happy birthday..
..
ادم: ايوه..كوكي وحشتيني.. ايه ده انتي بتعيطي؟!.
كنز ببكاء وهي بتحضنه: انا محتجاك اوي..
" ادم بيطبطب عليها."
ادم: مين زعلك يا روح قلبي..
كنز ببكاء: مش قادر اتكلم.
..
" مالك روح بيته وفتح الباب لقي جاسم قاعد مع أمه"
جاسم: اتأخرت اوي..
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉
بقلم نيللي ياسر.
Nile Yasser
روايه:" نور _ الجاسم 3 🖤✨" البارت (14). الجزء 3.
بقلم نيللي ياسر.
..
جاسم: اتأخرت اوي..
مالك وهو بيقفل الباب: انت ايه اللي جابك هنا..
جاسم: استأذه فاطمه انا محترمه لوجودك بس..
فاطمه: أحترم نفسك يا ولد..احنا اسفين يا جاسم بيه.
جاسم: انا جيت علشان تعقليه يبعد عن بنتي وعن عيلتي والا..
فاطمه: هيبعد يا جاسم بيه..اوعدك.
" جاسم فتح الباب ومشي ومالك وقف قدام امه"
مالك: انتي بتكلميه كده ليه بتحترميه لايه..ده انا هطلع عين اهله..
فاطمه: كلمه واحده هقولهالك ابعد عن البنت دي وابوها احنا مش قدهم انت فاكر أن ب الكام مليون اللي عندك دول هتقدر عليه..ده يوزنك كده الماظ مش دهب..
مالك: انا هغور في داهيه..
" مالك دخل اوضته وقعد علي السرير بيفكر ومن التعب نام مكانه"
..
" ادم قاعد في الريسبشن وحاضن كنز وهي بتعيط وبيحاول يهديها وليلي سمعت صوت كنز نزلت جري"
ليلي: كنز مالك بتعيطي لايه..
كنز وهي بتحضنها: محتاجه اتكلم معاكي..
" ليلي خدتها وطلعت بيها لوضتها وادم بيبصلها بفرحه أنها بتهتم بكنز وعملت ادوار كتير ام واخت وصاحبه كمان"
..
نور علي باب اوضته تاليا: بقولك افتحي..
تاليا وهي بتفتح: يووو عايزه اقعد لوحدي ايه الزن ده.
نور وهي بتزقها لجوه: زن يا قليله الأدب..انتي ازاي تعملي كده..بتشتمي اختك و بنت عمتك عيني عينك كده..
تاليا: انتو صدقتو انها بنتكو انتو يا دوب مربينها لاكن ابوها عايش ما ياخدها بقي ويخلصنا..
نور: يا شيخه ربنا يخدك انتي ويخلصنا..
تاليا وهي بتستغطي: يارب..يلا بقي في عايزه اتخمد.
نور: وحيات امك يا تاليا لاربيكي.
" نور خرجت وتاليا مسكت الفون وبتقلب فيه"
..
ليلي: هي اكيد كانت غيرانه شويه من حب جاسم ونور ليكي بس اكيد كل شىء هيتصلح..تاليا بتحبك بس هي زعلت شويه..
كنز: بس كلامها منطقي هي فعلاً محتاجه الحب ده..وانا مش بنتهم ف لايه..
ليلي: بس جاسم بيحبك والدليل انه مش هيسيبك تباتي بعيد عن حضنه..
كنز: مش عارفه بس حسه ان كلام بنته اثر فيه.
ليلي: مفيش الكلام ده.. وبعدين مش ابوكي اتشحتف كده وطلب ايدي..
كنز بفرحه: بجد لولولولولولولي مبروك يا لولي..
ليلي: الله يبارك فيكي مكنتش اعرف انك هتفرحي كده.
كنز: ده احلي خبر سمعته النهارده..الف مبروك يا قلبي.
ادم من تحت: كنز تعالي عايزك..
كنز نزلت: نعم يا باب..جسومي..
" جاسم كان قاعد بيشرب قهوه وجمبه ادم"
جاسم وهو بيحضنها: مقدرش انام وانتي بعيده عني يا حبيبه بابي..ومقدرش علي زعلك ده انتي بنتي الكبيره واحلي حاجه في حياتي.
كنز: انا بحبك يا جسومي..
ادم: مفيش كسوف من ابوكي اللي واقف ده.. وبعدين هو انا مش ابوكي يا بت ابن عمك انا..
جاسم: اه ابن عمها ابعد بقي..
ادم: طيب جوزهالي بقي..
جاسم: لا حاسب دي مهرها الماظ.
كنز: هههه.. وبعدين ليلي هترضي انك تتجوز عليها يا نمس.
جاسم: لا متقوليش..
كنز: اه والله.
جاسم: مبروك يا فواز..
ادم: فواز!!؟..الله يبارك فيك يا عم..هستناكم يوم الجمعه بقي.
جاسم: يلا بقي نروح..
كنز بفرحه: يلا.
..
يزيد: مامي انا عايز بكره اروح مع كنز..
حور: هتروح فين يعني..
يزيد: المؤتمر الصحفي اللي هتعمله..
حور: هي هتعمل مؤتمر صحفي تقول فيه ايه؟!.
يزيد: روح بتقول انها قالتلها هتعمل مؤتمر صحفي وتقول إن الحفله دي بتاعت صحبتها والولد ده خطيبها..
حور بصدمه: ولد مين..مالك ابن يوسف..طب ازاي..
...
جاسم: انتي طيب لايه كلمتي الصحافه قولتي انك هتعملي مؤتمر.. وبكره كمان انا اصلا مش موافق انك تقولي انه خطيبك..
كنز: هو ده الحل يعني اعمل ايه.. وبعدين هو وافق..
جاسم وهو بيسوق: كنز انتي عارفه ان كمان الصحافه عارفه انك بنتي انا واكيد هيسألو لايه معملتيش حفله بمناسبة الخطوبة..
كنز: هقول أن الموضوع خاص جداً وانا مش حابه اعمل حفله.
جاسم: ربنا يستر..يلا انزلي..
...
" كنز نزلت من العربيه واول ما نزلت شافت يوسف جاي عليها"
يوسف: اهلا يا كنز..انا مرضتش امشي غير لما اسلم عليكي..
كنز: هو اهلا وكل حاجه بس انت مين.
جاسم: ده يوسف ابن مادلين يا كنز اللي..
كنز: اه..اهلا يلا يا جاسم احنا..
جاسم ببرود: توصل بالسلامه يا يوسف.
يوسف بكسوف: باي...
..
نور وهي بتحضن كنز: لو مكنتيش جيتي كنت روحتلك انا.
كنز: وانا جيت اهو..
جاسم: يلا اطلعي غيري..
كنز: اوكي يا جسومي تصبح علي خير.
جاسم: وانتي من اهله.
نور وهي في حضن جاسم: انت مستحمل كتير اوي.
جاسم: اهو الحضن ده هون عليا تعب اليوم كله..بحبك.
نور: وانا كمان..
..
كنز وهي علي السرير: يووه رد بقي..
مالك بنوم: الو..ايه يا كنز في ايه انتي كويسه..
كنز بارتباك: ا..عامل ايه..
مالك: انتي هبله..
كنز بتوتر: لا انا..انا بكلمك علشان..اه..هتيجي بكره صح.
مالك: اه ابعتي مكان المؤتمر وانا هاجي عليه..
كنز: امم..طيب تصبح علي خير.
مالك: وانتي من اهله..
كنز: طب استني..
" مالك فهم انها عايزه ترغي معاه ابتسم وفتح النور"
مالك: يا نعم..
كنز: قولي بقي هتلبس ايه؟!.
..
نور في حضن جاسم: عارف يا جاسم..مالك صعب عليا..
جاسم: انتي طيبه اوي يا نور ده و** زي ابوه..
نور: لا علي فكره شكله تعبان في حياته.. معذور عاش بردو من غير اب..
جاسم: نور احنا مش عايزين نأذيه هو اللي ناوي علي اذيه.
نور: كان نفسي اول ما اشوفه اخده في حضني واقوله انا قريبتك انا زي عمتك كده واقرب لابوك ولجدك واحسسه انو ليه حد بس..غضب عني والله ابوه الله يسامحه هو اللي عمل كده..
جاسم: نور انا معاكي يا قلبي.. وبعدين تاخدي مين في حضنك ده انا كنت دفنتك.
نور بخضه: دفنتني..يا لهوي.
جاسم بيغمز: في حضني كنن هدفنك في حضني.
..
" صباح يوم جديد..اليوم مشي طبيعي من بين هزار وضحك من عيله جاسم اللي بتجهز علشان المؤتمر وتاليا مش عايزه تروح ونور بتقنعها و أخيراً وافقت وكنز قدام المرايه بتبص للفستان اللي لبساه علشان المؤتمر"
كنز: الو يا مالك احنا جهزنا انزل انت بقي..
مالك: انا تحت بيتك اصلا..
كنز وهي بتجري علي البلكونه: قول والله..
مالك: طبعاً مش خطبتي لازم انا اللي اوصلها..
كنز بفرحه: شكلك حلو..
مالك: مش احلي منك..بس والنبي حطي حاجه علي دراعك اللي باين ده..
كنز: هههه باي يا عم..
" كنز لابسه الفستان ده وجزمه حمراء وعملت تاتو علي رقبتها وزي القمر وأخيرا نزلت تحت وجاسم كان واقف وكالعادة في حضنه نور اللي كانت زي القمر بفستانها الابيض الديق وعمر بيعاكسها وكلهم بيضحكو"
كنز: طب يلا علشان نمشي هنتأخر..
جاسم: شويه اميرات طالعين من ديزني..
كنز: اسم الله عليك وانت ايه بقي ده انت مز..اااه.
نور: ايه ده بقي..كله الا قمري ده.
جاسم باسها: طب يلا يا روحي بقي..
" كلهم خرجو من الكمبوند ولقو مالك واقف ولابس بدله سوده وقميص اسود فاتح اول زرارين..وحزمه سوده وساند علي العربيه بيلعب في الفون واول ما شاف كنز مسك ايديها ركبها العربيه ولسه بيقفل الباب جاسم اتكلم"
جاسم: تعرف اني ممكن ادفنك مكانك علي الحركه دي؟!.
مالك وهو بيقفل الباب: """
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉
بقلم نيللي ياسر.
انا منزلتش بقالي يومين علشان عندي دور برد جامد. وفي ناس كتير عندها برد اعرفهم الا بعض الصالحين 😂❤️
Nile Yasser
روايه:" نور _ الجاسم 3 🖤✨" البارت (14). الجزء 3.
بقلم نيللي.
..
مالك وهو بيقفل الباب: لايه؟!.. واحد وبيوصل خطيبته ده انت غريب اوي يا جدع!!.
" جاسم كان هيقرب منه يضربه بس نور مسكته"
جاسم: خطيبتك مين يا روح"" انت صدقت ولا ايه ده انت متحلمش تبص في عينيها بس..ساامع!!.
مالك وهو بيركب: انا مش بفركش الخطوبه علي فكره!!.
" مالك اتحرك وكلهم بدأو يركبو وجاسم فهم معني اخر كلامه"
كنز في العربيه: هي البتاعه دي هتيجي امتي..
مالك: چايدا.. بعتلها لوكيشن وهي زمانها قربت من المكان.
كنز: اممم.. تعالي بقي اعرفك علي اهلي علشان متتلغبطش وانت في المؤتمر لو حد سألك..
مالك: قولي..
كنز: اللي لابسه فستان لونه نبيتي دي ملك اخت بابي وجوزها اللي واقف جمبها شادي..واللي لابسه فستان لونه بينك كده وعيونها خضراء دي حور..وجوزها اللي لابس بدله رمادي كده وشعره كيرلي..ده عموري.
مالك: عموري..قولتيلي..كملي.
كنز: واللي لابس بدله زرقاء وزي القمر ده نوح هيدخل جامعه معايا السنه دي..واللي جمبه لابسه فستان فضي قصير وشعرها قصير دي روح بنت طنط ملوكه..
مالك: طنط وملوكه!!.
كنز: اه..واللي لابسه فستان اسود ومش طايقه نفسها دي تاليا بنت جسومي اختي يعني..
مالك: بس مزه البت دي!!.
كنز وهي بتضربه: اتلم..اه واللي لابسه فستان ابيض وديق كده وشعرها شبه شعري دي..نور!!.
" مالك وقف العربيه جامده وبصلها وكنز اتخضت"
مالك: هي دي نور..دي..دي صغيره مش زي ما كنت فاكر.
كنز بضحك: ايوه هي قموره زي جاسم ومش باين عليهم سن خالص..
مالك بصلها: انا اسف انا وقفت مره واحده.
كنز: لا عادي يلا بس علشان جسومي واقف ورانا..
..
جاسم: هو وقف لايه..
نور: ممكن كنز بتعدل ميكب أو حاجه..
جاسم: يا ابن ال..خدها معاه في العربيه..
نور: بس الواد قمور اوي..
جاسم بغضب: ما تتلمي يا نور..
تاليا من ورا: يوووه علي فقره الحب والغيره دي..
جاسم: انتي تخرصي خالص علي اللي عملتيه..
نور: خلاص اهو اتحرك يلا بقي..
..
شادي: مكنش لازم يعني روح تركب مع نوح لوحدهم.. الولد برضو صغير مش هيعرف يسوق كويس..
ملك: نوح الله واكبر بيعرف يسوق وبعدين منتا عارف ان نوح دايما مع روح من وهما صغيرين..
شادي: والله خايف في يوم يجي يقولي يا عمي..
ملك: ههههه..قريب اوي والله..
..
عمر: بصي بقي الخمسه دي..
حور: اعااا..يخربيتك هتقلبنا بالعربيه..
يزيد: بقولك يا عمور سرع شويه..
عمر: حبيب قلبي..
حور: اعاااا هتموتوني ناقصه عمري..
..
" أخيراً وصلو ونزلو كلهم مع بعض وكان في صحافين كتير بيصورو ومالك ماسك ايد كنز وكالعادة العيله كلها خطفت الأضواء ونور وكنز الكاميرا متركزه عليهم من جمالهم الشديد..وجاسم الصحفيين البنات واقفين حواليه هو وعمر وشادي..وكمان الفرد الجديد اللي انضم ليهم وهو مالك وأخيراً قعدو كلهم فوق والصفيين علي الكراسي تحت زي قاعه كده والصحفيين بيسألو"
..
صحفي: استاذه كنز..ولا نقول سندريلا..
مالك بصوت واطي: يا لطف امك..
كنز بضحك: لا افضل كنز..
الصحفي: يا تري يا فندم لايه معملتيش حفله بمناسبه الخطوبه كبيرة وحضراتكم عيله شهيره جدا واكيد كانت هتبقي حفله عالميه..
كنز بجديه: شايفه أنها حاجه تخصني انا وعيلتي وانا محبتش اعمل حفله خطوبه وفضلت نحتفل انا وعيلتي..اي سؤال تاني؟!.
صحفيه: انا يا فندم عندي سؤال..
كنز بلطف: اتفضلي.
الصحفيه: يا تري ايه الصدفه الجميله اللي جمعت بين سندريلا و الفارس الجميل..ولا مش صدفه وفي معرفه سابقه.
كنز لمالك: اتكلم انت..
مالك بابتسامة وهو بيمسك ايديها جامد: لا هي صدفه بس تقدري تقولي احلي صدفه.. حاجه مميزه كده ومكنش فيه معرفه سابقه..
صحفي تاني: استاذ جاسم..حضرتك شايف زوج ابنتك المستقبلي ازاي من وجهه نظرك..
جاسم بيجز علي سنانه: والله مفيش احسن من مالك..شاب محترم ومتربي..وبيحب بنتي وده كفايه..
صحفي: استاذه نور أو ملكه جمال العالم بالنسبه للشباب..
نور بابتسامة: اتفضل.
صحفي: حضرتك شايفه استاذ مالك ازاي؟!.
نور بدموع بتخبيها: والله هو زي ابني واكتر..هو انا متاكده انه محترم وداخل عيلتنا وغرضه شريف مش يأذينا مثلاً.. ربنا يجمع بينه وبين كنز علي خير..
" مالك الكلام أثر فيه بس رجع لطبيعته"..
صحفيه: دكتور جاسم حضرتك شايف الموقف اللي حصل في النيتكلب من وجهه نظرك ازاي يا دكتور..
جاسم بجديه: والله شايفه طبيعي عيد ميلاد صاحبه بنتي واكيد مش هتروح لوحدها وفكره أنها ترقص مع خاطبها دي حاجه بتحصل كتير في العالم كله مش جريمه يعني واللي صور ده انا كان ممكن ارفع قضيه انه صورهم بدون علمهم بس مش حابب اعمل مشاكل لاستاذ حسين الصحفي.
صحفي: استاذ چايدا..حضرتك تعرفي كنز من مده.
چايدا: اه طبعا دي حبيبتي واختي..من ثانوي مثلا..
" كنز بصتلها بقرف ورجعت بصت لمالك"
...
ليلي: مش عارفه بس مش لازم قاعه بقي.
ادم وهو بيمسك ايديها: لا لازم انتي عروسه يا قلبي.
" تن تن"
ادم وهو بيفتح الباب: ايوه..مين حضرتك..
سامح: انا سامح خطيب ليلي ممكن تندها..
ادم برفعه حاجب: نعم..
ليلي: في ايه..سامح انت جي لايه.
سامح: عايز خطيبتي..
ادم: قصدك علي مراتي.
سامح: مراتك..ليلي اتكلمي.
ليلي: ايوه انا فعلاً مراته..
ادم: اتفضل امشي بقي.
سامح: شكراً يا ليلي..
" سامح مشي وادم قفل الباب وقعدها جمبه"..
ادم: فهميني بقي..
...
جاسم: كفايه أسأله..عن أذنكم المؤتمر خلص..
" جاسم شد نور ومش في المقدمه والجارد حواليهم والصحافيين عمالين يسألو في صوت واحد بس هو مش بسرعه وركب عربيته هو ونور واتحرك شويه..وكلهم وراهم"
نور: الحمدلله كده الموضوع خلص.
جاسم: الحمدلله..كنت خايف عليكي اوي.
نور بضحك: من ايه.
جاسم: من عيونهم يا روحي..
..
كنز: ايه ده احنا رايحين فين..
مالك: بيتي.
كنز: نعم..جاسم هيزعقلك جامد..
مالك: نبقي نشوف الموضوع ده..
..
ادم: يعني هو ده اللي حصل.
ليلي: اه والله.
ادم: انا مصدقك وربنا يرحم مامتك انتي ملكيش ذنب.
ليلي: انا.. عايزه اقولك انك حنين اوي وساعت بتبقي غريب..بس انا بحبك..
ادم بصدمه وفرحه: قولتي ايه..
..
جاسم وقف قدام الڤيلا: يعني راحو فين موبايلها مقفول..
نور بصوت ضعيف: جاسم.
جاسم مش سامعها: يا ابن ال..خد البنت فين..
نور: جاسم.
" جاسم لف وشافها وهي بتقع في الارض"..
جاسم بصدمه وخوف:...
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉💪.
بقلم نيللي ياسر.
Nile Yasser😌♥️
روايه:" نور _ الجاسم 3 🖤✨" البارت (15). الجزء (3).
بقلم نيللي ياسر.
..
" جاسم لف وشاف نور وهي بتقع"
جاسم بخوف وهو بيجري عليها: نور..نور شادي شغل العربيه بسرعه !!.
" جاسم شالها ودخل بيها العربيه وراحو المستشفى بتاعت جاسم وطول الطريق بيتصلو بكنز وموبايلها مقفول"
...
ادم: طيب كده اظن كل حاجه جاهزه..القاعه اتحجزت.. الفستان كمان يومين هيكون عندك..عزمنا الناس.. وكله تمام تحبي حاجه تانيه؟!.
ليلي بعيون فيها اسئله: لا كده تمام..
ادم وهو بيسيب الفون ويلف ليها: مالك يا ليلي عايزه تقولي حاجه؟!.
ليلي بتوتر: اه..لا..لا مش عايزه..
ادم: ليلي قولي انتي عايزه ايه..انا مش بتعصب عليكي!!.
ليلي: هوووف..بص بصراحه كده..هو انت ممكن لو حصلي حاجه تتجوز عليا؟!.
" ادم غمض عيونه لانه كان خايف تسأله السؤال ده وتفهم انه اتجوزها علشان مراته اللي ماتت"
ليلي: خلاص خلاص اعتبرني مقولتش حاجه..
ادم بهدوء: بصي يا ليلي انا لما اتولدت ابويا كان مصري ومتجوز من امي لبنانيه واتولد لقيت ابويا بعدها بسنتين مات ولما كنت في ثانوي قررت انزل مصر واتعرف علي البلدي وكمان اكمل تعليمي ولما نزلت اتعرفت علي هدي ام كنز كانت هاديه ورقيقه وحبتها..و وانا في جامعه امي ماتت ولقيت نفسي معايا فلوس كتير ورث ابويا وامي..ساعتها هدي فضلت معايا وهي اللي اقترحت عليا اعمل بالفلوس شركه تخصني وبحكم العشره حبتها واتجوزتها...
ليلي بغيره: طب وريناد..
ادم بسخرية: لا ريناد دي حوار تاني خالص..لما هدي ماتت وهي بتولد كنز انا مكنش ليا حد امي وابويا ميتين ومليش اهل وكنز بنت وخوفت من تعاملي معاها يكون غلط..يعني قولت لو عرفت اتعامل معاها دلوقتي لما تكبر مش هعرف.
ليلي: طب ليه مجبتش مربيه..
ادم: جبت مره وهي بيبي.. واكتشفت انها مش بتهتم بيها خالص وانا كأب خوفت اجيب مربيات تاني كنت خايف عليها واهملت شغلي تماماً...لغايه لما واحد صحبي اقترح عليا اتجوز..كنت رافض جدا بس مفيش قدامي حل..وفي اجتماع شوفت ريناد كان باين عليها طيبه جداً وكانت خجوله اوي أو ده اللي كنت فاكره.. وبدأت تيجي ليا البيت بحجه انها عايزه تتعرف علي كنز وتلعب معاها وكده..واتجوزتها وبعد سنين حصل اللي حصل وسرقتني..كنت متدمر بمعنى الكلمة..تخيلي مراتي تموت وبنتي اشوف جثتها قدام عيني ومراتي و الحارس بتاعي خانوني وسرقو شركتي أو شركه من شركاتي...كان ممكن اقتلها بس مكنتش حاسس بحاجه. كل حاجه كانت مضلمه لغايه لما جيتي يا ليلي..
ليلي بحركه عفويه حضنته: انا اسفه اني سألتك..ومش هسيبك ابدأ..
...
كنز وهي نازله: اي ده انت عندك قصر..
مالك بينزل من العربيه: اه..ده بتاع ماما وبابا والشقه اللي علي النيل بتاعتي..
كنز وهي بتتفرج عليه من بره: طب جبتني هنا لايه؟!.
مالك: قولت نتفرج عليه لوحدنا..
كنز بقرف: وده اسمه ايه أن شاء الله امك مش هنا يعني.
مالك بقرف: امك..اسمها امك!!.
كنز: روح البس ونقعد في كافيه وانا هستناك هنا.
مالك: كافيه؟!.
كنز بصوت عالي: يا عم يلا بقي..
مالك: هشششش..خلاص هروح اغير استني في العربيه..( بصلها بنظره تحذير) في العربيه يا كنز!!.
كنز: ماشي يوه..
..
" الدكتوره بتكشف علي نور وكلهم حواليها وجاسم ماسك ايديها"
الدكتوره: لا خير الحمدلله..مدام نور بس الضغط ارتفع عندها ارتفع ف ده سبب الاغماء مش اكتر..
جاسم: شكراً يا دكتوره نهله..
الدكتوره: الفعو ده شغلي..عن أذنكم.
جاسم: الف سلامه عليكي يا نور..
نور: الله يسلمك..كنز جت.
جاسم: تلاقيها لسه مع الحيوان ده..وموبايلها مقفول.
نور: طب انا بقيت كويسه يلا نمشي..
جاسم: يلا..
...
" كنز قاعده ومشغله اغاني وناسيه أنها قافله الخط ومعليه الصوت وبتغني وشافت مالك نازل تنحت شويه"..
مالك: ايه ده مالك؟!.
كنز بتغمز: ايه الجمال ده يا برنس..
مالك بتصنع الكسوف: تؤ..بتكسف؛!.
كنز: هههههه..تعالي اركب بقي..
" مالك لابس بنطلون شروال اسود وسوي تشيرت لونه بيج وكوتشي اسود ولابس ايس كاب ونضاره شفافه وكان باين أنه من بره مصر فعلاً"
...
" تاليا راكبه مع جاسم ونور وراء في العربيه وتأثير المخدرات بدأ يبان عليها وكل شويه تمسك دماغها وبتهز رجليها جامد وبتتنفس اسرع"
جاسم وهو بيبص ليها في المرايه: مالك يا تاليا..
تاليا بتعب: م..مفيش.
جاسم بشك: اومال مالك مش قاعده علي بعضك لايه..
تاليا بنبره صوت متوترة: عايزه ادخل الحمام بس..
جاسم: ماشي احنا خلاص قربنا نوصل البيت..
" نور كانت نايمه علي الشباك جاسم بصلها وابتسم وبدأ يسوق اسرع وتاليا رجعت دماغها لوراء بتعب"
...
" في عربيه نوح وروح"
نوح: هو مش انتي قولتي لملوكه انك مش هتسافري..
روح: ايوه يا نوح بس مقولتلهاش انا هتجوز.
نوح: انا قولتلك يا روح اول ما هدخل الجامعه هفاتح والدك في موضوعنا انا مش عيل..
روح: عندك حق بس انا اللي عيله يا نوح..انت اكبر مني بسنه وماما عايزه اني اكمل تعليم هروح انا اقولها انا هتجوز.
نوح: انا قولت خطوبه لغايه ما اخلص الجامعه وانتي هيكون فاضلك سنه واحده تكمليها في بيتنا بقي يا روحي..
روح: طيب انا هفتح معاها الموضوع..
..
ملك: ياه بالسرعه دي..
شادي: هو انا بقولك بكره..انا بقولك هنسافر كمان شهر.
ملك: تؤ انا اصلا مش عارفه ازاي هسيب ملك لسه مش مقتنعه..
شادي: ملك لو دي رغبه روح انا مش هغصبها وبعدين جاسم معاها وانتي اكتر واحده عارفه انه عمره ما فرق بين ولاده و وروح هي وابن عمر يزيد..يعني هي في امان وكمان نور وحور معاها وغير تاليا وكنز.
ملك: اه تاليا..فكرتني البنت دي اتغيرت جدا..
شادي: ازاي؟!.
ملك: معرفش دايما في اوضتها وبتاكل متأخر وبتنام كتير وغير الأفكار إلى طالعه في دماغها..تصور بتقول لنور أنها عايزه تصبغ شعرها احمر وتعمل بريسنج في شفايفها وتسافر امريكا تكمل تعليمها.. طبعاً نور موافقتش..
شادي: هههه..حبيبتي دي مرحله مراهقه بس هي مندفعه شويه وعايزه تعمل كذا حاجه في نفس الوقت..
ملك: ممكن..
...
" في كافيه قدام عماره مالك قاعدين بيضحكو"
كنز: خلي في بالك انت والنعمه ما سهل..
مالك: يا بت اهدي مش احنا مخطوبين قدام الدوله ازاي خطوبه من غير دبل..
كنز: هههه..طب روح قول لجاسم كده قوله يا عمي احنا عايزين نجيب شبكه..هتتهان!!.
مالك: نينينني..علي فكره الجواز تشهير يعني من بكره انزل خبر اني اتجوزتك..
كنز: ويا تري جاسم هيعمل فيك ايه..
مالك: لا منا وانتي هنهرب بعد الخبر ده..
كنز: هههههههه..يالهوي كفايه..بقولك صح تيجي معايا بكره الجمعيه الخيريه بتاعت بابي..
مالك بسخريه: هه..هو دكتور جاسم عنده جمعيه..
كنز: لا دي بتاعت بابي اد...
يتبع
Nile Yasser?
تكملة الروايه من هنا
تعليقات
إرسال تعليق