 |
روايه:" نور _ الجاسم 3 🖤✨" البارت (6). الجزء (3).
بقلم نيللي ياسر.
...
ادم بصدمه: ليل..ريناد!!.
ريناد بخبث: ادم.. وحشتني جداً..
ادم بعصبية: انتي ايه اللي جابك هنا..غوري من وشي.
ريناد وهي بتقرب: حبيبي انا اسفه بس والله انا مليش ذنب.
" ادم زقها بعيد لدرجه انها اتخبطت في الباب ولسه هتقف كان هو مسكها من هدومها قربها ليه"
ادم بغضب: راجعه لايه ها..عيزاني ارجعلك..اوعي تفتكري اني علشان سبتك زمان اني كنت ضعيف..تؤتؤ انا كان ممكن اقتلك بس انا مش كده..ابعدي يا ريناد..انا مبقتش زي زمان.
ريناد بتقرب: بس انا يا ادم..
ادم: انتي اللي اختارتي يا ريناد..
" ادم بيضربها وهو مش حاسس بنفسه من الخنقه وبيلف وشه لقي ليلي واقفه قدام الباب بتعيط وبتترعش قام وقف وبيقرب منها بالراحه وهي بترجع"
ادم: ليلي أهدي انا مستحيل اجي جمبك..دي .دي ريناد..ليلي أهدي وتعالي هنا انا ادم..انتي بتترعشي لايه ليلي..ليلي..
" ليلي جريت واول تاكسي قابلها ركبته بسرعه وهو وراها بالعربيه"
..
كنز: اه خارجه بس هاخد تاليا معايا هي وروح..
نور بخوف: خدو جارد معاكم..
كنز بضحك: يا نوني انتي النهارده عندك حفله اتبسطي واحنا هناخد بالنا من نفسنا كويس..هروح البس بقي..
نور: ربنا يوفقك يا كنز..
" كنز راحت اوضتها طلعت بنطلون ابيض واسع وبدي كت اسود زچاكت چينز وكوتشي اسود ورفعت شعرها ديل حصان ونزلت خصل بسيطه وشمرت الچاكت شويه ولبست اكسسوارات ونزلت"
كنز: يلا..
روح بحزن: يا جماعه انا مش عايزه اخرج والله..
تاليا: يا بنتي هنخرج شويه وبعدين انتي لبستي يلا بقي.
كنز: يلا يا بت علشان نور متشوفناش وتقول خدو جارد.
" روح ركبت العربيه هي وتاليا ومعاهم السواق وكنز الاسكوتر بتاعها"
تاليا: يا بنتي اركبي معانا وسيبك من البتاع الولادي ده .
كنز بسخرية: سبتلك انتي العربيه البناتي يا ست تاليا..
" نزلو قدام مطعم واختارو التربيزه اللي جمب الزجاج علشان يشوفو النيل"
كنز: يا بنتي أنجزو هتاكلو ايه..
تاليا بملل: مش عارفه..تاكلي ايه يا روح..
روح: مليش نفس..
كنز وهي بتضربهم بالمنيو: يا جزمه منك ليها..مش عزا هو عاملين نفسكم مش بتاكلو.. اومال مين اللي مخلص التلاجه عندنا..
روح بتضحك: خلاص...هههه..هتفضحينا..انا هطلب تشيز برجر..
تاليا: وانا هطلب..اممم.. بيتزا..
كنز: طيب انا هاخد بيرجر زي روح وبطاطس..
تاليا: طيب..لو سمحت..
النادل: اتفضلي يا فندم..
تاليا: هطلب.....
" تاليا بتقول الطلبات وكنز مش معاهم خالص..علشان شافت من الازاز مالك راكب اسكوتر اسود و واقف بيه وبيبص علي كنز ومبتسم ليها وهي ضحكت وسابت التربيزه ونزلت ليه وروح وتاليا بيندهو عليها"
كنز وهي بتضحك: ايه ده انت مراقبني..
مالك: اممم..مش للدرجه دي..
كنز: واو..الاسكوتر تحفه.
مالك: تحبي تجربيه.
كنز: ايوه بس معاك..
" بصو لبعض شويه بعد كده ركبت وراه ومشيو وروح وتاليا مستغربين مين ده.
..
جاسم: يلا يا نور...
نور وهي بتخرج من الحمام: خلاص اهو خلصت..
" الفستان كان اكتر من تحفه عليها والحزام الدهبي لايق علي لون شعرها اللي لأول مرة تعمله ليس وميكب خفيف وجاسم بدله سوده"
جاسم وهو بيقرب منها: انا عمري ما شفت جمال كده..
نور بضحك: جمال مين؟!.
جاسم: يا فصيله..بحبك!!.
نور: هنتأخر؟!.
جاسم: بعشقك..
نور: دي حفله تكريم ليك..
جاسم: بموت فيكي!!
" نور كان ردها أنها باسته برقه وخرجو من الڤيلا وسط معاكسات عمر لنور وجاسم بيتعصب وركبو العربية"
..
" ادم وصل المنطقه الشعبيه اللي فيها بيت ليلي بس معرفش يدخل بالعربيه وسط الزحمه ف ضرب الدريكسيون جامد وساب العربيه وطلع يجري علي بيتها اللي الناس قالت عليه وشاف ناس كتير واقفه وليلي علي الارض بتصوت قدام امها"...
ليلي ببكاء: لا...يا ماما..والله خلاص موافقه..متسبينيش..يا ماماااا..اعاااا..ماما ماتت يا ادم..
ادم وهو بيحضنها: هششش.. ربنا يرحمها يا ليلي أهدي انا معاكي...
ليلي ببكاء: قو..قولها اني موافقه علي حسام بس ترجعلي..
" ادم استغرب مين حسام ده بس معلقش علشان الموقف وبدأ يخلص الإجراءات"
..
" جاسم وصل ومعاه نور وسط الناس اللي بتباركله علي التكريم للمره 19 وبيحسدوه علي نور وجمالها وهي ماسكه ايده وهو مش سايبها واخيرا قعدو علي تربيزه ونور لسه ماسكه ايد جاسم وجاسم بيتكلم مع صحابه وهي قاعده جمبه..وملاحظه نظرات البنات وغيرانه جداً ".
نور: جاسم انا هروح الحمام..
جاسم باس خدها: روحي يا قلبي..
" نور قامت وهو باصص عليها لغايه ما توصل بس وهي بتفتح الباب اللي فيه الحمامات واحد مسك دراعها ولفها ليه"
الشخص: دكتور ياسين..حابب اتعرف عليكي..
جاسم وهو بيسحب نور ورا ضهره: لا انت مش هتعرف تتعرف علي حد تاني اصلا...
...
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉🖤
بقلم نيللي ياسر
Nile Yasser
روايه: " نور _ الجاسم 3 🖤✨" البارت (7). الجزء (3).
بقلم نيللي ياسر.
..
" جاسم مسك الراجل ضرب دماغه في الحيطه وبعد كده مسك ايد نور وخارج بيها والاعضاء في المايك بيندهو عليه وهي ماسكه ايده جامد وركبو العربيه"
نور بخوف: جاسم انا..
جاسم بحنيه: أهدي يا نور انتي ملكيش ذنب..هو اللي راجل** أهدي وخدي نفسك.. مفيش حاجه حصلت لكل الخوف ده..
نور: بس التكريم..
جاسم بابتسامة: متقلقيش انا هعتذر وهنأجل الحفله..
نور: انت بطمني بكلامك اوي.. بحس اني بنتك علي طول..
جاسم: انتي فعلاً بنتي وكل حاجه ليا..
..
" مالك خد كنز علي الاسكوتر وطول الطريق بيضحكو لغايه لما وقف قدام عماره شيك اوي بتبص علي النيل"
مالك: يلا..
كنز وقفت بتوتر: يلا فين.
مالك بسخرية: اوبا المتدلعه خايفه؟!.
كنز: قولتلك اني بعرف احمي نفسي..بس سمعتي مش بأيدي انا برضو بنت!!.
مالك بجديه: انا عندي شقه هنا وانا بحب التصوير جدا ف عامل اوضه في الشقه بصور فيها..الاوضه دي انا برتاح فيها جداً..ف قولت تحبي تشوفيها..
كنز: اممم..طب اتحايل عليا شويه.
مالك: اركبي يا كنز انا همشي..
كنز: خلاص خلاص..قفوشه اوي انت..يلا.
" كنز ركبت الاسانسير وهو معاها ولاول مره يبقو مع بعض في مكان ديق وكانت بتتعمد متبصلوش وهو بيحفظ ملامحها الجميله وأخيراً وصلو وكان الدور الاخير"
مالك وهو بيفتح الشقه: اهلا بيكي في شقتي الجامده.
كنز: هههه..طريقتك بتضحكني.
مالك: طب ايه رايك.
كنز بإعجاب: علي فكره حلوه جداً..ومش بجاملك لاني معرفكش اصلا..
مالك: طب خشي يا متدلعه..
" كنز دخلت الاوضه بتاعت التصوير وكان تحفه والديكور اسود و موڤ غامق وكانت جميله جدا وبدون تردد كنز وقفت قدام الكاميرا وهو فهم انها عايزه تتصور وقرب منها جدا وبدأ يظبط وضعيات للتصوير ويصورها وبعد ما خلص"
مالك وهو عينيه في الكاميرا: هايل..تنفعي موديل يا كنز..
كنز وهي بتبص معاه: واو تصويرك جميل.
مالك مركز في ملامحها: امم..بس انتي جميله اكتر..
" كنز لفت وشها ليه وكان ما بينهم سنتيمترات بس وأخيراً بعدت ودخلت البلكونه تشم هوا"
..
عمر: انت مجنون يا جاسم..
جاسم: انت اللي مجنون علشان بتعلي صوتك عليا..
عمر: مقصدش بس محدش يمشي بالمنظر ده.
جاسم: اهو اللي حصل.
..
نور: زي ما بقولك كده ضربه ومشي.
حور: بيغير عليكي يا نور..
نور بكسوف: اوي!!.
ملك: ايوه يا عم..
نور: بس بقي.
ملك: يا بختك يا نور..اخويا كويس مش زي ناس.
حور: يا بنتي والله شادي بيحبك..
ملك بحزن: صدقيني انا حسه أن خلاص..مبقاش يحبني..
نور وهي بتحضنها: لايه بتقولي كده ده بيعاملك قدامنا كلنا كويس جداً..!!
ملك بدموع: انا کست حسه من ناحيتي اتغير..حتي اكبر دليل على كده أنه محاولش يخلف تاني مني بعد روح..وفي نفس الوقت جاسم خلف منك واحد واتنين وكمان عايز يخلف التالت ربنا يخليكو لبعض..وعمر عايز يخلف من حور تاني..لاكن هو لا..انا لما وافقت اسافر وافقت علشان نقرب من بعض شويه..
نور بتطبطب عليها: كل حاجه هتتصلح..
..
تاليا: روحي انتي يا روح انا هخرج مع صحابي..
روح: نعم انتي عارفه الساعه كام.. وبعدين صحاب ايه اللي تخرجي معاهم دلوقتي وانتي حتي لسه مكملتيش ال16 سنه ومعملتيش بطاقه..يلا يا تاليا.
تاليا: روح علشان خاطري قولي لمامي أني مع كنز علشان تطمن ومتخافيش عليا..اموووه..
روح: تاليا..تاليا..طب والله ما هقول حاجه ومش هكدب.
..
كنز بتضحك: لا والله.
مالك: والله الرحله قلبت بسبب الجو.
* كنز موبايلها رن*
كنز: الو يا جسومي..
جاسم: الو يا روحي انتو فين..
كنز: انا خرجت مع مالك وارجوك لما ارجع هتكلم معاك.
جاسم بغضب: لينا كلام يا كنز..طب تاليا وروح فين..
كنز: ايه ده هما مروحوش..انا سيباهم من بدري..
جاسم: طيب انا هشوف هما فين مستنيكي يلا.
.
كنز: انا لازم اروح..
..
روح: هاي يا جماعه..
جاسم: فين تاليا يا روح.
روح بتوتر: هي ..هي راحت مع كنز مشوار.
جاسم: كدابه يا روح..فين تاليا..
روح بخوف: تاليا..
..
ميمي( صاحبه تاليا): يا بنتي جربي بقولك مش مخدرات.
تاليا: انا خايفه ادمن.
ميمي: ههه..لا متخافيش يا نوغه جربي.
تاليا بتاخد منها السيجارة:""""
...
يا جماعه الكومنتات في النازل اوي..اعلي شويه والنبي وبكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني.
بقلم نيللي ياسر.
Nile Yasser
روايه:" نور _ الجاسم 3 🖤✨" البارت(8). الجزء (3).
بقلم نيللي ياسر.
...
جاسم: فين تاليا يا روح..؟!.
نوح وهو نازل من علي السلم: مالها تاليا؟!.
روح بتوتر: هي..هي..خرجت..
نور بخوف: خرجت راحت فين..انطقي يا روح..
روح بخوف: يا ربي...هي ..هي خرجت مع صحابها!!.
جاسم بصدمه: ازاي..خرجت فين..وفين الحراس؟!.
روح بتوتر اكبر: اصل..اصل احنا..
نوح بغضب: ما تتكلمي..
روح: احنا مخدناش جارد معانا..
جاسم بغضب: مفيش سمع كلام لاااايه!!.
كنز وهي بتفتح باب الڤيلا: ايه يا جماعه لقيتو تاليا؟!.
نور ببكاء: روح بتقول انها مع صحبها.
كنز وهي بتحضنها: أن شاء الله هتيجي.
عمر: طب انا هروح ادور عليها وانت اتصل باللواء عمران لو يقدر يساعدنا في حاجه..
جاسم: انا هاجي معاك طبعاً!!.
نوح بجديه: خدوني معاكم..
" جاسم شاف الخوف الحقيقي في عين نوح علي اخته تاليا"
جاسم: طيب يلا..
كنز: طب تحبو اجي معاكم..
جاسم بخنقه: لا..مش هحب تيجي معانا..
" كنز فهمت أن جاسم متضايق منها بسبب انها كانت موجوده مع مالك"
كنز: يووووه..روح..هي مقالتش رايحه فين؟!.
روح: لا مقالتش..
...
" في عربيه لونها احمر راكنه في مكان ضلمه راكبه تاليا في الكرسي اللي قدام ورافعه رجليها علي التابلوه وبتشرب سجاير وراكب علي كرسي السواق ميمي صاحبتها و راكب ورا ولد لابس نضاره نظر صاحبهم وبرضو بيشرب"
تاليا: كح..كح..انا شكلي تقلت..
ميمي بضحك: هههه..اني عندك مواهب انحراف فظيعه!!.
تاليا: هههههههههه..
كريم صاحبهم: هي الساعه كام..
ميمي: داخله علي 2 الفجر..
تاليا بخضه: اااايه..كح..كح..بابي..روحيني بسرعه يا ميمي..
...
ادم وهو بيفتح باب الڤيلا: اتفضلي يا ليلي..
ليلي داخله ولابسه اسود: مكنش ليه لزوم تصر في المقابر اني اجي اقعد معاك انت وكنز..
ادم: لا طبعاً انتي مينفعش تقعدي لوحدك بعد كده..
ليلي بتعب: فين كنز انا هسلم عليها واروح بيتي..
ادم: كلمتها قالت هتيجي بكره علشان بيدورو علي تاليا بنت جاسم..
ليلي: طيب سلام..
ادم بيشدها: انتي اتجننتي..عايزه تروحي فين..ده بيتك.. وبعدين خايفه مني..مش عايزه تقعدي معايا لوحدك..انتي كنتي بتقعدي معايا لغايه الفجر وانا اللي اوصلك..ايه نسيتي ده بيتك..اطلعي الاوضه وغيري وانا هطلب اكل..( بصراخ) يلاااا!!.
" ليلي خافت منه وهو بيزعق وافتكرت لما شافته وهو بيضرب ريناد ..خافت وطلعت تجري علي الاوضه تعيط"
...
" مالك دخل بيته وهو بيغني ودخل اوضته قلع التيشيرت وسمع الباب بيتفتح لف وكانت أمه"
مالك بملل: علي فكره الباب معمول علشان نخبط عليه..انتي ربتيني كده..
فاطمه بسخرية: يعني هي تربيتي نفعت اوي..كنت معاها.
مالك بخبث وهو بيدخل حمام اوضته: هي مين..
فاطمه وهي داخله وراه؛ كنز..كنز يا مالك.
مالك بينشف وشه: اممم..اه كنت معاها..
فاطمه: حاسه انك عايز تأذيها.
مالك: حسه مش متأكده..
فاطمه: مالك انا مسافره للجمعيه الخيريه اللي في المنصوره وهقعد هناك يومين..عايزه ارجع اشوفك بخير مش ميت من جاسم الوردي..
مالك: تروحي وترجعي بالسلامه..
...
" نور فتحت باب الڤيلا وبتخرج منها وهي بتلبس الاسكارف وقلقانه وكلهم وراها"
كنز: يا نور اصبري.. هتدوري عليها فين..
نور بدموع: في أي حته..المهم اعرف بنتي فين..
ملك: يا نور..يا نور ما احنا كلمنا جاسم وقال لسه ملقهاش.
نور ببكاء: مش هقعد وبنتي بعيد عني..مش هقدر..
روح بدموع: اهي يا نور..
" نور وقفت بصدمه وكلهم مصدومين منها وهي نازله من عربيه وبتعمل باي لاصحابها وشافو ميمي اللي لابسه چيب جلد وتوب جلد وجسمها باين وعليه تاتو كتير وشعرها قصير وهي صبغاه اصغر في اسود وعامله بريسنج في مناخيرها وشكلها غريب خالص"
تاليا: مامي..انتو واقفين بره لايه؟!.
نور بدموع: ادخلي قدامي واطلعي علي اوضتك.
تاليا: مامي اسم..
نور بصراخ: بقولك تدخلي جوه..
..
" مالك قاعد في اوضته وعمل سيرش علي اسم كنز الوردي وظهرت اخبار كتير جدا وصور ليها مع جاسم في مؤتمرات كتير ومعلومات عنها زي سنها وكده"
مالك: امم.. خلينا نشوف..
* شاهد سندريلا مصر..ابنه الطبيب ورجل الاعمال جاسم الوردي تظهر بفستان ساحر في حفله تكريم الطبيب جاسم الوردي..والشعب يطلق عليها( سندريلا مصر)..*
مالك: امم.. سندريلا فعلاً..
...
جاسم بغضب: هي فين..
نور: أهدي يا جاسم هي في اوضتها..
جاسم: أهدي ازاي والهانم جايه في انصاص الليالي مع رقاصه...تاااااليا..
" جاسم زق الباب وتاليا اتنفضت من علي السرير لانها اول مره تشوفه غضبان كده "
جاسم بياخد نفسه: بره..كلكو بره..
نور: بالراحه عليها يا جاسم..
جاسم: اطلعي بره يا نور.
" كلهم خرجو وجاسم بدأ ياخد نفسه ويقرب منها بالراحه وهي خايفه"
جاسم بابتسامة صفرا: توتي!!.
..
ادم: تك..تك..
" ادم فتح الباب بس ملقاش ليلي في الاوضه فتح باب الحمام ورمي الاكل من ايده"
ادم بصدمه: ليلي!!!.
..
" كلهم قاعدين في الرسيبشن وبيحكو لشادي ايه اللي حصل ومستنيين جاسم ينزل"
كنز: بس وهو لسه منزلش..
شادي: استغفر الله العظيم..كل شويه مشاكل كده.
نور بخوف: انا خايفه يعملها حاجه..
حور: اكيد لا جاسم بيقدر يتحكم في غضبه..
شادي: وانتي كنتي فين يا كنز..
كنز بتوتر: ها..
" جاسم نزل وكلهم سكتو وكان غضبان جدا وكان متجه للمكتب بتاعه من غير ما يبص لحد"
جاسم وهو داخل المكتب: كنز...تعالي هنا..
كنز بخوف: ح..حاضر..
" كنز دخلت ولقت جاسم قاعد متعصب وبيشرب سيجاره وده اكبر دليل انه مضايق لانه مبيشربش غير لما بيكون في قمه غضبه"
جاسم: كنتي مع مالك لايه؟!..
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉
بقلم نيللي ياسر
Nile Yasser❤️❤️
روايه:" نور _ الجاسم 3 🖤✨" البارت (9). الجزء (3).
بقلم نيللي ياسر.
...
جاسم: كنتي مع مالك لايه؟!.
كنز خدت نفس: هو طلب يتكلم معايا وانا..
جاسم: تعالي اقعدي..
" كنز قعدت وهو طفي السيجارة"
جاسم: الولد ده اسمه مالك ايه؟!.
كنز باستغراب: مالك رأفت..
جاسم: يوسف..اسمه مالك يوسف رأفت..صح.
كنز: صح.
جاسم: يوسف ده عمل ايه فيا قبل ما يعمل في نور..
كنز:___'.
جاسم: كنز...انا عارف انك عاقله وبتحافظي علي نفسك..انتي حاجه غاليه اوي..وانا عارف انك هتحافظي عليها..بلاش مالك يا كنز..
كنز: هفكر في كلامك يا جسومي..جود نايت..
جاسم: جود نايت.
...
ادم: ليلي فوقي..
" ليلي كان مغمي عليها و واقعه في الحمام ..ادم شالها وحطها علي السرير والكلب بتاعه وراه وبدأ يفوقها"
ادم وهو بيرش برفان: فوقي يا ليلي...
ليلي: اممم..ادم..
ادم: حمدالله على السلامه يا لولي..انا جمبك اهو(😏😏).
ليلي: انا عايز انام..
ادم وهو بيطفي النور: حاضر يا ليلي هننام..
" ليلي كانت دايخه ومش مركزه وهو نام جمبها علشان يطمنها واول ما نامت قام من جمبها راح اوضته علشان مينفعش شغل الروايات وكده وتصحي تلاقي نفسها في حضنه 😂🤦"
...
" كلهم طلعو ينامو ..وفي اوضه نور وجاسم كان قاعد على السرير ونور علي التسريحه بتسرح شعرها"
جاسم: نونو..
نور: عيوني..
جاسم: عايز احكيلك حاجه..
نور وهي بتسرح: سمعاك.
جاسم: يوسف عنده ابن .
" نور الفرشه وقعت من ايديها وراحت قعدت جمب جاسم بسرعه"
نور بخوف: ا.. ازاي..ه..هو الولد ده.. ممكن..يعني..يأذينا..لو..ولادي..و..وانت..لا يا جاسم مش هستحمل اي حاجه تحصلك..
" جاسم كان هيقولها كمان علي كنز أنها بتقابله بس لما شافها كده محبش يحكي"
جاسم وهو بيحضنها: أهدي مفيش حاجه هتحصل لحد..
..
" كنز قاعده قدام المرايه اللي في اوضتها وبترطب بشرتها قبل ما تنام ولابسه بيچامه وبتفكر في كلام جاسم والموبايل بتاعها رن راحت علي السرير وردت"
كنز: الو..
مالك: الو يا كنز.
كنز: مين معايا؟!
مالك: انا مالك يا مدلعه
كنز: اممم عايز ايه بقي.
مالك: مش هتسألي جبت رقمك منين.
كنز: سؤال غبي واليا يسأله اغبي..اكيد دورت ورايا وعرفت...ولا عايز تقولي بقي واحد زي سهل يجيب رقمك نينيينييي..
مالك بيضحك: يخربيتك قفشتيني..
كنز: عايز ايه بقي.
مالك: عندي بكره حفله علي الساعه تسعه.
كنز: طيب ربنا يوفقك.
مالك: يا بنتي هو انا رايح امتحن..بقولك حفله.
كنز: ايوه اعملك ايه يعني اطبع التذاكر ولا ايه.
مالك: اقصد يا غبيه تيجي معايا.
كنز: هه..واثق اني هاجي يعني..
مالك: طبعا ولد شيك وجامد جموده لازم تيجي..الو..الو..
..
كنز: فاكرني هاجي..مش هروح طبعاً.
After 10 minutes..
" كنز واقفه قدام الدولاب وبتحاول تلاقي حاجه تروح بيها"
..
" نوح بيشرب مايه من التلاجه وبيقفل الباب بتاعها لقي روح واقفه"
روح بدموع: نوح..
نوح ببرود: مش عايز اتكلم..
روح ببكاء: ارجوك اسمعني..انا خلاص مش هوافق اسافر معاهم..
نوح بفرحه مداريها: الموضوع يخصك..
روح وهي بتمسك دراعه: لا انا وانت واحد.. الموضوع يخصني انا وانت..
نوح: انتي بعتيني لما قولتي هسافر معاهم..ايه بتجربي زعلي.
روح ببكاء: لا..عمري ما ابيعك يا نوح..انا..انا بحبك..
" نوح غمض عيونه وشدها لحضنه وهي بتعيط"
...
عمر: يا بت اسمعي..
حور وهي بتجري منه: انت متخلف..عايز تخلف تاني دلوقتي.
عمر: طب ايه اللي مزعلك بس..قفشتك..
حور: ههههه..يا عمر.
...
" ملك خارجه من حمام اوضتها لقت شادي بيتكلم في الفون"
شادي: انا مش هبيع صاحبي..افهمي..
ملك: بتكلم مين؟!.
..
البارت ده خلص بكره هنزل بارت جديد عايزه تفاعل كتيرررر وكومنتات كتير اوي واللي مشفش البارت اللي فاتت يدخل علي صفحتي جوه الجروب هتلاقي البارت اللي فاتت والجزء الاول والثاني 😉
بقلم نيللي
Nile Yasser
روايه:" نور _ الجاسم 3 🖤✨" البارت(10). الجزء (3).
بقلم نيللي ياسر..
..
شادي: انا مش هبيع صاحبي...افهمي.
ملك: بتكلم مين يا شادي..
شادي: طيب سلام دلوقتي.
ملك: بتكلم مين؟!.
شادي: ده رجل اعمال كان عايزني اخلي جاسم يتنازله عن مستشفى كده من مستشفياته علشان عايز يهدها ويعمل علي الارض مشروع..بس انا مش موافق..
ملك: طب وجاسم موافق؟!.
شادي: منا بكره هقوله هو لسه ميعرفش.
ملك بشك: طيب يلا ننام..
...
ترررن..ترررن..
" كنز وهي بتطفي المنبه والساعه كانت 12 الضهر دخلت الحمام خدت دوش ولبست بنطلون شروال رمادي وتيشيرت وفكت شعرها الطويل وخدت الفون ونزلت تحت"
كنز: بونچور يا نونو..
نور وهي بتبوسها: بونچور يا روحي..ايه القمر ده.
كنز: انتي اللي قمر..
جاسم: مين بيعاكس حبيبتي..
كنز: انا بقول الحقيقه انا بجد من ساعت ما جيت البيت ده وهي زي ما هي حتي متخنتش ولا اتغيرت..
عمر: طب قولي الله اكبر بس..
كنز: عموري وانا اللي بقول انك هتنصفني.
حور: لا ينصفك في اي حاجه الا نور..
عمر: طبعاً دي اختي..وهتقر عليها بقي ست كنز..
نور: هههه.. ربنا يخليك يا عمر..
جاسم بخنقه: امم طيب.
نور وهي بتبوس خده: انا مقولتش حاجه وهو اللي عايز يتلم.
جاسم: ده هياخد علقه ده...
عمر: يوه وانا مالي يا لمبي..
نور: النهارده السنويه بتاعت عمتو صفيه الله يرحمها.
جاسم: الله يرحمها..لو تحبي تروحي معنديش مانع بس خدي جارد والا هحبسك هنا..
نور بدلع: طب احبسني..
جاسم: من عنيا..
نور: يا عم بهزر..بلا بقي نفطر..
" كلهم بدأو يأكلو"
جاسم: هي.. احم..تاليا..منزلتش.
كنز: اه صح عملت معاها ايه..زعقتلها صح..
جاسم: مش اوي انا كنت مراعي أنها صغيره واول مره تعمل كده بس كنت خايف عليها..
نور: انا هطلع انادي عليها..
" نور خبطت وفتحت وهي كانت نايمه"
نور: قومي يا هانم كل ده نوم..
تاليا بنوم: يوووه..سبيني يا مامي مشبعتش نوم.
نور: مهو علشان حضرتك جايه وش الفجر..
تاليا: يا مامي عايزه انااام..
نور بغضب: نامي يا تاليا..نامي.
..
ليلي: امممم..( اتخضت) ها..ادم انت كنت نايم هنا.
ادم: لا طبعاً..انتي قعدتي تقوليلي نام بس انا اخاف علي نفسي منك.
ليلي: هههه..انا قولت كده.
ادم بابتسامه: اممم.
ليلي: هو انت قاعد هنا لايه.
ادم: كنت بشوف ملامحك..
ليلي: طيب.
ادم: انتي رايحه فين.
ليلي: هدخل الحمام..
ادم: طب عندي ليكي خبر حلو.
ليلي: ايه هو..
ادم: هقولك باليل..
..
كنز: يلا بقي قولولي اني حلو..
روح: يا بنتي كلهم حلو صدقيني..
تاليا:انا شايفه الأحمر..
روح بغضب: لا طبعاً ده عريان اوي..الابيض حلو يا كنز.
تاليا: ليه هي رايحه تصلي العيد..
كنز: ببببس...اطلعو بره انا هنقي لوحدي..
" خرجو بره وكنز بدأت تدور علي فستان لغايه لما وقعت عينيها علي واحد"
تن..تن!!.
" كنز مسكت الفون وكانت رساله من مالك"
" خلصتي؟!"
كنز ( جاري الكتابه..): لسه..
مالك ( يكتب): طيب لما تخلصي قولي علشان اجاي اخدك..
كنز ( جاري الكتابه): لا انا هاجي عند بيتك اللي علي النيل..
مالك ( يكتب): طيب هستناكي..
..
" جاسم في المستشفى جوه المكتب بتاعه وبيتكلم ڤيديو كول مع نورهان"
نورهان: مش معقول كده انت مش بتكبر يا ابني..
جاسم: الله اكبر .قوليلي نازله امتي مصر..
نورهان: معرفش بس قريب انتو وحشتوني اوي..
جاسم؛ طيب اقفلي في حد بيزعق..
..
جاسم: ايه الصوت ده..
شاب: انتو مجانين..يعني ايه مينفعش اقابله..
جاسم: انت مين..
شاب: انكل جاسم..انا يوسف ابن مادلين انت مش فاكرني؟!.
..
نور قدام القبر: صدق الله العظيم..
واحده لابسه نضاره كبيره وكمامه وملامحها مش باينه: مبسوطه معاه..
نور: انتي مين..
الست: هههه...انا انتي وانتي انا..
نور بغضب: انتي اكيد واحده مجنونه..
" نور قامت علشان تمشي بس صوت الست وقفها"
الست: مسألتهوش هل لمس حد في غيابك ولا لا؟!.
نور بتضيق عين: انتي مين ردي عليا..يا حراس..
" الست ركبت العربيه ومشيت"
نور: الو يا جاسم الحقني..
..
ليلي: الساعه قربت علي 8 باليل مش ناوي تقول.
ادم: امم. انا قررت اخدم البشريه واظلم نفسي..و..اصبري هقول..انا عايز اتجوزك..!!.
..
" كنز واقفه قدام المرايه لابسه فستان فضي بيلمع وقصير وعريان من الضهر وجايبه شعرها علي جمب ولابسه كعب اسود وميكب و شافت نفسها ونزلت بسرعه من غير ما حد يحس بيها"
مالك: ايوه يعني انتي فين انا تحت العماره..
كنز: مالك..
" مالك بص في الفون بس الصوت كان من جمبه لف وشافها"
مالك:***..
يتبع
Nile Yasser
تكملة الروايه من هنا
تعليقات
إرسال تعليق