 |
💥البارت32_31_ 30💥 بقلم ✍️ سلطان زماني
شربت وانا قولتلها أنا مش قادر اشرب تاني. فضلت تتمايص
ومن اول كاس بقت تخرف في الكلام وانا عمال ابص لخلقتها
ووشها ومسغرب بقا معقول دي جارتنا ايمان ده انا الي مش
صاحبها ولا مرتبط بيها اوي اتصدمت فيها ما بالك هاجر لما
تعرف ..وياترا هتعزرك وتقدر ده وتسامحك ولا هتعذبك
وتطلع روحك
عقبال ما ترجعلك ..مش مهم ما تطلع روحك كده كده هتطلع
روحك وهتتعب اكتر لو خسرتها عجبها الوسكي وفضلت
تضحك وتبصلي ووتسخسخ من الضحك قولتلها هدخل اعمل
فنجان قهوة اعملك قالتلي اصبر أنا هعملك قولتلها لا خليكي
مرتاحه واخدت معايا الموبيل المطبخ عملت القهوة وفتحت
التسجيل وقفلت الشاشه وسبته في جيبي وطلعتلها اول ما
قعدت قربت مني قالتلي كان حلم عمري اني اقضي معاك ليلة
كاملة ونسهر مع بعض ياعمر قولتلها اشمعنا أنا ياايمان
قالتلي اشمعنا انت اي
قولتلها اشمعنا انا اختارتيه وحبتيه ما انتي لو قولتي يارجاله
هتلاقي بدال الرجل ١٠٠٠
قالتلي انت الي فكرني وحده شمال واني علشان عملت كده
معاك بعمل مع غيرك إنما أنا والله مفيش راجل لمسني غيرك
انت ياعمر ولا قلبي حب واتمنا غيرك ومليش اختلاط بحد
قولتلها ..مقولتليش برضو اشمعنا أنا
ايمان ..أنت مفيش منك ياعمر كان نفسي في راجل يحبني
كده ويشوفني كل حياته انت فيك حاجات مش تعجبني أنا
بس.. لا تعجب اي ست ما تشغلنا مزيكا نفسي ارقصلك
_تفتكري لو هاجر الي مكانك كانت عملت زاي الي انتي عملتيه
ايمان..والله بقا تجرب وتعيش حرماني ومعاناتي وتصبر الصبر الي صبرته ونشوف
_ طب بجد هي مصعبتش عليكي يعني بحكم انكم صحاب وكده
ايمان ..يادي النيلة بقا أنت مفيش في دماغك غيرها حتي وانت شارب .. ولا في سيرة غير سيرتها
قربت عليا وقالتلي أنا عايزة اعرف هو أنا مش مليه عينك ولا
اي
ده انا قولت لما تشرب هتروق وهتنسي الدنيا وبدأت تلعب
في فخادي وتمشي أيدها عليهم قولتلها ثواني هروح الحمام
قالتلي اجي معاك احميك يابيبي قولتلها ده انا هغسل وشي
ودخلت وقفلت التسجيل وغسلت وشي وأيدي وطلعت لقتها
نايمه ع الكنبه وعنبها عليا جيه في دماغي اني عايز اشوف
الموبيل بتاعها واقراء المحادثات الي بينها وبين هاجر ..قامت
اتعدلت وقالتلي ما تيجي عندي ياعمر تقعد معايا الكام يوم
دول علشان لما احلف ليها انك مش مجود في شقتك ابقي
صادقه نفسي انام في حضنك انام انام مش النوم الي في
دماغك قولتلها أنا مفيش حاجه في دماغي مش يلا بقا
تروحي شقتك أنا تعبان وفاصل وعايز انام شوية
قالتلي بتهزر صح قولتلها يلا بس وادينا مع بعض هنروح من
بعض فين قامت وحاولت وفضلت اسايس فيها لحد ما
خرجتها وقالتلي قبل ما تطلع شيل الحظر من الواتس اب
قولتلها حاضر
يتبع
تكملة البارت 🔥30 🔥 بقلم ✍️ سلطان زماني
دخلت قعدت سمعت التسجيل ونزلت برنامج تسجيل
المكالمات التلقائي وفكيت الحظر بتعها ودخلت لهاجر لقتها
عملالي حظر دخلت الفيس بوك لقتها بلوك من الخنقة والقرف
رميت الموبيل ع المرتبه ونمت اول ما صحيت كلمت ابويا
قولتله متقولش ل هاجر حاجه دلوقتي قالي من ساعتين
نزلت هي والحجه ولدتها مع اخوها قولتله مكلمتكش قالتلي
لما لقتني ببص عليها افتكرت اني عايز اشوف اياد جبتهولي
اسلم عليه بس يابني كان باين عليها التعب جدا وعنيها حزينة
اوي قولتله مقلتش رايحه فين قالي انا قولتلها اني عمر
بيحبك يا هاجر وعلشان خاطر اياد العسل ده متخربيش بيتك
والي يرضيكي يابنتي أنا هعملهولك وسالتني هو عمر حكالك
قولتلها لا وانتو من أمتي بتحكو حاجه لحد بس أنا عارف
انكم زعلانيين ..اخوها زعقلها وقالها يلا وهي سبتني ومشيت
قولتله طب وانت شايف اي ولا حاسس ب ايه قالي سكت
شوية وقالي خير يابني أن شاء الله ولقيت جرز الباب بيرن
قالي انت في حد جيلك قولتله ده تلاقيه بتاع النور أو المياة
قفلت معاه وطلعت ببص في العين لقتها هي فتحت دخله
بصنيه فيها فطار ولا اكني عريس قولتلها أنا مش متعود افطر
الصبح قالتلي أمسك الصينيه بس مسكتها راحت قفلت باب
شقتها ودخلت وقفلت الباب قولتلها ايمان أنا مش ناقصك ع
الصبح هاجر مش بيتهم في الشارع هي وامها قالتلي اي ده
انت عرفت قولتلها عرفت اي قالتلي قصدي انت كلمتها
قولتلها قولي يا ايمان عرفت اي اخلصي قالتلي انها راحت
هي وامها عند خالتها وهتقعد عندها لحد ما نفسها تهدأ
علشان كمان متجيش ليها ويحصل خناق أو شد بينكم
قولتلها هي حكت لحد من عندهم
قالتلي قالت ل امها وقالتلها متقزليش لحد بس اخوها سمع
طراطيش كلام ولما سأل امه قالتله
قولتلها ايوا يعني قالت ايه
قالتلي قالت انك ع علاقة بوحده غيرها وأنها عايزة تنفصل
في هدوء علشان اياد بس سيبك منها هي بس تهدأ وكل
الكلام ده هيتغير يلا حبيبي افطر بقا علشان خاطري
قلبت الصنيه ع الأرض ومسكتها من شعرها وقولتلها انتي
يابنت الوسخة متعرفنيش أنا لحد دلوقتي ماسك نفسي
بالعافيه ع امل أني مراتي ترجع وحياتي ترجع زاي الاول انما
لو خسرتها والله العظيم والله العظيم ما هرحمك وسحبتها
لحد باب الشقة وفتحت الباب ورمتها برا
ولبست بسرعة واخدت عربيتي رحت ع بيتها وطالع بيتهم
ابويا لقيته بيجري عليا قالي خد رايح فين
قولتله ياعم الأدب مش نافع مع ولاد الكلب دول قالي اعقل
ياعمر قولتله مبقاش فيا عقل أنا عايز مراتي وابني وهخدهم
غصب عن التخين فضل يسايسني ويشد فيا لحد ما رحت
المحل وقعد يكلمني اني الأمور متتحلش كده قولتله دي
عرفتهم كل حاجه وسابت البيت وراحت قعدت عند خالتها
قالي يابني ما انت كمان عرفتني اهدا ياحبيبي متكبرش
الموضوع امها ست محترمة وعاقلة وبتحبك واكيد هتهديها
ومش هترضي لخراب البيوت بعصبيتك دي واندفاعك هتضيعها منك
يتبع
✍️البارت 🔥31 🔥 بقلم ✍️ سلطان زماني
شوية وانا قاعد مع ابويا .. أخوها جيه معرفش اي الي
قومني رحت قربت عليه وسألته علي هاجر وابني رد عليا
ببرود وتناكه
قالي معرفش قولتله امال مين الي يعرف لقيت ابويا جاي
وسلم عليه وقاله أنه عايزه يقعد معاه شوية ابويا قاله تحت
امرك يا ابني خير بصلي وببرود قاله لا مش دلوقتي أنا هعدي
عليك بليل واقولك الكلام الي عندي وانت تبقي توصله ل عمر
قولتله ما تنطق ياض انت وبلاش برود الحلاقين ده قالي انت
متغلطش انت فاهم ولا وانا فيا لسان واقدر اقولك بدال
الكلمة ١٠ بس أنا محترم وقفة ابوك مش اكتر ابويا قال بس
بس في ايه اهدو وصلو علي النبي روح ياعمر المحل انت
اسمع كلامي بصتله بغضب وقولتله لو فاكر يلا انك هتطلع
عقدة النقص الي فيك دي عليا تبقا اهبل ولا انت ولا بلدك
هيبعدوني عن مراتي ابويا زعقلي جامد وقالت روح ع المحل
ووقف اتكلم معاه شوية وبعدين جالي وقالي يابني امسك
نفسك انت كده بتوقع نفسك في غلط أكبر قولتله انت مش
شايف طريقته ده زاي ما صدق أنه يشمت فيا ده شكل واحد
زعلان ع أخته أو مش حابب ليها الخراب الواد ده مش
بيحبني من زمان وعمره ما صفي من ناحيتي وحاسس اني
اخدتها منه غصب عنه انت ناسي ياحج
قالي ملوش لازمة الكلام ده ..الواد بيقول اني محدش غصب
عليها في الاول انها توافق عليه وأنها وقفت قصادهم
واختارتك وأنهم ملهمش دعوة
مراتك هي الي مش عايزة تعيش وعايزة تطلق
قولتله تطلق ازاي يعني اي تطلق طب انا مش مطلق هو احنا
عايشين في الجنة وانا مش عارف احنا مش بشر ومحدش
معصوم من الخطا طب هو في وحده تهمل جوزها وتسيبه
كل ده قالي يابني مش هتعرف نفكر كده ولا هنوصل لحل
اهدا قولتله مفيش هديان خلاص انا دمي اتحرق واعصابي
تعبت
قالي علشان خاطري اطلع اقعد فوق دلوقتي ويبني ياعمر
اقلبها في دماغي .اطلع ياحبيبي الله يرضي عليك
طلعت قعدت عمال اغلي وعايز اروح ل ابن الكلب ده اضربه
وافش علي فيه ..ماصدق جيت تحت ضرسه ماصدق جتله
فرصة ويلزم ع هاجر علي الي بتقوله ازاي طلاق ياهاجر ليه
ده انتي الي بهيمة ومغفله رائحة تصاحبي وحده شمال
وتدخليها حياتنا ليه ٣ سنين معها ومتعرفيش انها شمال
بتكلميها هي وبتردي عليها هي وبتعرفيها اخبارك وانا تعملي
بلوك مسكت موبايلي حاولت اتصل بيها مفيش بقيت اشتم
والعن اليوم الي عرفته فيها امي جت دخلت عليا بتبكي
وحضنتني وقالتلي اهدا ياحبيبي متعملش في نفسك كده
مالها هاجر قولتلها مفيش يا امي مفيش حاجه قالتلي طب
اهدا هي الستات كده دماغهم تعبانه وكلمة توديهم وكلمة
تجيبهم شوية يابني الأمور هتهدا علشان خاطري متعملش
في نفسك كده قولتلها حاضر يا امي خلاص انا كويس
متقلقيش ومسحتلها دموعها وقولتلها انت بابا حكالك حاجه
قالتلي والله يابني مقليش غير دلوقتي لما سألني عليك انك
وصلت ولا ..قولتله اه جيه قالي طب خليكي جنبه وهديه لما
سالته قالي زعلان هو ومراته شوية وقفل
يتبع
البارت💥 32💥 بقلم ✍️ سلطان زماني
قولت ل امي هاتي موبايلك قالتلي خده هتكلم مين قولتلها
سبيني شوية لوحدي وكلمت هاجر ردت عليا اول ما سمعت
صوتي قفلت كلمتها تاني أدتني مامتها قالتلي اي ياعمر يا
ابني
قولتلها ممكن تديني هاجر اكلمها قالتلي هي تعبانه دلوقتي
وحالتها صعبه انت لو شفتها هتصعب عليك
قولتلها هي مش راضية اخليني اشوفها ولا حتي تكلمني بقا
أنا يا امي استاهل منها كده قالتلي انت معملتش قليل برضو ياعمر
قولتلها وكل الحلو الي عملته ميشفعليش عندكم أنا عمري
زعلتها قبل كده ولا جيت عليها علشان غلطة تهد المعبد كله ع
دماغي ده ربنا الي خلقني وخلقك بيسامح ويغفر
قالتلي ياعمر أنا اتكلمت معها بما فيه الكفاية قولتلها أنا
متكلمتش ومدفعتش عن نفسي وقولتلها الي يرضيكي هعمله
بدون نقاش بس مخسرش مراتي وابني .ولما هي ناويه ع
كده مقلتش ليه من الاول ليه تضحك عليا وتشتغلني من
امتي هاجر ليها في الكلام ده قالتلي انت كنت صعبان عليه
والسبب انها مشيت وبعدت علشان متضعفش ولا تحن
قولتلها طيب يا امي ممكن تدهاني قالتلي حاضر بس براحه
عليها والله مش بقولك كده علشان أنا امها بس هي ربنا
وحده الي عالم بيها قولتلها حاضر
هاجر ..خير عايز اي تاني
_ عايزك ياهاجر والي بيحصل ده كتير حاسبيني بيني وبينك اعملي وانتي معايا الي نفسك فيه كله بس بلاش نفرج الناس علينا احنا مش صغيرين
هاجر..لا أحسبك ولا تحاسبني واحنا مش اول ولا اخر ناس ننفصل وملكش عندي غير ابنك وقت ما تحب تشوفه عرف اخويا وهو هيجلهولك
_ اخوكي ياهاجر الي مبيكرهش حد في الدنيا قدي اخوكي
الي شمتان فيا وانتي بتديله فرصه ينتقم مني
هاجر..خلاص بلاش اخويا ابويا كويس ولا هو كمان بيكرهك
_ ايه الي يوصل اصلا الموضوع لكده انتي مش وعدتيني انك مش هتسبيني
هاجر..زاي ما انت وعدتني انك مش هتخوني ولا هتزعلني
ولا هتخليني اتحوج للي وقفت قصادهم علشانك
_ ياهاجر ياحبيبتي انتي مش فاهمه حاجه اقسم برب العزة
أنا اضحك عليا ومكنتش قاصد اعمل كده
هاجر...تقصد بقا متقصدش مش فارق عندي الي بنا خلاص
خلص ياعمر علشان خاطر ابنك خلينا نخرج من بعض بالذوق
_ ياهاجر اعقلي وهو مش بمزاجك انك تنهيها وقت ما تحبي
أنا شريك في الحياة دي يعني القرار مش قرارك لوحدك
هاجر...عمر أنا مش هسامح لو عملت اي هو انت مثلا كنت
متعصب فضربتني أو شتمتني عارف يعني اي خونتني 😭
ازاي تتجرأ ويجيلك قلب تلمس وحده غيري طوعك قلبك
ازاي تعمل كده😭 أنا لو كانت الدنيا كلها قالتلي مكنتش
صدقتهم من كتر ما كنت بثق فيك..لو لسه ليا خاطر عندك
طلقني بالذوق أنا كرهتك خلاص وشلتك من قلبي 😭 سلام
قفلت وانا حاولت اكلمها تاني محدش بيرد من غير ما احس
فضلت ابكي زاي العيل الصغير وناسي اني امي موجوده
لقتها جاي عليا وباست ايدي وقالتلي لو بتحبني يابني
متعملش في نفسك كده اهدا ياحبيبي وانا هرحلهم واكلمهم
ومش هرجع غير بيها .والنبي يابني متوجعش قلبي عليك
يتبع ..عايزكم تجيبو اخركم في العياط وتستاهلو والله عارفين ليه علشان كنتو بتزنو اني اكتب رومانسي استحملو بقا 😂😂
تكملة الروايه من هنا
تعليقات
إرسال تعليق