 |
البارت 39 قبل الأخير ،😘😘😘 بقلم سلطان زماني
اخو عبدالله الله يرحمه كل شوية يجبلي ناس قرايبه ومن
البلد علشان يصلحونا علي بعض وانا برفض وبطلعهم
غلطانين كلهم ويسبوني اهدا يومين وبعدين يرجع يجبلي
ناس وبقا يتصل بيا كتير ويقولي انه امه الي كانت بتسخنه
عليا وأنه عمره ما شفني وكانت علاقته بعبد الله مش قوية
بسبب أمه برضو وانه خلاص اقتنع اني ده حقي وأخوه
كتبهولي بمزاجه وبرضاه والكلام ده
كلمني أنه عايز يخرج العيال ويفسحهم وانا رفضت وبصراحة
خوفت يخطفهم قولتله لو عايز تشوف معاذ تحت امرك ده
ابن اخوك وتشوفه في أي وقت بس يبقا عندي
مرات عبده التانية مش ساكته وخربه الدنيا وكل شوية
يكلمني محامي تبعها يقولي هعمل واسوي وانا عايز احل
علشان منوصلهاش للمحاكم قولتله وصلها برحتك
وكلمتها اخر ما زهقت وهزقتها وقولتلها الي بيعمل مش
بيقول ولا بيهدد ولو تعرفي تعملي حاجه اعمليها ع طول من
غير دوشة لسه هترد وهتشتم قفلت وريحت دماغي
كلمت المحامي علشان اتاكد منه أنهم فعلا ممكن يرفعو قضية ولا
قالي كنت متاكد انك هتكلميني
قولتله وحكتله قالي يخبطو دماغهم في الحيط بقا يكلمني
وبيحاول يقربلي وطلب كتير يتجوزني وانا رفضت وقولتله
اني مش بفكر في الجواز قالي خلاص خلينا اصحاب ولو
احتجتي اي حاجه عيوني ليكي والكلام ده
طلب يقابلني كتير وبقا يكلمني يقولي انه تحت البيت وكنت
اقفل الموبيل ومردش وكان يمشي لحد ما بدأ يبعتلي ع
الواتس اب صور وكلام رومانسي والصبح يصبح وبلبل يمسي
والشغل ده ..وبستلم بس مش برد لحد ما الموضوع خرج عن
حده وبعتلي فيديو اغنيه رومانسي بس قبيح شوية بعتله
الايموشن بتاع اغضبني قام مسحو ومكلمني ..قالي انا اسف
اتبعت بالغلط والله قولتله وكمان والله قالي انتي مش
مصدقاني طب علي فكرة أنا وحده ست الي بعتهولي
قولتله ست هتبعت فيديو زاي كده لراجل قالي اه والله واكتر
من كده كمان دي موكله عندي وهتموت وتتجوزني بس
ببعدها عني قولتله ليه متتجوزهاش ما انت بتقول اني مراتك
مش مريحاك. قالي لا انتي بس الي كنت ممكن اتجوزها
قولتله ليه يعني أنا بالذات ما البلد مليانه بنات احلي مني
وأصغر مني كمان
قالي علشان حبيتك انتي خطفتي قلبي بس أنا محترم رغبتك
ومبقتش اتكلم معاكي في الموضوع ده خالص بس نفسي
تعتبريني صديق بجد يعني تحكيلي عنك وعن حياتك علي
الي نفسك تعمليه تفتحيلي قلبك
قولتله بجد نفسي اقرب من ربنا اوي واربي عيالي احسن
تربية ومدخلش عليهم راجل غريب نفسي اعمل خير كتير
اوي ...كل ما أوصله فكرة أنه مش في دماغي وأنك اخ
وصديق مش اكتر يرتبك والاحظ ده عليه لحد ما زهق وانا
ملقاش امل خف كلام وحده وحده لحد ما هو عمل بلوك
أخوه برضو فضل يحاول كتير
وكانت مرات ابويا تقولي ما تشوفيه يابنتي مش جايز يبقا
ابن حلال زاي أخوه انتي وحده ست ووجود راجل في
حياتك ضروري
قولتلها مفيش زاي عبدالله يا امي قالتلي الله يرحمه كان
جدع وكريم والله ع طول ادعيله كان متربي وابن ناس
والإبتسامة مش بتفارق وشه
قولتلها الناس دي مش هتجبها البر معايا ومش هيسبوني في
حالي قالتلي انتي يابنتي متظلميش حد ومتخديش حق حد
وهو حرم عياله من مراته التانيه علشان بس كان مضايق منها
ومكنش ينفع انها تطلب الطلاق في الوقت ده بس انتي
متظلمهمش قولتلها يعني اعمل ايه دي وصيته
قالتلي الوصية دي هتعذبه في قبره ريحي جوزك وادي
العيال حقهم
قولتلها تفتكري لو هي الي مكاني كانت هتعمل كده
قالتلي ملناش دعوه بحد كل واحد بيعمل ب أصله
يتبع
تكملة الروايه الأخير من هنا
تعليقات
إرسال تعليق