 |
🔥البارت (42)🔥 بقلم ✍️ سلطان زماني
طلعت من القسم وعاصم جبلي اياد فوق في بيت ابويا قعد
اتكلم والعب واهزر معاه نساني كل القرف الي شفته لحد ما
الساعة 11 امي اخدته ينام جنبها وانا قعدت افكر في مقابلة
بكرا واغلط نفسي علي الي عملته ده وبقول اكيد هتخاف
منك ومش هتصدق اني اخوها الي غلط واني استحملت
استفزازه كتير قولت اني لازم اكون هادي جدا علشان اقدر
افهمها واشرحلها موقفي نمت والصبح اخدت اياد ونزلت
المحل وهي طلعت من البلكونه شافت اياد ومامتها جت
علي المحل ولما لقتها مش قادره تمشي رحت سندتها
وقعدتها علي كرسي وقالتلي يابني مكنش ليه لازمه كل الي
حصل ده
قولتلها أنا آسف بس غصب عني أنا لو اختي جوزها متمسك
بيها زاي ما أنا متمسك ببنتك اقسم بالله أنا الي ارجعهاله مش
هقف في طريقه واكون السبب في خراب بيته ..قالتلي انت
الي خربت بيتك ب ايدك ياعمر قولتله وليه مش هاجر هي
الي عملت كده او علي الاقل شريكة في ده ..طب يا امي
غلطت واحنا بشر مش ملائكة بجناحات عايشين ع الأرض
ايه تعدموني تخربو بيتي واتحرم من ابني قالتلي ياعمر القرار
ده نابع من مراتك الي عايشة معاك محدش ليه دخل في ده
قولتلها ابسط حقوقي اقعد معها وأحاول افهمها وتشوف اني
ندمان نعاتب بعض نحاول نوصل لحل امال هي بتحبني ازاي
تصدقي بالله أنا التدين اشك انها محبتنيش اصلا
قالتلي انا تعبت معاكم انتو الاتنين ومش عارفه اعمل ايه
والله تعبت معها كلام وخلتها كمان نصحتها كتير وهي مفيش
رفضه انها ترجع ..بسمع سيرة الرفض أو الطلاق أو انها مش
عايزاني أنا بتعصب لا ارادي وبيركبني 100 عفريت مسكت
نفسي علي قد ما اقدر وقولتلها اقعد معها والي فيه الخير
يقدمه ربنا قالتلي يعني مصمم ياعمر قولتلها هو مش اتفاق
هي كمان مش عايزة تقعد معايا ..ياريت يا امي بعرف اكرهها
والله بدعي ربنا اني انساها واشلها من دماغي مش علشان أنا
مش عايزها لا ..علشان هنت نفسي وزليت نفسي وجيت ع
كرمتي لدرجة اني بقيت بقرف مني ..قامت وقالتلي ربنا
يهديكم انتو الاتنين وقالتلي ممكن تديني اياد تشوفه وتغيرله
هدومه قولتلها ماشي قالتلي هيجي خالها بعد شوية وهو الي
هيقعد معاكم يمكن يصلح بينكم قولتلها خير ان شاء الله
يتبع
🔥البارت (43)🔥 بقلم ✍️ سلطان زماني
كلام حماتي مضايقنيش علي قد رفض هاجر وبقول لنفسي
ازاي تنسي عشرتي وأيامي معها معقول بسبب غلطة تنساني
وتشلني من حساباتها عايز أتمالك اعصابي وخايف صوتي
يعلي أو اعصابي تفلت والموضوع بتعقد اكتر ..ابويا قالي
مالك ياعمر بتفكر في ايه قولتله في الي حصل امبارح
قالي متحطش في بالك أنا مبزعلش منك ..افتكرت اني
زعقتله امبارح قدام الناس قمت بوست ع أيده وقولتله أنا
آسف ياحج والله كانت اعصابي بايظة مستحملتش عليك أنه
يكلمك بالطريقة دي ولا انك تتزل لكلب زاي ده
قالي انا عمري ما ازعل منك ياواد ده انا محلتيش غيرك انت
اخويا وسندي وعكازي وحبيبي ياعمر مش بس ابني
أنا عايز اكلمك في حاجه بس تتقبلها مني قولتله قول
قالي يغور الحب الي يهين ويزل صاحبه ..أنا كلمت هاجر
ياعمر
قولتله كلمتها امتي قالي امبارح هي كلمتني وحكتلي كل
حاجه
قولتله كل حاجه كل حاجه
قالي هي متعرفش موضوع ايمان مجبتليش سيرة بس كل
الي في دماغها انها مش قادره ترجع تعيش معاك تاني وانت
صعبان عليها والسبب الي مخليه رفضه تقابلك انها مش
بتعرف تسيطر علي نفسها قدامك بتضعف بس هي مقتنعه
جدا انكم تطلقو وكل واحد يروح لحاله
قولتله تضعف قصادي اي ده امبارح دخلت ولا اكني موجود
اصلا جريت ع اخوها ومعبرتنيش غير لما عرفت اني واخد اياد
قالي ..اخواتها ملين دمغها وبيعايروها انها اتجوزتك من الاول
ومسمعتش كلامهم وأبوها انت عارف من الاول أنه ملوش
كلمة ..وكلهم بيقولو ليهم عايزة ترجعي ارجعي بس لو حصل اي حاجه البيت ده مش هتدخليه تاني
قولتله هي قالتلك كده
قالي اه ده معني كلامها وأخوها كمان جاي من امريكا في
أول طياره بسبب المشاكل الي حصلت امبارح وهي عايزة
تقصر الشر ومش عايزة مشاكل تاني وكانت بتكلمني علشان كده
قولتله ايوا يعني هيعمل اي اخوها ده لو كتر قسما بالله لعمل
فيه زاي الي عملته في أخوه ..أنا الي مصبرني هي إنما أنا ولا
حد منهم يهز شعره فيا
قالي هي صعبان عليها علي الي عملته في اخوها
قولتله وبهدلتي والي أنا فيه ده مش صعبانين عليها
قالي اقعد معها ولو موصلتش لحل طلقها وكل واحد يروح
لحاله واياد يعيش بينكم هي معندهاش مشكلة في ده
مش متقبل فكرة انها خلاص مش قادر استوعبها معرفش ده
ثقه فيها اني عارف اني لا يمكن اهون عليها واني هيطلع كل
ده تهويش وكلام من ورا قلبها وهتحن وتضعف في الاخر
ولا الكلام ده بجد وأنا بضحك ع نفسي 😞
🔥البارت( 44)🔥 بقلم ✍️ سلطان زماني
جيه خالها ومعرفش ليه عاصم كان خايف عليا اطلع لوحدي
ومصمم يجي معايا قولت كمان ل ابويا ميجيش مش حابب
أنه يسمع كلامي أو يشوف ضعفي اكتر من كده طلعت
وسلمت ع خالها ورحب بيا وأخوها قاعد وأبوها ..وفضل
يعاتبني ابوها علي الي عملته في ابنه امبارح وانا مش برد
مستنيها وقلبي عمال يدق جامد ولا اكني لاول مره بقابلها
اخدت خالها ع جنب وقولتله أنا عايز اقعد معها لوحدينا
هكون ع رحتي اكتر وهقدر أقنعها واعقلها قالي انا كل الي
يهمني في الاخر انكم تتراضو وترجعو وخدني من أيدي
وفتحت باب اوضتها ودخلني جوه واخد اياد وقالنا استهدو
كده بالله واعملو حساب للطفل ده وخرج قولتلها وحشتيني
اوي اوي يا هاجر كده تعذبيني كده
هاجر .............
_ حقك عليا ياهاجر انا غلطان واستاهل كل الي جرالي ده
بس كفايا حسي بيا قدري اني راجل والي بيحصلي ده
وبشوفه كتير اوي
هاجر ..ومين قالك اني راضية بالي انت فيه قولتلك ارحم
نفسك وارحمني وخلينا نبعد عن بعض ..أنا كنت خاتم في
صباعك عمري قليت منك او عصتلك أمر عمري زعلتك أو
جيت ع كرمتك أنا ياعمر نفسيتي قفلت خلاص مش هعرف
اتعامل معاك زاي الاول ولو رجعت مش هيبقى ليا مكان اروح
ليه ولا حتي حد اتسند عليه
_ ياهاجر انا فكرة البعد دي عقلي مش قادر
يستوعبها ..علشان خاطري متجبيش سيرة البعد لو تعرفي
بتعمل فيا اي عمرك ما تقوليها..أنا عمر ياهاجر عمر بصي في
عيني مش عيني دي الي فضحتني وعرفتي منها اني غلطت
بصي فيها شوفي انا ندمان وحزين قد اي عليكي شوفي انا
استحملت اهانه وزل ومرمطة قد اي علشانك ولسه عايزك
أنا مش ضعيف ولا مش راجل علشان اهين كرمتي كده بس
مش قادر اعمل عكس ده علشان بحبك ..مش انتي بس الي
اخواتك بيملو دماغك وبيقنعوكي بلبعد واني الطلاق في راحه
ليكي أنا كمان ناس كتير بتقولي سيبها ..وهو الي خلقها
مخلقش غيرها ..واتجوز وطلقها ..بس زاي ما عقلي رافض
فكرة البعد رافض كمان كلامهم
هاجر..بص ياعمر أنا شايله منك جامد اوووي 😭 ومش قادره اصفي واسامحك مش غرور ولا تناكه ولا بستغل حبك ليا زاي ما انت فاكر بس مش هقدر اعيش معاك زاي الاول خالص وكمان مش هقدر اوريهم تاني وشي لو زعلتني تاني انت مشفتش نفسك امبارح أنا خوفت منك 😭 اول مره اخاف منك كده ..
_ اخوكي ياهاجر قدام ابويا يقولي خلي ابنك ميتصلش تاني ب امي ويعيطلها..أنا مش صغير ياهاجر ..وانا عملتلهم اعتبار كتير علشان خاطرك ليه مش شايفه ده
هاجر ..عمر أنا مش هقف تاني قدام اهلي علشانك وانا راضيه بالكام سنة الي عشتهم معاك والحمد لله علي كده
مسكت نفسي وبقول في سري طب انا كنت ناوي مفضحش
ايمان ولا اجبلها سيرة وخلاص هي مش فارق معها أنا خونتها
مع مين كل الي وجعها اني خونتها وخلاص
_ هاجر مينفعش احاسب ع غلطك وغلطي
هاجر..أنا مغلطتش
_ لا غلطتي انتي اول ما امك تعبت بقيت بنسبالك ضيف
بتطمني عليا في التليفون مش هقولك علي تعبي معاكي انتي
وماما علشان متقوليش بعايرك بيه ولا هقولك اخوكي الي
كان حاطت أيده في المياة البارده وشايل نفسه من اي
مسؤولية ومع اول مشكلة وخلاف بنا عمل فيها ٧٠ راجل في
بعض كل الي هقوله ليكي انك ظلماني وعمري ما كنت اتخيل اني قلبك يكون بقسوة دي معايا
هاجر ..انت ياما قولت وياما عيرتني ب افضالك عليا وكنت بحسها في عينك انك مش طايق الوضع ده
_ انتي كدابة ...وغبية ..ليه محستيش اني عايزك ومحتاجلك
ويرتاح وانا معاكي ليه محستيش اني مش عايز حد يخدك
مني مهما كان مين ليه شيفاني وحش كده وغبي
هاجر ..انت بس علشان مجربتش احساس الخيانة علشان
كده بتحكي ومش حاسس بوجعي اتخيله كده غمض عينك
كده ولو لدقيقة اتخيل اني انا الي كنت مكانك
_ هاجر مين دخل ايمان في حياتنا
هاجر. اي دخل ايمان اصلا بموضعنا
_ لا ماهي دي اس البلاوي وانتي الي وصلتيني ليها وقدمتيني ليها ع طبق من دهب
هاجر ..تقصد اني .....
_ أنا كتير اتهربت اني اوصلها وانتي كنتي تزعلي وتقبلي وشك ...بتحكي ليه عني معها وتخرجي اسرار بيتنا ليها
هاجر..لا استني كده انت بتحكي بجد
_ اه بجد أنا هثبتلك ده وفتحت موبايلي وجبت المحادثات الي بينها وبين ايمان وقولتلها ده الكلام الي كانت بتقولهولك مش كده
هاجر ..انت جبتهم ازاي
_ مش مهم جبتهم ازاي المهم اني جبتهم اسمعي بقا في الوقت الي كانت بتقولك كده كانت بتقولي أنا اي
هاجر ...ممكن تتفضل تخرج وتسبني
_ياهاجر والله حرام عليكي الي بتعمليه في نفسك وفيا اديني فرصه احاول ارجع الثقة تاني واثبتلك اني اتغيرت
هاجر..بصتلي وعينها بقت حمرا دم وقالتلي وحق ماهقف
قدام ربنا يوم القيامة أنا مش مسمحاك وامشي لساني مش
مطوعني اني اقل ادبي عليك بقولك امشي امشي
حضنتها وعماله تزق فيا وصوتها بقا عالي .وأخوها دخل وقالي هي
حصلت تمد ايدك عليها مسحت دموعها ووقفت قصاده
وقالتله هو ممدش أيده ولو سمحت كفايا بقا خالها خدني
علي جنب وقالي الاحسن انك تسبها ولما تهدأ وترتاح ابقي
كلمها في التليفون اخوها رد وقال لا هي خلصت ع كده
والبيت ده مش هيهوبه تاني شايفها بتعيط وخالها بيخرجني
برا الاوضه ووقف اتكلم معايا شوية برا ب احترام ونزلت وانا
مش فاهم اي حاجه 😞
🔥البارت(45)🔥 بقلم ✍️ سلطان زماني
نزلت من عندهم زاي الي حد خبطني بشومه علي دماغي
رحت علي البيت علشان مش قادر ابص لحد ولا اتكلم مع حد
هقولهم اي أنا نفسي مش فاهم هو في ايه والغبية دي مش
فهماني ولا حسه بيا ليه امي دخلت عليا من وهي ع الباب
قولتلها لو سمحتي ي امي سبيني قالتلي حاضر ياحبيبي لو
عوزت حاجه انده عليا مردتش عليها
مسكت موبايلي كان خالها رن عليا علشان يتواصل معايا
مسحت رقمه ورقم امها وكل أرقامها واخدت حبيتين منوم
وفضلت نايم لحد ما تاني يوم امي صحتني وقالتلي عاصم
برا قمت مش داري بحاجه ودخلي الاوضه وقالي ايه يابرنس
جيلك هتفضل مقضيها في البيت كده قولتله مليش نفس لاي
حاجه قالي قوم خدش دش وتعالي نروح الكافتيريا اغلبك
كلعادة العيال كلهم تحت قاعدين وانا قولتلهم هروح اجيبك
واجي قمت غسلت وشي ولبست ونزلت معاه لفيت من
الشارع الي ورا علشان معديش قدام بيتهم ولا اشوف ابويا
رحت قعدت معاهم واليوم عده كاره الي صحابي بيعملوه
معايا مش عايز حد يشفق عليا ولا اصعب ع حد وبحاول
أبين وأظهر عكس الي جوايا وحاسس بيه عايز انتصر
لكرمتي واروح أطلقها رافض احساس العجز والضعف الي
جوايا من نحيتها وشايف انها متستهلوش ..اي الي كان ممكن
اعمله تاني ومعملتوش خلاص ياعمر هي خلصت
بعدها بكام يوم صاحبي كلمني وقالي اني في حد عده علي
المحل وكان بيزعق مع ابويا لبست بسرعة ونزلت ملقتش
حاجه سالت ابويا قالي ده زبون وكان سوء تفاهم مصدقتش
ورحت سالت واحد صاحبي فاتح محل جنبنا قالي دول تبع
أهل مراتك لاني اخوها كان واقف معها رجعت ل ابويا قولتله
مين الي زعق معاك واي الي حصل قالي ده اخوها الكبير جيه
من السفر وجيه سأل عليك وزعلان انك اتخانقت مع أخوه
دخلت رجعت الكاميرات لقيته أنه عمال يشوح ب أيده في
وش ابويا اخدت بعضي وطلعت علي بيتهم وابويا بينده عليا
فضلت ارن واخبط عايز اهد الباب الحديد نزل ابوها وهاجر
بتقولي خلاص ياعمر حقك عليا أنا بالله عليك لتمشي وأبوها
بيقولي انت عاوز ايه ماتغور في ستين داهية بنتي ومش
عايزاك يا اخي ما تخلي عندك دم قولتله احترم نفسك انت
راجل كبير عيب متخلنيش اهزقك ده انا عمري ما سمعتلك
كلمة دلوقتي الي طلعلك حس ع العموم أنا مستني الرجالة
الي خلفتهم ده لو خلفت رجالة اصلا هاجر بقت تقول ل
ابوها ابوس ايدك كفايا بالله عليكم كفايا اخوها نزل وبيحاول
يفتح الباب وهاجر وقفت قدامه وقالتلي متفتحش امشي
ياعمر بالله عليك وصحابي كلهم بيحاولو يبعدوني من قدام
الباب وشفته زق هاجر جامد ووقعها في الأرض وفتح الباب
مستنتش لما ينزلي وجبته من القميص بتاعه واديته بالدماغ
في وشه وسحبته وقعته ع الأرض قام وضربني بسكينه في
كتفي أنا شفت منظر الدم اتجننت مسكته سففته التراب
وأخوه نازل عاصم مسكه فشخه المنطقه كلها كانت بتحاول
تحوشني وتسكتني محدش عارف حد من الجيران طلبو
الحكومه ورحنا احنا ال4 علي القسم وصاحبي المحامي
عملهم محضر جاحد وجايب الكاميرات أنهم كانوا حاملين
سلاح ورحت عملت تقرير طبي ب الجرح الي في أيدي وفي
شهود من عندنا شهدو أنه هو الي بدأ وجيه عندنا المحل
وشتم وقل ادبهم ..انهار اخوها وقالهم أنه معاه باسبور
امريكاني قولتله الباسبور ده حطه في .......اوعي ياض
تفتكر انها خلصت أنا مبخفش ولا بعمل حساب غير الي
خلقني وبس وكنت محترمكم علشانها هي إنما انتو شوية كلاب ولا تسوي
صاحب ابويا المستشار جيه وراجع المحضر وقال ل ابويا
دي جناية وهيتحبسو وقالي اطمن ياعمر حقك هيجيلك بالقانون
جيه ابو هاجر كلمني علشان نتنازل قولتله بنتك طالق علشان
متقولش اني معنديش دم وبارد وانا اكتر حاجه حزين عليها
اني جبت عيل انت تبقا جده والاوساخ دول خلانه
تعليقات
إرسال تعليق