 |
🔥البارت( 46)🔥 بقلم ✍️ سلطان زماني
خالها جيه القسم وفضل يتحايل عليا اني أتنازل قولتله بص
أنا كل دول عملتلهم احترام وقيمة واعتبار وفي الاخر اتنططو
عليا وشافو نفسهم وفكرين اني اهبل ولا ضعيف ليهم قالي
يابني مكنش ينفع توصلوها لكده قولتله هي خلاص وصلت
وانا بنتهم طلقتها بس حسابي معاهم لسه مخلصش بص
للجرح الي في أيدي وشايفه متاثر اوي قولتله في قلبي جرح
اكبر من ده بكتير وبصيت ل إخوتها وقولتلهم أنا مش هرتاح
غير لما اشوفكم متبهدلين مش ههدا غير لما اشوف انتقام
ربنا فيكم
ابويا بص ل اخوها وقاله أن شاء الله تتحرمو من نور
عيونكم زاي ما حرمتو ابني اتنازلتو عملتلهم محضر عدم
تعدي وخرجنا اول ما وصلت المحل وقعدت وهديت اكتشفت
اني مفيش حاجه خلتني افتري عليه كده غير لما زق هاجر
ووقعها عقلي مقتنع الي عملته ده الصح واني عملت الي عليا
وزيادة قلبي بقا ربنا وحده الي عالم بيه رحنا المأذون مرتيين
اول مره دخلت والماذون اقعد يكلمنا وهي إخوتها قاعدين
مكسوف اقولها بحبك لساني مش قادر ينطقها مستني منها
بس إشارة تلميح انها عايزاني وكنت ههد الدنيا ع الي فيها
وهخدها سبتهم كلهم عند المأذون ومشيت معرفش ازاي
عملت كده بعدها بيومين رحنا ومن غير كلام دخلت رميت
اليمين عليها وابويا طلعني وعاصم علشان كانو خايفين اني
اعمل مشكلة مع إخوتها
بعدها اخوها سافر وانا فضلت شوية عايش في دوامه كبيرة
حاسس اني بحلم مش مصدق أننا خلاص بعدنا عن بعض
بقيت بقعد في المحل وقت كبير علشان اتلهي وانشغل بطلع
البيت ع النوم علشان مفكرش كتير كل شهر يعدي كنت بقول
انها هتحن أو هتندم أو هتحاول تفتح معايا كلام وشهر يجيب
شهر لحد ما مر سنة
البارت/47بقلم ✍️ سلطان زماني
أتقدم ليها ابن عمها وهي رفضته وانا ابويا عمال يكلمني اني
اتجوز واخلف واعيش حياتي وامي كمان وانا معرفش
نفسيتي قفلت من الستات كلها ولا اتعقدت ولا لسه عندي
امل نرجع ..لحد ما في يوم عاصم قالي أننا هنطلع الغردقة
نقعد اسبوع وقعد يزن عليا ورحت معاه وشايف الواد وشه
مقلوب ومتعكنن وزاي الي مخبي عني حاجه او في حاجه
مزعلاه سالته كتير بس كان بيتوه لحد ما واحنا راجعين من
السفر في العربية قالي أنها اتجوزت اتصدمت ومصدقتش
قالي ياعم كبر دماغك بقا منها وعيش حياتك قولتله انتي
بتهزر لا يمكن ده يحصل لقيته اضايق ووقف العربية وقالي
علشان خاطر نفسك بقا يا اخي مش علشان خاطر حد انساها
هو يعني الي خلقها مخلقش غيرها هزيت راسي وسكت مش
عارف اقول أي لفيت وشي الناحية التانية وقولتله انت
وقفت العربية ليه يلا يا عاصم اطلع طلع بالعربية وانا فضلت
سارح في الطريق وقلبي بيتقطع من جوايا ..احا هاجر تبقي
لغيري ليه يا هاجر تعملي كده ليييييييه احساس فظيع جدا
لمجرد ما بتخيل أنها مع راجل غيري حتي لو في الحلال
احساس بشع بعد ما كنت حران ومش طايق التيشرت الي
لبسه جسمي كله بقا يرتجف وبترعش وعاصم بيحاول
يهديني وانا مش معاه خالص اول ما وصلت وشفت ابويا
قولتله مكنش ليها لازمة الفه دي كلها كنت قولي عادي
لقيته حضني وقالي يعز عليا ياعمر انك تكون نفسك في
حاجه ومجبهلكش يابني ياريت كان ب أيدي حاجه اعملها
كنت عملتها بدون تفكير حتي
لما شفت دموعه قولتله خلاص يا ابويا قدر الله ماشاء فعل
قالي علشان خاطر لو بتحب ابوك صحيح اتجوز عايز اطمن
عليك قبل ما اموت انا مش عارف افرح ولا اضحك ولا
اعيش بسببك كل ما ابصلك ولا اشوفك في الحالة دي بتعب
ياعمر وامك كمان تعبانه طوعني يابني وشوف حالك وخلينا نفرح بيك
قولتله خلاص ماشي ياحج اخلص بس موضوع اياد ويحلها الف حلاال
قالي ماله اياد ..قولتله أبني مش هيعيش مع راجل غريب
وأبوه عايش قالي ماهو في حضنتها قولتله الصبح هكلم
كريم صاحبي المحامي ونشوف الدنيا فيها أي
(البارت 48) بقلم ✍️ سلطان زماني
قولت ل ابويا روح انت وانا هقعد شوية في المحل وهبقا
اقفل استغرب وقالي انت لسه جاي من الصرف اطلع ارتاح
قولتله أنا كنت نايم طول الطريق في العربية قالي طب وطلع
هو فضلت واقف في المحل وانزل البضاعة وارصها تاني
علشان اشغل نفسي وكمان عايز اطلع هلكان علشان انام ع
طول مفكرش كل الوجع الي فات كوووم ووجعي أنها مع
راجل تاني دي كوووم حتي الكاميرا الي كانت متوجهة نحية
بيتهم لغتها وكريم صاحبي رفع دعوة وقضية وقدر يجيب
تقرير بحالة امها والقضية خلاص قربت تحكم لصالحي
وعرفو أنهم هيخسرو القضية ولقيت أمها بتتصل بيا ورديت
عليها وقعدت تشكيلي اني بنتها تعبانه اصلا وهتتعب اكتر لو
اخدت منها الواد قولتلها ما تولع اتصدمت وفضلت ساكته
قولتلها تاني لتكوني مسمعتنيش يا ام الرجالة الي تعبان يولع
بجاز أنا تعبي مفرقش عند حد علشان تعب اي حد يفرق معايا
قالتلي كتر خيرك يابني بعدها ب اسبوع مرات اخوها الصغير
خربت الدنيا معاه وفضحته في المنطقة واتخانقت معه وتفت
في وشه في الشارع بسبب انها لقت ارقام بنات ومحادثات ع
موبيله ابويا الي حكالي وكان حاضر الحوار كله
مكنتش شمتان علي قد ما كنت حاسس اني رب العالمين
حاسس بيا وأنه بيجبلي حقي وبيبرد ناري والعذاب الي انا فيه
بعد شوية امي جاتلي وقالتلي أني هاجر كلمتها وبتقول أنها
هتموت لو اخدت منها الواد قولتلها تموت كلنا هنموت يا امي
مترديش عليها تاني وبقيت بشوفها كتير عند امها بسبب
مشاكل اخوها الصغير مع ابوها الي وصلت لضرب لحد ما
اخوه الكبير حكم عليه أنه يسيب البيت
القضية حكمتلي واخدت الواد وحماتي فضلت تدعي عليا
وتقولي اني ذنب بنتها في رقابتك ..ابويا قالها في أي وقت
عايزينو خدوه هو بس مش قابل أنه يعيش مع راجل غريب
ودي بصراحة متزعلش سبتها تتكلم معاه واخدت اياد
اشترتله لعب ليه وطلعته فوق ل امي ولما نزلت ابويا قالي
بقا اني الست قلبها وجعها علي بنتها قولتله وانا كمان قلبي
وجعني علي ابني قالي يابني بلاش تظلمها سبهولها كده كده
سته الي بتربيه واهو جنبك واقربلك انت منها قولتله بغضب
لا لما شاف وشي انقلب قالي خلاص يابني الي يريحك
👑البارت49 👑👈✍️ بقلم سلطان زماني
اياد بقا يروح يوم الجمعه عند بيت جده وهي بتيجي تشوفه
وكنت بتعمد انزل علي صلاة الجمعة علشان مشفهاش ..الفترة
دي كنت قافل قفله وحشة من كل الستات الي في الدنيا
شيفهم كلهم صنف زبالة وميستهلوش حتي لما كانت بتجيلي
فكرة اني اتجوز تاني كان بيني وبين نفسي مقتنع جدا
اني مفيش وحده تستاهل اني احبها وادخلها قلبي
ولما وفقت وفقت بس بسبب زن ابويا مش اكتر وفعلا قرينا
فاتحة بس مكنتش بكلمها ولا عمري جيه في بالي اصلا اتصل
اسال عليها وحتي لما كانت بتكلمني كنت بقول امتي تقفل
..هي محترمة وذوق واخلاق جدا بس مش عارف ليه مش متقبلها
حتي كمان مش مرتحلها بدور ع اي سبب أو عيب علشان
اسبها
كلمتني ام هاجر تاني علي اياد وفضلت تدعيلي
وتباركلي علي الخطوبة وتقولي أنها عرفت من ابويا من
يومين قولتلها الله يبارك فيكي قالتلي هاجر قاعدة معايا
شوية ممكن تسبلها اياد الكام يوم دول سكت شوية وقولتلها
ماشي قعدت تدعيلي وقفلنا
ولما نزلت ل ابويا حكالي أنها غضبانه وفي مشاكل مع جوزها
وقرفها في عيشتها وأنها مش اول مره تغضب فيها قولتله
انت بتسمعها ليه يابا فكك منهم
بصلي وقالي والله صعبانين عليا ربنا يهدي حالهم بصتله
وقولتله وانا مصعبتش عليك والي عملوه فيا
قالي العيب من الأب أنه ساذج وملوش كلمة كلهم ماشين
وبيسمعو كلام الي بيصرف وبيبعت فلوس ليهم مش العاقل
الحكيم الكبير صاحب الخبرة
قولتله فين بقا الرجالة الي كانو شايفين نفسهم عليا سيبين
اختهم دلوقتي وأمهم كمان قالي اللهم لا شماته يابني
متشمتش في حد ياعمر
قولتله مش بشمت ربنا يصلح حالهم سألني عامل أي مع
خطيبتك قولتله كويس انك جبت سيرتها أن مش مرتاح
الجوازة دي وبصراحة خايف اظلمها معايا قالي تظلمها ليه
قولتله مش بحبها ولا حتي متقبلها مش عارف هعيش معها
أنا وهي في بيت واحد ازاي
قالي انت مش عملت استخارة ياعمر وقولتلي الدنيا تمام
وقرينا فاتحة يابني قولتله لا
أنا من ساعة ما شفتها وانا مش مرتاح وقولت ماشي علشان
خاطرك انت بس والله قولت يمكن ارتاح أو الدنيا تمشي
ضرب كف ع كف وقالي طب معلش ادي نفسك فرصة تانيه
واتكلم معها
وصلي استخارة وصلي ياعمر صلي يابني العمر مش مضمون
ما انت كنت بتصلي اي الي حصلك
قولتله والله أنا ندل جدا قالي ندل ليه
قولتله كل ما اتزنق والدنيا تقف وتقفل بيبانها في وشي اجري
ع ربنا اصلي واقوله الحقني واول ما يلحقني واهدا والأمور
تتحل واعصابي تروق شوية ابعد وابطل صلاة
ضحك وقالي مفيش احن من ربنا علينا يا ابني صلي بقا
وبطل نداله وانتظم في الصلاة علشان ربنا يكرمك
🤗البارت 🔥50 🔥 بقلم ✍️ سلطان زماني
خطيبتي بدأت تشتكي ل امي من اهمالي وأنها حسه اني مش
بحبها وبقيت فعلا بتهرب منها ومن مكالماتها ولما حسيت اني
بجرح شعورها واحساسها قولتلها اني خايف اظلمك معايا
واني أنا مش مستعد للتجربة دي وهي بعدها حاولت تكلمني
تاني ولما لقتني علي موقفي بعدت ..افتكرت اني قعاد هاجر
طول الفترة دي بسبب اياد وكمان مامتها حكت مع ابويا
وامي اني ابنها كان مهون عليها كتير وانها احتمال تطلق
علشان ترجع ل ابنها وتربيه ومش هتتجوز تاني بعدها ب٤
ايام كلمتني ام هاجر قالتلي انها هتمشي النهارده لو عايز اياد
قولتلها ماشي جليه يجي واقف ويتكلم في الموبيل ولقتها
واقفه بعيد مستنياه يدخل المحل وهي تمشي شفتها
مصدقتش اني دي هاجر مالها ايه حصلها خست جدا
خدت اياد ورحتلها قولتلها لو عايز تخليه عندك خليه سكتت وبتبص للأرض
وبتلعب في شعر اياد وانا لما شفتها من قريب حزنت عليها
اكتر وقلبي وجعني عليها
قالتلي يعني مش هتزعل أنه معايا قولتلها لا اصبري
اجبلك هدومه من فوق قالتلي ماشي وشالته حضنته وقعدت تبوس فيه
معرفش اي الي كان بيخليني اجري كده بسرعة طلعت فوق
قولت ل امي حطي هدوم اياد في شنطة
سالتني ليه قولتلها هيروح مع هاجر يقعد معهاشوية
قالتلي حاضر وشايف في عينيها كلام كتير الي هو انت
مجنون امال عملت كل ده ليه
وهي بتحضر الشنطة عمال اقول لنفسي هتقول ابوك اي
ماهو طلب منك كده وانت رفضت وقولت هقولهم اني اياد
هو الي شبط فيها وبقول لنفسي يابني دي رايحه بيت راجل
غيرك يامتخلف هي ازاي تصعب عليك اصلا....
اخدت الشنطة ونزلت قبلتها وادتها الشنطة قالتلي كتر خيرك
ياعمر أنا مش عارفه اشكرك ازاي وعنيها مدمعه سكت
وهزيت راسي وهما مشيو قدامي واياد عمال كل شوية يلف
ويشاور ب أيده ويقولي باي وهي بتبص عليا دخلت المحل
وبعد شوية ابويا صحي وامي قالتله ونزلي وقالي
قولتله أنه هو شبط فيها وفضل يبكي علشانها سبته يروح
معها قالي ميجراش حاجه المهم يكون مبسوط
قولتله اه أنا فعلا مبسوط هو هو مبسوط
وقولت بيني وبين نفسي يارب ترتاح بقا وتهتم بنفسها
وبصحتها والمره الجايه تكون احسن ❤️
يتبع
تكملة الروايه من هنا
تعليقات
إرسال تعليق