 |
البارت الثامن والتاسع والعاشر ✍️ سلطان زماني
اتشجعت وكلمتها واتكسفت واتحرجت وسبتني ومشيت
قولتلها رقمك طيب علشان اكلمك ولا اكنها سمعتني ولما
رجعت برضو دخلت ع البيت بسرعة وكنت متخيل أنها
هتعدي عليا بقيت قاعد في المحل بغلي وياصص ع امك
الشباك بتعها هتجنن
طلعت بعد انتظار رهيب اول ما اشوفها بصتلي اشاور ب
أيدي من غير ما حد ياخد باله قامت رزعه الشباك جامد من
الغيظ كنت عايز امسك طوبه واكسلها دماغها بالشباك ده
اتسحلت بعدها ب 100 حاجه وقعدت يومين معرفش عنها
حاجه ولا بشوفها
وكنت بالصدفة عند واحد صاحبيوعمارتهم كان في نفس
الصف الي في المحل بتعنا وكنت بشرب معه سجارتين وامه
قالتله اطلع اعدل السلك بتاع الدش علي السطح طلعت معه
وهو بيعمل السلك وانا بصيت ع عمارة هاجر والشباك ولقتها
فاتحه الشباك وبتبص علي المحل فرحت اوي صاحبي خلص
وقالي يلا ننزل
قولتله انزل انت أنا هقف شوية هنا وهروح
ضحك وقالي ده ليه ما تنزل يابني نكمل الفلم
قولتله ياعم أنا مش عايز اتفرج هو بالعافية فكك مني ياعم
لقيته نزل فضلت ابص عليها وكل شوية تدخل وتقفل الشباك
وترجع تفتحه
لقيت ابن الجزمة ده ورايا وجيبلي عصير والحشيش والاب
توب قالي نكمل قعدتنا هنا
قولتله هو السطح ده.. نطلع في أي وقت نقعد فيه عادي
قالي اه عادي عمارتنا ياعم مالك
قولتله اصلي بصراحة هنا الجو اجمل بكتير تحت كتمه قالي
الي يريحك يا ابو الصحاب
قولتله ألي يريحني انك تخليك في الفيلم وسبني أنا في
ملكوتي قالي ده انت شكل الدماغ عليت ع الاخر
فضلت باصص عليها وهي مش شيفاني وبقول في بالي طب
لما انتي بتحبيني اهو بتتقلي ع الي جابو امي ليه
مش كان زمنا بنتكلم أو بنخرج بدال المرمطة الي معيشانا فيها دي
كلمت ابويا لما روحت وقولتله اني مش نازل المحل بكره
وقولت اعذبها زاي ما بتعذبني واحرمها مني وفضلت حابس
نفسي تاني يوم لحد العصر لما جبت اخري ومقدرتش
اتاريني بحرم وبعذب نفسي انا مش هي
كلمت صحبي ورحتله وبعد ما دخلت
قولتله أنا بتحرج يا اخي من امك ومن اخواتك مش بكون ع
رحتي تعالي نطلع فوق احسن
قالي ماشي طلعنا وبعد ساعة كده لقتها وقفه ومتابعها
كل ١٠ دقائق تدخل وتخرج تدخل وتخرج لما مش بتلاقيني تدخل وبعد شوية تيجي تبص تاني
لحد ما سبت صاحبي ونزلت فضلت ابص ع الشباك
مفتوح بس هي مش واقفه دخلت المحل ابويا قالي ابن
حلال ده انا عايز اخش الحمام واصلي العصر قبل المغرب ما
يأذن قولتله اطلع ياحج وانا هكمل واقفل بليل
وجبت كرسي وقعدت برا وحطيت رجل ع رجل وبعد ١٠
دقائق لقيت هاجر طلعت وشفتني وعينها جت في عيني
قولت اتقل شوية زيها لقتها رزعت الشباك في وشي
ومفتحتهوش تاني لحد ما قفلت وروحت😭
يتبع
التاسع
اضايقت اوي من تقلها عليا مع انها بتحبني وعايزاني ليه
بتصعبها عليا كده طب هو عجبها حبي ليها وهي مش بتحبني
ولا حكايتها اي اليوم ده رحت سهرت مع صحابي وخربنها
ورجعت استجيب تاني للبنات الي كنت اعرفها واتعرفت كمان
علي وحده جديدة وعملت معها علاقة وطلعت بت لازقة بغيرة
مش مبطلة اتصال واهتمام بقيت نفسي اخليها تشوف أنا
بيتعمل علشاني اي يمكن تحس بالمرار الطافح الي معيشاني
فيه ومبقتش متحمل تقلها وشايف أنه غرور وتكبر واني لو في
حد في حياتها عادي تروح ليه وتسبني لدنيتي وبدأت اقنع
نفسي بكده اول مره احس اني خايف وانا نايم مع وحده واول
مره احس اني بخون حد كنت اغمض عيني علشان اتخيلها
واشوفها وانا معها حولت انساها بيها بس مقدرتش
حياتي من غيرها مش حياة أنا بتهرب منها بس هي ساكنة
اصلا جوايا.. الشك لعب في دماغي انها مقضيها واكيد هي
بتكلم حد أو بتقابل حد فضلت اسبوع ارقبها لحد ما اخر يوم
ركنت عربيتي ونزلت امشي وراها فضلت امشي وراها لما
رجلي وجعتني خطوتها سريعه جدا ويتدخل في المحلات
تتأخر وتقعد تتفرج وتستفسر وكل ده وانا متاكد من جوايا اني
هيجي زميلها وهتقابله في الاخر دخلت كام محل وراء بعض
وكانت عيني عليها معرفش تاهت مني ازاي لقيت كشك وقفت
جبت من عنده سجاير ومياة ومناديل تعبت من كتر ما بلف
وراها وببص جنب الكشك لقيت واحد بتاع جرايد وفارش
كتب ع الأرض ولقيت الي بتبحلق ليا ازازة المياة وقعت مني
والسجائر ومفاتيح العربية جبتهم ومعرفش مالها متنحه ليه
دي قربت عليها ومعرفش ابو ام حالة الارتباك والتوتر الي
بتجيلي لما اشوفها سببها اي واشمعنا مع دي
_ ايه الصدفة الجميلة دي انتي بتعملي اي
هاجر ..انت الي بتعمل اي
_ انا كنت معدي بالعربية ركنت اجيب سجاير ومياة انتي بقا بتعملي اي
هاجر ..أنا كنت بشتري كريمات وحاجات ومتعوده اشتري كتب من هنا
_ طب انا مروح لو تحبي اوصلك
هاجر ..هي عربيتك فين
قولت في سري احيييية فضلنا ماشين انا وهي يجي ربع ساعة
ومن كتر ما توهتني مبقتش مركز في انهي شارع بالظبط لحد
ما وصلنا واول ما ركبت لقتها لفت وشها ليا وقبل ما اتحرك
قالتلي انت متاكد انك كنت ماشي بالصدفة
_ اه بس أنا كنت مخنوق شوية ف اتمشيت شوية وفضلت
اتفرج ع المحلات ومختش بالي من المسافة الي مشتها
هاجر ..بس انت فولتلي انك ركنت العربية جنب بتاع الكتب
والكشك انت بتكدب صح
_ اه بكدب ياستي
هاجر ..طب قولي بقا كنت بتعمل ايه هنا
من كتر ما اعصابي بايظة ومتوتر والعربية كل شوية تبطل مني
وكلاكسات ورايا وعمال اخد شتيمة عنب من الناس الي ورايا ركنت العربية
_ كنت برقبك ياهاجر
هاجر..بترقبني ليه أن شاء الله
_ علشان حسك متغيرة معايا اول مره وحده تتعبني كده
هاجر ..ماشاء الله ده انت تعرف كتير بقا
_ لا أنا مش بعرف حد بس في المرتين الي خطبت فيهم يعني
هاجر..عينك فضحاك اووي وباين فيهم انك كداب ياعمر
_ هو ده الي فهمتيه من عيني بس ياهاجر
هاجر ..قالتلي لا فاهمه كل حاجه بس يمكن خايفة شوية مش اكتر
_ خايفه من اي
هاجر ..خايفة اتسرع في حكمي عليك خايفة اخد خطوة أو احبك وتجرحني تخزلني
_ أنا اجرحك ولا اخزلك والله ابدا ده انا من ساعة ما شفتك
وانا حالي اتشقلب خالص حفظت جدول محاضراتك ومواعيد
نزولك وطلوعك بفضل قاعد ب ٨ساعات وكل املي بس اني
اشوفك في ظل اني لو عايز اعمل كل حاجه هعملها والله
هاجر ..تعمل ايه مش فاهمه
_ معملش حاجه ياهاجر بس بجد حبك عذبني اوووي وحتي
عذابي في حبك حلو بس الشك بيجنني تعرفي أنا كنت اوقات
بتمنا اني كنت اشوفك مع حد علشان يمكن ده يساعدني اني
انساكي بس في كل مره كنت بتمسك بيكي اكتر ..انتي في حد
في حياتك ياهاجر
هاجر ..انت لو في وحده في حياتك كنت فولتلي كل الكلام ده ياعمر
_ لا طبعا مستحيل
هاجر ..أنا بقا لو في حد في حياتي مكنتش سمعت حرف من
كل الي انت قولتله ده وانفصل بقا وصلني وانجز
_ حاضر هنجز اهو هاتي بقا رقم موبايلك
اخدت مني موبايلي وانا بطني كركبت وكنت ووشي جاب
الاوان الطيف من الخوف لتدخل ع المسانجر او الواتس أو
تفتح الاستديو سجلت رقمها وادتني الموبيل وفضلت تحكيلي
اني دي اخر سنة وانها معندناش اصدقاء غير هي وحده بس
قرايبها بس قبل البيت نزلت وفضلت قاعد في العربية قافل
الازاز اشم في البريفوم بتعها
البارت العاشر بقلم ✍️ سلطان زماني
طلعت البيت وحاسس اني كنت بحلم مش مصدق اني شفتها
وأنها كانت راكبة جنبي مسكت موبايلي قولت انضف امه بقا
علشان لو حصل ومسكته تاني تلاقيني ابيض ياورد
ودخلت ع الأسماء جبت رقمها وطلبتها
_ أوعي اكون صحيتك من النوم
هاجر ..أنا كنت فعلا خلاص هروح في النوم
_كويس اني لحقتك قبل ما تنامي علشان اسمع صوتك
هاجر..انت مش هتنام علشان شغلك ولا ايه
_ أنا ياهاجر غيرت مواعيد نومي علشانك..شقلبت حياتي بس
علشان اشوفك الصبح وانتي نازلة
هاجر..وايه كمان ياعمر
_ ركبت كاميرات في المحل علشان اشوف وانتي جايه من
بعيد واطول النظر فيكي وكاميرا تاني ع شباكك علشان ارحم
نفسي من الروشة الي كنت فيها كل شوية طالع داخل لما
كنت بدوخ
هاجر .. 😂😂😂 هي وصلت لكاميرات كمان
_ لما اشوفك الصبح هوريهالك علشان تتاكدي
هاجر ..مصدقاك ياعمر. ..وايه كمان
_ كنت بمشي وراكي وبرقبك كنت شاكك انك مرتبطة بحد
هاجر ..ايه الي شدك ليا لدرجة دي يعني ما الدنيا مليانه بنات
_ والله ما اعرف من اول ثانية شفتك وانا مش علي بعضي
ومش مظبوط خالص ع قد البهدلة الي كنت فيها بس كنت
مبسوط وفرحان عمري ما حسيت الأحاسيس دي وبعمل
حاجات أنا نفسي بستغربها
هاجر ..حاجات ايه ياعمر
_ 😂😂😂 هقولك بس اوعي تستعبطيني ولا تقولي عني اهبل
هاجر ..لا والله ابدا بالعكس قول بقا يلا
_ كنت بطلع اقعد ع سطح واحد صاحبي ارخم خلق الله
وكنت بستحملة بس علشان اشوفك من فوق واخدت بالي من
الكام يوم الي مكنتش بنزل فيهم المحل انك بتفتحي الشباك
كل شوية وبتبصي ع المحل ولما نزلت وشوفتيني رزعتي
الشباك جامد
هاجر .. 😂😂😂😂😂😂
_ ليه يا هاجر قفلتي الشباك كده
هاجر ..علشان انت بارد ..أنا مش عارفه مالك ولا حصلك اي
ومكسوفة اسال عمو ولما لقيتك كويس قفلت خلاص اطمنت
_ وايه كمان
هاجر . كان نفسي اقولك متغبش كده تاني
_ يالهوووووووووووووووي واي كمان
هاجر ..بقولك اي أنا عندي محاضرات الصبح وعايزة انام يلا تصبح ع خير
_ اي ده في ايه
هاجر ...يلا خد بالك من نفسك ياعمر
وقفلت 🙄
يتبع
تكملة الروايه من هنا
تعليقات
إرسال تعليق