 |
البارت الرابع والخامس ✍️ سلطان زماني
بقيت اتحجج لما تتصل بيا اني مشغول في المحل أو اني
الموبيل هيفصل وأوقات كنت أشيل فيشة الروتر أو اقفل
الداتا من عني لحد ما جابت اخرها في مره وقالتلي
ممكن افهم انت فيك اي
قولتلها يامريم أنا كل مره اقولك اني بقيت اقعد في المحل
فترة أطول وكمان لما بكون فاضي ممكن امي تبعتني اجبلها
حاجات أو نايم كده يعني
مريم ..بص انا مش غبية والي انت بتقوله ده ميقنعش عيلة
صغيرة هو أنا زعلتك في حاجه ياعمر
_ لا ابدا هي بس ظروف مش اكتر
مريم ..ده احنا كنا بنرغي ونتكلم ب 6 ساعات فاكر
_ اه فاكر وانام وتروح عليا نومه ومكنتش بنزل المحل خالص
الكام يوم دول
مريم ..عمر أنا متقدملي حد ومش عارفه اعمل ايه بجد
_ لو محترم وكويس وبيحبك وفقي طبعا الف مبروك يا مريم
دمها اتحرق وحاسس بيها أنها مفروسة وع اخرها
مريم ..ايه ياعم انتي ما صدقت خلصت مني
_ عايز افرح بيكي ..انتي بنت حلال وتستاهلي كل خير
مريم ..أنا رفضه جواز الصالونات ده يعني ايه اتجوز واحد
معرفوش ولا هو يعرفني وفي نفس الوقت معنديش الشجاعة
اني احب وادخل قصة حب مع شاب
_ ليه كده يامريم
مريم ..ما أنا قولتلك اني مليش اختلاط بحد وعمري ما
حبيت قبل كده ولا ليا صحاب ولاد
_ أن شاء الله تعيشي احلي قصة حب وتتجوزي وافرح بيكي
لما لقيت الذوق مش جاي معها سكة ولزقه بغره وما صدقت
قولتلها اني هرجع لبنت خالتي الي كنت خطيبها قبل ريهام
واني امي كلمتهم في الرجوع خلاص
معرفتهاش حاجه عن الي عرفته لاني عارف انها هتكدب
وهتحور وهتمثل وفرت علي نفسي هري وعتاب وعملتلي
بلوك وقطعت علاقتها بيا
طبعا أنا مش ملاك ولا معصوم من الخطا بلعكس في عيوب
كتير بس عمري ما كنت كداب ولا امثل ولا بتاع حورات
وخبيث ..لو كنت لقيت بنت من البنات الي كنت اعرفهم حتي
الشمال كمان لو كان فيهم نفس الصفات دي كنت اتجوزتها
بس للاسف كله من عينة ريهام ومريم كده ويمكن اوسخ
كمان
ولا وحده من كل دول خطفتني هزت كياني شدتني ليها
يمكن في منهم حبوني أو اعجبو بيا ..أنا بقا ولا وحده حبتها
يتبع ...كده خلصنا كلكعه..وهندخل ع الشجعله بقا 💃
البارت الخامس بقلم سلطان زماني
عشت فترة حوالي ٧ شهور ملهي بصحابي وشغلي والحشيش
والخروج ومخفف البنات خالص والي كانت بتكلمني علشان
اوصلها في مكان أو نخرج أو هنتقابل عندي اوي عندها كنت
بكرفلها واتحجج العربية عطلانه أو اني مش هينفع اسيب
المحل أو الشقة التانية فيها ضيوف ومش هيمشو دلوقتي
كده يعني وكنت بكون مبسوط اكتر وانا مع صحابي كنا
بنضحك وننبسط. اليوم بيعدي بسرعة محسش بيه كنت
بحضر افراح صحابي وبشوف أنهم متجوزين عن قصة حب
جبارة ومع ذالك بيلعن اليوم الي اتجوز فيه بعد ٣ شهور بس
جواز
ونماذج كتير محبطه من ضمنها واحد جارنا كان رايح يتقدم
لوحده والوحده دي صاحبي كان بينام معها وكنت بشوفها
بعيني وقبلتها مره علي السلم وهي نازله من عنده وانا كنت
طالع عنده ولما سالته قالي هي هتعمل عملية اكيد
دي بنت حرام قولتله وانت ليه متجوزهاش قالي الي عمل
فيها كده يتجوزها بقا
قولتله هو مش انت الي عملت كده قالي انا مين انا استلمتها
كده وقعد يضحك
طبعا ضحكت زايه بس الحاجات الي بشوفها دي بنسبالي
مرعبه أنا اه خربها بس خربها مع ستات كتير ستات
متجوزين ومطلقين وكام بنت في السكة بس كان احضان
وبوس وحاجات خفيف خفيف بس هما بنات
إنما البجحه دي ازاي يجلها قلب تمثل دور الشريفة العفيفة
الطاهرة البكر الرشيد ازاي الناس دول بيعرفو يمثلو وب
احترافيه كده لدرجة اني جارنا ده شايفها مثال للفضيلة
ومقتنع بيها جدا
فضلت في الدوامه دي لحد ما كنت واقف قدام المحل ولقيت
ناس نازلين من عربية وشنط كتير اوووي وكرتتين وعيني
جت علي بنوته أجبرتني اني اتنح وابلم ولا اكني صنم
وسامع ابويا بيكلمني عمر يااااعمر انت يابني
_ ايه ياحج عايز ايه مني
الاب..مالك ياض انت مركز كده في ايه
_ مين الناس دول
الاب..دول تقريبا الي اشترو العمارة الجديدة الراجل ده كنت
بشوفه كان بيجي يحاسب الصنياعية الي شغالين وكان
بيشتري من عندنا
_ ودي بنته صح اسمها ايه ياحج
لا أنا أول مره اشوف الباقيين دول شكلهم خلاص كده
هيسكونو فيها
_ ياريت ياحج ياريت
اول ما طلعو دخلت جوه المحل وابويا راح يتغدا وينام
ساعتين علشان يجي يستلم مني وانا اروح اتسرمح
فضلت قاعد بقول نفسي مالك ياض اي الي حصلك مش ع
بعضك ليه
اتلهيت بالزباين وواحد صاحبي كان بيكلمني علشان يعرفني
أنه مستنيني وبقوله لسه ابويا منزلش ولقتها داخله المحل
جمعت شوية حاجات كتير قدامي بقيت احطها في الكيس
من غير ما احسب اصلا وقولتلها اتفضلي
قالتلي كام قولتلها معرفش قالتلي ايه
قولتلها ثواني واخدت منها الكيس وفضلت احسب فيهم 5
دقائق وكل ما ابص عليها واشوفها مضايقه ومستعجلة أنا
اتوتر حسبت اي كلام كده وادتها الباقي وشدت الكيس الي
فيه الحاجه بغباء ومشيت بسرعة
كل ده وانا لسه صاحبي معايا ع التليفون مقفلش سألني
صاحبي فيه ايه قولتله اقفل وانا لما ابويا ينزل هكلمك
واجيلك
قفلت معه وعايز اضرب نفسي بالجزمة الي لابسها ..انت كنت
اهبل ليه كده قدامها مالك بجد فيك ايه اكيد مش هتيجي
تشتري حاجه تاني يا اهطل بعد الرخامة بتاعتك دي .. حد
يقول مش عارف كام دي وكل ده علشان تحسب كام كيس
اندومي وكنز وشيبسي وعصير ولبان غبي ربنا يستر بقا
يتبع
تعليقات
إرسال تعليق