 |
النهاية ❤️😘بقلم سلطان زماني
قولتله سبني امشي علشان لو قعدت دقيقة كمان ههد المحل
ده بالي فيه ع دماغك
سبني امشي بالعربية 😭
وكان نفسي يمنعني يهديني يقولي متسوقيش وانتي في
الحالة دي ع الأقل خالص اروح القيه في البيت مستنيني
يراضيني يعترف بغلطه ويوعدني أنه هيتغير ويتصلح حاله
بقيت اعرف أنه بيدور علي محل ايجار أو للبيع في
نفس الشارع الي فيه المحل بتاعي وكلمني في التليفون بعد
كام يوم قالي أنه عايز يقعد معايا نتحاسب قولتله ماشي
جاب أخوه وقعدو عندي في البيت قالي أنه دفعلي 40 الف
في العربية واني المحل اخد توضيب ٧٠ الف المهم فضلو
يحسبو طلع عليا 140 الف جنيه
قولتلهم ده انتو لو قعدتو شوية كمان هتطلعوني مديونه
قالي ده حق وحساب والحساب مش بيزعل حد اخويا ياخد فلوسه ويطلقك ويادار مادخلك شر
قولتله ولما هو المحل بيخسرك ومش خايب همه عمال تدور
ع محل في نفس الشارع ليه
استغرب واندهش وقالي عرفتي منين
قولتله احنا في عرفتي منين دلوقتي ولا في كدبك
واشتغالاتك ليا دي
أخوه قالي عيب يا ام منصور دا احنا في بيتك قولتله أنا
هشوف المحامي بتاعي والي فيه الصالح ليا ولعيالي هعمله
باذن الله ونزلوا وانا كلمت المحامي وقالي معاه عقد ايجار
قولتله لا قالي ارميله حاجته برا واقفلي محلك قولتله أنا
مش هعرف اعمل كده قالي ميقدرش يتعرضلك وملوش حق عندك
قولتله طب ما تقف معايا أو تجيب حد يعمل كده
وانا ادفعله فلوس
قالي انا محامي مش بلطجي ولا بودي جارد أنا تخصص شغلي محاكم وقانون وبس ..
انتي ممكن تكلمي حد من اخواتك وأهلك والموضوع مش
هياخد ساعة جيه في بالي كريمة وافتكرتها ساعة لما قرفت
كريم في عشته
كلمت طارق ولما عرفت أنه اتجوز ومراته حامل ومراته
الأولي سبتلو العيال ومتمرمط بيهم اطمنت ومبقتش قلقانه منه
قولتله أنا عايزة رقم كريمة قالي ليه وصمم احكيله قولتله
قالي أنه هو هيكلمها وهيظبط الدنيا
طارق جاني شكله اتبهدل شوية عن الاول بس مبسوطة أنه
عياله شغالين حياته وبيفكر فيهم ومفحوت في الشغل علشان
يكفيهم
ركب معايا العربية وقالي دي عربيتك قولتله بتاعة المرحوم
جوزي الله يرحمه قالي وكمان بقيتي بتعرفي تسوقي
اول مره اركب جنب وحده وهي الي بتسوق
..مين الي علمك السواقه ..واشتريتي المحل ده ازاي
ولا بتاع جوزك برضو
.قولتله المحل ده حكايته حكاية ياطارق
قالي ايه حكايته
قولتله مشترياه بالقسط ومتاخر عليا اقساط والراجل شكله
هيحبسني قالي يحبسك قولتله اه أنا ماضيه وصلات أمانه ع
نفسي امال أنا عايزة اخده منه ليه
قالي طب. جوزك ده ميدفعش الأقساط ليه والبضاعة الي فيه
بتاعته ولا بتاعتك قولتله لا بتاعته قالي طب ما ك .. احنا
نحجز الحاجه دي لحد ما يدفع كل الايجار الي عليه ولو دكر
يقرب من المحل وانا اعلقه ع بابه قولتله بقولك ايه أنا مش
عايزة فضائح وقلة ادب أنا سالتك علي كريمة وبس ملكش
دعوه انت قالي ما عندي حل ليك احسن من ده كله
قولتله قول طيب قالي الواد ده عمه راجل تقيل اوي وكلمته
بتمشي علي التخين في البلد نروح نتكلم معاه وحقك هيجي
وعليه بوسه مدام مش عايزة فضايح قولتله معاك رقمه قالي
لا بس عارف بيته ولو عاوزين رقمه اجبهولك عادي قولتله اه
خلينا مع عمه انا عايزة الف بقا ونرجع قالي اركني انتي بس
وانا هسوق علشان انتي ماشية علي قشر بيض ركنت وفضلت
اسالة علي مراته عياله وفضل يشكر فيها انها مستحملاه هي
وعياله. بترضي بقليلها وأنه خف شرب خالص وبيحمل من
جوه الموقف وفي حالة بعيد عن المشاكل. القلق
رحنا عند البيت وطارق نازل وجاي معايا قولتله انت رايح
فين خد العربية وروح اقعد ع اي قهوة وانا لما اخلص هتثل
بيك ..قالي ازاي تخشي لوحدك اصبري بس مش هينفع
قولتله اسمع الكلام بقا ياطارق .سكت وقالي ماشي الي تشوفيه
دخلت قبلت ست كبيرة في وشي سلمت عليا قولتلها الحج
عاطف موجود قالتلي ثواني يابنتي اندهلك عليه اتفضلي
اتفضلي دخل قعدت وجيه سلم عليا وحكتله كل حاجه
بالتفاصيل وهو قعد يسمعني لحد ما خلصت قولتله عايزة
رقم تليفونك علشان تقولي عملت ايه
قالي يابنتي لو ليكي حق تخديه دلوقتي مني وليه هو حق أنا
كفيل اجيبه منك ..واحنا عمرنا ما اكلنا حق حد اتصل بيه
وجيه اول ما شافني ولا اكني مسكت فيه الكهرباء عمال
يبصلي الي هو احترمي نفسك واي الي جابك هنا لاحظ الحج
عاطف قاله اقعد ..قاله مراتك شريكتك ولا بتساعدك وبتقف
معاك ياصلاح أرتبك وفكر شوية وقاله لا بتساعدني ووقفه
معايا بالمحل بتاعها قاله ومن امتي بنخلي الحريم تساعدنا
ولا تدخل في شغلنا ..قاله ياحج شريكتي ..قاله يبقا تدفع قد
الي دفعته وتاخد نص الأرباح إنما شغل البلطجه وأكل مال
اليتامه ده مينفعش ...فضل الحج عاطف يعيد ليه كل الكلام
الي أنا قولته ليه ويتاكد منه أنه صح ولا غلط وبفتري عليه
قاله صح ....حكم عليه أنه ينقل البضاعه الي في المحل ع
المخازن بتاعته ويفضي المحل بتاعي واجي اخد منه
المفاتيح بعد اسبوع وقاله ال 40 الف الي دفعتهم ليها
محدش غصبك تجيبها هدية يعني ملكش تحكي فيها تاني
وال70 الف التوضيب تاخد نصهم والست كاره عيشتها معاك
ومش عايزة تكمل يبقا يابني تسيبها في حالها وات الله يحب المحسنين
قاله أنا اتجوز ست ستها وقبل ما انطق ولا اغلط قاله وهي
سيد سيدك يتمناها خلص الكلام علي كده
كنت عايزة اقوم ابوس علي رجله محتاجه اشوف ناس كتير
كده علشان احس اني لسه الدنيا بخير تعبت اوي من الناس
الزبالة الطماعة الي ياكلو مال النبي الطماعين والي ب1000
وش سحبت الفلوس تاني يوم ورحت سبتهم عند الحج
عاطف وقالي يومين وانا هكلمه خليهم معاكي قولتله يزيدو
ياحج وخدت بعضي ونزلت القاهرة رحت للناس الي كان
بيجيب منهم بضاعة جبت كل الحاجات ونجف وشغل جديد
واليوم الي شال فيه حاجته كنت بفرش بليل أنا وطارق
وواحد جبته يشتغل معايا فرشت المحل كله خلصت الفجر
كنت تعبانه ومهدود حيلي وقولت هفتح بعد بكره ورحت
نمت صحيت الساعة ١٠ نزلت فتحت المحل وبعلق اليفطه
الجديدة والمحل شغال فضلت ع زمته شهرين لحد ما عمه
كلمه تاني وخلصنا الموضوع وعند المأذون متردد ينطقها
وحسها تقيله اوي علي لسانه بس طلق وسلمت ع عمه
وقولتله كتر خيرك وربنا يبارك في عمرك ويحفظك
طلعت من عند المأذون وحلفت اني ما هاجي هنا تاني لا في
جواز ولا طلاق وقطيعه تقطعهم كلهم وبقيت أهتم بعيالي
اوي واشتركتلهم في نادي وبقيت اوديهم واجيبهم والشغل
ماشي زاي الفل والمحل شغال ماشاء الله الحاجه الي طلعت
بيها من الجوازة دي أنه علمني وفتح عيني علي حاجه اكل
منها عيش واعيش في مستوي كويس أنا وعيالي العمر كله
رحت شوفت امي مرتين وكنت بركن العربية بعيد وأهله
الدهب كله الي لابساه علشان عارفه دماغها مش عايزاها
تعرف اني عشتي مرتاحة علشان هتقرفني وهتبصلي في
رزقي ومش هكون مطمنه لا ع نفسي ولا عيالي وهي معايا
ساعدتها كتير وكنت ببعتلها فلوس ع البوسطة ومرات ابويا
حبيبتي الي بدعي ربنا صبح وليل أنه يطول في عمرها
وميحرمنيش منها ويجعل يومي قبل يومها علشان مش حمل
اني ازعل عليها عايشين مع بعض وبتروح تزور أهلها يوم في
الاسبوع وترجع تاني وطارق بقا اخ ليا ومحترم ومش بيرفع
عينه فيا واي حاجه محتاجها بليل قبل النهار يعملها من غير
تفكير
وانا كنت بساعده في العيد الكبير والصغير كنت اجبلهم
هدوم مع عيالي في رمضان اجيب حاجة رمضان كلها وابعت
لطارق ولعيال عبده وامه
والحمد لله عايشة مستوره وراضية وولادي طوع ليا
ومتربيين وحافظين القران الكريم ووخدين من طبع مرات
ابويا اكتر مني انا وبيعشوهاو كل حاجه خير وحلوه عملتها
كانت السبب فيها مرات ابويا ❤️
انتهت 😘 كده خلاص خلصت ..اخد استراحة قليلة وندخل بقا علي الي بعده 😘❤️
تعليقات
إرسال تعليق