 |
إسكريبت (ظلمت قلبي)
الجزء الثاني والاخيـر
سحر:قررت تعمل اية ياعلي
علي:هكلم أهلـه وورقه بنتي هتوصلهم
ورد: بابا أرجوك بلاش تقولهم اللي أدم قاله
علي بإبتسامه حزن: حتي بعد اللي عمله لسة خايفه علي مشاعره
بصي يابنتي أنتي مغلطتيش بالعكس أنتي أتظلمتي وطول مانا عايش بنتي متتظلمش ولا حد يهينها او يحسسها أنها مش مرغوب فيها أنتي تتشالي علي الراس فهماني ياورد ؟
ورد بدموع:فهماك يابابا عن اذنك هدخل أستريح
سحر:يعيني عليكي يابنتي حظك قليل ياحبه عيني ربنا يحفظك لينا ياحج ويجعلك سند لينا يارب
علي: انا ليا مين غيركم ياست الكل ادخلي حضري لقمه لحد ما أتصل بأهل ادم وفعلا اتصل بأهل أدم
أمجد: ألو يا أهلا وسهلا التليفون نور والله ياعلي
علي:أهلا بيك يا امجد معلش كنت عاوزك أنت وام أدم تشرفونا فالبيت شوية
أمجد بقلق: خير ياعلي في ايه
علي: الحقيقه هو مش خير خالص ف ياريت تشرفنا
أمجد:أنت قلقتني كده علي عموم مسافه السكه وهكون عندك
علي: في إنتظارك سلام
امجد بص للتليفون بإستغراب أستر يارب
مريم مريم تعالي
مريم (أم أدم): خير يا أمجد صوتك عالي ليه
أمجد: علي أبو ورد كلمني وعاوزني انا وانتي عنده فالبيت
مريم بقلق: ليه في ايه
امجد: معرفش وعلي صوته متعصب وبيقولي مش خير خالص
مريم سرحت وبتقول لنفسها يالهوي لو أدم قال لورد حاجه ولا زعلها هروح اناوهو في داهيه دا أمجد لو عرف إني غصبت أدم علي ورد هيطين عيشتني بس والله انا كنت عاوزة لية وحده محترمه تصونه وتصون بيته وعرضه وتحافظ عليه وتنفع تبقي أم ربنا يستر
امجد: أيـــــــــة روحتي فين
مريم:هـاااا معاك
أمجد:طيب يلا مفيش وقت قومي إلبسي
مريم: حاضر
"عنـــــــد مسك وأدم"
مسك:بيبي وحشتني اوووي وحضنته بدلع
ادم:وانتي كمان ياحبيبتي وحضنها أكتر
وحكالها اللي حصل وهما ماشين
مسك في سرها
"هي لسه شافت حاجه بنت سحر"
أدم:سيبك بقي من سيرتها دي اللي زي الزفت جايبه معاكي ايه فالشنطه دي
مسك بدلع: جايبة كل اللي دومي بيحبه
"يخربيت تنحتك ياشيخه عبارة عن كتله دهن مفيش ميكرويڤ يعرف يسيحها 😂😂"
أدم: ألعـــــــــب هو دا الكلام
يلا أنزلي وصلنا
مسك:واااااو بتاعت مين الڤيلا دي
أدم بحب: الڤيلا دي جايبها من أول ما اتعرفت عليكي وكنت كل يوم بشوفك فيه باجي اوضب فيها وكتبتها بإسمك
مسك بخبث:حضنته كتير عليا اوي يا ادم بحبك أووووي
بتكلم في سرها
"هههههه دي البدايه يا ابن مريم وحياه امك لاندمها علي اليوم اللي رفضتني فيه كان زماني انا اللي عايشه فالعز والدلع دا كله"
ادم: أية رأيك فالڤيلا
مسك:تحفة ياحبيبي كفاية انها ذوقك
أدم:طيب يلا ادخلي خدي دش لحد ما اطلب اوردر عشان هموت من الجوع
مسك:ماشي يحبيبي ودخلت الحمام وسابت شنطتها
ولسوء حظهم هما الاتنين تليفون مسك رن وهي فالحمام
ادم مسك التليفون ولقي مكتوب بأسم My love
اتحول 180 درجه وعيونه البني اتحولت لاسود قاتم من شده عصبيته وفتح علي المتصل
شخص:أية يقلبي المغفل دا جه واخدك ولا لسه
أدم: بعصبية اها ياروح*أمك المغفل اخدها وهياخد روحك معاها
شخص قفل الخط بسرعه
مسك نسيت لوشين بتاعها طلعت تاخده لقيته ماسك تليفونها
مسك بتوتر: بتزعق ليه ياحبيبي وماسك تليفوني ليه
ادم مسكها من شعرها :كنت برد علي My love يارخ"يصه وبيقولك المغفل اخدك ولا لسه عشان تليفونك متقفلش
مسك:اوعي اوووعي سيب ايدي ياز"باله
ادم لط"شها بالقلم:اخرسي بتخو"نيني يا مسك انتي بتخو"نيني أنا كنتي بتمثلي عليا وانتي بتحبي حد تاني
مسك:زقته اها يا ادم بحب حد تاني ووافقت اكلمك علي مراتك عشان ادمرك وادمرها واق"هر قلب امك عليك يابن أمك هي اللي رفضتني وفضلت ورد عليا
ادم بصدمه: ورد !! ورد ذنبها ايه
مسك: ذنبها أنها ظهرت في حياتك انا المفروض اللي أبقي مراتك أنا اللي مفروض اعيش فالعز دا كله مش هي
ادم بصدمه اكبر: يعني كنتي بتحبيني عشان خاطر فلوسي ؟
مسك: مظبوووط انا ببص لمستقبلي ومصلحتي لازم اعيش في مستوي عالي مش ارجع للفقر تاني
ادم ضر"بها بالقلم انا قهرت مراتي اللي مكملتش اسبوع عشانك كسرتها عشان جرحتها عشانك حسستها ملهاش قيمه عشانك وانتي متستاهليش هي ضوفرها برقبتك وفقر ايه مش انتي الفيلا دي بتاعتك
مسك:ههههههههههههه بتاعتي انا بنت الحارس بتاع الڤيلا وأمك عارفه دا عشان كده رفضت وانا كده كسبت خسرتك مراتك واهو ماخدتش فلوسك كلها بس اخدت حاجه من ريحتك وخليتك تحس بنفس الاحساس اللي انت حسستها بيه
ادم:فعلا دا ذنبها انا غلطت في حقها في كل مرة كنت بخونها معاكي كنتي بتخونيني معاه وعاوز اقولك الفقر عمره ماكان عيب
مسك مش قولنالك أنك مغفل
ادم:كويس أني لسه موثقتش العقد الفيلا كتبتها بأسمك لكن لسه موثقتهاش انا هوثقها باسم ورد ومسكها من ايدها ورماها بره قدام الباب بشنطه الهدوم اللي كانت جيباها
وقعد ع الكنبه وافتكر ورد ودموعها وقهرتها منه
يااارب تسامحني
"عند علي وسحر"
علي: أتفضل يا أمجد ، اتفضلي يا ام ادم
امجد ومريم: اذيك ياحج علي عامل ايه
علي:تمام
سحر بغضب:اهلا نورتو
امجد ومريم بصوا لبعض علي طريقه سحر
امجد:خير ياعلي
علي:وهيجي منين الخير وابنك جرح بنتي
هنا مريم قلبها وقع في رجلها وعرفت ان موضوع اتكشف
علي حكي لامجد كل اللي حصل
امجد:والله ما اعرف اي حاجه عن موضوع دا خالص
امجد: مريم الكلام دا مظبوط
مريم:....لا رد
امجد بزعيق:مظبوط ولالا
مريم بخضه:مظبوط
امجد بصدمه مش معقولة تظلمو بنت ملهاش اي ذنب ليه
فاللحظه دي الباب خبط وطلع ادم
راح الشقه ولقي الجواب وكده عرف انه خسر ورد للابد
سحر:وليك عين تيجي لحد هنا يبجاحتك
أمجد: جاي ليه يبجاحتك يا اخي
ادم:جاي اصلح غلطي
وهنا ورد قررت تطلع وكانت في غاية الجمال مش زي ماكنا متوقعنها
لابسة دريس اوف وايت في ورد خفيف خالص رقيق ومسيبة شعرها ورسمت عيونها وبينت رسمت عنيها وكحلت عنيها وحطت روج كشمير عاطي علي كافيه
الكل في صدمه من شكلها
ورد: مالكم في اية ؟ مستغربين عشان ملقتونيش بعيط ودبلانه محدش يستاهل إني أعمل كده في نفسي انا واثقه ان ربنا هيعوضني بشخص يحبني انا كشخصيتي مش مامته اللي غصباه ووجهت كلامها لادم
استاذ ادم ورقه طلاقي توصلي عشان اشوف مستقبلي انا لسه صغيرة والف مين يتمناني
ادم: أنا اسف حقك عليا انا عرفت غلطتي وندمان وهنبدا مع بعض صفحه جديدة
ورد بثقه وبرود:أممممم بالنسبة أن عرفت غلطتك ف دي تخصك متخصنيش وبالنسبة انك ندمان ف ندمك ملهوش لزوم حاليا انما نكمل مع بعض ونفتح صفحه جديدة سوري!! انا كتابي صفحه وحده وحرقتها عن أذنكم ورقتي توصلني بكرة تمام
ودخلت اوضتها
"ايوة كده يابت خليكي إسترونج إندبندت ومن"
علي :اظن الكلام خلص لحد كده
امجد: انا مش عارف ابصلك من خجلي انا اسف يا ام ورد واسف جدا ياعلي وبنتك ورد دا حقها عن اذنكم
وبعد 7شهور ورد اتجوزت زميلها فالشغل اللي هو بيعشقها بيعشق ورد بتفاصيلها
اما ادم فهو قرر ميحبش تاني وندمان علي ورد وخبر جوازها حطمه ودا تمن الخيانه لانه ميستاهلش ورد وحياته بقت كلها شغل
إنما مسك ف ادم راح قال لابوها علي كل اللي حصل وانه كان متجوزها عرفي ورجعها البلد تاني وخسرت كل حاجه واتجوزت ابن عمها اللي متجوز قبلها 3 وهي الرابعه ودا جزأها لانها طماعه ..خاينه..خربت بيت وظلمت بنت زيها ملهاش اي ذنب انها تتظلم لكن ربنا اسمه العدل وعطي لكل واحد اللي يستاهله
خلي اللي يخسرك ميعرفش يكسبك تاني ومترداش بالقليل لانك مش قليل
تمت
تعليقات
إرسال تعليق