 |
أنت ليه بتعمل فيا كدة ليـة أنا عملتلك أية حرام عليك ليـة كده أنا بحبك!
أدم: اتعدل في قعدته وبصلها وببرود تام بعمل فيكي أية؟
ورد: بجد والله إنت بتهزر صح ؟
ادم بلامبالاه:ههزر معاكي إنتي ليـة
ورد: أدم أحنا بقالنا أسبوع متجوزين من يوم الصباحية سبتني ونزلت يوم فرحنا اليوم اللي أي بنت بتستناه انت خليته أسوء يوم في حياتي بكل برود سبتني وطلعت نمت برة وكل يوم بتنزل وبتيجي متأخر وتنام وتسبني ليـة أنا عملت أية حد جبرك عليا رد عليا متسكتش كدااا وبأنفعال أكتر ماترد عليا
أدم بأنفعال وزعيق: أيــــــــــوة ياورد أيوة مجبورة عليا انا مبحبكيش ومحبتكيش وأمي صممت إني أتجوزك ولانها مريضه قلب وساعتها تعبت أتنازلت عن حب حياتي وأتجوزتك ولما بسيبك بروح أقابلها وأتجوزتها عرفي كمان ها عاوزة تعرفي إية تاني !!
ورد:نزل عليها الكلام زي الصاعقة مجبور؟ ومامتك!! وأتجوزت ومقدرتش تقاوم وأغمي عليها
ادم:سابها وأخد تليفونه ومشي
واتصل ب "مسك" حبيبته
أدم: ألو يا مسك عاوز اقابلك ضروري
مسك: بيبي الوقت متأخر هقابلك أزاي
ادم:اتصرفي قوليلهم أنك مسافرة مع أصحابك إسبوع وهنسافر سوا
مسك:اوووووه بجد يابيبي طيب والز*باله التانيه دي هتعمل معاها ايه
ادم:مسك مسمحكليش أنا أه مبحبهاش بس هي ع أسمي
مسك: ايـة دا أنت محموق عليها أوي كده ليه ؟
ادم : أخلصي يامسك هتنزلي ولالا
مسك:طبعا يابيبي انا هقول لبابي أني مسافرة
وبخبث أكبر: وهاخد كمان فيزا بتاعتي عشان لو عجبني حاجه أشتريها
ادم بعصبية: انتي شيفاني سوسن عشان تشتري بفلوسك وأنا معاكي أنتي مراتي يامسك يعني مسؤله مني
مسك:بس انا مصاريفي كتيرة يادومي
ادم:خمس دقايق والقيكي عندي انا واقف قدام الشجرة اللي عند ڤيلا بتاعتك سلام
مسك:ببااي
مسك بإنتصار: ودي البدايه يا ادم اقسم بالله لادمر حياتك زي ماضحكت عليا وبقيت فالاخر متجوزاك عرفي وبغل اكتر أنا المفروض ابقي مراته مش هي
ورد فاقت لقت نفسها مرمية علي الارض وادم مش موجود
نفسها صعبت عليها منه ومن كلامه ومن اللي عمله وانه حتي مخافش عليها انهم سنتين خطوبه وكان بيبين ليها انه بيحبها وبيموت فيها وطلع دا كله تمثيل لاكن هي مشاعرها كانت حقيقيه ومكنتش بتمثل ف هل الحب دا هيفضل موجود ؟
ورد:مسكت التليفون لقيت الساعه 4 الفجر
قامت جابت شنطتها ولمت هدومها وكتبت جواب لأدم
" أدم لما تقرأ الجواب دا هكون أنا مش فالبيت وأكيد أنت هتبقي مرتاح ومبسوط لان هبقي مش موجودة في حياتك ولو مامتك سألت هقول أن أنا اللي عاوزة ابعد مش منك وياريت ورقه طلاقي توصلني بس صدقني أنا كر*هتك جدا كل الحب اللي كان جوايا ليك أتحول لكر*ه عمري ماهسمحك علي اللي انت عملته فيا حتي مخلتش خاطر للعشرة اللي بينا وشايفيني مرميه علي الارض مفكرتش حتي تشوفني مالي للاسف انت خذلتني انا ظلمت قلبي لما حبيتك"
وحطته ع سرير ومشيت وراحت لبيت أهلها
سحر (أم ورد) كانت نايمه وصحيت علي صوت الباب وبصت فالساعه لقيتها 4ونص الفجر اتخضت وصحت "علي" جوزها وابو ورد
سحر: علي علي اصحي ياعلي
علي:امممم في ايه ياسحر بتصحيني ليه
سحر: في حد عمال يخبط برة الساعه 4ونص مين هيجيلنا دلوقتي
علي قام مخضوض وقام فتح لقي بنته ورد وماسكه شنطه وعيونها مليانه دموع اخدها في حضنه وقفل الباب وقال دي ورد ياسحر
علي:مالك يابنتي في ايه وايه الشنطه دي
سحر: يامصيبتي سايبه بيتك من اول اسبوع ياورد
ورد مقدرتش تمسك نفسها وانهارت من العياط
علي:حضن بنته وقعدها استني عليها ياسحر نفهم في ايه مالك ياحبيبتي أيه اللي حصل
ورد: أ.....أنا يابابا عا عاوزة
علي:أهدي ياحبيبتي اهدي عاوزة ايه
ورد: عاوزة أطلق
سحر:يالهوي يالهوي تتطلقي ليه يابنتي انتي لسه مكملتيش شهر
علي: ممكن تسكتي شويه ياسحر بعد اذنك وافهم الاول ايه اللي وصل بنتي للشكل دا وانها لسه عروسه وعاوزة تطلق وشكلها بهتان من اول اسبوع جواز فانتي اللي همك كلام الناس وانها لسه مكلمتش أسبوع انا اللي يهمني راحه بنتي مش كلام الناس ف ياريت تسكتي بقي عشان عاوز اعرف
ورد: هحكيلك يابابا بس توعدني أنك بعد ماتسمع تسيب القرار ليا
علي: قولي ياحبيبتي
Flashback
أدم:اتفضلي ياعروسه
ورد:شكرا
ادم: دي اوضتك
ورد بعدم فهم: قصدك اوضتنا ؟
ادم:لا دي اوضتك انتي بس أنا هنام برة
ورد: ليـة
أدم: من غير ليه عن اذنك عشان عاوز أنام
وسابها وطلع
ورد بدموع وقهر*ه هو ماله في ايه مش المفروض أني بقيت مراته ازاي يسبني في يوم زي دا هو مبيحبنيش؟ طيب هو لو محبنيش اتجوزني ليه؟! طيب أنا زعلته!! هو انا متحبش؟
"عزيزي القارئ/عزيزتي القارئه مش من حق اي حد أنه يحسسك أحساس أنك وحش او انك متتحبش بالعكس العيب مش فيك أنت او فيكي أنتي العيب أننا نظلم قلوب حبيتنا بجد كسرة القلب والخاطر ملهومش علاج ولازم مشاعرنا تبقي صريحه عشان منوصلش لحد الاحساس الصعب دا"
تاني يوم جواز
ورد: صحيت تدور عليه أدم ادم يا أدم هو راح فين اتصلت بيه كنسل اتصلت بيه تاني كنسل اتصلت تاني
ادم بعصبية: في ايه عمال تزني عليا ليه مش كنسلت
ورد بدموع: صحيت ملقتكش انا مش متعودة اقعد لوحدي وخايفه فاتصلت اشوفك فين
ادم: يانغه ياصغنن خايفه بت انا مبحبش شغل المحن دا ولا التحقيق انا انزل واجي في وقت مانا عاوز وقفل السكه في وشها
ورد: بدموع يارب انا مش فاهمه في ايه يارب ساعدني
ادم سابها طول اليوم ورجع الساعه 3 بليل ودخل نام من غير مايطمن عليها وفضل الحال دا لمده اسبوع
Back
ورد بقهر وخجل: والنهاردة بقوله انت مجبور عليا ورد عليا راح مزعقلي وقالي اه مجبور وانه بيحب وحده تانيه وامه غصبته عليا وانه اتجوز اللي بيحبها
علي وسحر بصدمه: ينهاره اسود هو مفكرها سايبه ولا ايه لا انا هجيب امه وابوه ونعرف الحوار دا بقي هي بنات الناس لعبه ولا ايه
سحر:حضنت بنتها ياحبيبتي متهنتيش حقك عليا يابتي حقك عليا
علي:خلاص يا ام ورد وغلاوة ورد لهجيب حقها منه الحيو*ان دا
علي بيتصل بيه تليفونه مقفول
علي:قافل التليفون بس خلاص انا عرفت انا هعمل ايه
💪🏻❤
البارت التاني الأخير من هنا هنا
تعليقات
إرسال تعليق