 |
رواية عريس نص عمر الجزء العاشر
للكاتبة/حنان حسن
بعدما سعيدة بنت عمي
فهمتني ...
ان الزوجة الي مفروض تتقدم للقربان
هي... الزوجة الي اسلام
( لم يدخل بها)
ولم يلمسها
ساعتها..
سعيدة قالتلي...
انها قررت تضحي بنفسها....
وتقدم حياتها قربان للجان
وهتدعي... ان اسلام ملمسهاش
و (لم يدخل بيها)
وده...
لجل ما تنقذني ...وتفديني
عشان تخلص ضميرها
من كل الي عملتة فيا ...
وفي وعيلتي
وطبعا اقنعتني سعيدة
لما توسلت ليا ...
عشان اشهد امام
ام فنجان... واعوانها
بان اسلام
تمم دخلتة عليا...
وبالفعل...
نفذت كل الي قالتهولي سعيدة
وقلت..
امام ام فنجان.... واعوانها
بان اسلام( دخل بيا )بالفعل
وفي اللحظة دي
لقيت ام فنجان بصت للرجالة الي معاها
وهي بتشاور ناحيتنا
انا... وسعيدة
وقالت ...
هاتوا القربان عشان نقدمة لاسيادنا
فسالها احد الرجلين المساعدين لها
وقال...
نجيب انهي فيهم؟
فا ردت ام فنجان
وهي بتشاور عليا
وقالت...
هاتوا( مني )
لان دي الزوجة الي
(اسلام )دخل بيها...
في الاول مستوعبتش الكلام
وقلت لنفسي..
..اكيد انا سمعت غلط
لكن...اتاكدت
ان ام فنجان كانت تقصدني
انا (بالقربان)
لما لقيتهم بياخدوني
عشان يدخلوني للساحر ...
وطبعا...
الساحر هيقتلني ....ويقدمني قربان للجان
في سبيل انه يفك السحر عن اسلام
لكن...
في اللحظة دي
حاولت اعترض...
واصلح الغلطة الي حصلت...
واقولهم ...
ان اسلام مدخلش عليا ...
ولا لمسني
لكن ...
لقيتهم بيقيدوني بالقوة
وبياخدوني لغرفة الساحر
وفي اللحظة دي
بصيت لسعيدة عشان استنجد بيها...
واقولها تعمل حاجة
يمكن تقدر تفهمهم...
ان في...
سؤ فهم حصل
لكن...
اتفاجئت بسعيدة
وهي بتبتسم بخبث....
وبتقولهم ....
صدقتوني دلوقتي؟
فضلتوا تقولوا لازم نتاكد
ان اسلام دخل بمني
اديها قالتلكم بنفسها
انه دخل عليها...
في اللحظة دي بس
فهمت ان سعيدة بنت عمي خدعتني..
واستعملت معايا الحيلة...
عشان تاكد للجميع...
بان اسلام تمم دخلتة عليا
فا بصيت لسعيدة
وسالتها وانا مصدومة
وقلت؟
ليه كده؟
دنا كنت بتعامل معاكي بكل حسن نيه؟
ايه كل الشر الي جواكي ده؟
دنتي غلبتي الشيطان يا شيخة
منك لله
ردت سعيدة ساخرة
وقالت...طيب يلا روحي معاهم يا ملاك
روحي وا نقذي اسلام
عشان يرجعلي بسرعة
ونعمل انا ...وهو
احلي شهر عسل
بصيتلها بغيظ
وقبل ما احسبن في بنت عمي ..
واقولها ....
اني مش مسمحاها
اخدوني الرجلين بالقوة
ودخلوني للغرفة الي فيها الساحر
وبمجرد ما دخلت عند الساحر
حسيت نفسي...
كا البهيمة ....
الي بيسوقوها للمذبح
وبالرغم من الضوء الاحمر الضعيف
الي كان في الغرفة
الا اني قدرت
اشوف ملامح اسلام...
وملامح كل الي في الغرفة
ما عدا الساحر
لان الساحر....
كان مغطي وجهة ...
بزعبوط اسود كبير
وبالنسبة لاسلام
فا شوفتة وهو
نايم
علي شيئ اشبة بالسرير
لكن السرير ...كان من الرخام ...
وفضلت مركزة مع اسلام
لانة كان مغمض عنية
فا خوفت يكون مغيب عن الوعي
لان الساحر كان واقف امام السرير
الي نايم عليه اسلام
وكان واضح...
ان الساحر...
بيستعد لفك السحر
ولفت نظري كمان .....
ان (ام اسلام) و ( وشقيقتة )
كانوا مصممين يحضروا مع اسلام
لحظات فك السحر
بالرغم انهم كان باين عليهم انهم مرعوبين
وبعدما الرجلين جابوني بالقوة ...
وقعدوني ادام السرير الي اسلام نايم عليه
قاموا بتقيد ايدي خلف ظهري
والي رعبني اكتر...
وجمد الدماء في عروقي
هو..
لما وقف احد الرجلين خلفي
مباشرة
وهو ممسك بسيف كبير
وكانة كان بيستعد لذبحي
بمجرد ما ياخد الامر
من الساحر
في اللحظة دي
سمعت صوت ضربات قلبي المتسارعة..
بتتسابق مع رعشة جسمي
الي مكنتش عايزة تتوقف ولا تهدي من شدة الرعب
والي زاد من الرعب الي انا فيه
لما لقيت الساحر بيشاور بايدة
وبيعلن انه هبيبدء طقوس
فك السحر
في اللحظة دي
خرجني احساس الهلع و الرعب
عن صمتي
وصرخت....
وانا بستنجد ...وبستغيث
با اسلام
وقلت...الحقني يا اسلام...
سعيدة خدعتني
وانت الوحيد الي تقدر تنقذ حياتي
قوم.... يا اسلام
قوم ...قولهم
انك مدخلتش عليا ...ولا لمستني
في اللحظة دي
فتح اسلام عنية..
بعدما سمع صوتي
وبص ناحيتي بنظرات كلها دهشة ....واستغراب
وكان واضح ان اسلام كان عايز يتكلم..
ويقول حاجة
لكن...
في اللحظة دي
اتكلم الساحر
وهو بيحاول يحذر اسلام ...واهلة
وقال..
لازم تعرفوا
ان احنا دلوقتي...
( في حضرة الاسياد)
وده معناه..
ان سيطرة الجنس البشري
بتتجمد عند حدود الغرفة دي
ورجع الساحر ياكد علي الجميع
ويحذر
ويقول...
اخفضوا راسكم...
وغمضوا عنيكم جميعا ...
واسمعوا الاوامر والتنبيهات
وبالفعل...
غمض الجميع
وبدء الساحر
في وضع الحدود والتعليمات
وقال...
في قانون الجان
ممنوع الي اتقيد بالسحر
انه ينطق في حضرة الاسياد
وممنوع علي كل الي في الغرفة
رفع الرؤس...
او الاعتراض علي افعال الجان
واخيرا ....
لازم تفهموا
ان طالما احنا في حضرة الاسياد
يبقي خرجت من ايدينا السيطرة
وما علينا غير الطاعة العمياء
وبعدما انتهي الساحر من كلامة...
وجه الساحر الكلام لاسلام
وقال...
الحراس الي واقفين ادامك دول ....
كلهم من الجان
وكلامك انت بالذات محرم في وجودهم
لانك انت الي عليك العين
و مجرد ما هتنطق بكلمة هيفسد السحر
والسحر لو فسد هتموت في الحال
فا صرخت ام اسلام
وفضلت تشاور بايدها لابنها
وهي بتقول ...
اوعي يا اسلام تتكلم يا ابني ابوس ايدك
وردت شقيقة اسلام
وهي مرعوبة
وقالت...اوعي تنطق بكلمة يا اسلام..
احسن تموت
في اللحظة دي
انا مكنتش مركزة مع كلام ام اسلام ...واختة
لان كان في حاجة تانية لافتة انتباهي
وهي...
اني كنت بسمع للساحر..
وانا حاسة.... ان نبرات صوتة مش غريبة عليا
ايوة فعلا
الصوت ده... واللهجة دي....
وكمان الاسلوب ..
سمعتة قبل كده كتير
وبمجرد ما سمعت الساحر
وهو بيكح
وكنت حاسة اني هتجنن
لان حتي طريقة السعال
الي كانت بتصدر من الساحر
انا سمعتها قبل كده
لكن مين صاحب الصوت
ده؟
الي مكنتش عارفة اتوصلة
يمكن مكنتش قادرة اميز
الصوت
بسبب الحالة المرعبة الي انا فيها
الي كانت عملة شلل لجميع الحواس عندي
وكان نفسي ادقق النظر لوجه الساحر
يمكن يكون حد اعرفة فعلا
لكن..
بصراحة كنت هايبة الموقف
وخصوصا ....
ان الساحر قال..
ان الحراس كلهم من الجان
والي هيخالف التعليمات هيموت في الحال
وفضلت مطيعة للاوامر كام دقيقة
لكن ..فضولي القاتل
خلاني اختلس النظر
ليد الساحر
ابو صوت مالوف... وادقق فيها
والغريبة....
اني شوفت في ايد الساحر اثر لجرح قديم
وبرضوا منظرالجرح ده كان بالنسبالي مالوف
ورجعت اركز تاني
مع الصوت
يمكن ذاكرتي تنشط
وفي اثناء ما كان الساحر بيستعد
ليتلوا عليا ....انا و اسلام
كلمات غريبة.... ومش مفهومة
لفك السحر
لمحت في الخيال الي علي الارض
ان الساحر رفع الزعبوط عن راسة
عشان...يقوم بالطقوس
وكان ممكن في اللحظة دي
اني اتحقق من وجهة
يمكن يكون فعلا حد اعرفة
الحكاية بس محتاجة بعض الجراءة ...
ورفعة واحدة لراسي لاعلي
ونظرة علي الساحر
ممكن تنقذني ...
من الي انا فيه
لكن ازاي؟
هتجراء ...وابص علي الساحر....
واعصي الاوامر؟
دنا لو رفعت راسي لحظة
هعجل بنهايتي
وفضلت مترددة
لغاية ما حسيت ان الساحر بينهي التعويذة
وتقريبا خلاص... قرب يخلص طقوسة...
والي كنت ملاحظاة
ومتبعاة بدقة اكتر
هو ...الحارس الي كان واقف جمبي
وده بالزات
لقيتة... بيستعد
وبيظبط اتجاه السيف الي
في ايدة
عشان ينزل علي راسي بالسيف
اول ما ياخد الامر
وفي اللحظة دي
كنت لسة هرفع راسي
عشان ابص علي الساحر
قبل ما يصدر الامر.... واموت
لكن...
قبل ما ارفع راسي
سمعت صوت اسلام
وهو بيصرخ...
وبيقول...
محدش ياذي مني...
انا مدخلتش عليها...
انا دخلت علي سعيدة
في اللحظة دي
التفت الساحر وجميع الحراس
ووجهوا نظرهم لاسلام
وسالة الساحر بغضب
وقالة..
ازاي تخالف اوامر الاسياد ؟
رد اسلام
وقال...وقف كل الطقوس
انا مش عايز افك السحر خلاص
حتي لو كان فاضل في حياتي يوم
بس متأذوهاش
وفي اللحظة دي
اتغيرت نبرة الساحر وبقت مليانه بالغضب
وقال... للحراس
انا مش مسؤال عن اخطاءة
متحسبونيش معاه
وفي ثواني
اتجهوا حراس الجان
ناحية اسلام...
عشان ينفذوا العقاب في اسلام
وفي اللحظة دي
سمعت صوت
صرخات امة.... واختة
فا انتهزت انا الفرصة....
وخطفت نظرة سريعة
علي الساحر
عشان اتحقق من ظنوني
وكانت الصدمة
لان ظنوني كانت في محلها
ومصدقتش عنيا...
لما شوفت وجه الساحر
عارفين الساحر طلع مين.......؟
لو عايز باقي احداث الرواية
صلي علي رسول الله
تكملة الروايه من هنا
تعليقات
إرسال تعليق