 |
البارت السادس والسابع 🔥
امي اخدت مني الموبيل واهانه. تهزيق ومفيش نزول واختي
لما تكون راضية عني تخليني اكلم ابن عمي من تليفونها ولما
بتقلب عليا تقولي لا أو تقولي هقول ل امك جهزو اختي
احسن جهاز كل حاجه جبوها واخويا إشترو ليه عربية وفتح
محل حلاقة كبير وبقا يسهر ويسافر ويصرف الدلوعه بقا
الحيله
وانا كانو محسسني اني خدامة وكلبه جايا من الشارع
أنعزلت عنهم ومبقتش بطلب اي حاجه من حد قاعدة بتفرج
في صمت مغلوبة ع امري ومفيش ب ايدي حاجه
بعمل الي بيطلب مني ترويق غسيل مواعين وارجع اوضتي
تاني لحد ما ابويا جيه واتكلم معايا وقالي انا هديكي زاي
اخواتك ما خده واتفق معايا أنه بكره هيروح يفتحلي حساب
ويحطلي فيه 200الف جنيه قولتله مش عايز حاجه خلي
امي تديني تليفوني بس قالي مفيش حاجه اسمها مش عايزة
ده حقك قولتله والله ما عايزة وبكيت بحرقه وخدني في
حضنه وفضل يطبطب عليا ويقولي اسمعي الي بقولك عليه
فضلت اتشحتف واقوله خلي امي تديني التليفون قالي حاضر
قومي طيب اغسلي وشك وبيزغزني وبيحاول يضحكني وانا
مش قادره اضحك دخلت الحمام وابويا جبلي التليفون
وقالتلي قدامه لو عرفت انك كلمتيهم تاني ولا رديتي ع
المحروس بتاعك مش هتشوفيه تاني
وابويا قالها أنه بكره هيروح يحطلها حقها في البنك غمزتله
وقالتله تعالي يااخويا عايزاك ودخلو جوه
تاني يوم ابويا قالي بصي يابنتي حقك أنا شايله معايا
متخفيش عليه
قولتله أنا مش عايزة حاجه والله
قالي ابن عمك ده مش هينفعك هتستفادي اي لما تتجوزي
ناس بتعادي ابوكي وبتكرهو عمرهم ما هيجي منهم خير
قولتله دول اكتر ناس بتحبك وبتخاف عليك وعمرهم ما جابو
سيرتك غير بالخير وع طول يدعو اني ربنا يهديك
قالي ..دي مشاكل بيني وبينهم وعمرها ما هتخلص ابدا ولا
هما هيصفو من ناحيتي
قولتله والله ابدا جرب تروح وشوف رد فعلهم هيكون ايه
خدني معاك علشان هما وحشني اوي ونفسي اشوفهم
امي دخلت علينا لقيته غير الموضوع وبصتلي وقالتلي عايزاه
يكتبلك الفلوس وفي الاخر تتجوزي المحروس وتدهاله ياحيله امك
ابويا يصلها وقالها هي ع طول تقولي مش عايزه حاجه
قالتله سيبك انت ياخويا محن. كهن البنات ده انا عرفاه
كويس 🤗
وانا ابو السلاطين برضو عارف محن وكهن البنات كويس
زاي ام مصطفي كده 😘🥳 يتبع
البارت السابع 💥
ابويا بقا يقوم مغزوع ويصرخ وكنت اجري عليه اطمن وكتير
كنت بسمعه يقول ل امي إنه بيحلم بيها انها وخده اخواته
كلهم في حضنها وهو لا
كان يقعد يكلم نفسه في الصالة زاي المجنون وامي كانت
تسيبه وتنام
بقيت ابص وأشوف امي وهي لبسه الدهب وبتتمنظر بيه
وأسلوبها وطريقتها الي اتغيرت واتعجب بقت بتكيد وتغيظ
في اخواتها وجيرانها بتوع الشقة القديمة وكانت ديما تتمنظر
كده قدام خطيب اختي وأهله تقعد تقولهم بنتي وبنتي
ومريينها ع الغالي واجبروه أنه يكتب قايمة ب 250 الف زاي
بنت عمي
واتجوزو فرحها مكنش موجود فيه غير أهل امي بس وايهاب
ابن عمي الي بحبه ولولا أنا مكنش جيه ابويا قاعد ولا اكنه
في عزاء مش فرح بنته خالص قاعد جنب اخويا مصطفي
وامي الي لبسه ومتشيكة ودهب وفرحانه هي واهلها
انا بسبب اخويا وامي مش عارفه اشوف ايهاب ونقف نتكلم
زاي ما كنا بنتكلم زمان امي سلمت عليه ولا اكنه شغال خدام
عندها واخويا سلم عليه اكنه من قرايب العريس مش ابن
عمه وصاحبه
امي نجحت تخلي اخواتي يكرهو عيلة ابويا كلهم
ابويا بقا الي سلم عليه وفضل يطمن منه عن العيلة كلها
واحد واحد
ولما امي جت واخدت ابويا علشان يتصور معاهم بصت ل
ايهاب بصه معنها هو انت اي الي جابك مش كنا خلصنا
طلع وكلمني في التليفون وقالي أنه هيروح بقا قبل ما امي
تضربه بالنار وقعد بهزر معايا واتفقنا اني لما اروح هكلمه
برحتي ونرغي بقا
اخويا بقا يسهر جامد ويهمل في المحل والي بيكسبهم
بيصرفهم علي السهر والشرب والنسوان وبقا يسحب فلوس
ب اي حجج ويكدب وأوقات كان بيتخانق مع امي وابويا
نايم أو مش موجود ويتشنج جامد وامي تضعف قصاده
وتديله
لحد ما ابويا اخد باله من تصرفاته وبقا ينقارو مع بعض جامد
ووصلت أنه بقا يرد ع ابويا الكلمة بكلمة
ويزق ابويا لما يجي يضربه وامي كانت ديما تنصفه وبتخاف
أنه يسيب البيت زاي ما بيقول
يتبع..اول ما يوصل 1000, كومنت هنزل الثامن 👌
تكملة الروايه من هنا
تعليقات
إرسال تعليق