 |
انت عمري البارت التاني والتالت
البارت التاني ♥️بقلم سلطان زماني
صاحبتها كلمتني وقالتلي أنها بتحاول تصلح وأنها شايفه اني
بحبها وهي كمان بتحبني وبتقنعني أني اكلمها واصالحها
علشان هي نفسيتها تعبانه بسببك وبقالها اسبوع مرحتش
الشغل قولتلها أنا مغلطتش في حق حد علشان اصالحه
واحنا خلاص ملناش نصيب في بعض
قالتلي ايه السبب مفيش حد يبعد عن حد فجأة كده هو انت
في حاجه عرفتها عنها وخايف تقولها .
.قولهالي أنا واعتبرني صاحبتك وسرك في بير
قولتلها حاجه ايه يعني
لقتها بتصيع عليا وبتقولي أنا بسالك ومتردش ع السؤال
بسؤال والشغل الحمضان ده
عملت نفسي اني عارف حاجه ومش عايز اقول
وقولتلها يلا الحمد لله محدش بياخد اكتر من نصيبه
قالتلي أنا مش مرتحالك ياواد انت
قولتلها واد
قالتلي ايه مالك بهزر معاك
قولتلها هزري برحتك بس بلاش تجيبي سيرة ريهام تاني
قالتلي ماشي ياسيدي بس برضو لازم اعرف السبب مش هزن
عليك هسيبك لما انت لوحدك تحب تحكيلي
وقعدت تكلمني عن المسلسلات الي يتابعها وأنها بتقراء
رويات رومانسية وبتحب الهدوء والموسيقي وقعدنا شوية
نرغي لحد ما اتقابلنا
بدأت تحكيلي عنها وعن حياتها ومعرفش ايه المثالية الي هي
فيها دي ملاك طائر بجناحات لا عمرها غلطت ولا حبت قبل
كده ولا كلمت راجل وورتني صفحتها وكل اصدقاءها
أنا كل ده بكلمها وبقابلها بحاول احبها انجذب ليها اهرب بيها
من حياتي دي مع حد احبه واتاكد كمان من حبه ليا
بعدها بشهرين كده البنت الي كنت خطيبها اتخطبت وحكتلي
بقا حكاية خطيبها ده أنها كانت بتحبه من 3 سنين وأنها
وفقت بيا علشان تثبت ليه انها مش بايره وأني الف واحد
يتمناها وظروفهم احسن منه 100مره
وكل صحابها كانو عارفين الحوار
وعرفت أنا ساعتها ..هما كانو عمالين يبصولي ومتنحين في خلقتي ليه
قولتلها انتي بتقوليلي الكلام ده ليه
قالتلي معرفش بس ارتحتلك وفتحتلك قلبي
قولتلها طب لما هو كده كانت بتتحايل عليا ليه نرجع ونقعد
نتكلم ونتفاهم
قالتلي لما التاني ده قلب عليها الطربيزة وحست أنه خلاص
هيخلع منها وهيخطب هو كمان حبت ترجعك تاني وفي كل
مره كنت انت بتكسفها كانت بتجي تلعن سلسافيل اهلك في
الشات وكانو بينصحوها أنها تحاول تاني
وكانت آخر محاولة لما أنا كلمتك ..لعلمك محدش يعرف اني
بكلمك ولا أننا بنتقابل
اديني فتحتلك قلبي افتحلي قلبك انت بقا
قولتلها افتحو ازاي يعني
قالتلي ..انت بصراحة كنت تعرف الكلام ده
قولتلها ..بصي للامانة أنا عرفت اني قلبها متعلق بحد تاني
إنما باقي التفاصيل دي حقيقي معرفهاش
قالتلي ..مين بقا الي قالك اني قلبها متعلق بحد تاني
قولتلها . قلبي
قالتلي ...ماله قلبك
قولتلها. .هو الي قالي كده ...مش لازم حد يقولي دي حاجات
بتتحس ..ديما كانت معايا مشغولة ومش بوحشها حتي لما
بتمثل اني وحشها ليبيا شكلها سم زاي الفرق كده من
الضحكة الصفره والضحكة الي طالعه من القلب
يتبع
البارت الثالث ✍️ سلطان زماني
خلصنا قعدتنا وروحنا وانا كبرت دماغي من كل الي سمعته
واستنقصت صحبتها أنها حكتلي اصلا ومحبتش اكسفها
واقولها انك مشتركة معاها في الحوار وانك شكلك اوسخ
منها .
فضلت تكلمني ونخرج بالعربية وبتحاول تقربلي كانت
فيها كل الحاجات الي بحبها وعايزها بس كنت بحس
تمثيل ..بتدعي أنها غيوره وأني الاهتمام ده طبيعي والحنينة
والحب ده مش مصطنع واني ده طبعها
وسيبها برحتها خالص
لحد ما في مره كانت عايزة تروح دريم بارك وادتني موبيلها
علشان اصورها بيه فضلت اصورها وهي بتلعب
بقيت مركز الموبيل عليها ودخلت الواتس والايمو دخلت
الواتس لقيت الشات بتاع صاحبتها
ولقيت كذا راجل عندها دخلت الشات وطلعت بالمحادثة
ورجعت فضلت اصور فيها تاني ورجعت المحادثة لقيت
ريهام بعته صور الخطوبة وكله بيبارك وبتقولها حلال عليكي
عمر
خرجت وفضلت اصورها وخلصت لعب واخدت الموبيل
تتفرج ع الصور وقالتلي انت مبتعرفش تصور قولتلها الي قدرت عليه بقا وضحكت
وقولتلها مش يلا بقا علشان أنا عندي شغل قالتلي لسه والنبي والنبي زاي الاطفال
قولتلها ماشي وفضلنا نتمشي ومسكه ايدي وتقولي انا
مبسوطة اوووي اوووي قولتلها وانا كمان قالتلي انها كانت
بتتحايل ع اخوها يجبها هنا ومش بيوافق ومش بترضي
تيجي مع صحابها البنات علشان كل واحدة بيكون معها
حبيبها أو خطيبها وبكون لوحدى
قولتلها ربنا يكرمك ب ابن الحلال الي يسعدك ويلففك العالم
كله دخلت تلعب تاني وفضلت تتحايل عليا اني اصورها
وانا قرفان اصلا منها ومن تليفونها وعايز امشي واسيبها بعد
الي شفته بعيني فضلت تزن
اخدته ودخلت بقا الإيمو وقولت كده كده هي باظت لقيتها
عارفه واحد سوري عايش في مصر وبنهم كلام كتير
ومحادثات فيديو وصوت ووكذا حد تاني خرجت من كل
دول وشغلت الكاميرا وصورتها وقولتلها اني الحج بيرن
ولازم اروح زعلت وقالتلي علشان خاطري بقا ياعمر استني
شوية قولتلها معلشي علشان ابويا ميزعلش لقتها اتقمصت
قولت في سري أن شاء الله تولع واخدت موبيلها ونزلتها في
طريقي تركب موصله وتروح هي قالتلي مش هتوصلني
قولتلها علشان متاخرش ع ابويا نزلت وانا ودعتها ومشيت
عايز اجمع ولاد الوسخه دول وانزل فيهم ضرب لما يموتو
اي الاشتغالات والحورات والمكر الي هما فيه ده كنت ناقص
أنا عقد ده انا متعقد لوحدي بعد التجربة دي قفلت علي
نفسي قفله جامدة اوي حتي الستات الي كانو بيشترو من
المحل عندي كنت بقرف منهم مع انهم معملوش ليا حاجه
..حتي كمان البنات الي كنت بعرفهم بسبب الحالة الي كنت فيها خسرت تقريبا كده نصهم
يتبع
تكملة الروايه من هنا هنا
تعليقات
إرسال تعليق