 |
الحكاية التانيه البارت 11_12_13_14_15
قالتلي احسن تستاهلي أنا كتير قولتلك مستمعتيش كلامي
قولتلها ابوس ايدك مش وقته الكلام ده
مسكت موبايلي وقرت المحادثة كلها وقالتلي كمان عملتي
فودافون كاش واي ده بعتله صورك شاطرة يافالحة عايزة
اجيبها من شعرها واقولها ما انتي السبب كان يوم اسود يوم
ما سكنتي جنبك ياشيخة
وساكته علشان اشوفها هتقولي اي واتصرف ازاي
قالتلي انتي اتعرفتي عليه ف انهي نصيبة ده دخلت الجروب
الي مشتركة فيه وعماله تشوف البوستات بتاعتي الي كنت
بنزلها وردودي عليهم في التعليقات
وكان الرجل ده منزل بوست في الجروب
دخلت من الاكونت بتعها واشتركت في الجروب وقعدت تعلق
علي كام بوست ليه ودخل كلمها قالتلي اهو جيه برجله
سبهولي بقا وانا هفهملك دنيته وهقولك
وقالتلي انها عندها شوية مواعين في الحوض ودرعها وجعها
ما تغسليهم عقبال ما اشوفه
.. محطتش في دماغي وقولت يابت خلينا بس نخلص من
الحوار ده وبعد كده يحلها الحلاال
طلب منها رقمها علشان كان شاكك انها راجل وبيشتغله
اتصلت بيه صوت وقالها بقا أنه شغال أمن في فرع من فروع
فودافون وأنه منفصل وبعتلها صوره
وهي بعتتله صورة لوحده كانت جيبها من جوجل وعرفت
من كلامه اني الحوار اونطه وأنه ميقدرش يعمل حاجه من
الي بيقوله ده
قالتلي فكك منه متشغليش بالك ولو كلمك قوليله انك
هتروحي مباحث الانترنت تعملي فيه بلاغ أنه بيبتزك وبيهددك
وهما هيقطعو عيشه وهيمشو من الشغل ولو كتر خالص معاكي
عرفيه انك هتروحي ليه الفرع وهترديحله هناك وهتوريهم
الرسايل الي بيبعتهالك من الرقم بتاعه
وشتمته وتهديده ليكي
وفعلا كلمني وقولتله اخبط دماغك في الحيط
والي تعرف تعمله اعمله فضل يشتم ويقل أدبه
قولتله حلو أنا هاجيلك بقا يابن الكلبة واسمع مدير الفرع الي
شغال فيه شتمتك دي وهو يجبلي حقي
اتعصب وقالي
عرفتي منين
قولتله زاي ما انت سالت أنا سألت قعد يجر نعم ويقولي
خلاص رجعيلي الفلوس وانا هسامحك خلاص
قولتله لا عنك ما سامحتني وفشيت غلي فيه
وقعدت اهزقه وابرد نار شوية ورجعت الحظر تاني
بس القلق والخوف الي جوايا مرحوش بلعكس زادو لو جوزي
رجع من شغله ووشه متغير أو مضايق بفكر اني في حاجه أو
حد قاله حاجه وعلي طول شكه في نفسي ومش ع بعضي
في الفترة دي كنت بشوف نهال وجوزها بيتخانقو كتير
وديما بينقارها ع مصروف البيت وعلي خروجها الكتير وبترد
عليه لما يشتمها وبتشتمه وكانت تسيب البيت ويومين ويروح
يرجعها تاني
نهال بقت تاخد برشام الترامادول والي عودها عليه كريم كان
بيجبهولها ببلاش ولما اتعوددت عليه وبقت تشتريه اكتشفت
اني الشريط ب 900جنيه بقت 24 ساعة صاحيه ممكن تشرب
ب ٣ علب سجائر و50ك كوباية شاي بقيت بشوفها في
الجروب ع طول تنزل بوستات وع طول اون لاين اليوم الي
كانت بتوقف فيه برشام بتبقي زاي المشلوله بظبط مش بتقدر
حتي تنقل كوباية من مكانها جوزها بقا ع طول يشتكي منها
ومن انها بتقعد باليومين صاحيه وممكن تنام بعدها 20ساعة
شكلها اتغير خالص وتصرفاتها كمان ومبتسمعش لاي نصيحة
كل ما اكلمها واقولها بطلي البرشام ده
تقولي أنه بيخليها مبسوطة وأنها بتحس بخنقه وضيق في
النفس لما بتبطله
قولتلها ابعدي عن كريم ده هو السبب في الي انتي فيه ايام
تقولي انها بتحبه لما يرجعلها
وايام تقولي أنه اقذر انسان ع وجه الأرض وتشتم عليه لما
يزعلو ويبعد عنها
لحد ما في مره نازل رايحه السوق ونازله من ع السلم ولقيت
واحد قولت ياربي أنا شفته فين ده قبل كده نزلت وهو طلع
وطلعت بشويش اتسحب اشوفه ده داخل انهي شقه وببص
لقيت باب شقة نهال بيتفتح ودخل فيها افتكرته وعرفت أنه
كريم وقولت في سري يخربيت امك
يا نهال
يتبع
👈اوعي تستغرب ياخال..ده الي جاي اغرب من الخيال😘
رحت السوق وانا مرعوبلها خايفه جوزها يطب عليها وتبقي
نصيبه وبقول في بالي يخربيت امك يا نهال جالك قلب
تعملي كده ازاي رجعت ودخلت شقتي واستنتها تحكيلي
علشان معرفهاش اني شفته وهي مجبتليش سيرة
واتعلقت اكتر بلهباب ده وسجاير وقهوة كتير وبيتها عفن من
كتر ما هي مش بتروق ولا بتنضف مسكة الموبيل تكلمه
ال24ساعة حتي لما جوزها بيجي بتفضل معاها وتكلمه
بصيغة انثي علي اساس انها وحده صحبتها وكده
فضلت افتح معها سيرته كتير لحد ما نطقت وقالتلي انه
جالها مره وحده بس ..وانا كنت حسه أنهم اكتر من
كده ..قولتلها مش انتي قولتيلي انك مش بتعرفي اي حد
تفاصيل عنك ولا اسمك الحقيقي ازاي تعرفيه بيتك يامنيله
مش خايفه جوزك ولا حد يشوفك ويقوله
قالتلي هو داري بحاجه متجبليش سيرته داهية تاخده
قولتلها أنا عايزاكي تفوقي لنفسك الي انتي بتعمليه ده غلط
وبيتك كده هيتخرب
قالتلي قريب هطلق واخد حاجتي وكريم يتصرف في شقة ل
أخته بقا أو يجيب شقة زاي ما قالي
قولتلها ويتصرف ليه مش انتي قولتيلي أنه عنده شقة
قالتلي دي ورث من أبوه وعلي بختي وحظي المنيل أخته
أطلقت وجت قعدت في الشقة هي وعيالها ولولاها كان زمنا
متجوزين دلوقتي قولتلها مش جايز انها إشارات من عند ربنا
اني الواد مينفكيش قالتلي هو حياته متكبله وعنده مشاكل
ملهاش اول من اخر بس اعمل ايه بحبه قولتلها أنا مش عارفه
اقولك ايه بصراحه بس أنه يجيلك هنا دي خطر يانهال قالتلي
ما هو قبل ما العقربه أخته دي ما تيجي كنت برحله مفيش
مكان تاني وهو بيوحشني اوي الصراحة
نصحتها كتير وهي مش بتسمع ومقتنعه بالي في دماغها
حتي البرشام ده قولتلها كتير توقفه أو تروح تكشف وتشوف
ايه البدايل بتاعته برضو ولا اكني بكلمها
مبقتش بهتم بحوار الفيس ده زاي الاول ممكن ادخل مره ولا
مرتين في الاسبوع ومبقاش عندي طولة بال ولا صبر كنت
بطجن ليهم وبعملهم حظر ع طول عقلي كله مع نهال والي
بتعمله في نفسها لدرجة اني كنت عايزه اكلم امها أو حد من
إخوتها أقوله علي موضوع البرشام ده وخوفت اني يحصل
مشكلة معها
الايام الي كانت تبقا متصالحه مع كريم وكويسين مع بعض
تهتم بنفسها وبلبسها وبشعرها حتي شقتها كنت لما بشوف
كده بعرف أنه بيقابلها والدنيا هيصه بنهم
ولما يكونو متخانقين مع بعض مش بتبقي طايقه نفسها
وتتعصب من اقل حاجه وبيحصل مشاكل بينها وبين جوزها
وتحس انها كبرت يجي 20 سنة
نهال قعدت تبيع دهبها حته حته علشان كريم كان بيستلف
منها فلوس علشان ساب الشغل والمسوليات كترت عليه
واني البلد نايمه واني أخته معاه بعيالها
وهي طبعا مصاريف البرشام والسجائر الي بتشربها ولما
قولتلها حرام عليكي الي بتعمليه ده قالتلي اني كريم هيبيع
المحل بتاع أبوه الله يرحمه ونصيبه فيه 120الف وهيفتح
مشروع وهيبقي يرجعهملي قولتلها وهو مبعوش ليه من بدري
اي يخلي راجل محترم يستلف من وحده فلوس يابنتي ده
بيضحك عليكي
قالتلي مبعهوش علشان أخوه الكبير كان واقف في البيعه
بس هو كلم عمه وادخل في الموضوع وان شاء الله خير
ادعلنا بقت تنزل تشتغل كمان وكانت تقولي أنها بتعمل كده
مقابل 150جنيه وممكن اوقات 100بس ويندفع نصهم
موصلات وأوقات كانت بتروح للراجل الي بيبع البرشام يعمل
معها كده علشان تاخد برشام وحشيش منه .
.في الفترة دي جوزها اتخانق معها واتصل ب امها وجت
وقالها شوفي الخرابة والي بنتك مقدانا فيها وأنها مش بتعمل
اكل في البيت وع طول برا ولما اقولها كنتي فين تقولي عند
امي وعند خالتي عند صحبتي وكل ما ارجع البيت وتشوف
خلقتي تسبني وتنام ومش بتديني حقوقي
وهي مش سكته وعماله تردح ليه وترد عليه الكلمة بعشرة
وصممت انها تروح مع امها ..
.امها لما شافت حالها كده اخدت منها الباقي من الدهب
علشان متبعهمش زاي الي قبله حتي كمان الفلوس الي
كانت في الدفتر راحت سحبت الي فاضل منهم وكانت عارفه
اني بنتها علي علاقة بواحد تاني غير جوزها وأنها هتطلق من
جوزها وهتجوزه بس متعرفش أنه بينام معها ولا أنه بيجلها
الشقة .
❤️بارت محبه مش محسوب 😘 لو لاقيتو حد يدلعكم ويشهيصكم زاي رحولو وانا مسامحكم 😂 بس مفيش 😘
جوزها راح تاني رجعها وهي رجعت ومكترتش معاه في
الكلام علشان حبيب القلب مش عارف يقابلها ولا عارفه حتي
تخرج وولا تتكلم في التليفون وتاخد راحتها زاي الاول
رجعت وقعدت تحكيلي انها زهقت من صنف الرجالة كلهم
وبتقولي اني جسمها باظ من كتر نومها مع الرجالة وأنها حسه
انها تعبانه واني صحتها مش زاي الاول قولتلها هو من
البرشام الي بتخديه قالتلي لا أنا حسه بنفسي وقالتلي كمان
انها عندها الالتهابات وبينزل منها افرازات كتير ولونها غريب
قولتلها متسكتيش علي نفسك وفعلا راحت كشفت والدكتوره
قالتلها أنه من كثرة الجماع أو ممكن يكون ميكروب واتنقالك
من جوزك وكتبلتلها علي مراهم وغسول وهي مبقتش تهتم
ولا حتي كملت متابعة مع الدكتورة قولتلها طب لو مش
علشانك علشان جوزك ممكن يتنقله هو قالتلي يارب يكون
ايدز ويجيله أنا مبكهرش في دنيتي قده قولتلها ليه كده
يانهال
قالتلي نطع وجلده تخين وبارد بنسباله حاجه لما يتعب يجي
يفضي فيها وخلاص تعبانه بقا مليش مزاج قرفانه مخنوقه
مش مهم المهم أنه يرتاح وخلاص وياريت راجل زاي باقي
الرجالة وبيغير وعنده دم ونخوه مش بيشتكي مني ويطلع
فيا العبر الا لما اشتكي من اني مصروف البيت مش مكفي أو
لما يبقا عايز ينام معايا واقوله لا أو اسيبه وانام ..عارفه لو
مش سايب جنيه في البيت ورجع لاقني جايبه اكل ليا من برا
يزعل اني معملتش حسابه ومطلبتلوش معايا مش يسالني
جبتي الفلوس منين يا شيخه اسكتي هو انا في حاجه
مصبراني غير اني خلاص هانت كلها كام شهر وارتاح منه من
قرفه قولتلها يعني كريم مش كده
قالتلي لا طبعا مفيش وجه مقارنه اصلا بينهم كريم بيغير
عليا وع طول يسالني انتي فين وبتعملي وأوقات يشوفني
فيديو علشان يتأكد وع قد ما ده بيزعلني لاني بحس أنه مش
واثق فيا بس مفتقده ده اوي بيحترم كمان اني لو مش
عايزاه جنس عادي مش زاي الطخ التاني
قولتلها في واحد بيغير ع وحده بسبها ب الشهر ميكلمهاش
ايه بيغير وبيخاف انك تعملي حاجه غلط شهر اه وشهر لا
ويابنتي طبيعي أنه يحترم رغبتك انك مش عايزة علشان
الفلوس الي كان بيطلعها منك ..زعلت مني واتعصبت وقامت
وقالتلي انها مش هتحكي ولا هتتكلم معايا تاني
قعدتها وهديتها وغيرت الموضوع علشان متزعلش
يتبع 🤗
🔥النهاية 🔥 بقلم ✍️ سلطان زماني
فضلت كتير احاول معها انها تفكها من زفت الطين كريم ده
وهي الواد ولا اكنه سحرلها أو اكني الدنيا كلها مفيهاش غيره
وبقت تهتم بيبتها وخفت شوية البرشام ده شوية بسبب انها
مبقتش تنزل كتير بس بقيت اشوف واحد تاني اوقات كان
يجي وتاخد منه حاجه من علي الباب وياخد فلوس وينزل
وأوقات كانت تدخله كنت بفضل وقفه زاي الصنم ع العين
السحرية وكنت بشوفه وهو طالع وبيعدل هدومه لحد ما ام
امين صاحبة البيت شكت فيها وقالت لجوزها اني في رجالة
بتجي عندك البيت واتفقوا هما الاتنين اني اول ما يكون في
حد في الشقة تتصل بيه وهو يقفشها علشان متقعدش تقاوح
وتكدبه وتجيب الحق عليه
في الفترة دي انا كنت قطعت علاقتي بيها نهائي بسبب انها
مش بتسمعني وبتعمل الي في دماغها ورغم أني كريم رجع
لطلقته الا انها متمسكه بيه وبتدافع عنه وتقول إنه رجعها
علشان القواضي الي كانت رفعها أنه لسه بيحبها وعايزها
ام امين مبقتش تعمل حاجه في حياتها غير أنها من الصبح
لبليل وقفه في البلكونة تراقب الي طالع ونازل لحد ما في
يوم بنتي فتحت باب الشقة علشان تشتري حاجه من تحت
وافتها دخله وقالتلي ام امين قالتلها ادخلي انتي جوه دلوقتي
يا ندي فتحت الباب علشان اشوف في ايه لقيت جوزها
ومعاه أخوه وواحد ماسك حديدة كبيره بيحاولو يفتحو الباب
وام امين وأمين واقفين معاهم شورتلي وغمزتلي اني ادخل
دلوقتي
اتصدمت ودخلت بسرعه أمسك الموبيل علشان اتصل بيها واقولها
ولسه بطلع الرقم بتعها سمعت صوت خبطه جامدة من
الخضه ووصوت الخبطه الموبيل وقع مني جريت ع العين
السحرية لقتهم فتحو الباب وكلهم دخلو معاده الراجل الي
كان ماسك الحديدة
فضلت واقفه وعملت حمام علي نفسي من الخوف وبناتي
بصين عليا وانا جسمي بيتنفض وببكي ودموع عماله تنزل
مني شلال بس من غير صوت مش عارفه اي الي حصلها ولا
بيعملو فيها ايه دخلت غيرت هدومي وغسلت وشي وكسرت
الخط الفودفون وحذفت الاكونت ومسحت كل الصور
مخلتش غير صور البنات بس شوية لقيت كريم بيعدل
هدومه ونزلوه بس متبهدل خالص
فضلت وقفه عايزه اطمن عليها بعد ساعتين لقتها نازله
بشنطة صغيره ولبسه عباية سوده ووشها وارم وبصت علي
شقتي بصه طويله واخدت بعضها ونزلت
اخو جوزها نزل يجيب حد يصلح الباب فتحت الباب براحة
شافتني ام امين دخلت عندي قولتلها هو في ايه
قالتلي انتي مالك مش قادره تصلبي طولك ليه كده
قولتلها من الي شفته ومش فاهمة حاجه
قالتلي الفاجرة الوسخه فاكره اني نايمه علي وداني ومعرفش
هي بتعمل اي الخاينة الي محدش عرف يربيها
قولتلها حرام الفضايح حرام ربنا أمر بالستر
قالتلي والله جوزها طلع محترم ومفضحهاش أنا لو منه كنت
فرخت عليها أمة لا اله الا الله
قعدت تحكيلي الي حصل جوه بالظبط اني أخوه وهما
بيكسرو الباب كان مشغل الكاميرا وبيصور فيديو ودخلو
صوروهم وهما عريانين وكريم قعد يعيط ويقولهم أنه متجوز
وعنده عيال وبيته هيتخرب ويترجاهم ميفضحوش
وجوزها قعد يزل ويشتم فيهم ويهنهم جامد وفي الاخر
أخوه سابه ينزل ومضها تنازل عن القايمة والمؤخر وكل
حاجه وكتبها وصلات أمانة علي بياض مقابل أنه ميفضحهاش
قولتلها هدخل اعملك حاجه تشربيها ودخلت المطبخ بكيت
وانهرت من العياط عليها وعلي الي حصلها والي وصلت ليه
مسكت نفسي بالعافيه وطلعت قعدت معاها فضلت تحكي
وانا مش معاها مش قادره استوعب الي حصل .من بعدها وانا
ماشية علي الصراط المستقيم وبقيت راضية بعيشتي ونقلت
من العماره دي ورحت في عماره تاني اتعرفت علي ست طيبة
جدا بقت تحفظني القرآن وبقت تشجعني اني اصلي وانتظم
في الصلاة وبقيت استغفر ربنا كتير بسبب الي عملته واترجاه
يسامحني وأشكره أنه مسبنيش اتماده في المعصية والحرام
انتهت 🔥
يلا كفايه كده الي كنت عايز أوصله أظن أنه وصل اشوفكم في قصة جديدة 😘 صباحكم فل ❤️
تعليقات
إرسال تعليق