 |
#البارت_السادس ✍️
طول الطريق عماله اقولها انتو قولتيله أننا بنام مع بعض
قالتلي وانتي شفتيني عملت كده ده انا بريحه بخده ع قد
عقله بس الراجل ده شكله هلهطه وملوش فيها وممكن نقلبه
بقرشين تاني 🤗
قولتلها ولا تاني ولا تالت انتي عايزه تقبليه تاني قبليه أنا
طول ما انا قاعدة عامله زاي المروشة مخضوضه وعماله
أتلفت شمال ويمين وخايفه ومرعوبة ل حد يشوفني أو يعرفني 😟
قالتلي ليه ياختي فنانه واحنا منعرفش اتنيلي اي الهبل الي بتقوليه ده
قولتلها حد من الجيران الناس الي عارفين جوزي
قالتلي شيلي الاوهام دي من دماغك وجمدي قلبك امال أنا
اعمل ايه جوزي ياختي سواق تاكسي يعني بيروح في كل
حته بحكم شغله إنما جوزك ليه مواعيد ثابته وبيطلع كل يوم
من 8 مش بيرجعلك غير 9 و10 بليل يبقا مين فينا الي يخاف ويقلق
..قولتلها يعني انتي هتعملي معاه اي قالتلي الأول عايزين
نبعت لبتاع الفاكهه كام صورة حلوين ليكي علشان كان
محلفني اني ابعتله كام صورة ليكي
قولتلها انتي مش خلاص خدتي منه الفلوس والمفروض
نعمله بلوك قالتلي أنا بفكر نجمد قلبنا ونرحله الي زاي ده
مش هنقابله كتير
قولتلها انسي اني اعمل كده وصدقيني كمان مش هعرف
اصلا خلينا زاي ما احنا احسن مش انتي الي قولتيلي كده
انك مفيش حد بيلمسك دلوقتي عايزانا نقابل ده وده
بصتلي بغيظ ومعرفش مالها دي بتقلب وشها ليه ادتني
200جنيه من ال600 وقالتلي حقك اهو وبرحتك أنا ممكن
اروح أنا واعمل الفلوس دي لوحدي اخدتهم منها بقا معايا ٧٠٠
جنيه في اقل من اسبوعين وحسه اني معملتش حاجه غلط
ولا راجل لمسني بس مش راضية عن نفسي ولا مرتاحه
وبقلق لو الباب خبط جامد بحس انها حكومة أو حد من الي
خدنا منهم الفلوس دي المهم فات يومين وبعد ما كنت أنا الي
برحله وبتلزق فيها بقت هي الي بتيجي عندي وتجيب
حلويات وحاجات للعيال والعيال فرحانين بيها اوي وبقت
تفاتحني في الموضوع تاني وتقولي بتاع الفاكهه قالها لو بعت
ليها كام صوره هيبعتلها 300 جنيه ع فودافون كاش وهثبتله
أننا هنقابله مش بنضحك عليه من زنها والحاحها وكمان
احتياجي للفلوس نفسي اجيب لنفسي لبس جديد واعمل
شعري ويلفت معايا فلوس خاصه بيا قالتلي أنجزي الساعة 8
تعالي خدي عندي شاور والبسي قميص من بتوعي واصورك
كام صوره قبل جوزك ما يجي وبالمره قبل فرع فودافون
مايقفل انزل اسحبهم ع السريع قولتلها وانتي تضمني منين
أنه هيمسح الصور قالتلي ضمنه طبعا الي زاي دول مش
بيخلو الحاجات دي ع موبيلتهم لانه يقلق حد من عياله أو
مراته يشوفها عيب عليكي يابت هو انا هضرك قمت معها
وقولتلها لا مش هاخد شاور عملتلي شعري بالمكوه بتاعتها
وعملتلي ميكب قولتلها مش انتي هتبعتيله صور من غير
وشي بتعملي كل ده ليه
قالتلي أنا هبقا اقصها من عندي وانا ببعتهاله استغربتها
وعماله تقولي اضحكي انتي مكشره كده ليه
قولتلها انتي بتخوفيني ليه قالتلي اضحكي اخلصي ابتسمت
وجيت قعدت معها وهي بتبعتهم وفعلا قصت الوش واتهبل
واتجنن لما شفني
قالتله ابعت بقا الي اتفقنا عليه قالها حالا 600جنيه توصلك
بصتلها وهي كمان بصتلي ووشها انقلب وسكتت شوية
وقالتلي شوفتي علشان عجبتيه بعت 600 مش 300 بس
قولتلها ما تمسحي الصور بقا بصتلي بخباثه وقالتلي خدي
انتي امسحيهم بنفسك ياانجي
اخدت منها الموبيل ومسحتهم ودخلت غيرت هدومي وهي
نزلت تسحبهم ولما جت كان جوزي رجع وبعتتلي ع المسانجر
اني 200 معايا هتدهمني الصبح قولت في سري يابنت الكلب
ياطماعه
ده انتي من غيري مكنش الراجل اصلا عبرك ولا بعتلك جنيه
قولت بس أنا هاخد منها ال200 دول وهقكعها معها وانا لو
عرفت مع نفسي اجيب فلوس من غير ما أقابل حد قشطة
معرفتش يبقا بناقص من الحوار ده اصلا ورحت قولت
لجوزي اني في وحده بتبيع هدوم قسط واني هجيب منها
قالي حلو هاتي كمان للعيال قولت يادي المصيبه قولتله هي
مش بتشتغل في الأطفال حريمي بس قالي يعني عايزة اي
قولتله هات اي فلوس ادهاله مقدمه قالي ولازمتها اي ما انتي
عندك الهدوم قد كده في الدولاب قولتله ده لبس كله قديم ده
انت ياراجل بقالك ٣ سنين مجبتليش حتي عباية قام علشان
منتخنقش جبلي 200 جنيه وقالي خدي وسبني ودخل نام
وانا فضلت افكر بقا هعمل ايه وهشتري اي ب 900 جنيه دي
يتبع
السابع
تاني يوم الساعة 10 جت وقالتلي الراجل يابت الي قبلناه في
الكافيه هيتجنن وفاكر أننا ضحكنا عليه قولتلها يا بتجنن ولا
يولع كبري دماغك منه وحطيه في قائمة الحظر جنب اخواته
قالتلي قبلتيهم معايا ليه لو كنت قبلتهم لوحدي من الأول
كنت اتعاملت أنا لو رحتله دلوقتي مش هيديني حاجه اصلا
ده هو الي هيبقى ليه فلوس تعالي معايا وانا هخليه يدفع
800 بدال الال 600 الي فضلين قولتلها أنا اخدت كام من
ال600 الي دفعهم قبل كده قالتلي نصهم قولتلها لا اخدت
200 جنيه ودلوقتي أنا ليا معاكي كام قالتلي 200 بصتلهتا
بقرف. هي لاحظت اني زعلانه ..قولتلها خديهم يبقا كده انا
مختش حاجه من الراجل ده قالتلي كل الي بتعمليه ده
علشان ال100 الزياده الي اختها قولتلها لا مش كده انا خايفه
دخلت شقتها بسرعة وجات وقالتلي دول 300 مش 200 أنا
كده كده مجهزهملك من امبارح وتعالي معايا وانا مش نخليه
يلمسك خالص قولتلها ده الي هو ازاي يعني قالتلي انت
اتكلمت معاه بليل وفضلنا نرغي ساعتين طلع عيل اهطل
خالص هو بس نفسه يشوف اتنين نايمين مع بعض هي
الحاجه دي بتثيره وهو قالي أنه هيرتاح لوحده ولو طلبت
معاه نخليه ينام معايا أنا ياستي مش هخليه يقرب نحيتك
خالص
قولتلها لا ده انتي هطله أنا استحالة اعمل كده بقولك اي أنا
مش عايزة حاجه أنا كان مالي ومال السكه دي بالله عليكي
متفتحيش معايا سيرة الكلام ده تاني اخدتني من أيدي
ورحنا شقتها وانا عماله اقولها عايزة افطر العيال ولسه واروق
وأشوف هعمل اكل اي رحنا شقتها قالتلي ياغبية ياهبله ده انا
هنشتغله انتي مشفتيش ولاد الكلب التانين ماهو ع يدك
محدش بيبعت ولا بيوافق أنه يقابلنا في مكان عام الاول
ويدفع النص خالص كله عايز لما نرحلهم الشقة وعالم استغفر
الله العظيم شكلهم يقلق ويخوف تقوم لما تجلنا ناس بشوات
ونضيفه زاي دي نضيعها من ايدينا قولتلها بصراحه كده
يانهال انتي بتنامي مع رجالة صح بصتلي جامد الي هي
عايزاني اسكت
قولتلها قولي ريحيني انتي بتلفي وتدوري ليه
قالتلي بسيط مش كتير في الي عجبوني وقولت اجرب
قولتلها. مقولتليش ليه من الاول قالتلي علشان انا مش بعمل
كده كتير يمكن هما 5 أو 6 مرات مثلا من ساعة ما مشيت
في الحوار ده قولتلها طيب انا مقدرش اعمل كده والله انا
محتاجه فلوس بس مش بالطريقة دي انا عجبني الموضوع
وقولت اجرب لما قولتيلي أنه ضحك. من بعيد لبعيد إنما
ابعت صورتي وانا عريانه لحد ولا اروح أقابله دي لايمكن
اعملها لو حتي هموت من الجوع قالتلي الواد أنا اتفقت معاه
اني هاخد 1000 جنيه وخدي نصهم ياستي انا محتاجه
الفلوس دي اوي قولتلها محتاجه اي وحتي لو محتاجه بيعي
خاتم أو غويشة ولما يبقا معاكي فلوس اشتري غيرها قالتلي
بدال ما تدعيلي اني ازودهم عايزاهم يقلو قولتلها ربنا
يباركلك فيهم مش بحسد والله بس بقولك حل احسن من انك
تعملي كده بصت عنها معنها الي هو هتعمليلي فيها شيخة
وهتدعي الشرف والفضيلة ما أنا لسه مصوراكي بقميص النوم
وكان صدرك باين لبتاع الفاكهه وانتي الي كنتي عايزة تعملي
كده بمزاجك دلوقتي هتعمليلي فيها عبلة الكحلاوي
قامت و قالتلي أنا هعمل فطار هنا ونفطر كلنا سوء قولتلها لا
عيالي هيعملولك دوشة وهيبهدلولك الشقة لو عايزة نفطر
سوء يبقا تعالي عندي أنا احسن أنا كده كده شقتي متبهدلة
قالتلي تصدقي كده هزعل منك وانتي كده بتعملي فرق ..ما
هنا وهنا واحد وعيالك هما عيالي بطلي كلام فاضي وجبتلي
البطاطس اقشرها وفطرنا وفضلنا قاعدين لحد الساعة 2,
وقالتلي انها رايحة تعمل وشها وحواجبها وخدتني معها
وحسبتلي هناك واحنا راجعين شربتني عصير وقعدت ترغي
تاني في نفس الموضوع لحد ما طلعنا تعبت من زنها قولتلها
يعني انتي عادي اشوفك وانتي عريانه والعب في جسمك زاي
ما بتقولي قالتلي اه عادي ما أنا وانتي عرفين أننا بنشتغله
قولتلها أنا بصراحة اتكسف ومكسوفه فعلا ابصلها ضحكت
قولتلها أنا هدخل اعمل الغدا الساعة بقت 5 ومعملتش حاجه
طلاقي ع ايدك أن شاء الله
قالتلي والنبي جوزك ده اغلب من الغلب ياريت كل الرجالة
زايه قولتلها ياسلام ياختي ما جوزك كده برضو لا بيهش ولا
بينش قالتلي اه بس لقيم وابن وسخه وسهن ضحكت
وقولتلها مع اني ميبنش عليه قالتلي لا ياحبيبتي أنا معشراه
وعرفاه سبتها ودخلت عملت الاكل ولميت الشقة وغدتهم
وعده اليوم ..تاني يوم بقا ....يتبع
🔥البارت الثامن 🔥✍️
الصبح الساعة 8 الصبح قالتلي معادنا الساعة 11 الراجل اخد
إجازة من الشغل قلبي فضل بدق وعايز اقولها انتي عايزة اي
مني ياخربيت امك جسمي اتتكهرب بمجرد ما قريت الكلام
بعتلها قولتلها أنا مش هقدر واني هاخد العيال واروح ل امي
قالتلي انها هتجي اول ما جوزي ينزل وفعلا نزل ومفيش 10
دقايق لقتها جت وفضلت ترغي وتزن جامد لحد ما لبست
ونزلت معها طول الطريق ماشيه زاي المجنونه عماله ابص
شمال ويمين وهي تضحك عليا وتقولي طول الطريق الرجالة
دول شوية كلاب مبيطمرش فيهم حاجه..... غبية الي تعتمد
ولا تتسند ع راجل تخليه يبيع ويشتري فيها ويستعبدها طول
عمره
الشاطره الي تعمل فلوس ليها خاصه بيها تتسند عليها
قولتها متطلقتيش ليه طيب وعيشتي حياتك برحتك ع الأقل
متكونيش ست خاينه.. الكلام وجعها وبان عليها انها زعلت
قولتلها مش قصدي حاجه قالتلي انها عندها 3 اخوات صبيان
ومش هيسبوها ابدا انها تاخد شقة وتقعد لوحدها وهيرخمو
عليها جامد قولتلها بس انتي مقولتليش كده في الاول انتي
قولتيلي اني أي وقت جوزك هيقلب عليكي أو هيرخم انتي
هتطلبي الطلاق وهتقعدي لوحدك بصتلي تاني وفضلت اقول
في سري ايه بنت الكدبة دي معقول كل كلامها كدب ده
مفيش حاجه طلعت صادقه فيها أبدا جيه خدنا بعربيته
ورحنا شقته شقة فخمة ومتجوز بس مراته مش موجوده
قالنا الشقة شقتكم هي فضلت تتفرج عليها. تتدخل كل الغرف
حتي المطبخ والحمام استغربت من الي بتعمله ده جت قعدت
جنبي ببصلها بعيني الي هو مالك بتعملي كده ليه
قالتلي بصوت واطي ياهبله بشوف حد موجود معاه ولا
اسكتي انتي متعرفيش حاجه اسكتي ..سكت
جيه قعد معانا وفضلو يهزرو مع بعض هما الاتنين وقبل ما
تقلع اخدت الفلوس منه ودخلنا الاوضه هي قلعت في ثواني
وعمال يبصلي قربت عليا هي وقلعتني الطرحة وبتقلعني
العباية وانا ماسكة أيدها علشان مقلعهاش بتحاول تزق ايدي
قولتلها أطفئ النور طيب
قالتله اصلها بتتكسف شويتين راح قفل النور
وقلعتني وكل ما يحاول يقربلي أو يلمسني أبعده وهي
تقوله خليك معايا أنا لحد ما خلص وانا قمت في ثواني لبست
وسبتها وطلعت برا لقيت خرج ورايا وسبها تلبس وقالي
ماتجيبي رقمك أنا عايز اقابلك انتي المره الجايه قولتله أنا
وهي واحد ابقي كلمها هي لاني مش ديما ظروفي بتسمح اني
أخرج
قالي بصراحة انتي جامد اوي مش زاي ناس
وبيقرب يمسك صدري زقيته
وجت نهال وقالتله يلا البس بقا علشان توصلنا قالها أنه مش
فاضي وبقي يستعجلها انها تنزل وشبه بيطردنا
نزلنا وقالتلي شوفي الراجل بعد ما خلص بيعاملنا ازاي وقبل
كان ازاي ..علشان تعرفي أنهم صنف واطي عايزة اقولها هو
انتي مش مكسوفه وقرفانه من نفسك زاي ليه فضلت ترغي
وتحكي وطلعت الفلوس قسمتها معايا وانا لحد ما وصلنا
ودخلت شقتي جربت ع المرايا اشوف نفسي وشي احمر
وباين عليا وشي اني عاملة نصيبه
يتبع
🔥البارت التاسع 🔥
فضلت تزن عليا بعدها علشان أقابل الراجل التاني ده قولتلها
قسما بالله ابدا
فضلت تحاول وتلف وتدور وانا قولتلها أنا خلاص توبت
قالتلي في اي يابت مالك قولتلها يانهال أنا حسه اني تعابين
بتمشي علي جسمي من بعد الي حصل انتي ياختي برحتك
اعملي الي انتي عايزاه إنما أنا مش هقدر اعمل ده ده انا لحد
دلوقتي مش قادره اصدق ازاي طاوعتك اني اروح معاك
وادخل شقة راجل غريب قالتلي يعني احنا تقابلهم برا عادي
إنما شقتهم لا ..ماهو كل يوم جوزك بيعمل كده معاكي ولا
حتي فكر يجبلك هدية ولا حتي مكفيكي قولتله أنا حلاله
يعمل فيا الي هو عايزه وبصراحة أنا مكنتش فاكره اني
الحوار كده الفضول خدني اجرب واتشجعت لما قولتيلي انك
بتشتغليهم وبتنصبي عليهم فكرتها لعبة إنما السكة دي مليش
فيها متزعليش مني قالتلي لا زعلانه وبرحتك يا انجي أنا
مش هتحايل عليكي تاني وسبتني ومشيت ..سبتها تمشي
وقولت في ستين داهية .ده انا عايزة اخلص من الإحساس
الي عندي ده انتي جايه تزوديه هو انا ناقصه
عده يوم ومكلمتنيش خالص وانا مسالتش وانا هديت شوية
وبقيت بتعامل بطبيعتي عادي بعد ما جوزي نام دخلت الفيس
اشوف اي الدنيا وجت في دماغي فكرة اني اعمل كده
لوحدي وبدال ما اقابلهم كمان في مكان عام لا أنا اخليهم
يبعتولي نص الفلوس علي فودافون كاش وبعدها اعملهم
بلوك وكمان من غير ما اعرف نهال ولو عرفت أوقع 4 أو 5
في الشهر يبقا تمام وكده لأحد يعرف عني حاجه ولا حتي
يعرف يوصلي وقولت اني من بكره هروح اشتري خط
فودافون وافعل عليه الخدمة دي واجرب ..شافتني نهال اون
لاين وكلمتني وقالتلي ما انتي فاتحه الاكونت اهو قولتلها اني
مجنيش نوم قالتلي انها زعلانه مني ومكنش ينفع اكسفها
كده وأنها اكتر وحده بتخاف عليا وعمرها ما هترضي ليها
الٱذي قولت في بالي والاكونت كمان هغيره .. فضلت ترغي
وقالتلي بكره هتيجي بعد ما جوزي ينزل تفطر معايا
جت الصبح وعماله تعملي غسيل مخ وتوريني تليفونها ودفتر
التوفير الي عملاه وشايله فيه 31 الف من الشغل ده وتقولي
هدخلك جمعية وتقبضيها الاول تجبيلك غويشتين تلبسيهم
في ايدك وابقي قولي لجوزك أنهم دهب صيني وانا قولتلها
جوزي شك فيا ونظراته غريبة ضحكت وقالتلي ده يشك
والنبي ياختي انتي الي نجمك خفيف وبتخافي من خيالك
وطلعت علبه سجاير وبتولع سيجارة قولتلها انتي من أمتي
بتشربي قالتلي انها اخدتها من الراجل الي كنا عنده سالتها
مفيش اخبار عنه قالتلي أنه عملها حظر استغربت وقولتلها
ليه يعني قالتلي هما كده قبل حاجه وبعد حاجه تانية خالص
وفي الي بيخاف ع بيته ومراته يعمل حظر ويمسح الرقم
المهم ارد ع بتاع الفاكهه ده أقوله اي ..قولتلها لو فعلا
بتحبيني وصحبتك متدخلنيش في المواضيع دي تاني
اتظاهرت أنه عادي وأنها مش زعلانه وشفتها طلعت من عندي
نزلت وانا كبرت دماغي منها جت الساعة 4 وقالتلي انها قبلته
وطلعت الفلوس من شنطتها اشوفها وقالتلي أنه طلع طيب
خالص مشغلتش دماغي ولا اكني سمعه كلامها اصلا
فضلت قلبه وشي وعليها لحد لما كلامنا قل خالص وانا
اشتريت خط وعملت اكونت جديد وبقيت ادخل جروبات غير
الي هي فيها علشان لا تشوفني ولا اشوفها وبقيت بصتطاد
بس كل فين وفين لما يبعت كله فعلا عايز لما تقابله الاول في
شقتهم ومعظمهم ناس معفنه واشكال تسد النفس وبيستغلو
ال500 بيقولو أنهم بيعملوا كده 150 بس والي عايز يدفع
تمن التاكس بس الي هيوصلني لعنده ونتغدا سوء إنما هو
مش بيدفع فلوس في الحاجات دي فضلت حوالي شهرين
لحد ما لقيت بتركب تكيف في شقتها واشترت تلاجة جديدة
وجت علشان تفرجني عليهم وفضلت تحكيلي علي الي كانت
بتعمله في الشهرين دول والناس الي قبلتهم وفتحت معايا الموضوع تاني 🤗
يتبع
العاشر
حاولت كتير وانا برضو علي موقفي لحد ما اخدت موبايلي
علشان كان في واحد شكه أنه عملها بلوك ودخلت اسمه في
البحث وفضلت تدور عليه وملقتوش وعرفت أنه الاكونت
بتاعه اتقفل واخدت بالها من الصفحة الجديدة الي عملاها
وقالتلي ما انتي شغاله الله ينور اهو ولسه هتدخل علي
المسانجر خدت منها الموبيل وقولتلها ده انا بتسلي مش اكتر
قالتلي الله يسهلك بس ليه كده يعني
قولتلها ليه كده اي؟
قالتلي ما انتي شغاله اهو ..قولتلها انتي فاهمه غلط ده انا
بقالي شهرين معملتش حتي 1000جنيه علي بعضه
قالتلي ما انتي الي خايبه صدقتي كلامي بقا أنهم ولاد وسخه
معفنين وقالتلي قبلتيهم ولا عملتيهم رصيد
قولتلها لا بعتولي ع فودافون كاش بس غلبوني عقبال ما
بعتو وكلام قبيح ووساخة وقلة ادب فضلت تضحك وتتريق
عليا وقالتلي بقا انها اتعلقت بواحد وبتحبه من السكة دي
قولتلها انتي مش قولتيلي انك ملكيش في سكة المحن
والحب وأنه بنسبالك كلام فاضي
قالتلي اعمل ايه بقا في قلبي وفضلت تحكيلي علي كلامه
وعلي الي بيعملوه سوء وأنه بيحبها بجد مش كلام وخلاص
وعنده استعداد انها أو أطلقت يتجوزها
قولتلها طب ليه متعمليش كده مدام مش مرتاحه مع جوزك ده
قالتلي انها مش واثقه في كلامه اوي وأنها لسه عارفه من
شهر بس واني كمان في مشاكل بينه وبين طلقته وعايزه
ترجعله ورفعه قواضي عليه وورتني الصور بتعته والمحادثات
الي بينهم
رجعت علاقتنا ببعض زاي الاول بس من غير ما تزن عليا زاي
الاول اني اطلع معها والكلام ده وقعدت تحكيلي أني كريم
الي بتحبه ده اتغير في معاملته معها وانها مش عارفه تشيله
من دماغها و تنساه وتبعد عنه وكل ما تعمله بلوك ترجع تشيله
وتكلمه وهو يضحك عليها بكلمتين وبدأت احس انها بتشرب
سجاير كتير طول ما جوزها مش موجود وعايزاني اشرب
معها وانا كنت ارفض واقولها لا ل اشبط فيها ذيك وتبقي
نصيبه قالتلي لا أنا لو حطيتها في دماغي هبطلها
في الفترة دي كان في واحد من الي بضحك عليهم وبشتغلهم
بعتلي 400 جنيه علي فودافون كاش واول ما استلمت
الفلوس عملتله حظر ع طول بقا يتصل بيا من الرقم الي بعت
عليه الفلوس وبعتلي رساله قالي انه هيعرف يوصلي ومش
هيرتاح غير لما ياخد فلوسه قولت يابت كبري دماغك ده
بيقول اي كلام. محروق بس ع الفلوس
بقا يتصل من أرقام غريبة وبعتلي رسالة ابن الكلب ب اسمي
والعنوان الي متسجل في البطاقة وكل بياناتي اتخضيت
واترعبت وبقا جسمي يتنفض من الخوف والقلق علشان
العنوان الي متسجل في البطاقة ده عنوان بيت ابويا ولو
وصل لشارع وسأل الف من هيدله وهتفضح قدام اهلي كلهم
وانا كنت بعتاله صورتين من غير وشي بس باين أنه أنا من
العفش الي في شقتي فكيت الحظر وكلمته وفضلت استسمح
فيه واتحايل عليه وهو مفيش فايده عرضت عليه اني ابعتله
الفلوس تاني وهو برضو مش راضي وقالي كده بالنص
تقابليني يابنت الكلب وتنفذي الاتفاق بتاعك وبعد المقابله
يسبني في حالي وقالي انك لو مكنتش عجبته كان اخد
الفلوس وسبني فضلت اعيط واتزلل ليه وهو مفيش قولتله
طب انت وصلت لكل الحاجات دي ازاي قالي اني أخوه عقيد
في أمن الدولة وأنه لو عايز يعرف اسم جوزي وشغال فين
هيعرف قفلت معاه كلمت نهال ورحتلها حكتلها كل الي حصل
معايا قالتلي ....
تعليقات
إرسال تعليق