مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

فتحت عيوني ف أوضه كبيره غريبه وفضلت اتلفت يمين وشمال عشان اتعرف علي أي حاجه فيها معرفتش 

سمعت صوت تكسير جاي من برا ، قومت من علي السرير براحه وحاولت اتسحب  وانا بفتح الباب ، فتحته وخرجت بشويش وبصيت لقيت نفسي جوا فيلا كبييييره ، كل شيء غريب ، حتي الاصوات اللي حواليا غريبه ، حاولت أميز منهم صوت لاكني معرفتش ، قدمت خطوتين 

فوقع نظري ع اللي قاعد تحت ، نزلت بسرعه علي تحت لقيت الكل بيبصولي بإستغراب ، بصيت لنور وجريت عليه وانا بقوله :_ احنا فين ي نور 

مكانش بيرد عليا وفجأه مسكني جامد من دراعي جامد وهو بيجرني وراه ، كنت بتو*جع من مسكته ليا ، وبقوله يسيبني لاكنه مكنش بيسمعني ، طلع بيا جر علي فوق ودخل الاوضه اللي كنت فيها ورمان*ي علي السرير ، وقالي بفحيح يشبه فحيح الثعبان :_ انا حظرتك انك تنزلي تحت أكتر من مره ، لي مبتسمعيش الكلاااام 

انكمشت من صوته ، شكله مختلف وصوته مرع*ب ، كنت برجع برجلي لورا وانا مرعوبه منه 

وبقول ف نفسي ، اي اللي حصل وغيره ، واي المكان اللي انا فيه ده ، ومين الناس الي تحت دي ، كل شيء فعلا مختلف ، كنت شارده وانا بفكر ، صحيت من شرودي علي مسكته لشعري :_ اااه بتوج*عني 

لقيته بيبصلي وعيونه بتخرج شرار :_ مية مره اقولك لما اكلمك تردي عليا ، مش كل مره اكلمك تشردي ومتسمعنييش ... 

رديت بصوتي الي بيترعش من خو*في منه وقولتله :_ اسفه والله ، مش هعمل كده تاني

ساب شعري ورجع لورا ، انا هغيب عشر دقايق ، أرجع الاقيكي غاسله وشك ومظبطه نفسك وإياكي ألاقي علي وشك أثار حزن .... 

خرج وسابني غرقانه ف أفكاري وحزني ووج*عي 

سرحت مع نفسي ومحسيتش بنفسي الا وانا سامعه حد بيفتح الباب ، قومت من مكاني وانا بجري ع الحمام ، دخلت وقفلته عليا ، بصيت لنفسي ف المرايه ، في حاجه متغيره فيا ، انا عرفت منين مكان الحمام ، غسلت وشي واستجمعت قوتي وخرجت من الحمام 

لقيت بنت قاعده وحاطه رجل علي رجل واول م شافتني قامت من مكانها :_ انتي فوقتي بجد ! انا كنت فكراهم بيهزرو ونقلو أوضتك .. 

بصيتلها بإستغراب وقولتلها :_ انتي مين ! 

قدمت مني وحضنتي :_ حبيبتي ، حمدلله ع سلامتك ، وحشتيني يحوور 

حاولت أسحب نفسي منها لاكنها كانت متبته فيا.. 

سحبت نفسها مني وانا شايفه الابتسامه مش مفارقاها ، شدتني من ايدي وقعدنا علي السرير وفضلت تسألني كتير :_ فوقتي امتا ، حد زع*لك 

بتاكلي ولا لا 

كنت بصالها وساكته فقالتلي :_ مااالك مسهمه كده ليييه 

_ انتي مين 

بصتلي بإستغراب :_ انتي بتتكلمي بجد يحور ، انتي متعرفنيش 

سكت وعيوني جمعت دموع ، ف الوقت ده دخل من الباب بكل غض*ب خ*وفت واتكمشت فيها لقيته بيقولها :_ نهي ، أطلعي برا 

بصتلي بشفقه وقالتله :_ براحه عليها ينور 

اتعصب وقالها :_ قولتلك اطلعيي 

قامت من جنبي مفزوعه وسابتني وخرجت 

كان كل شيء فيا بيترعش ، اتحرك بخطواته ناحية الدولاب وخرج منه فستان اسود ورماه جنبي علي السرير :_ إلبسي بسرعه هنخرج ، ربع ساعه وراجعلك وسابني ومشي ، مسكت الفستان اللي كان مفتوح من الضهر وفي فتحه الجنب وانا بدمع ، اتنفست بعمق ومسحت دموعي وقومت غيرت هدومي ولبسته ، قعدت قدام التسريحه لقيت أدوات للميك أب ، حطيت ميك اب خفيف ورفعت شعري ، كنت جذابه لدرجه انا معرفتش نفسي .. 

دخل عليا كنت لسه قاعده قدام المرايا 

كان باصصلي بزهول ، طول ف نظراته ليا وانا كنت بصاله ، لقيت تعبيرات وشه اتغيرت تماما من زهول لبرود وقالي :_ يلا عشان نمشي 

ألتفتله وقولتله :_ معنديش حاجه ألبسها. ف رجلي 

اتنهد وهو بيقدم من الدولاب ، فتحه ف لقيت أرفف كتييير اوي عباره عن صنادي وجزم حريمي ، قدمت منها وشوفت مقاسات أكتر من جزمه لقيتهم كلهم مقاساتي ف قولتله :_ كل ده ليا !! 

هز راسه وقالي :_ ايوه 

وقع نظري علي صندل كعب عالي اسود بيبرق فلبسته وخرجت معاه 

ركبنا عربيه ، وطول الطريق ساكتين ، واول م وصلنا قدام المطعم قالي :_ مش عاوز أسمع صوتك جوا ، واياكي تلغبطي ف الكلام لو حد سألك حاجه ، مفهوووم ! 

هزيت راسي بخ*وف وانا بتنفس بصعوبه ، ف نزل من العربيه وفتحلي الباب ، مدلي ايده فبصيتله بخ*وف لقيته باصصلي بتحذير ، فمسكت ايده ونزلت من العربيه ، دخلنا لقيتها حفله كبيره ، نقلت عنيا يمين وشمال بشرود ، قطع شرودي لما بنت قربت منه وهي بتحضنه وتبوسه من خده وبتقوله :_ حمدلله ع السلامه يبيبي .. .

اكمل ولا !؟

التاني

لقيتها بتبو*سه وبتقوله :_ حمدلله ع السلامه يبيبي 

بصيتلهم وسكت ، ف اتجاهلها وسحبني من ايدي ودخلنا الحفله .. 

قعدنا علي ترابيظه وبعدين جت البنت دي وشدت كرسي وقعدت جنبه :_ اي يلولو ، انا موحشتكش ولا اي ، قالتها وغمزتله 

فرد ببرود عليها :_ أنا اعرفك !!؟ 

حسيتها بتشيط ، وشها بقي لونه أحمر ، وانا مكنتش عارفه أمسك نفسي من الضحك ، كان باين علي ملامحي ، قامت من علي الترابيظه وهي بتقوله :_ هتحتاجني ، يبييبي 

وسابتنا ومشيت ، لقيته بيبصلي بغضب فاتنهدت وبصيت الناحيه التانيه :_ (اللي هو انا مالي بقي )

وقف وقالي :_ متتحركيش من هنا مش هتأخر 

بصيتله وانا بهز راسي بالموافقه ، فسابني ومشي 

كان في قدامي كاس في ميه ، خدته وشربت منه لقيت واحد بيشد الكرسي وبيقعد جمبي وبيقولي بوقاحه :_ وحشاني يا رورو 

بصيتله ب إستغراب وقولتله :_ مين حضرتك 

مد ايده علي ايدي ومسكها وقالي بعتاب :_ انتي بجد مش فاكراني ! 

حاولت اشد ايدي منه لاكنه كان ماسك فيا ومتبت :_ حور حبيبتي انا آثم ، انتي ازاي مش فكراني 

الدموع اتجمعت ف عيوني وقولتله :_ لو سمحت سيب ايدي ، وابعد عني 

لقيت نفسي بتسحب من ايدي وبقف غصب عني وبخبط ف حد ، بصيت لقيته نور باصصله بكل عصب*يه وانا ف حضنه 

ساب آثر إيدي من الخضه ، فقاله نور :_ اياك تقرب من شيء يخصني 

لقيت آثر خبط علي الترابيظه وهو بيقف وبيقوله :_ هي بني آدمه مش شيء بتبيع وتشتري فيه 

رد نور عليه بتحذير وقاله :_ إبعد عن مراتي أحسن ليك 

ضحك عليه بإستهزاء وهو بيقوله :_ مراتكك !! ، مراتك دي اللي اتجوزتها ك مزاد عشان تكسبني 

مراتك اللي بتتكلم عنها دي اللي بسببك كانت هتموت ودخلت غيبوبه .. هي دي مراتكك !! 

سابني نور وقرب منه مسكه من ياقة قميصه وهو بيقوله :_ لو قربت منها ي آثر هتشوف وش عمرك م شوفته مني ابدا 

ضحك بإستفزاز ورد علي نور :_ هتعمل اي تاني بعد م طردتني من البيت يابن امي .. 

_ انا ف خيالي :_ وه وه أخوه ?

رد بفحيح وقاله :_ هطردك من الدنيا كلها لو ألزم إلأمر ، قالها نور وسابه وهو بيزقه بعيد عنه وشدني من ايدي وخرحنا برا الحفله ، ركبنا العربيه واتحركنا .....

وصلنا الفيلا ، لقيته نزل وفتح الباب وشدني من دراعي جامد وجرني وراه لحد م وصلنا الاوضه 

رماني علي السرير و

اكمل ولا !!؟

رما*ني علي السرير وهو بيقولي :_ كام مره هقولك ابعدي عنه بسمك ، كام مره هقولك لو أذيتيه هقت*لك ، كام مره هفكرك اني اتجوزتك عشان انقذه وبس مش عشان انتي مهمه بالنسبالي ، انتي ولا شيء ليا ، انتي فاهمه 

اتكمشت ف نفسي من صوته المرعب اللي بيهز كياني ، لاكني المرادي مكتفتش بالعياط وقومت من علي السرير وانا بمسح دموعي وبقرب منه وقولتله بصوت قاس*ي بغض*ب وانا بزع*قله :_ زنبي اييييي ، انا زنبي اييي ، اخوك هو اللي بيجري ورايا ، هو اللي جه وقعد معايا ع الترابيظه ، وهو اللي مسك ايدي بقوه ، هو اللي بيستغفلك مش انا ، نبرة صوتي هديت وكملت كلامي :_ انا حتي مش فاكره اي اللي حصل ، وانا جيت هنا ازاي ، او انت اتغ*يرت ازاي ، انا حاسه اني ف عالم موازي ، عالم افتراضي لاكنه مش  ليا ، في حاجه غلط بتحصل ف حياتي ، واظن انك السبب الرئيسي ليها 

كنت هكمل كلامي بس قاطعني بض*ربه علي وشي خلتني افقد اتزاني واترم*يت علي الارض 

نزل لمستوايا وهو بيقولي :_ لو فاكره ان تمثيلك ده هيمشي عليا تبقي غلطانه ، ولو فاكره برده اني مش عارف انت كنتي بتشتغلي اي تبقي غلطانه أكبر ، ولو فاكره ان اليومين اللي دخلتي ف غيبوبه فيهم دول هيرحموكي مني تبقي ه*بله وحسبتي حساباتك غلط .. 

سابني ور*زع الباب وراه وهو خارج ، صعبت عليا حالي ، كنت عاوزه اعرف هو بيتكلم عن اي ، يعني اي عرف شغلي ، وأي علاقتي انا بأخوه 

واي الدنيا اللي انا فيها دي .. 

قومت فتحت الدولاب لقيت بيچامات كتير اوي ، اختارت وحده وخدتها ودخلت الحمام ، لبست وعملت شعري ضفاير وخرجت لقيته قاعد علي السرير فنفخت وقولت ف بالي :_ يووه بقي هو بيطلع منين ده ، هو الواحد ميعرفش يقعد ف هدوء 

بصلي شويه بتمعن من فوق لتحت وبلع ريقه وبعدين بص لتليفونه تاني ، شويه رمي التليفون علي السرير جمبه وقرب من الكومود جاب ريموت كونترول وضغط علي زرار ف شاشة خرجت من جوا كوميد فنا كنت واقفه مندهشهة 

فضلت ابص حواليا ف الاوضه عشان ألاقي كنبه او كرسي انام عليهم لاكني ملقيتش 

فروحت فتحت الدولاب وطلعت منه سجادة صلاة وخدت مخده من علي السرير وحطيتها ، بصلي ببرود وقالي اطلعي نامي علي السرير 

مهتمتش بكلامه وقعدت علي السجاده ، لقيته قام من مكانه ضغط علي زرار ع الحيط ، فدخلت خدامه بعدها بدقايق :_ تحت أمرك يبيه 

رد عليها بصوت خشن :_ غرقي الأرض ميه 

بصتلي بشفقه وكلامها اتقطع:_ بس يبيه ، الهان.....

رد وهو بيزعق :_ انتي سامعه قولتلك اي ! 

دخلت جري علي تحت جابت جردل وطلعت عبته من الحمام وبدأت تبهدل الارض ميه ، بس بعيد عن المكان اللي انا قاعده فيه فشخط فيها وقالها :_ كل الارض ... 

وبعدين يصلي وقالي :_ يا تنامي علي السرير ي تنامي علي الميه ... 

لو لقيت تفاعل هنزل بارت جديد النهارده 

البارت التالت من رواية 

تكملة الروايه بعد عمل متابعه للمدونه من هنا 

 تكملة الروايه الرابع والخامس من هنا