 |
البارت الاول
صغيرتي نور
كانت تجري وهي تبكي وهي في شدة خوفها وفي داخلها تدعي الله ألا يمسك بها هؤلاء الذ*ئاب البشرية وهي تجري في مكان لا يوجد فيه اي بيوت ولاتري اي شخص في طريقها وفجأة وجدت طوق نجاة يبعد عنها بمسافة قريبة فركضت بكل ما أتاها الله من قوة نحو تلك المزرعة التي رأتها دفعت الباب بقوة وهي تص*رخ وتستغيث لعل أحد يسمعها ويأتي لينقذها وفجأة يخرج ثلاتة حراس أمامها وعندما رأي الثلاثة الذين يلاحقوها هؤلاء الحراس لم يتوقفوا عن محاولة خط*فها بل دخلوا إلي المزرعة واشت*بكوا مع الحراس وعندما سمع صاحب المزرعة هذا الضجيج خرج إلي الخارج ليري ما يحدث في الخارج فوجد رجاله يشت*بكون مع رجال يشبهون ق*طاع الطرق وكانوا يحملون في أيديهم آلا*ت حادة (مط**اوي) و واحد من الحراس تمت اصا*بته بط*عنه في جمبه كل هذا يحدث وهي تشاهد بصمت فقط تبكي بشده وترتجف وقام الذي ط*عن احد الحراس بالقرب من الفتاة وعندما حاول طع*نها تفاجئ بمن يمسك يده ويقوم بل*كمه بقوة قام بض*ربه ضر*بًا مبرحًا وعندما انتبه الحراس بوجود صاحب المزرعة قاموا بض*رب ق*طاع الطرق بكل ما اتاهم الله من قوة وما هي دقائق حتي كان هؤلاء ق*طاع الطرق علي الأرض لا يقدرون علي الحركة من شدة ما تلقوه من ض*رب مبرح و احد الحراس يتأ*لم بشده ويكاد ينا*زع روحه (الحارس المص*اب)ونور ملقاه علي الأرض فاقده الوعي
حمل مراد (صاحب المزرعة) نور وأمر الحراس أن يضعوا ق*طاع الطرق في غرفة المخزن ثم يحملوا الحارس الم*صاب إلي الداخل
دخل مراد إلي الداخل و وضع نور علي الاريكة ثم اخرج هاتفه من جيبه واتصل بالطبيب الذي يبعد عن المزرعه ساعة ونصف تقريبا اغلق هاتفه ثم ذهب إلي عرفته ليحضر زجاجة عطر فأحضرها وذهب الي الاريكة التي تنام عليها نور وحاول ان يجعلها تستعيد وعيها
فبدأت تفتح عيونها ببطئ شديد ثم فتحت عينها بوضوع وصر*خت مرة واحدة ……
البارت الثاني
فتحت عينها بوضوح وصر*خت مرة واحدة
نور بص*راخ ودموع: انتوا عايزين مني ايه انا معملتلكمش حاجه بالله عليك سيبني اروح زمان اهلي خا*يفين عليا كانت تقول كل هذ وهي تبكي وترتجف وتتوسل له
مراد واقف متنح ومش مستوعب اللي هي بتقوله بس فهم قصدها بسرعه لما افتكر التلاته اللي كانوا بيجروا وراها
مراد:ممكن تهدي انا مش خا*طفك
نور ومازالت تبكي :انت كد*اب انا شوفت رجالتك وهي بت*قتل واحد وك
قاطعها مراد بجديه:اسمعيني وبطلي عياط شوية الراجل اللي شوفتيه بيتق*تل ده يبقي من رجالتي انا صاحب المزرعة اللي دخلتيها وانتي بتجري من اللي كانوا بيجروا وراكي وانا لاقيتك فاقدة الوعي فدخلتك هنا لحد ما تفوقي بس و..
قاطعته نور قائله :دخلتني هنا ازاااي وانا فاقدة الوعي
مراد : هو ايه اللي ازاي شيلتك ودخلتك
نور بزعيق:ايييه ازاي تعمل كده يا استاذ متعرفش إن حرام تلمس واحده لا تحل لك استغفر الله العظيم استغفر الله فضلت تستغفر وهو واقف ساكت بيبصلها بتعجب
مراد داخل نفسه :دي ما فكرتش في الناس اللي كانوا بيجروا وراها ولا في المصيبه اللي كانت هتحصلها كل تعليقها اني لمستها بس وكنت بساعدها مش قصدي حاجه وحشه معقولة لسه في بنات ملتزمة كده !
فاق من شروده علي كلامها
نور:لازم تستغفر انت كمان علشان
مراد قاطعها قائلًا :ممكن اسكتي بقي شوية علي فكره انا لمستك بغرض المساعدة وبس وبعدين الضرورات تبيح المحظورات ف ارجوكي بقي اهدي شوية علشان محصلش حاجه لكل ده
نور :لا حصل حضرتك كان ممكن تفوقني وانا ف مكاني من غير ما تلمسني
مراد بنفاذ صبر :انا اسف انا مش متربي اني عملت كده ممكن بقي تهدي قاطع حديثهم دخول احد الحراس
حسن :مراد بيه سالم (الحارس الم*صاب)تعبان اوي وشكله بيم*وت معرفش هيقدر يتحمل لحد ما الدكتور يوصل ولا هيروح مننا
نور مقاطعه الحارس :هو فين
حسن :علي الطريق يا انسه لسه
نور :مش قصدي علي الدكتور قصدي علي الشخص المصاب ده
حسن :فوق في الاوضة
نور:طب طلعني عنده
مراد بعدم فهم :يطلعك فين وليه
نور :يطلعني للم*صاب ممكن اقدر اعالجه
مراد :تعالجي مين ده واخد طع*نه في جمبه هو عنده برد
نور:والله عارفه انه واخد طع*نه في جمبه مش دور برد علي فكرة انا في تالتة كلية طب بشري
مراد :وساكته كل ده ده الراجل بيم*وت فوق
نور:انا لسه عارفه والله دلوقتي وانت معطلني
قاطعهم حسن :طب يلا يا انسة نشوفه بسرعه
صعدوا للاعلي وعندما فتحوا باب الغرفة وجدوا سالم ينام علي السرير عاري الصدر ويمسك قطعة قماش يضغط بها علي الج*رح
نور : لفت وشها لمراد بسرعة وقالتله خليهم يغطو من فوق ويسيبوا بس مكان الج*رح مكشوف
مراد:حس بإعجاب في داخله من التزامها وكسوفها وامر الحراس ان يغطوا سالم بالقميص
نظرت نور للج*رح وبتفكر الف مره قبل ما تبدأ
مراد :هتحتاجي ايه علشان تعالجيه
نور بتوتر :انا اول مره اخيط جر*ح خايفه يحصله حاجه بسببي
مراد: الراجل بيم*وت قدامك وانتي خايفة!!
مراد :انتي متعلمتيش ازاي تخيطي ج*رح ؟
نور : اتعلمت بس مطبقتش عملي لسه
مراد :طيب حلو طبقي بقي دلوقتي.
بقلم الكاتبة هدير أحمد ♥️
تعالوا نتعرف علي ابطالنا
نور :بنت بسيطة في تالتة كلية طب بشري عندها ٢١سنة جمالها عادي زي اي بنوتة طولها ١٦٠سم مختمرة وملتزمة دينيًا من القاهرة
مراد :من اسكندرية عنده ٣٣سنة طولة ١٨٥سم واعزب وده اكيد ليه سبب هنعرفه بعدين وعنده شركة حراسات خاصة وابوه عنده شركة استيراد وتصدير
البارت الثالث
مراد:طب حلو طبقي بقي دلوقتي
نور:قالت علي شوية حاجات علشان تبدأ تعالج الجرح
حسن نزل بسرعة جابلها كل اللي قالت عليه ماعدا المخدر وده لانه ملقاش
نور :فين المخدر
حسن :معندناش للاسف
نور :بس كد هيتأ*لم جامد
مراد :يتأ*لم احسن ما يم*وت
نور :بدأت تعقم الجرح وتعالجه
سالم فقد الوعي من كتر الأ*لم
ذع*رت نور عندما رأت ذلك وبدأت تفحص النبض ووجدته بخير
مراد :ايه اللي حصل
نور :فقد الوعي من كتر الألم
انهت نور كل شيء وقالت إن شاء الله هيكون كويس
نور :ممكن الحمام علشان اغسل ايدي
حسن :طبعا اتفضلي معايا
مراد :خليك انت يا حسن هنا مع سالم
مراد لنور:تعالي معايا
نور غسلت ايديها ووشها وحست بدوخه بسيطة لانها ماكلتش حاجه من اول اليوم
خرجت نور من افكارها علي صوت مراد
مراد :انتي بخير يا انسه
نور خرجت من الحمام وقالت له انا بخير يا استاذ بس ممكن اطلب من حضرتك طلب
مراد :طبعا اتفضلي
نور :عايزه اعرف اقرب موقف عربيات هنا بيروح اكتوبر
مراد :فين في اكتوبر
نور :الحي السادس
مراد :مفيش حاجه هنا بتروح اكتوبر علي طول هتركبي كذا مواصلة
نور :عادي مش مشكلة اوصفلي بس حضرتك وانا هعرف اروح ان شاء الله
مراد بيقول لنفسه:هبلة دي ولا اي معقول فاكرة اني هسيبها تمشي لوحدها
قاطعه صوت نور :ممكن توصفلي
مراد :طبعا طبعا بس الاول هتروحي القسم الاول علشان تقدمي محضر في التلاته اللي كانوا بيجروا وراكي
نور :تمام يلا
نزلوا للمخزن وفتحلهم الباب الحارس اللي كان واقف هناك
دخلوا المخزن ونور كانت خايفه بالرغم من انهم كانوا مربوطين
مراد :تعرفي حد فيهم
نور :بدأت تبصلهم واحد واحد
نور لمراد :لا معرفهمش
مراد :انتي متأكدة
نور بصتلهم مره كمان وبدأت تفتكر موقف حصل قبل الفرح اللي كانت بتحضره الصبح والموقف هو انها شافت عمتها واقفه مع واحد بتتكلم معاه برا القاعة
قطع تفكيرها صوت مراد :يلا يا انسه
نور :لحظة بس انا شوفتك النهاردة الصبح وانت واقف مع عمتي ايوه انت
رد عليها اللي كانت بتتهمه:ايوووووه انتي كده بدأت تفهمي يا حلوة وغمزلها بطريقة قذ*ره
مراد :لك*مة لك*مة قوية وقاله لو متكلمتش بأدب هدف*نك هنا
مرسي (اللي مراد ضر*به):اهدي ياباشا انت حبتها ولا ايه
مراد لك*مة مره تانية
مرسي:خلاص هتكلم هتكلم وبص لنور عمتك هي اللي حرضتني عليكي وكمان دفعتلي خمسين الف وكان ليا زيهم كمان كل ده علشان اقت*لك
وقعت هذه الكلمات علي نور وقع الصاعقة وشعرت بدوخه وظلام شديد امام اعينها لم حاولت تقاوم هذا الشعور
رأها وهي تقاوم بضعف شديد ثم فقدت نور وعيها وكانت هتقع علي مرسي بس بسرعة البرق مراد مسكها قبل ما تقع .
يا ترا ليه عمة نور كانت عايزه تقتلها وفين اهل نور كل ده وهل مراد هيساعد نور ولا لا ده اللي
البارت الرابع
وضع مراد نور علي الاريكة وبدأ يفكر فيما سمعه من مرسي وبدأ يسأل نفسه ياترا اي يخلي عمة تق*تل بنت اخوها والبنت شكلها بسيط جدا فاق من شروده علي صورة تلك الملاك النائم امامه ابتسم ابتسامه خفيفه وهو ينظر اليها قطع شروده وصول الدكتور
الدكتور اول ما دخل وشاف نور فاقدة الوعي راح ناحيتها ولسه هيمد ايده علشان يفحص نور مسك مراد ايده بسرعة وقاله بلاش تلم*سها
الدكتور بعدم فهم :ازاي هفوقها لازم اشوف ضغطها عالي ولا اي بالظبط علشان احدد وضعها
مراد بحيره طب ما نفوقها بالبرفان ده وخلاص
الدكتور بعدم فهم :ممكن تفوق بس بردو لازم افحص الضغط علشان متفقدش الوعي تاني
مراد :طب ممكن لحظه نده علي حسن
مراد :افحص ده زي ما هتفحصها بالظبط
الدكتور واقف مش فاهم اي حاجه ومتنح لكلام مراد
مراد:يا دكتور انت معايا!
الدكتور :انا مش فاهم حاجه يا مراد بيه
مراد :اعمل بس زي ما بقولك وهتفهم كل حاجه
نفذ الدكتور كل ما يتطلب علي حسن
مراد :خد منه جهاز الضغط وبدأ يقيس ضغط نور
مراد للدكتور:ها عرفت مالها ؟
الدكتور:اه تقدر تشيل الجهاز
الدكتور :اللي حصل معاها نتيجة انها مش واكله وتحديدا بقالها مش اقل من ١٢ساعه بدون اكل
مراد لحسن طبعا انت عارف هتعمل اي
حسن :اوامرك يا باشا
مراد للدكتور :سالم دكتوره نور عالجتله الج*رح بس ممكن تبص عليه علشان نطمن اكتر هو في تاني غرفه علي الشمال فوق
صعد الدكتور واطمئن علي سالم ثم نزل لمراد
الدكتور :ماشاء الله مفيش كلام بعد اللي الدكتوره عملته
مراد بغيظ :يعني ايه
الدكتور :تعقيم الج*رح والخياطة حتي المسكن اللي واخده كل ده بيقول انها ممتازة
مراد لا يعلم لماذا شعر بحنق من مدح الدكتور لها
مراد :حاسب الدكتور ومشاه
مراد لحسن :الاكل خلص؟
حسن :اه ياباشا عم اسماعيل فرش السفره وكله تمام
مراد :طب اطلع انت خليك مع سالم
ذهب مراد ليوقظ نور
نور فتحت عينيها ببطئ ثم بوضوع وكانت تشعر بألم في رأسها
نور :اه ي دماغي ومش منتبه لمراد
مراد :حاسه ب ايه
نور انتبهت لوجوده وتذكرت كل شيء
نور :لا لا ولا حاجه ممكن حضرتك توصفلي طريق موقف العربيات
مراد :طب اتفضلي ناكل الاول وبعدين اوصفلك
نور :لا لا شكرا مش جعانه
مراد يعلم انها جائعة ولكنها تستحي منه
مراد :بصي انا ماكلتش من الصبح ومصدع جدا والصراحة كده مليش نفس اكل بس لازم اكل علشان متعبش ف لو مش هتاكلي معايا مش هاكل والاكل هيتومي وهتشيلي ذنبه
نور:يترمي ليه ما تشيله
مراد :مبحبش الاكل البايت يلا بقي والله انا جعان
نور :موافقه بس هاكل حاجات بسيطه (نور مكنتش قادره ترفض لانها جعانه جدا)
قعدوا علي السفره وبدأوا يتناولون الطعام ونور كانت تأكل علي استحيأ
اخرج مراد هاتفه وتظاهر انه يتحدث مع احد لكي يدعها تاكل علي راحتها وبالفعل بدأت تاكل انتهوا من الطعام
نور :اوصفلي بقي الطريق
مراد :تمام بس انتي معاكي فلوس تروحي ؟
نور :اه طبعا ولكن سريعا تذكرت عندما وقعت الشنطة منها اثناء ما كانت تهرب من العص*ابة
مراد روحتي فين
نور بحزن :انا شنطتي وقعت من وهي فيها كل حاجه حتي تليفوني كان فيها
مراد: فاكرة وقعت منك فين ؟
نور :وقعت مني قرب القاعة تقريبا
مراد :تمام يبقي نروح نجيب الشنطه وبعدين تروحي
نور:تمام
انطلقوا سويا ومراد ماشي علي وصف نور له
وجدوا الشنطة و وهم عائدين
نور بتذمر:يوووه التليفون فاصل شحن
مراد نظر لها وقال لها مش حافظه رقم اي حد من اهلك
نور :حافظه رقم بابا بس
مراد اعطاها هاتفه خدي اتصلي
ابتسمت نور وشكرته واخذت. منه الهاتف بفرحه وبدأت تكتب رقم والدها كل هذا ومراد ينظر لها بهيام
نور :وضعت الهاتف علي اذنها ورأت امامها شاحنة ضخمة
نور بص*راخ:مراااااااااد خلي بالك
سمع تلك الجملة ابيها ثم اصطد*موا بالشاحنة الضخمة
عبد الحق (والد نور):نور نور يابنتي في ايه ولكن لا احد يجيب
في منزل عبد الحق
عاود الاتصال مره اخري ولكن لا احد يجيب
عمة نور :نور هي اللي كلمتك
عبد الحق :هي متكلمتش معايا بس ده صوت بنتي نور انا متأكد
ام نور بلهفة طب قالت اي مقالتش هي فين
عبد الحق مقالتش غير مراد خلي بالك
عمة نور في داخلها اكيد ده اللي هيق*تلها بس ليه تقوله خلي بالك وازاي تاخد منه تليفونه اكيد في حاجه غلط
عمة نور :اكيد ده واحد كانت ماشية معاه وقالت اخد الورث واهر*ب معاه
عبد الحق:اخر*سي انا بنتي اشرف من الشرف
عمة نور :ولما هي كده تقدر تقولي هي فين دلوقتي في بنت محترمة تفضل برا البيت لحد الساعة٢بلليل لا وكمان بتقول سمعتها بتقول مراد يطلع مين مراد ده
عبد الحق بنفاذ صبر :معرفش يا فوزية(عمة نور)كل اللي أعرفه أن الغايب حجته معاه
في مكان اخر
يرن هاتف احدهم
عز الدمنهوري :الو
المتصل :حضرتك عز الدمنهوري والد مراد عز الدمنهوري
عز الدمنهوري:ايوه انا
المتصل ابن حضرتك عمل حا*دثه وهو حاليًا في مستشفي ………
عز الدمنهوري:بتقول اي اقفل انا جاي حالا
استيقظت والدة مراد وهي قلبها مقبوض
دولت (والدة مراد)في اي يا عز
مراد ابينا عمل حاد*ثة وهو دلوقتي في المستشفي
دولت بخضه ابني ابني حصله ايه يا عز
عز معرفش يا دولت يلا نروح ونفهم
وصلوا الي المستشفي
عز :طمني ي دكتور ابني ماله
الدكتور :ابنك عمل حادثة وحالته خطيره جدا وهو حاليا في العناية والبنت اللي كانت معاه بردو حالتها صعبة
عز الدمنهوري:بنت مين البنت دي
الدكتور :معرفش بسلما وصل المستشفي كان في بنت معاه
عز الدمنهوري :مفيش من ورا اي ست خير بس انا مش هسمح ان ابني يروح مني تاني بسبب واحده
اتصل عز الدمنهوري علي حسن وقص عليه حسن كل ما حدث
عز لحسن:يعني زي ما توقعت مراد ابني حصله كده بسبب البنت دي
حسن :بالظبط ياباشا
عز الدمنهوري :طيب شوفلي شنطة البت دي واعرفلي هي مين وبنت مين
حسن :اوامرك ياباشا
مرت نصف ساعة واتصل حسن علي عز الدمنهوري
حسن :البنت من عيلة فقي*رة ساكنين في اكتوبر في الحي السادس انا اتصلت وعرفتهم كل حاجه وهما في طريقهم للمستشفي ياباشا دلوقتي
عز الدمنهوري:تمام
اغلق عز الدمنهوري مع حسن وهو حاقد علي نور بسبب ما حل لابنه
مرت اربعة ساعات حتي وصل اهل نور
والد نور لعز الدمنهوري :بنتي هنا
عز الدمنهوري :ايوه
طيب ممكن اعرف حالتها اي دلوقتي
عز بنظرة حقد حالتها زي الز*فت مش تربوا بناتكم وتلموهم في بيوتهم بدل ما انتوا ماشيين تبلوا الناس كده
عبد الحق :انا بنتي ست البنات ومتربية احسن رباية
عز الدمنهوري:اومال كانت بتعمل اي مع ابني
عبد الحق :معرفش
انا بقي اقولك قص عليه كل ما حدث ثم قال له تقدر بقي تقولي واحد زيها كانت بتعمل اي في وقت زي ده في حتة مقطوعة كده
عبد الحق :احنا كنا في فرح وبنتي خرجت ترد علي تلفونها اكيد هناك حاولوا يخط*فوها
عز الدمنهوري :مايخصنيش كل اللي يخصني ابني اللي مرمي جوا ده بسبب بنتك واللي لو حصله حاجه مش هسكت
ساد جو من الصمت حتي خرج الطبيب من غرفة مراد ويبدوا علي وجهه الحزن
الدكتور :….
طولت البارت اهو علشان الناس اللي بتزعل ♥️😂🙂
البارت الخامس
الدكتور :للأسف يا استاذ عز مراد بيه دخل في غيبوبة
عز بجمود :انت بتقول ايه انت اكيد بتهزر لا لا مراد ابني كويس وهيروح معايا دلوقتي
الدكتور :انا اسف بس جسمه مقدرش يقاوم واستسلم للغيبوبة
عز :طيب هيقوم منها امتي
الدكتور:للأسف الغيبوبة ملهاش مواعيد ممكن تدوم يوم وممكن شهر وممكن سنة ووممكن عشرة وممكن …
عز بعصبية مفرطة :ممكن ايه ما تكمل سكت ليه
الدكتور :ممكن ميصحاش منها ابدا
وقعت هذه الجملة علي مسامع الجميع كالصاعقة وانهارت والدة مراد لم يتحمل والد مراد تلك الجملة فجلس علي المقعد الذي ورائه وكأنه جبل واتهد في لحظة
(والد مراد هو شخص قوي لا يهاب أي شيء في الحياة ويخاف من اي شيء ليس لديه اولاد سوي مراد يكره النساء كثيرا بسبب ما حل لأبنه في الماضي (هنعرف في الاحداث القادمة) علي الرغم من تلك القوة إلا انه لا يتحمل أن يحدث لابنه اي شيء )
عبد الحق :إن شاء الله هيقوم منها علي خير ادعيله انت بس وهو هيقوم بالسلامة وفي نفس الوقت كانت زوجة عبد الحق تواسي والدة مراد
عمة نور : ياعيني يابني خيرًا تعمل شرًا تلقى هو ده جزاء الطيب في الزمن ده
عبد الحق :خلاص يا فوزية اسكتي مش وقته الكلام ده خالص
عز الدمنهوري بغضب شديد :وتسكت ليه علي الاقل في حد من اهلك بيقول كلمة حق مش كل ده من ورا بنتك اقسم بالله العظيم لو ابني حصله حاجه مش هيكفيني عيلتك كلها انا اقدر باشارة مني اوديكم ورا الشمس انا عايزك ليل نهار تدعي انت واهلك كلهم أن ابني يقوم بالسلامة لان هو الوحيد اللي هيرحمكم من اللي ممكن اعمله فيكم
عبد الحق : انا مش هرد علي كلامك دلوقتي وده مش ضعف مني لا ده لأني حاسس بيك وعارف أن الاب اللي جواك هو اللي بيتكلم وانا مقدر ده وابنك اكيد هندعيله مش علشان تهديدك لا علشان هو انقذ بنتيوهو شخص طيب ويستاهل كل خير
ساد جو من الصمت ثم خرج الطبيب من غرفة نور
عبد الحق :طمني يا دكتور بنتي فاقت
الدكتور :بنت حضرتك خضعت لعملية اصعب من عملية مراد بيه وده لأن جروحها كانت اعمق من جروح مراد بيه
والدة نور : طب ممكن اشوفها اطمن عليها بس
الدكتور :اسف مش هينفع خالص اي حد يدخلها دلوقتي
ام نور ببكاء :طب هي كويسة طمني يابني الله يخليك
الدكتور: يا امي مقدرش اقولك اي حاجه دلوقتي الاربعة وعشرين ساعة الجايين هما اللي هيحددوا اللي هيحصل
دلوقتي بس ارجوكم تدعولهم هما دلوقتي محتاجين لدعاكم جدا
في مكان اخر
مجهول١:ما*ت ولا لسه
مجهول٢:لا ياباشا دخل غيبوبة بس حالته صعبة وابوه مدمر علي الاخر
مجهول١:اغب*يه انا قولت يموت انا مش عايز اي احتمال حتي لو ضعيف انه يقوم منها
مجهول٢:والله ياباشا كل اوامرك اتنفذت بالحرف وبعد الحا*دثة روحت وشوفته كان سايح في دم*ه خالص معرفش قاوم ازاي بس متقلقش ياباشا هيمو*ت في المستشفي يا هيمو*ت لوحده يا هنكمل احنا شغلنا اللي مخلصش
مجهول٢:هنشوف بس خلي بالك لان المكان دلوقتي زحمة ومش هتعرف تدخله بسهولة
مجهول١:اطمن ياباشا محدش هيشوفني
مجهول٢:طبعًا عارف هتعمل ايه لو اتمسكت
مجهول١:طبعا ياباشا ولا اعرفك اصلا
مجهول٢:برافو عليك
ثم اغلق الهاتف وتحدث بمكر لسه بتقاوم يا ابن الدمنهوري ثم ابتسم بمكر حلو هنشوف بقي هتقاوم لحد امتي
عودة للمستشفى
مر الليل علي العائلتين وكأنه دهر ظلت والدة نور طول الليل ووالدة مراد يصلون ويبكون لله ويناجوا ربهم ان يشفي ابنائهم وكذلك والد نور و والد مراد ايضا
بعد مرور ٢٤ساعة خرج الطبيب من غرفة نور ويبدوا علي وجهه علامات السعادة
والدة نور :طمني يابني بنتي عاملة ايه
الدكتور :اطمني يا امي بنتك الحمد لله تجاوزت مرحلة الخطر وابتدت تفوق
والدة نور ببكاء:الحمد لله يارب اللهم لك الحمد كما ينبغي لجلال وجهك وعظيم سلطانك الحمد لله
والدة نور :اقدر ادخل اشوف بنتي
الدكتور:تخرج بس من العناية وبعد كده هتشوفيها
والد مراد:طيب وابني مفاقش لسه
الدكتور:للأسف يا عز بيه لسه مفيش اي تطور في حالته
والد مراد بحقد:حسبي الله ونعم الوكيل فيكم وفي بنتكم يعني انا ابني يروح فيكم وبنتكم هي اللي تقوم منها ولا كأن حاجه حصلت منكم لله
والدة نور ببكاء:ده قدر ربنا انا بنتي ملهاش دعوة متدعيش عليها بالله عليك ابنك عمل عمل طيب واكيد ربنا هيجازيه خير وانا واثقة انه هيقوم منها بخير وسلامة ربنا عادل وميرضاش بالظلم واللي حصل مع ابنك ده اختبار ليكم ربنا بيمتحنكم عايز يشوف هترضوا بقضائه وقدره ولا لا انا ام وانت دعيت علي بنتي بس انا مش هعمل زيك وادعي علي ابنك لا انا هدعيله
كانت تتكلم ولا احد يقدر علي مقاطعتها نعم فهذه حرقة الأم عندما يقترب احد من اولادها حتي لو بكلمة
قطع هذا الصمت قدوم الطبيب
الدكتور:بنتكم انتقلت لغرفة عادية وفاقت تقدروا تتفضلوا تشوفوها
والدة نور بفرحة :يلا يا عبد الحق نشوف بنتنا
اصطحبهم الطبيب للغرفة ثم خرج وتركهم
والدة نور :بنتي انتي كويسة يا حبيبتي
نور :الحمد لله يا ماما
عبد الحق:طمنيني عليكي يابنتي ايه كل اللي حصلك ده يابنتي
نور:الحمد لله يابابا
نور:طمنوني علي استاذ مراد عامل ايه
عبد الحق بصلها بصة حزن
نور قلقت من بصة والدها
نور بقلق وخوف :في ايه يابابا مراد كويس صح ماما مراد بخير صح
نور وقد نفذ صبرها :ما تردوا عليا مراد ماله اوعوا تقولوا حصله حاجه
عبد الحق :بعد الشر يابنتي بس هو هو الصراحه
قاطعته نور هو ماله يابابا
عبد الحق :دخل في غيبوبة ومنعرفش هيفوق منها امتي
نور بصدمة :ايه غيبوبة
دخلت عمتها الي الغرفة اه دخل غيبوبة ومنعرفش هيفوق منها امتي
نور بحده وعصبية :خرج الست دي برا يابابا
عبد الحق :عيب يا نور دي عمتك
نور :عمتي عمتي اللي حاولت تقت*لني
عند غرفة مراد
ذهبت والدة مراد تصلي وتدعي لأبنها وذهب عبد الحق ليدفع مصاريف المستشفي
واحدهم يتجه نحو غرفة مراد ثم دخل الي الغرفة ووضع كاتم الصوت في سلا*حه وصوبه ناحية مراد ……
يتبع
اللي عاوز تكملة الروايه يعمل متابعه من هنا
تعليقات
إرسال تعليق