 |
البارت الأول
"أنا قررت اتجوز "القي كلماته هكذا سريعا ثم انتظر ثورانها ...غضبها أو أي شئ ...لكن لم تفعل شئ بل ببساطة استدارت وهي تبتسم بلطف وتقول "الف مبروك يا احمد ربنا يسعدك " اتسعت عينيه بدهشة وهو يقول "بجد يعني مش زعلانة مش متضايقة ولا هتصرخي ولا هتزعقي ولا اي حاجة " هزت كتفها بلا مبالاة وقالت"وليه ازعق يا حبيبي ده شرع ربنا مثني وثلاث ورباع
..مين انا عشان احرمه ولا أعترض " ابتسم بمحبة وهو يحتضنها بحب ويقول "ربنا يكملك بعقلك يا حبيبتي طول عمري بقول عليكي عاقلة وطيبة عشان كده صممت اكون صريح معاكي للاخر " تردد قليلا وقال "بصراحة يا حبيبتي العروسة تبقي منال
صاحبتك ... "ابتعدت عنه وهي تنظر إليه بغموض ليقول بتوتر "ايه يا حبيبتي سكتي ليه والله مخنتكيش معاها ولا حاجة ....احنا بس انجذبنا لبعض و...." لكنها قاطعته وهي تقول بلطف "يا حبيبي انا مش متضايقة بالعكس فرحانة جدا ...تخيل منال
صاحبة عمري هتعيش معايا ومش هنفترق ابدا ..ده حلمي يا احمد ...بس هي هتعيش معايا هنا صح ...انا عارفة انه مش في مقدرتك تجيب بيت تاني " ...زفر براحة وقال " حبيبتي انتي حلتيلي أهم مشكلة ..طبعا هتعيش معاكي " ثم ضمها بقوة وهو يردد "يا روحي مفيش اطيب من قلبك ...صدقيني هنعيش مبسوطين انا وانتي ومنال وولادنا " ضمته بدورها وهي تقول بإبتسامة غامضة "اكيد يا حبيبي .."...دفعته قليلا وهي تقول بإبتسامة سعيدة "انا راحة دلوقتي اشوف الولاد وأنت اتصل بمنال وبلغها الخبر السعيد .."هز احمد رأسه ببلاهة بينما اسرعت نوال إلي غرفة أبنائها...ما أن ولجت لغرفتهم حتي حررت دموع القهر التي سجنتها طويلا ...بعد كل هذا سيتزوج....بعد ما فعلته...ماذا ستفعل الآن ؟!!هي تفضل أن تق..تله وتنت.زع عظامه ولا تتركه يتهني مع تلك الع.قربة ...مسحت دموعها وعينيها تلمع بفكرة ما . فكرة شريرة ...استلت هاتفها وهي تتصل بالشخص المناسب
يتبع
كيد حواء
فاطمة علي
البارت التاني
"وهتعملي ايه يا نوال دلوقتي ؟!"قالتها شقيقتها بقلق لتدور نوال حول نفسها وهي تقول "اعمل ايه ...ده انا هعمل العمايل...انا هسففه التراب هخليه يبوس رجلي عشان اسامحه عرة الرجالة ده ...اما العق.ربة التانية فأنا هولع فيها " ازدردت سناء ريقها وهي تقول بتأثر "طيب وهتعملي ايه !!"...ابتسمت نوال ابتسامة شي.طانية وهي تقول "مش انا اللي هعمل ...انتي اللي هتعملي !! بمعني اصح خطيبك هو اللي هيعمل "
.........
"لا انا خايفة يا احمد ...نوال مستحيل توافق بالسهولة دي .."قالتها منال وهي ترتعش ليمسك احمد كفها ويقول "يا حبيبتي اهدي نوال والله طيبة وتتمنالي الرضا متقلقيش يا حبيبتي " زفرت وهي تقول بخوف "اتمني كده " ...ابتسم احمد وضمها إليه وهو يقول "متفكريش دلوقتي في حاجة المهم جهزي نفسك عشان نتجوز بسرعة !"
........
"انتِ ايه ؟!أنتِ ش.يطانة يا شيخة"قالها مراد بذهول لنوال الجالسة مقابله ببرود هزت نوال كتفها وقالت "البادئ اظلم يا مراد ...هما اللي خا.نوا "...ابتلع مراد ريقه وقال "بس يا نوال أنتِ كده هتد.مريهم خالص حرام عليكي ما تتطلقي وده حقك" ضحكت بسخرية وهي تقول "أطلق!بالسهولة دي " ضحكت مرة اخري وهي تهز رأسها وتقول "لا يا حبيبي الطلاق ده للستات الهبلة...اتطلق عشان ست منال تلهف كل حاجة ..كل حاجة انا تعبت فيها ...انا اللي وقفت في ضهر احمد لحد ما وصل للي وصله ...من غيري كان هيبقي شحات ...وانت عايزني اسيب تعبي لواحدة عقر.بة تتهني بيه ...لا والله ده انا هوريهم النجوم في عز الضهر ...هاخد اللي وراه واللي قدامه وبعدين ارميه زي الكلا.ب....انت بقا هتساعدني ولا اروح لحد تاني "...تنهد مراد وهو يقول "حاضر هساعدك وربنا يستر "
كيد حواء
فاطمة علي
تفاعل عشان انزل كمان بارت
الجزء التالت♥️
كانت منال جالسة بجوار احمد في منزله وهي ترتعش ...لا تعرف لماذا وافقته في فكرته المجنونة تلك ...اخذت تمسح العرق الذي يتصبب من جبينها وفجأة انتفضت عندما خرجت نوال من غرفة الأطفال بعد أن جعلتهم يخلدون إلي النوم ....ابتسمت نوال بترحاب وهي تجلس قائلة برقة " اسفة يا جماعة والله اتأخرت عليكم " .
.ابتسم احمد وقال "لا ولا يهمك يا حبيبتي ...ها ليه جمعتينا دلوقتي منال قلقت "...اصطنعت نوال الدهشة وهي تنظر إلي منال وقالت "وليه يا حبيبتي تخافي...يا منال ده أنتِ حبيبتي ...يا هبلة أنتِ اختي وكونك هتتجوزي جوزي دي حاجة تسعدني بس فيه مشكلة !!"اطرقت نوال بحزن مصطنع لترد منال سريعا "مشكلة ايه ؟!!" ...تصنعت نوال الارتباك وقالت "للأسف لو اتكلمت هتفهموني غلط...انا كل املي اني اضمن مستقبل عيالي .." نظرت إلي منال وقالت بأسف مصطنع "متأخذنيش يا حبيبتي بس أنتِ مبتخلفيش يعني لما تتجوزي مش هيكون في اولاد بس انا عندي تلات اولاد اللهم بارك ومن حقي اضمن مستقبلهم ".."ايه الضمان طيب "قالها احمد بحيرة لترد من فورها "انك تكتب البيت ده بإسمي ده لو انت واثق فيا !!"
" اكتب البيت بإسمك!!!"قالها بذهول لتفتر شفتيها عن ابتسامة لطيفة وهي تقول "حقي بما اني الحاضنة لاولادك يا احمد ولا ايه ..انا موقفتش في وش جوازك من صاحبتي رغم انك لفيت عليا انت وصاحبتي وهتتجوزوا " توتر فك احمد بينما وخزت دموع الذنب عيني منال وهي تقول بتضرع "والله الموضوع مش كده انا...."قاطعتها نوال بإشارة وهي تقول بنعومة "حبيبتي انا مش بدينكم...ده حقكم بس كمان حقي ان الشقة تكون بإسمي ده انا حتي وافقت أن احمد يجيبك تعيشي عندي ...ايه متساهلش بعد ده كله مثلا " ...اتسعت عيني منال بحزن بينما قال احمد بنبرة قاطعة "الشقة هتكون بإسمك يا نوال "ابتسمت ببراءة وهي تقول "شكرا يا احمد طول عمرك ابن أصول...اما اقوم اعمل حاجة تشربوها...عن اذنكم"ثم نهضت سريعا ..بعد اختفائها في المطبخ مالت منال عليه وهي تقول "مش شايف ان تنازلك علي شقتك لنوال قرار متهور شوية ...حاسة ان نيتها مش سليمة " تجمد وجهه وهو يقول "الافضل متتدخليش في الموضوع ده ولا أنتِ كنتِ متوقعة اني هكتب الشقة بإسمك مثلا "امتقع وجه منال وتراجعت معتذرة...ومن بعيد كانت نوال تراقبهم بإبتسامة متشفية للغاية ...هي هي بدأت طريق انتقامها الدامي
.....
بعد مرور اسبوع...
كانت الكل يعمل بجهد بسبب زفاف احمد ومنال الذي من المفترض بعد يومين
ونوال أيضا كانت تمضي سريعا في خطتها بعد أن كتب احمد المنزل بإسمها ...خرجت من المطبخ وهي تحمل كوب عصير وتقول لأحمد "تفضل يا حبيبي " ابتسم احمد وهو يلتقط الكوب وقال "ايه الدلع ده بس يا حبيبتي ...كل يوم مدلعاني كده عصير واكل ياريت كنت اتجوزت من زمان" ابتسمت ببراءة مزيفة وهي تقول "انت داخل علي جواز ولازم تتقوي " ابتسم وهو يقبلها علي خدها ..ثم التفت ذراعه علي خصرها وهو يقربها منه ويقول بصوت متثاقل "علي فكرة وحشتيني انا..."فهمت ما يرمي إليه لذلك ابتعدت وهي تقول بإبتسامة مزيفة "معلش يا احمد لازم امشي منال مستنياني عشان تضبط شعرها عند الكوافير "..اومأ بالإيجاب لتفر هي سريعا من أمامه....
......
بعد ساعتين تقريبا
كانت منال واقفة أمام المرآة الكبيرة وهي تصرخ بفزع بينما تمسك شعرها الذي يتساقط بطريقة رهيبة حتي بانت بشرة رأسها بعد أن وضعت صاحبة المركز مزيل الشعر بالخطأ!!!....كتمت نوال ضحكة التشفي وهي تنظر لصديقتها صاحبة المركز التجميلي بإمتنان !!
يتبع اللي عاوز الباقي من الروايه يعمل متابعه من هنا
كيد حواء
فاطمة علي
تعليقات
إرسال تعليق