 |
#عندماالتقينا
البارت23_24_25_26
نزل احد من السيارة ثم رش منوم في الجو ففقدت نور وعيها ثم حملها ووضعها في السيارة
مجهول ١ :الامانه معايا ياباشا
مجهول ٢ :جميل جميل تعالالي بقي علي المركب
ثم اغلق الهاتف
عند مراد كان بيجهز شنطة السفر علشان الطيارة بتاعته بكره الصبح
مراد:الو جهزت شنطتك ولا لسه
سليم :ياعم لسه بدري احنا فين وبكره الصبح فين
مراد :عارف يا سليم انا الساعه٦الصبح هكون في المطار ومش هستناك جدع أتأخر
سليم :عارف ندل وتعملها يا قلبي
مراد :كويس انك عارف بقولك
سليم :ها ارغي
مراد:خلاص غور مش هقولك حاجه
سليم :طب ما تروح تقابلها تاعب نفسك ليه
مراد :اقابل مين
سليم:يعني هتقابل مين يعني هو مش انت دلوقتي بتفكر في نور وعايز تشوفها قبل ما تسافر
مراد :انت عرفت منين ياض انت
سليم :عيييب اخوك خبرة في المواضيع دي
مراد :طب يا خبره قولي بقي اشوفها ازاي
سليم :متشوفهاش
مراد:بتقول اي
سليم:بقولك متشوفهاش احسن خليها تشتاق اليك اوحشها شوية يا اخي
مراد:عندك حق انا هسافر علي طول
اغلق الهاتف وهو يفكر بنور حتي غفي وهو يفكر بها
علي المركب استيقظت نور وكانت تشعر انها داخل كابوس
نور:لا لا يارب مش معقول تاني لا يارب مش عايزه اعيش الاحساس ده تاني انا اكيد بحلم ايوه ايوه انا بحلم ثم نظرت للساعة في يدها ثم بدأت نور بصراخ هستيري بصوت عالي جدا
فزع كارم علي اثر ذلك الصوت ونزل عند نور بسرعة
نور اول ما شافت كارم اتأكدت من كل ظنونها ثم بدأت ببكاء وصراخ هستيري
كارم:نور اهدي انا مش هعملك حاجه والله ما هأذيكي بس انتي اهدي
#عندماالتقينا
البارت ال٢٤
كارم :نور اهدي انا مش هعملك حاجه والله ما هأذيكي بس انتي اهدي
نور ببكاء :بالله عليك سيبني اروح والله ماما ممكن يحصلها حاجه لو مروحتش البيت دلوقتي سيبني اروح ارجوك
كارم :انا مش هعملك حاجه وكمان لو اتفقنا هخليكي تروحي
شعرت نور وكأن هناك بعض الامال في ان تخرج من ما هي فيه
نور :قولي عايز اي وانا اعمله وتمشيني
كارم :نتجوز
نور:بتقول اي انت اكيد اتجننت
كارم :زي ما سمعتي نتجوز وانا هعيشك ملكة هخليكي تكملي تعليمك برا هجبلك احلي فيلا ليكي ولأهلك هعاملك وهعاملهم احسن معاملة هحميكي برموش عنيا وعمري ما هزعلك
نور:انت ازاي متخيل اني ممكن اوافق علي واحد زيك ده انا شايفاك بعيني وانت مع كارولين وجاي تعرض عليا الجواز انت فاكر نفسك انا لايمكن اتجوزك ولو موتي في كفة وانت النجاة فانا مش عايزة اعيش وهختار الموت بكل رحابة نفس
كارم بعصبية :لييييه هو احسن مني في اي
نور:هو مين
كارم بضحك :لا متشغليش بالك بس متنسيش انا خيرتك وانتي اللي اختارتي
نور بقلق:روحني يا كارم
كارم :كان متعصب بس سمع اسمه منها هدي
كارم:مش هروحك ومش هسيبك يا نور وهتحبيني وهنتجوز
نور:انت مريض نفسي
كارم:ربنا يسامحك
نور اتعصبت من بروده :بقولك رووووحني يا كاااارم
كارم:انا ابيع الدنيا علشان اسمع منك كارم دي صدقيني يا نور لو طلبوا مني اتخلي عن كل ما املك قصاد اني كل يوم اطل في وشك بس مش هتردد لحظة
نور اتكسفت من كلامه بس حاولت تتدارك الموقف
نور :انت شاب زي الفل والف بنت تتمناك ليه تقبل علي نفسك تكون مع حد مش عايزك
كارم اتعصب من كلامها :وليه مش عايزاني بقي ليه اي وحش فيا قوليلي وانا اتغير عشانك
نور:الحاجات دي مش بتطلب دي بتتحس وانا مش حاسه ناحيتك باي حاجه وبعدين ما كارولين موجوده وبتحبك
كارم اتعصب من كلامها وسابها وطلع علي ضهر السفينة وقفل عليها الباب من برا بالمفتاح
#عندماالتقينا
البارت ال٢٥
كارم اتعصب من كلامها وسابها وطلع علي ضهر السفينة وقفل عليها الباب من برا بالمفتاح
نور:افتحلي الباب كااااارم بقولك افتحلي الباب فضلت تصرخ وتضرب الباب لكن كل هذا كان دون جدوي
كارم قاعد بيفكر يعمل ايه وقرر انه ينفذ اللي بيفكر وبالفعل اتوجه لمحرك السفينة ثم قال انتي اللي اخترتي يا نور ثم تحرك بالسفينة
في منزل نور الساعة ٧ مساءً
والدة نور :البت نور اتأخرت يا عبد الحق
عبد الحق :اتصلي عليها طيب
والدة نور:مانا اتصلت ازيد من عشر مرات تليفونها مقفول اكيد فاصل شحن زي كل مره
عبد الحق :الغايب حجته معاه تلاقي الشرح خدهم ونسبوا الوقت
والدة نور:يارب احسن انا قلبي مش مرتاح
عبد الحق :ياستي افتكري صلاة النبي صل الله عليه وسلم
والدة نور:عليه افضل الصلاة والسلام
عند مراد استيقظ وكانت الساعة ٨ مساءً
مسك تليفونه شوية فضل يقلب فيه وبعدين قام خد دش سريع
لبس بدله سوده وقميص اسود والطقم كله كان اسود ونزل راح علي شركته وبعدين نزل بسرعه ركب عربيته وفضل يلف بالعربية بدون هدف وفي الاخر وقف قدام بيت نور وفكر كتير انه يطلع بس هيطلع باي صلة ثم اتخذ قراره وطلع بالعربية متجهًا الي منزله
مراد مشي بالعربية وماهي الا دقائق حتي نزل عبد الحق ووالدة نور مسرعين الي قسم الشرطة
عبد الحق :فين الظابط اللي هنا يابني
الظابط :اتفضل يا عمي
عبدالحق ؛بنتي بنتي يابيه كانت نازله تذاكر مع صاحبتها ولحد دلوقتي مرجعتش وتليفونها مقفول
الظابط :اهدي يا عمي هي نازله من امتي
والدة نور:نزلت الضهر يابني
الظابط :للاسف منقدرش نعمل حاجه غير لما يعدي ٢٤ساعة
عبد الحق :طب وبنتي لسه هصبر ٢٤ساعة يكون البت حصلها حاجه
الظابط :هو ده اللي في ايدينا نعمله
مشيوا هما الاتنين ووالدة نور تبكي بشده علي ابنتها وحالها
والدة نور:اكيد دي فوزية اكيد هي اللي خطفت بنتي والله ما هسيبها المرادي
عبد الحق:كلامك صح
ثم اتجهوا الي منزل فوزية
والدة نور بتخبط بقوة علي الباب وبتزعق
فوزية :اي في اي بتحبطوا كده ليه
والدة نور:فين بنتي يا فوزية
فوزية :بنتك !واي هيجيب بنتك هنا
والد نور :بلاش لف ودوران احنا متأكدين انك انتي اللي خطفتيها
فوزية :اي الكلام ده انا لايمكن اعمل كده
والدة نور: انا مش ماشية من هنا غير لما بنتي ترجعلي
رجع مراد بيته ودخل وقال ينام شوية قبل الطياره وبالفعل غفي
سليم :قوووووم انت لسه نايم قالها وهو بينط علي مراد اللي نايم في سريره
مراد :انت اي يابني مش ناوي تكبر
سليم :لا انا لسه صغير مش هكبر دلوقتي
تجهزوا ثم اتجهوا الي المطار
صعدوا الطائرة ثم بدأت الطائرة في التحليق
#عندماالتقينا
البارت٢٦
نور عمالة تخبط علي الباب لحد ما تعبت وقعدت علي الارض تبكي حالها المجهول الذي لا تعلمه
ثم غفت وهي جالسه
كارم قلق لما لقي نور سكتت ومفيش اي صوت جاي من عندها
نزل كارم بهدوء تحت وفتح الباب بهدوء ونور وقعت اول ما فتح الباب لبرا
كارم سندها ولسه هيشيلها نور فاقت وبعدت عنه بسرعة
نور افتكرت انه جاي يعمل فيها اي حاجه مستغل نومها
نور:انت ازاي تتجرأ وتلمسني يا حقي*ر انت
كارم :اهدي ي نور انا كنت هرفعك علشان تنامي علي السرير مش اكتر
نور بانفعال:وانت بقي فاكر اني هصدق الهبل ده
كارم :براحتك
نور:روحني بالله عليك
كارم:للاسف مبقاش نافع
نور :انت قصدك اي
كارم ببرود:قصدي ان احنا كمان اربع ايام هنكون في لندن في قصرنا
نور متنحه ومش مستوعبه هو بيقول اي اصلا
كارم:طب اسيبك بقي عقبال ما تستوعبي
نور بانفعال شديد انت بتقول ايييه لندن اي انت اكيد بتهزر
كارم :بصي صرخي عيطي اعملي كل اللي انتي عايزاه بس ده بقي واقع دلوقتي ومفيش اي مفر منه
نور محستش بنفسها غير وهي نازله علي وش كارم بالقلم
كارم انفعل عليها :انتي مجنونه انتي ازاي تتجرئي وتعملي كده انتي نسيتي نفسك ولا اي
نور:يا اخي انا شوفت كتير وقليل مشوفتش في بجاحتك
كارم ببرود:ولا هتشوفي
نور بعصبية :انت مش هتروحني يعني
كارم:للاسف صح
نور: جميل بس عايزه اقولك انك هتندم ندم عمرك علي اللي هعمله معاك
كارم:خوفت انا كده يا ماما
نور بمنتهي الهدوء قعدت علي السرير :اتفضل يلا اطلع واقفل الباب وراك
كارم قلق من برودها المفاجئ ده وقلقان من اللي هي ناوية تعمله بس مش عايز يبين قدامها
كارم: فعلا انا هعمل كده
ثم خرج واغلق الباب من الخارج
كارم لنفسه :ياترا بتفكري في اي يا نور
يتبع
اللي عاوز تكملة الروايه يعمل متابعه من هنا
بقلم الكاتبة هدير أحمد ♥️
اتمني البارت يعجبكم♥️
تكملة الروايه من هنا
تم
ردحذف