 |
#عندماالتقينا
البارت 27_28_29_30_31
وصل مراد وسليم لندن ثم اتجهوا الي احد الفنادق الفاخرة بلندن
طلع مراد غرفته وسليم كذلك اول ما دخلوا اوضهم اترموا علي السرير علشان يرتاحوا من تعب السفر
بعد مرور اربع ساعات وتحديدًا الساعة ٣ عصرًا
في القسم
والد نور:كده عدا ازيد من ٢٤ساعة ياريت تقولولي بنتي فين
الظابط :احنا دلوقتي بنرصد كل كاميرات المراقبة بتاعت المنطقة وان شاء الله هنوصل ليها في اقرب وقت
دخل احد الظباط :اكرم باشا ممكن تتفضل معايا تبص علي حاجه كده
تحرك معه اكرم :ورأي علي الكمبيوتر لحظة خطف نور ولكن كانت السيارة بدون ارقام ولكن لحسن الحظ ظهر وجه احد الخاطفين بوضوح
اكرم :عايز الواد ده يكون علي مكتبي النهاردة
الظابط :امرك ياباشا
خرج اكرم وهو مش عارف يقول اي للراجل الكبير اللي برا ولا الام اللي هتموت علي بنتها
اكرم بأسف :للاسف بنتكم اتخطفت
والدة نور:وكأن حاجه خطفت قلبها منها
والد نور حاول يتماسك :وانت عرفت منين يابني
اكرم:اتفضلوا معايا
شاهدوا لحظة خطف ابنتهم تحت دموع الام
والد نور:انا عارف مين اللي خطف بنتي
اكرم بانتباه:مين يا حج
والد نور:اختي
اكرم :حضرتك متأكد او عندك دليل علي الكلام ده
والد نور:اه هي خطفت بنتي قبل كده وحاولت تقت*لها اكتر من مره
اكرم :تمام اديني عنوانها
والدة نور:احنا جايين معاك
اكرم:تمام اتفضلوا
ذهبوا الي فوزية والقوا القبض عليها وانكرت التهمة الموجهه لها وامر الظابط باخلاء سبيلها مع وضعها تحت المراقبة نظرا لعدم توافر الادلة الكفاية علي ادانتها
كانت كارولين تتصل بكارم مرارًا وتكرارًا دون اجابة منه حتي كادت تفقد عقلها من كثرة اتصالاتها
استيقظ مراد وذهب ليوقظ سليم لكي يبدأوا رحلة البحث عن كارولين وكارم
مراد :انت لسه نايم هو احنا جايين ننام ولا اي
سليم :اي ياعم انت لسه بدري سيبني انام ساعتين بس
مراد:خلاص نام هنزل انا لوحدي
سليم :ده انت تنح اصبر جاي معاك
ابتسم مراد واخرج هاتفه وظل ينظر الي صورتها
مراد للصورة:اتمني تكوني بخير دلوقتي
كان ينظر لصورة لنور التقطها عندما كانت نائمة بسيارته
تجهز سليم ثم قاله له هنبدأ منين
مراد :لسه مش محدد انا معايا ٧محافظات تواجدت فيهم كارولين
سليم :تمام يلا بينا نبدأ بالاقرب ف الابعد بعد كده
مراد:تمام توكلنا علي الله
#عندماالتقينا ♥️
#عندماالتقينا
البارت ال٢٨
بدأ مراد وسليم يفتشوا في مكان مكان كارولين ممكن تكون فيه حسب الارشادات اللي معاهم مر يوم واتنين ولسه موصلوش لاي حاجه حتي فقد مراد امله في ايجادها
اما عائلة فكانت حالاتها تبكي الحجر من شدة حزنهم علي ابنتهم
يرن هاتف عبد الحق والد نور
عبد الحق :الو
الضابط اكرم :احنا توصلنا للشخص اللي خطف بنتك بس مش عايز يعترف علي اي حد
عبد الحق :اسمحلي اجي انا ووالدتها ممكن لما يشوف حالاتنا نصعب عليه ويتكلم
اكرم :تمام في انتظاركم
بعد مرور نصف ساعة والد نور ووالدتها وصلوا الي القسم
اكرم :اتفضل يا عمي
والدة نور :هو فين
اكرم :دخل المجرم ي عسكري
دخل من الباب وماهي ثواني حتي هجمت عليه والدة نور
والدة نور ببكاء:وديت بنتي فين ي حيوا*ن بنتي فين بقولك
والد نور:بص يابني انا مش هقولك غير كلمتين دي بنتي اللي بيها من الدنيا وحيدتنا وملناش غيرها في الدنيا ارحم عجوز بيترجاك وست كبيره قلبها محروق من الخوف علي بنتها
المجرم :بنتكم كويسة والله وبخير
والدة نور بلهفة:طب طب هي فين ابوس ايدك
المجرم :مقدرش اتكلم كل اللي اقدر اقوله انها كويسة جدا والله وفي مكان كويس جدا ومحدش بيأذيها ومحدش اصلا يتجرأ انه يمس شعره منها
والدة نور :طب انا عايزه بنتي وديني ليها متسبناش كده قالتها بصراخ
انا قولت اللي عندي
الظابط اكرم :ما تظبط ياض قاعدين يكلموك باحترام ويتحايلوا عليك وانت ابن …….
خده من وشي قبل ما ارتكب جناية
اكرم لوالد نور :انا عايزك تتطمن هنوصلها بإذن الله
والد نور:ان شاء الله يابني
ثم اتجهوا لمنزلهم
عند نور وكارم
نور كانت رافضه الاكل بقالها يومين وشكلها دبل علي الاخر وعايشه علي المايه بس
كارم مخنوق وكل محاولاته انه يخلي نور تاكل فشلت وهيتجنن وخايف عليها جدا ليجرالها اي حاجه
لمعت فكرة في ذهنه ف ذهب اليها
كارم دخل علي نور الاوضة لقي ملامحها دبلت ومنظرها تعبان خالص
كارم كان داخل بصنية اكل
كارم :يلا يا نور علشان تاكلي
نور بصوت يكاد يكون مسموع :اطلع برا وخد اكلك معاك انا مش هاكل
كارم :تمام كده هتخليني انفذ اللي انا عايزه
انتبهت له نور
كارم اخرج هاتفه وتظاهر انه يتحدث مع احدهم
كارم :هو قدامك دلوقتي صح
كارم :خمس دقايق لو مكلمتكش اقت*له
قالها وهو ينظر لنور
انتفضت نور علي اثر هذه الكلمة
كارم :هتأكلي ولا لا
نور:انت هتق*ال مين ؟
كارم :عدوي الاول والاخير مراد
ذعرت نور عند سماعها لذلك
قامت بالعافية وتحاملت علي نفسها
نور:لو مراد حصله حاجه هقت*لك
كارم بضحك :يلا مستنية اي اقت*ليني وانا مش هقاومك
نور ببكاء :ارجوك سيبه بلاش تقت*له
كارم :يبقي تسمعي كلامي وتنفذيه
نور:هعمل كل اللي انت عايزه بس اتصل بيه قوله ميعملهوش حاجه
كارم :يبقي تاكلي الاول كل الاكل ده
نور :حاضر ثم شعرت بدوخه بسيطه ف استندت علي كارم دون ارادتها
كارم بلهفه:نوور ثم اسندها لتجلس وبدأت تأكل ثم تظاهر انه يتحدث مع احدهم ليلغي امر قت*ل مراد
#عندماالتقينا
البارت٢٩
نور :خلاص مش قادرة شبعت
كارم:كملي اكلك
نور:قولت شبعت
كارم :مش هعيد كلامي تاني يا تكملي اكلك يااما انتي عارفه
اكلت نور ما تبقي خوفا من اي فعل مجنون يقوم به
في لندن وتحديدا في قصر كارم العقاد
كانت كارولين جالسه تحدث طفلها
كارولين :عارف لما تيجي هنلعب كتير وههتم بيك جدا مش هسمح ان اي حد يفرض عليك واقع زي ما اتفرض عليا حاجات كتير بس انا قاومتها
انا بحب ابوك جدا وهو كمان بيحبني علي فكره واحنا الاتنين هنديك كل الحب ده
كارولين :سميحة سميحة
سميحه :اتفضلي يا ستي
كارولين بتأفف:قولت ميت مره اسمها هانم اسمي كارولين هانم اي ستي دي احنا مش في الغيط هنا
سميحة :اسفه يا هانم
كارولين :المهم حضريلي الحمام والغدا يجهز عقبال ما اخلص شاور
وطلعولي الغدا علي هنا
سميحه :امرك يا هانم تؤمري بحاجه تاني
كارولين:لا بسرعه بس
قامت كارولين من مكانها ووقفت امام المرايا وقالت لنفسها كم انتي جميلة يا كارولين
كارولين :كان لازم مراد يحبني حقه الصراحه اي حد مكانه لازم يحبني وفجأة تحولت ابتسامتها الي نظرة كرا*هية ثم قالت
بقي انا بعد ما كان مراد بيموت فيا يروح يحب بنت زي نور دي بعدي لا وكمان تكون سبب في كر*ه كبير بيني انا واخويا مبقاش كارولين الحر لو سيبتك عايشه يا نور
اما مراد وسليم زهقوا من كتر ما لفوا في كل لندن ومش لاقين كارولين بس وصلت احداثيات لمراد ان كارولين موجوده في قصر في مكان شبه منعزل في لندن
عزم مراد علي الذهاب لهذا المكان صباحًا
بينما كانت حالة عائلة نور تسوء يوم بعد يوم
اقترب كارم من الوصول الي اراضي لندن ما تبقي له لا يتجاوز الخمس ساعات
وكانت نور تدعي وتناجي ان ينقذها من هذه المصيبة التي اقحمت حياتها
#عندماالتقينا
البارت ال٣٠
وصل كارم اراضي لندن
كارم :خليكي هادية لحد ما نوصل قصرنا
نور:حاضر
نزلوا من المركب وكان في عربية في انتظارهم وفيها حارسين
جلس كارم ونور في الخلف
كارم :علي القصر عايز ارتاح
انطلق السائق وبعد مرور ساعة وربع وصلوا الي القصر
علمت كارولين بوصول كارم فقامت فرحه تستقبله فقد اشتاقت اليه بشده
دخل كارم ونور من باب القصر وكارولين نازله علي السلم واول ما شافت نور وقفت مكانها
كارولين :دي بتعمل اي هنا ثم ابتسمت وقالت اكيد جبتهالي علشان اخد طا*ري منها
كارولين:حبيبي ياكوكي ولسه هتحضنه كارم بعد ايديها عنه
كارولين :في اي يا كارم مكسوف اني هحضنك قدام البتاعه دي ولا اي
كارم كل ده واقف ساكت
كارولين :انا هتصرف ياروحي وجريت علي نور ولسه هتشدها من طرحتها كارم مسك ايديها
استغربت كارولين
كارولين بدهشه:في اي يا كارم
بصي يا كارولين انا كل ده كنت بنتق*م من ابوكي واخوكي فيكي وكنت عايز اسيبك بع*ار يفضل ملازم عيلتك العمر كله وده حصل فعلا الحمدلله انتي دلوقتي حامل بدون اي جواز رسمي ولا حتي عرفي ودلوقتي انا خلصت انتقا*مي ف يلا يا ماما براااا بيتي لان البيت سته هتكون نور اللي هتجوزها النهاردة
قال كل كلامه دون اي ردة فعل من كارولين نعم فكانت في اكبر صدمة ممكن ان تتعرض لها طيلة حياتها
كارم :اي هتفضلي كده كتير
كارولين بضحك :لا حلوة نكتة حلوه بجد
كارم :انا مبهزرش
كارولين:خلاص يا كارم د*مك س*م علي فكره
كارم:مسكها من شعرها جر*جرها ورما*ها عند الباب
كارولين بدأت تبكي بشده
كارولين:كارم قولي انا عملت اي طب انا اسفه كارم كارم متسبنيش كده قولي طيب انا عملت اي
كارم بغضب :قولي معملتيش اي ده انا من يوم ما عرفتك ومفيش حاجه عدله حصلت في حياتي كنا مخطوبين واهلك زي الفل معايا كل ده علشان ابويا كان متريش وعنده شركة واتنين
يجي القدر وابويا يخسر فلوسه ويتحجز علي كل املاكه ويتحبس بسبب الديون اللي عليه
تقومي سيباني يابنت الاصول
كارولين :مش انا والله ابويا هو اللي غصب عليا
كارم :والله اهبل بقي انا علي اساس اني معرفش انك كنتي مبسوطه مع مراد ورايحه جايه معاه انا مرفعتش عيني عنك لحظه من ساعة ما سيبتك
عرفت واتأكدت من رخ*صك بنفسي
واول ما جيتلك ورمتلك كلمتين سيبتيه وجريتي عليا علشان عرفتي اني رجعت اغني من الاول
بس خلاص كده انتقا*مي وخلص وانتي كارت واتحر*ق
كارولين :يعني اي كل ده كنت بتضحك عليا ومفهمني انك بتحبني
كارم :بنضحك علي بعض انا مثلث اني بحبك وانتي مثلتي انك بتحبيني متعادلين
كارولين :طب وابنك اللي في بطني
كارم:ضحك ضحكة عالية ابني ده اقسي انتقام منك علشان كل ما تشوفيه وتسمعه كلام الناس عليكي تلع*ني اليوم اللي سيبتيني فيه. . . . . .
#عندماالتقينا
البارت ال٣١
كارولين :كارم ارجوك ابوس ايدك متعملش فيا كده انا ماليش حد غيرك في الدنيا اتا رميت اهلي وصحابي وشغلي ورا ضهري علشانك انت الحاجه الوحيده اللي ليا في الدنيا دي كانت تقول كل هذا بدموع حارقه وهي بتترجاه
مسكها كارم ولسه هيرميها عند الباب قامت نور مسكتها
نور قعدتها علي الكنبه واديتها كوباية مايه ثم اتجهت نحو كارم
نور :انا موافقة اتجوزك بس بشرط
فرح كارم كثيرا
كارم :انتي تؤمري اي هو شرطك وانا هنفذه فورا
نور:تتجوز كارولين قبلي وتبقي مراتك رسمي
الكل انصدم من شدة طيبة نور معقول بتعطف علي وحدها كل همها انها تقت*لها
كارم :انتي بتقولي اي دي عايزه تقت*لك
نور:ميخصكش انا قولت عرضي وانت حر
كارم : لا يمكن انا لازم انتقم
نور:بغضب وانت كل ده منتقمتش انكم تعيشوا ف الحرا*م كل ده مش انتقام انك تبعدها عن اهلها ده مش انتقام انك تخلي بيدور عليها ف كل مكان علشان يحط في ايديها الكلبشات ده مش انتقام عايز تعمل اي تاني
ترضي علي نفسك يتعمل في بنتك كده او حد غالي عليك
اكيد مترضاش
كارم :موافق
كارولين :قامت حضنت نور جامد وفضلت تعيط في حضنها وتقولها شكرا بجد مش عارفه اقولك اي
كارم :ياريت تجهزوا علشان كتب الكتاب بلليل
بقلم الكاتبة هدير احمد ♥️
تكملة الروايه من هنااااا
تم
ردحذف