 |
#عندماالتقينا
البارت ال٣٢
كارم: ياريت تجهزوا علشان كتب الكتاب بلليل
نور:متقلقش هنكون جاهزين علي الوقت
كارم:سميييحة
سميحة:اؤمر يا بيه
خدي ستك نور طلعيها اوضتي وابقي اعملي سرير لدي في اوضة الخدم وشاور علي كارولين
نور لسه هتتكلم
كارم :انا سمعت كلامك في الجواز لكن المعاملة دي حاجه خاصه بيا متدخليش فيها
سكتت نور وطلعت مع سميحة بهدوء
دخلت نور الغرفة وانبهرت من جمالها
ثم قالت :فعلا اللي قال ان الفلوس مش كل حاجه مكذبش اهم اكبر دليل عايشين في نعيم الدنيا ومخلوش معصية معملوهاش
بالرغم ان ربنا مسهل قدامهم الحلال لا راحوا بردو للحرام
يارب اهديهم يارب وثبت قلبي علي دينك يارب خفف الالم علي قلب امي وابويا واديهم الصبر وطولة البال
قاطع كلامها صوت سميحة
سميحة :تؤمريني باي حاجه ياهانم
نور:انا مسميش هانم انا اسمي نور ثم بقي ان حضرتك في عمر والدتي وزي مامتي
سميحة:ربنا يجبر بخاطرك يابنتي ويناولك اللي في بالك يارب بس معلش كارم بيه لو سمعني بقولك باسمي هيبهدلني ومش بعيد يمشيني من هنا خالص
نور:طب خليه يعمله كده بس وانا هوريه هعمل فيه اي متخافيش محدش هيقدر يمشيكي من هنا
سميحة:ربنا يخليكي يابنتي
نور :تسلميلي يا امي
سميحة بدموع :انا اول مره حد يقولي امي دي انا معنديش اولاد علشان كده اتحرمت اني اسمعها
نور مسحت دموعها:وانا روحت فين اعتبريني بنتك بقي من دلوقتي
سميحة:انا دلوقتي هجيب لبنتي احلي اكل ومش عايزه اعتراض
نور:وانا جعانه جدا ومش هعترض بس الاول هاخد دش
سميحة :طيب قومي يا حبيبتي خدي دش اكون جهزتلك احلي غدا
كان يراقب كل هذا من بعيد
كارم:كل مره بيزيد اعجابي وتعلقي بيكي يا نور فيكي طيبة وحنية تلين الحديد
مراد :تقريبا وصلنا
سليم :وصلنا فين احنا متحاوطين بغابات
مراد:شغل مخك ده شوية احنا هننزل هنا وهنكمل مشي
سليم :تفتكر كارولين بتعمل اي هنا ده مكان مهجور هي بقيت زعيمة ما*فيا ولا اي
مراد:امشي وانت ساكت يا زفت مش وقتك
سليم بقمص:ربنا يسامحك يا وحش
مراد:اتعدل ياض بدل ما اربطك في شجرة هنا واسيبك وامشي يجي اسد ياكلك واهو يريحني منك
سليم بدلع :عنيف اوي
بصله مراد بصه اخرسته
سليم :والله ما هنطق خلاص 😂
#عندماالتقينا
البارت ال٣٣
فضلوا ماشين في الغابة لحد ما حسوا ان في حركة حواليهم
مراد بصوت منخفض :استني
سليم :في اي
مراد حط ايده علي بق سليم وهمس في اذنه في حركة حوالينا ودي يا اما حركة حيوان او حركة حراس القصر ف اسكت ووطي صوتك
سليم اخد انفاسه وبخوف يلا نرجع يا عم ليكون حيوان خطير
مراد :ارجع انت
سليم :منك لله يا بعيد
فضلوا ماشين لحد ما شافوا علي بعد واضح قصر وحواليه حراسه
مراد:انا واثق ان كارولين جوا
سليم :جميل وهندخل ازاي بقي
مراد :من سور القصر الخلفي
سليم :يا جامد وازاي هندخل بقي من الافيال دول
سليم :افهم يا غبي دائما الحراسه اللي بتبقي من ورا بتبقي قليله وساعات مبيكونش فيها حراس اصلا
سليم :وانت عرفت منين
مراد:شغال بتاع بطاطا انا صح
سليم:بطاطا الله نفسي فيها والله
بصله مراد بصه اخرسته
سليم :خلاص سكتنا اهو
اكملوا سيرهم نحو القصر كانوا يسيرون بعناية حتي لا يراهم احد
في القصر
كارم صعد عند نور الغرفه
كارم:حبيبي خلص لبس
نور بحده:انت ازاي تدخل عليا الاوضة من غير ما تخبط
كارم:لان دي غرفتنا
نور:لا دي غرفتي لحد ما نتجوز رسمي
كارم بفرحه:بس كده انتي تؤمري يا قمر ثم خرج من الغرفه
وقفت نور تختار اي فستان سترتدي
كان امامها مجموعة من فساتين محجبات في غاية الاناقة والجمال
اختارت فستان زيتي غاية في الجمال لم تضع اي مساحيق تجميل كعادتها
ثم جلست تفكر في عائلتها وجاء مراد علي بالها ففرت دمعه من عينيها
#عندماالتقينا
البارت ال٣٤
بعنوان لقاء العشاق♥️
كانت نور تفكر بمراد وتفر منها الدموع دون ان تشعر ثم قامت لتتوضأ انتهت من وضوئها وخرجت لتصلي
سجدت ويالها من سجدة طولية كانت تبكي بشده تبكي من ألم لا تعرف مصدر تبكي لترتاح تبكي لانها تعلم انه لا مفر من هذا السجن
خرجت عن صمتها وهي ساجده فأصبحت تبكي وتدعي في آن واحد
نور:يارب انقذني من اللي انا فيه ده يارب انا عارفه اني ماليش غير انا مش هقدر اصبر صبر يوسف يارب انا عبدك الضعيف نجيني من اللي انا فيه ده يارب يارب انا اتأكدت اني بحب مراد ومقدرش اعيش من غيرها يارب اي معجزه من عندك يارب
كان يسمع كل هذا وعروقه بارزه من شدة العصبية والغضب
خلصت نور صلاتها ثم وجدت مصحف صغير جلست تقرأ فيه ظلت تبكي حتي وهي تقرأ
اصبحت عينيها منتفخه وحمراء من كثرة البكاء
دخل كارم غرفة نور
كارم :جاهزه
نور:اه
كارم :طب يلا
نزلوا للجميع في الاسفل
حضر المأذون والشهود كانوا من الحراس
المأذون :العروسة تتفضل
شاور كارم علي نور
ونور شاورت علي كارولين
كارم:هكتب علي دي الاول يا شيخ
المأذون :اتفضل يابني
المأذون :بارك الله لكما وبارك عليكما وجمع بينكما في خير
العروسة التانية
جلست نور بجوار كارم وبدأت بالبكاء
المأذون:انتي في حد غصبك يابنتي علي الجوازة دي
نور بصت لكارم ببكاء:ابوس ايدك انا مش عايزه اتجوزك
كارم:مش بمزاجك
يلا اكتب يا شيخ
وفجأة ياتيهم صوت يكر*هه احدهم بينما الاخر يعشق هذا الصوت
الشيخ مش هيكتب حاجه
قالها مراد وهو ينظر لنور بدهشه
صعق الجميع من رؤية مراد بينما نور كانت تشعر وكأنها تحلم
قامت نور من جمب كارم ولسه هتتحرك لقيت كارم مطلع سلا*حه في وش مراد
كارم:ده الليلة عيد بقي ده كأن كل امنياتي هتحقق دلوقتي
مراد:ليه متكونش دي أسوأ ليلة في حياتك او اخر ليلة
كارم :كان نفسي نتكلم اكتر من كده بس انا عريس بقي وعندي كتب كتاب ومش فاضي دلوقتي ثم جهز سلا*حه ويده تضغط علي الزناد ثم تخرج طلق*ة تستقر في جسد نور التي القت بنفسها امام مراد…….
#عندماالتقينا
البارت ال٣٥
مراد:نوووور نووووور لا لا نور ركزي معايا انتي كويسة صح
سليم راح ناحية كارم اللي واقف متنح ومصدوم وخد من ايده المسد*س بس في حد من الحراس حط السلا*ح علي دماغ سليم بس اتفاجئ الحارس بان في حد مصوب مسد*س علي دماغه
امجد:نزل سلاحك يا شاطر
انزل الحارس سلاحه
مراد :ليه عملتي كده يا نور ليه
نور بأ*لم وصعوبة :علشان ب بحبك ثم فقدت وعيها
اطلق مراد صرخه عالية صرخة ارعبت كل من في القصر بينما كان كارم يبكي في صمت
سليم :مراد نور لسه عايشه يلا بسرعه علي المستشفي
خرج جميع من في القصر وار مراد وسليم ونور
كارم ركب عربيته وساق زي المجنون ورا عربية مراد
وامجد خد كارولين وطلعوا ورا عربية مراد
في المستشفي
مراد بصراخ: دكتووووور
خرج ممرضي الاستقبال وخدوا نور من مراد ودخلوا بيها علي غرفة العمليات
جلس مراد علي الارض يبكي نظر لثيابه الملط*خة بالد*ماء ثم نظر لكارم
هجم علي كارم ك وحش كاسر
اخد يضر*به بقوه دون ادني مقاومة من كارم فضل يوجه له اللكم*ات لكم*ة ورا التانية لحد ما فقد وعيه بس مراد موقفش بردو وامجد وسليم مش قادرين يشيلوه من علي كارم ف جه اطباء يساعدوهم وخدوا كارم علي غرفة
خرجت ممرضة بتجري من غرفة نور ومراد بيكلمها مردتش وجريت
رجعت ولحظوا انها راجعه بكيس د*م ومعاها دكتور تاني
دخلوا غرفة العمليات من غير ما يردوا علي مراد
بعد مرور ساعتين داخل غرفة العمليات
خرج الدكتور
مراد :طمني يا دكتور نور عامله اي (بالانجليزي )
الدكتور:هي كويسة بس مع الاسف مش هتقدر تمشي تاني
الجميع في حالة صدمة الجميع في حالة حزن عارمة
الكل منصدم ومتنح ومش مستوعبين اصلا كلام الدكتور
اتنقلت نور لغرفة عادية بعد ما حالتها استقرت
بدأت نور تفتح اعينها ببطئ شديد ثم بدأت الرؤية تتضح لها
نور:انا فين
مراد:احنا في المستشفي قوليلي في اي حاجه وجعاكي حاسه بحاجه
نور :لا خالص ثم حاولت انها تقوم وتتعدل بس أتأ*لمت
مراد :متتحركيش يا نور جرحك لسه جديد ممنوع الحركه
نور :كنت عايزه اقوم ادخل الحمام بس
مراد :ساكت مش قادر يتكلم وبيقاوم الدموع علشان متنزلش
نور:ممكن تسنديني يا كارولين
بكت كارولين علي حالة نور وبكي معها جميع من الغرفة
نور بقلق :في اي مالكوا بتعيطوا ليه مانا كويسه اهو الحمد لله
انفجر مراد من البكاء
. . . . . .
بقلم الكاتبة هدير احمد ♥️
#عندماالتقينا
البارت ال٣٦
انفجر مراد من البكاء
نور :في اي يا مراد في اي مالكوا بتعيطوا ايه مانا كويسه اهو
ذهبت كارولين بجانب نور واخذتها في حضنها
نور:قوليلي يا كارولين في اي
نور:كارم فين كارم
نور:مراد انت عملت حاجه لكارم اوعي تكون…
كارولين :كارم كويس بس انتي انتي
نور :انا مالي
كارولين:للاسف مش هتقدري تمشي تاني
صمت خيم علي المكان كله
نور مصدومه ومش بتنطق والجميع ساكت مترقب ردة فعلها
اتجه مراد ناحية نور وبدأ يمسح دموعه
مراد:نور اطمني انا هلف بيكي العالم كله علشان اعالجك لو الموضوع كلفني ثروتي كلها فهي تحت رجلك
نور اتكلمي والله ما هسيبك كده والله لتتعالجي وابقي احسن من الاول ميت مره كمان
نور:سبوني واطلعوا برا كلكم
دخلكارم في هذه اللحظة الي الغرفة
كارم بلهفة نور انتي كويسة
نور :كويسة ثم ضحكت ضحكة قهر ثم اكملت
انا كويسة جدا كويسه لدرجة اني هروح لابويا وامي بعد كل الغيبه دي وانا علي كرسي
انا كويسة جدا لدرجة اني عايزه اقوم اديك مليون قلم بس حتي دي مش هعرف اعملها ثم انهارت في البكاء
كارم بصدمة:اي اللي انتي بتقوليه ده يا نور
كارم :كارولين نور تقصد اي بكلامها ده
كارولين :نور اتشلت يا كارم ومش هتقدر تمشي وكل ده بسببك انت
سمع كارم تلك الكلمات وشعر وكأنه صعق
نور بصراخ وبكاء :اطلعوا برا كلكم
ذهب مراد وكارم الي جانبها
كارم :اقسم بالله هسفرك وهعالجك مش هسيبك كده هتتعالجي يا نور صدقيني
مراد :نور الطب اتطور جدا هنروح اليابان دي اكتر دولة متطورة هسفرك فرنسا
كارم بتلقائيه:مراد معاه حق كل الدول الاوروبية هتروحيها ان شالله نسافر دولة دولة مش مهم
مراد وكأنه نسي جميع خلافاته مع كارم:بالظبط كده
نور :شكرا مش عايزه منكم حاجه اطلعوا برا كلكم عايزه اكون لوحدي براااااااا
سليم اخرج جميع من بالغرفه
سليم لمراد :هتعمل اي لو ماوافقتش انها تسافر وركبت دماغها
مراد :هعمل اللي في دماغي مش بمزاجها او الامر تطلب مني اي هعالجها يعني هعالجها
سليم :بتفكر في اي
مراد :هتعرف في وقتها
بقلم الكاتبة هدير احمد ♥️
#عندماالتقينا
البارت ال٣٧
كانت قاعده في الاوضة بتعيط بقلب محروق
نور بعياط:طب هصلي ازاي يارب انا عارفه اني ممكن اصلي باي وضع بس انا عايزه اسجدلك عايزه اعيطلك عايزه اترجاك يارب
يارب انا مش عايزه اهلي يشوفوني كده يارب انا مش عايزه اكون سبب حزنهم يارب لو ده جزاء ذنب انا عملته فانا بستغفرك وبتوب اليك من الذنب ده
كان يسمع كل هذا وهو يشعر بان قلبه سيخرج من بين اضلعه من شدة حزنه عليها
مراد واقف علي الباب وسامع كل كلامها وكل توسلاتها لله
عزم مراد علي ما ينوي اليه وقرر ان ينفذ ما يخطط له
مراد :اسمعني كويس يا سليم اعمل اللي هقوله ده بالحرف الواحد ………………..
سليم :بس انت كده ممكن تتعرض للمسألة القانونية
مراد:ميهمنيش كل اللي يهمني نور وبس
سليم :متأكد
مراد :هتنفذ ولا انفذ انا بنفسي
سليم :اعتبره حصل
كارم جه وعايز يدخل غرفة نور بس مراد منعه
كارم:دخلني يا مراد
مسكه مراد من ياقة قميصه
مراد :اوعي تفتكر اني علشان ممسكتكش مو*تك جوا ابقي انا عديت اللي انت عملته ده انا بس سيبك لحد ما نور تخف غير كده وربي لكنت دف*نتك هنا
ونور مش هتهوب ناحية اوضتها
يلا بقي يا بابا امشي من هنا احسنلك
كارم :لسه هيتكلم لقوا ان الشرطة جايه عليهم
ابتسم مراد ثم قال لكارم يلا يا حلو وريني جمالك بقي في الكلبشات
دخلوا خدوا افادة نور واتفاجئ مراد لما لاقيالبوليس خارج من غرفة نور وماشي من غير ما ياخد كارم
كارم ضحك ثم قال ….
بقلم الكاتبة هدير احمد ♥️
#عندماالتقينا
البارت ال٣٨
كارم ضحك ثم قال لمراد
شكلها حبتني علشان كده مرديتش تعترف عليا
مراد سابه ودخل عند نور متعصب
مراد :انتي قولتي للبوليس اي
نور :وانت مالك
مراد:نور متعصبنيش وقولي قولتي اي يخليهم يمشوا من غير ما ياخدوا اي حد معاهم
نور بغضب :عايزني اقولهم اي اقولهم ان كارم حاول يقت*لك ولا اقولهم ان كارم كان خطفني وعايز يتجوزني بالاكر*اه وانا طبعا اول ما اقولهم كده هيقبضوا علي كارم وبعدين يجي اي محامي يخرجه وبعدين نبدأ سلسلة انتقام من اول وجديد ويا اعلم هتنتهي باي
ثم صرخت انا تعبت تعبت من مشاكلكم تعبت من كل اللي انا فيه ده انا كان عندي حياه هاديه وبسيطة جدا وكنت حباها جدا
لكن دلوقتي اطلع من مشكله اقع في التانية عملتلكم اي علشان تعملوا فيا كده
انت تتهمني بالكدب وواحد عايز يتجوزني بالعافية مبهدلني معاكم ليييه ذنب اهلي اييه انا تعبت وعايزه ارتاح
عايزه ارتاح منكم كلكم مش عايزه اشوفكم في حياتي هعتبركم كابوس وانتهي رجعوني مصر بس رجعوني لاهلي انا عايزه اهلي
ثم بدأت في البكاء بقوة
حاول مراد تهدئتها ولكن دون جدوي فبالرغم من ان كل كلامها موجع له ولكنه يعلم انه وللاسف حقيقه مؤلمة
خرج مراد من الغرفة وتحدث مع سليم
مراد :ابدأ نفذ دلوقتي
سليم :اعتبره حصل
دخلت ممرضه غرفة نور ومعها الطعام
نور :مش جعانة
بعد اصرار شديد من الممرضة كلت بس حاجات بسيطة
بدأت نور تشعر بدوخة بسيطة
دخل مراد الغرفة وبدأ يتكلم مع نور
مراد :عاملة اي يا انسه
نور :الحمد لله وحضرتك عامل اي كانت نور تتحدث بثقل
مراد :في استمارة تبع الكلية بتاعتك محتاجه توقيعك
نور بسرحان:تمام
اخرج مراد الورقة ثم حصل علي توقيع وفي الوقت ده دخل كارم الغرفة
كارم:اي الورقة دي يا مراد
مراد ضحك ثم قال له بكره تعرف يا جميل يلا برا بقي
كارم :نور عامله اي دلوقتي
نور:كويسة الحمد لله
استغرب كارم تغيير نور المفاجئ بس فرح ان نور بدأت تعامله بحب
ثم خرجوا من غرفة نور
مراد :التذاكر جاهزه
سليم :جاهزه
مراد :تمام هنتحرك بلليل طبعا مش محتاج افكرك هتعمل اي في كارم
سليم :عيب يا صاحبي
مراد:طيب انا هدخل اعقد مع نور شوية
بقلم الكاتبة هدير احمد ♥️
#عندماالتقينا
البارت ال٣٩
مراد دخل عند نور ونور كانت لسه زي ما هي حاسه بدوخة وسرحانه وتقريبا كده مش في وعيها
مراد:عاملة اي يا نور
نور :انا كويسة يابابا
مراد:فهم ان العلاج خلاص عمل المفعول اللي هو عايزه
مراد :قوليلي يا نور انتي ليه وافقتي تتجوزي الدكتور
نور:مانا قولتلك يابابا اني خلاص مش هتجوزه
مراد :وليه وافقتي من الاول
نور :علشان انساه
مراد:تنسى مين.
نور:انسى مراد علشان هو وجعني لما شك فيا وفي اخلاصي
فرح مراد وتضايق من نفسه في نفس الوقت
فقد فرح لانه علم انه يفرق مع نور وزعل بسبب انه خلاها تزعل من منه بسبب واحده متستاهلش
مراد :بتحبي مراد يا نور
نور:اه بحبه ومش بحب غيره
فرح لسماعه لتلك الكلمات فهو يعلم انها تقول الان الحقيقه ولا شيء سواها
دخل سليم الغرفه
مراد :عملت اي
سليم :كله تمام
مراد :وكارم.
سليم :بياكل رز بللبن مع الملايكه ومش هيصحي قبل تسع عشر ساعات
مراد :وكارولين
سليم :بتاكل نفس الرز بللبن بس في مكان تاني
مراد:وامجد
سليم :ده بقى في سابع نومة بس في الاوضة اللي جنبنا
مراد:حلو اوي كده الله ينور عليك
مراد:كده فاضل قد اي ونتحرك.
سليم :يا دوب نتحرك علشان نلحق الطيارة على الوقت
مراد:يلا بينا
مراد شال نور وسليم لم كل حاجه نور وطلع ورا مراد.
ركب سليم قدام ونور ومراد ورا واتجهوا الي المطار
ركبوا الطيارة وبعد اربع ساعات نزلوا في مطار فرنسا
خرجوا من المطار وكان في عربية في انتظارهم ركبوا واتجهوا نحو احد افضل مستشفى بفرنسا
نزلوا من العربية ومراد شايل نور
وصلوا عند دكتور هو المسئول عن عملية نور اتكلم مراد واتفقوا على كل حاجه وخدوا نور للعمليات مباشرة
سليم :ادخل ارتاح بقى يا مراد شوية انت منمتش من امبارح
مراد :مش هرتاح غير لما اشوفها واقفه على رجليها من تاني
روح انت ارتاح شوية
سليم :خلاص هروح اجيبلك فطار
مراد :لا هاتلى قهوة
سليم نزل الكافتيريا ومراد قاعد بيفكر في نور وبيدعي ان العملية تنجح
عدا تلات ساعات ونور لسه في العمليات
في لندن كارم فاق لقى نفسه نايم في مكان اشبه بالبدروم
حاول يخرج منه بس مش عارف
كارم بصراخ :مراااااااااد
في فرنسا
وبعد مرور خمس ساعات
خرج الطبيب من الغرفة ثم قال..........
بقلم الكاتبة هدير أحمد ❤️
تكملة الروايه من هنااااااا
تم
ردحذف