 |
#عندماالتقينا
البارت ال٤٠
خرج الطبيب من الغرفة ثم قال
مبروك تمت العملية بنجاح
في هذه اللحظه سجد مراد يشكر ربه وذرفت دمعة من عينه فاحتضنه صديقه سليم فرحًا
قام مراد وسأل الطبيب
مراد:هقدر اشوفها امتي
الطبيب :بعد اربع ساعات تكون فاقت من البنج
الدكتور قالهم انها هتحتاج من شهر لتلات شهور علاج طبيعي علشان تقدر تمشي تاني زي الاول
مراد :كان في دنيا غير الدنيا هو فرحان وبس
سليم :مبروك يا صاحبي
مراد :حاسس اني كنت ميت وفجأة روحي ردت فيا مش قادر اوصف احساسي انا كل اللي انا عارفه اني مبسوط اوي اوي اوي
مراد :اللهم لك الحمد يارب احمدك يارب واشكر فضلك عليا
خرجت نور من العمليات امامهم وعندما رأها سليم لف وشه الناحيه التانية بسرعة لانها كانت بشعرها بينما فضل باصص متنح في جمالها
مراد :شبه الملايكة وهي نايمه قالها بسرحان ثم انتبه ان هي بشعرها ف قلع الشال بتاعه وغطا شعرها
اتغار!
اغار ..ومن منا لا يغار اغار من نفسي عليكي واغار من ضلعي إن احتواكي واغار عندما تنظر عيني فترا غريبًا يراكي♥️
#عندماالتقينا
البارت ال٤١
استيقظت كارولين فوجدت نفسها بغرفة وبها حمام وامامها علي ترابيزة طعام
قامت من علي السرير وحاولت تفتح باب الغرفة بس لاقيته مقفول بدأت تدور علي شباك تفتحه لاقيت شباك بس مقفول باحكام وماعرفتش تفتحه
رجعت قعدت علي السرير ثم ابتسمت وقالت اكيد ده كارم حبيبي
دلوقتي نور بقيت متنفعش خلاص واكيد غير رأيه بعد اللي حصلها وكمان كتب كتابه عليا فانا دلوقتي اللي بقيت في قلبه
عند امجد
ظل امجد يجوب المشفي ذهابًا وايابا بحثًا عن مراد ونور ولكن دون جدوي
عند مراد ونور
كان مراد يجلس بجانب نور التي مازالت نائمة تحت تاثير المخدر
بدأت نور تفتح اعينها ببطئ شديد
نور:ماما
انتبه له مراد
مراد:نور انا هنا فوقي
نور :انا فين
مراد:انتي في المستشفي
انتبهت ان مراد من يجلس امامها ثم تذكرت كل شيء
نور:لو سمحت عايزه اروح
انتبهت نور تغير الغرفة والاجهزه الموصلة بها
نور :انا اي اللي حصلي تاني
مراد :عملتي العملية ونجحت واحنا دلوقتي في فرنسا تحديدا باريس
نور:اكيد بتهزر صح
مراد :لا والله انتي عملتي العملية ونجحت وكلها ايام وهتمشي زي الاول واحسن كمان
نور مش مصدقة ومش عارفه اي شعورها بس هي فرحانه
نور :طب انا ليه مش فاكره اللي حصل
مراد:لانك كنتي تقريبا كده مش في واعيك
نور:نعم
مراد:اه والله مانتي لو كنتي في وعيك كنتي خربتي الدنيا وفرجتي عليا امة محمد كلها ده غير آنك مكنتيش هترضي اصلا تدخلي العمليات
نور:وازاي عملت الورق ازاي عديت من الرقابة وحكومة المطار
مراد :عديت ب ورق قانوني وميه ميه
نور:يا سلام وده ازاي بقي اتبنتني مثلا ولا زو*رت وقولت انك اخويا
مراد:بقولك ورق قانوني تقوليلي زو*رت
نور:ايوه ازاي فهمني
مراد:اتجوزتك
نور:………..
#عندماالتقينا
البارت ال٤٢
نور:بطل هزار وقول عملت اي
مراد :بقولك اتجوزتك علي سنة الله ورسوله وبموافقتك وتوقيعك كمان
نور :لا ده انت اتجننت رسمي موافقة مين وتوقيع مين
مراد:هو انتي نسيتي لما قولتيلي بحبك ولا نسيتي الرصاصة اللي اخدتيها مكاني
بلاش كل ده نسيتي العريس اللي وافقتي عليه عند فيا علشان تنسيني بيه
نور ارتبكت من كلامه مش مصدقة هي بتسمع كده منه طب ازاي عرف منين
مراد:شوفتي بقي ان كلامي صح
نور:لا طبعا كلامك كله غلط في غلط انا معملتش اي حاجه من كل ده اي التخريف ده
مراد:اه فعلا حتي وجودك في المستشفي هنا اكبر تخريف
نور:انا عملت كده بدافع الانسانية مش اكتر
مراد:اه طبعا
دخل سليم في هذه اللحظة
سليم :ازيك يا مرات اخويا
نور:افندم مرات مين
نور :مراد لو سمحت اشرحلي اي اللي حصل بالظبط هنا نور بدأت تنفعل
مراد :قص لها كل ما حدث من اول ما خدرها لحد ما فاقت
نور بصدمة :انت ازاي تعمل كده مين ادالك الحق في ده اقول لاهلي اي لما اروح
مراد بحزن بس حاول يداريه :بسيطه جدا هشرح لاهلك كل حاجه وهطلقك انا عملت كل ده علشان اعرف اسافر بيكي بس مش اكتر المستشفي هنا كانت محتاجه حد يدخلك العمليات علي ضمنته
نور :وتفتكر انك لما تطلقني كده الموضوع هيتحل ولا اهلي هيفرحوا
مراد :طب قوليلي عايزاني اعمل ايه وانا اعمله
نور:اطلع برا
مراد:افندم
نور:خد صاحبك يا سليم واطلعوا برا
سليم :الله وانا مالي يا لمبي
ضحكت نور غصب عنها علي شكل سليم واسلوبه بينما كان مراد متضايق
خد مراد سليم وخرجوا برا
حل الليل وطلبت نور من الممرضة انها تنده مراد
دخل مراد عند نور لاقاها سرحانه وعلي وجهها علامات الحزن
مراد:الممرضة قالت انك عايزاني
نور :اه عايزه ارجع مصر
مراد:مينفعش ……
بقلم الكاتبة هدير احمد ♥️
اللي عاوز باقي الروايه يعمل متابعه من هناااااا
تكملة الروايه من هنااااااا
تم
ردحذف