 |
#غرور_وكبرياء_عاشق
حور بحيره:يا تري مين الشاب اللي عايز يتجوزك وليل نهار بيرن على ابوكى
نغم بصت لحور وقالت:مش الشاب اللى عايزنى ده امه وابوه
حور باستغراب: هو لسه الاب والام بيخطبوا لعيالهم
نغم قامت وقالت بخوف: هو انا ممكن اتجوز فعلا يا حور
قامت أيضا وقالت: على جث"تى يا قلبي
نغم حضنت حور وقالت بعياط: بعد الشر عليكي
باستها على راسها وقالت بحب: اي رايك نخرج
نغم بعدت عن حور وقالت: انا مش طالعه تانى
مسكت أيدها وقالت:مش طالعه ليه
بصت لتحت وقالت: مش عايزه اطلع من البيت تانى يا حور
_طب ومدرستك مش عايزه تدخلى كليه فنون جميله
_ازاى يا حور انا هتجوز بعد اسبوع
حور بعصبية: احنا هنستسلم ولا اي
نغم باستسلام فعلا: طالما بابا خد القرار يبقا انسي يا حور
_لا يا نغم مش هنسي ومستحيل اخليكى تتجوزي
نغم بفرحه: بجد
هزت راسها وقالت: بجد
نغم حضنت حور وقالت:أن شاء الله
باستها على رأسها وقالت في سرها:بس ازاى
عند مراد الالفي
التليفون رن ومراد حط ايدو على الكومدينو وبدأ يدور على التليفون لحد ما مسكوا في أيده
وقال بنوم: الووو
غسان بصدمه: انت لسه نايم
_تعبان شويه
_طب انا جاي
_طيب
قفل التليفون وقام من على السرير ووقف قدام المرايا وقال:بلاش تعذ"ب قلبك اكتر من كده
فتح الدولاب وطلع بدله سوده ودخل الحمام وخد شاور
طلع ووقف قدام المرايا ورش البرفان الخاص بيا
بعد شويه
_مراد بيه
التفت ليها وقال: غسان وصل
هزت رأسها وقالت: ايوه يا بيه
_تمام روحى انتى
بعد شويه مراد نزل وغسان بص في الساعه وقال: كل ده تأخير
حضنه وقال: معلش
بعد عنه وقال: مالك
_ما انت عارف
غسان خد نفس عميق وقال: لحد امتى هتفضل كده
_فكك من الموضوع ده المهم عندنا اي النهارده
غسان ضم حواجبه وقال: في اي
_انا اللى تعبان ولا انت
_خلاص يا جدع
_طب يلا نروح الشركه بقالى يومين مروحتش
(للتوضيح عائله الالفي وعائله السيوفي كانوا اعداء او كانوا منافسين لبعض في كل حاجه
لحد ما اتقابل الغرور (غسان) مع الكبرياء(مراد) والاحوال كلها اتغيرت وبقا في شراكه بين غسان ومراد زي الشركه)
غسان قعد وقال: فين روكى
_عند مصطفى
غسان باستغراب: ليه ده محدش قدر يبعدك عنه أبدا
_قولتلك تعبان فتره وهتعدي أن شاء الله
_ان شاء الله
مراد قعد جنب غسان وقال: هنفضل قاعدين كده كتير
غسان بص ليا وقال: عايزنا نعمل اي يعنى
_كاس
غسان هز راسه وقال: على الصبح كده انت ناسي الدكتور قالك اي
مراد بص لتحت وقال: اللى انا فيا محدش يقدر يشخصه يا غسان
غسان قام وشد مراد من أيده وقال: نبقا نطلع
_نطلع فين بقولك مش قادر
غسان بص على مراد من تحت لفوق وقال: امال خدت شاور ولبست البدله وحطيت البرفان الخاص بيك ليه
_على اساس رايحين الشركه
_خلاص تعالى نروح الشركه
مراد ابتسم وقليل جدا لو مراد الالفي ابتسم
مراد: يلاا
طلعوا فعلا
_هركب معاك
_ما انت عارف
مراد ركب في عربيه غسان وقال: انا مش قادر اسوق
غسان ركب أيضا وقال: مفيش الا حضرتك بتركب عربيتى
مراد بغرور: عشان انا مميز عندك
غسان هز رأسه وقال: فعلا
رجع راسه لوراء وقال: هنفضل واقفين كده كتير
غسان شغل العربيه ومشوا
في الطريق
_حور انا خايفه من بابا اوى
_ماما قالت انه طلع واكيدا مش هيرجع الا بليل
_طب لو رجع ومالقناش في البيت
_متخافيش يا روحى وعايزه اشوف ابتسامتك
نغم ابتسمت ابتسامه صفره وقالت: هنروح فين
_اي رايك ناكل كشري زي زمان
نغم هزت راسها وقالت بفرحه: ويكون من عمو سمير
_من عيونى
بص على الشنطه اللى في ايد حور وطلع يجري عالطول وشد الشنطه من حور وطلع يجري
حور بزعيق: حرامى حرامى
طلعت تجري ونغم قالت: حور حور
_حرامى يا نااس
_الاشاره
داس فرامل وقال: ده وقته
_اهدا يا غسان
الشاب وصل عند عربيه غسان ووقع
حاول يقوم لكن مقدرش راح حط الشنطه في عربيه غسان وقام بالعافيه وبيمد ايدو عشان ياخد الشنطه لكن العربيه مشت
الشاب بعصبية: استنى الشنطه
مراد بص جنبه وقال: شنطه
غسان بص ليا وقال: شنطه اي
خد الشنطه وقال: من امتى بتجيب بنات معاك في العربيه يا غسان
_بنات اي يا عبيط
_امال الشنطه ده جات منين
_مش عارف
مراد كان رايح يفتحها ولكن غسان منعه
_اوعك تفتحها
مراد ضم حواجبه وقال: ليه
_مينفعش يا مراد ده مش بتاعتنا
_يمكن يكون فيها صوره بطاقه أو اي حاجه تقدر توصلنا لصاحب الشنطه
غسان هز رأسه وقال: أوعك تفتحها
مراد حطها وراء وقال: ولا تزعل نفسك
حور مسكت الشاب من لياجته وقالت بعصبية: الشنطه فين
_معرفش
ضر"بته بالقلم وقالت: انطق الشنطه فين
_والله حطتها في عربيه وللاسف العربيه مشت
الدموع نزلت من عين حور وقالت: كان فيها القبض
_كام يعنى
_امشي من قدامى
الشاب ما صدق وطلع يجري عالطول
حور بخوف: نغم نغم
_مين القمر ده
خافت اوى من نظرات الشاب ليها
نزل من على الموتوسيكل وقال: ينهاار اسود اي العيون ده تقولش البحر اتصب في عيونها
نزلت عينها لتحت والشاب بص عليها من تحت لفوق وقال بشهوه: ما تيجى معايا يا موزه
نغم مشت والشاب مشي وراها
مسك ايدها وقال: ما تحن عليا يا جميل
سحبت ايدها وكانت ماشيه ولكن وقفت مره واحده
بصت على كتفها وقالت بعصبية: انت عملت اي
_قطعت الفستان من على كتفك بس
حطت ايدها على كتفها وقالت بعصبية: انت واحد قليل الادب
حط ايدو على شعره وقال: هو انتى لسه شوفتى قله الادب
وفجاه قلم ينزل على تلك الشاب الوقح
نغم بفرحه: حور
خدتها في حضنها وقالت: انا اسفه يا قلبي
الشاب حط ايدو على خده وقال: اي اللى عملتى ده
حور خدت نغم وراء ضهرها وقالت: ازاى قدرت تعمل كده
قطع لحور الفستان من على كتفها ايضا وقال: كده
نغم بصت لحور بصدمه
_انت شكلك قليل الادب
_فعلا
داست على رجله بالصندل بتاعها جامد اوى
_اعااااااااا
نغم مسكت طوبه ورمتها علي الشاب وقالت: مسمحش لحد يقرب من اختى يا حيو"ان
حور بصت لنغم وكانت فرحانه اوى
الشاب طلع يجري عالطول وقال وهو بيجري: يا بت المجنونه
رمت الطوبه اللى في ايدها على الارض وقالت: انتى بخير
حور كانت مبتسمه
نغم حطت ايدها على كتف حور وقالت: حور انتى معايا
هزت رأسها وقالت: ايوه عايزاكى شجاعه كده
حضنتها وقالت: بكون شجاعه لما حد يقرب منك بس
باستها على رأسها وقالت: صحيح انا اختك الكبيره لكن حسيت انى اختك الصغيره مش الكبيره
بعدت عنها وقالت: طالما انا اختك الكبيره امشي ورايا يلا
_من ناحيه هنمشي هنمشي فعلا
نغم باستغراب: ليه
_الشاب اللى خد منى الشنطه بيقول حطها في عربيه وميعرفش عربيه مين
_اوعك تقولى أن القبض فيها
حور هزت راسها وقالت: الألفين ونصف في الشنطه
_مش مهم المهم انك بخير
_مش مهم ازاى انا كنت عايزه اجيب لاختى العسل فستان
_حياتك اهم من اي حاجه
حور مسكت ايدها وقالت: طب يلاا نروح
_طب والكشري
_بقولك مش عارفه هنرجع ازاى وانتى تقوليلى طب الكشري
_اممم نسيت
ضر"بتها على رأسها وقالت: طب قدامى
نغم مشت هي وحور فعلا
في شركه السيوفي والالفي (شراكه)
وصل غسان ومراد والكل قام عالطول
_الحمدلله على السلامه يا مراد بيه
مراد مردش عليها فهو بعادته مغرور جدا ومن المستحيل يرد على حد
بصت لتحت وقالت: هيفضل طول عمره مغرور كده
وقف وقال بصوت جهوري: احنا هنا عشان نشتغل يا اللى بتتكلمى
بلعت ريقها وقالت: انا اسفه يا مراد بيه
دلف الى مكتبه والبت قالت باستغراب: سمعنى ازاى ثم كملت: بس الصراحه جامد النهارده
_والله ما في اجمد من المغرور اللى اسمه غسان
_حلو بس عصبي اوى على عكس مراد هادي جدا
خدت الملفات وقالت بتريقه: واضح أن مراد هادي
في مكتب غسان
_اسيل
دخلت عالطول وقالت بمايعه: نعم يا بيه
_فنجان قهوه
هزت راسها وقالت بابتسامه: حاضر يا غسان بيه
_اخلصي وبلاش شغل البا"ر ده
بصت لتحت واتعصبت اوى وقالت: دقيقه والقهوه هتكون عندك
قام وراح عندها وقال: قولتى اي
بلعت ريقها والخوف كان سيد الموقف
_انتى مش جديده هنا عشان تقولى دقيقه
ثم كمل بعصبية: لما اطلب فنجان قهوه يوصل حالا
هزت راسها وقالت بخوف لا تحسد عليا: حاضر يا بيه
_اطلعى براا
رفعت راسها وفرحت اوى وقالت بارتباك: عن عن اذنك
فتحت الباب وطلعت عالطول
قعد على الكرسي وقال: الدلع ده مش هينفع
في مكتب مراد
كان حاطط ايدو على دماغه وبيفتكر الماضي وبدأ يقبض ايدو
_مراد بيه
مراد:________
_مراد بيه
فاق من تلك الذكريات الاليمه وقال: في اي
_الملفات ده محتاجين توقيعك عليها
قام وقال: خبطت على الباب قبل ما تدخل
هز راسه وقال: خبطت بس حضرتك مردتش
مسكوا من لياجته وقال: طب افرض مردتش تدخل عادي كده مش فاتحين زريبه يا روح امك
بص لتحت وقال: انا اسف يا بيه
زقه وقال: حط الملفات على المكتب ويا رب تدخل تانى من غير ما تستئذان
_حاضر يا بيه
_انت لسه واقف براا
طلع عالطول وكان مرعوب جدا
فهذا حال غسان السيوفي ومراد الالفي كل يوم
رجعوا البيت ونغم قالت بتعب: رجلى مش طايقه يا حور
_انا اسفه يا قلب حور
دخلوا ولكن وقفوا فجاه
قام وقال: كنتوا فين
نغم بصت لحور اللى قالت: اخدت نغم نتمشي شويه
_ومن غير اذنى
_انا معملتش جريمه
_ادخلى يا نغم
نغم مسكت ايد حور وقالت: انا اللى طلبت من حور نطلع يا بابا
_ادخلى انتى يا نغم
حور بصت لنغم وهزت رأسها وقالت: ادخلى انتى يا حبيبتي
نغم سابت ايد حور ودخلت فعلا
منير بص على كتف حور وقال: مين اللى قطعلك الفستان كده
_مسمار
_ازاى
_انا تعبانه اوى ومش قادره عن اذنك
_طب هاتى القبض
حور وقفت وقالت بارتباك: قبض اي
بص في النتيجه وقال: مش النهارده يوم قبضتك
_اصلاا
_اصلا اي
_جبت شويه حاجات خاصه
_والحاجات الخاصه ده ب ٢٥٠٠
_ده تعبي يا بابا والمفروض محدش يسالنى عن حاجه عن اذنك
_ومن امتى بتقولى كده
_من النهارده
ودخلت اوضتها وقفلت الباب وراها
قعد على الكرسي وقال: محدش فيكم فاهم حاجه كل اللى بيحصل ده غصب عني
_بابا قالك حاجه
هزت راسها وقالت بابتسامه: لا
خدت نفس عميق وقالت: كنت خايفه اوى
_متخافيش يا روحى
نغم مسكت بنطلون جينز وشميز أبيض وقالت: هدخل اغير هدومى مش هتاخر
ابتسمت وقالت: ماشي
حور مسكت تليفون نغم وقالت: ارن على تليفونى يمكن صاحب العربيه ابن حلال ويرجعلى الشنطه
رنت على تليفونها من تليفون نغم
كان بيرن في العربيه
بعد مرور دقيقه تقريبا
حور قفلت التليفون وقالت: شكله حرامى
قعدت على السرير وقالت: والله تعبت الشهر ده اوى في الشعل وكنت فرحانه اوى بالفلوس حظى وحش اوى
طلعت من الحمام وقالت: بتقولى حاجه يا حور
_التليفون والفلوس في الشنطه يا نغم
_هيرجعوا أن شاء الله
حور قامت وقالت: ازاى بس
_طالما الشنطه وقعت في ايد أغنياء يبقا هترجع
_وعرفتى منين انهم أغنياء
_مش الشاب اللى خد الشنطه قالك انه حطها في عربيه
_ايوه ليه
_طالما عندهم عربيه يبقوا أغنياء
_هو اي حد عنده عربيه يبقا غنى
_مش عارفه
_بابا لو عرف اللى حصل مش هيسكت يا نغم
_مش هيعرف ان شاء الله
_يا رب يا نغم
في المساء
رجع من الشغل وقال: مفيش حد هنا ولا اي
كانوا قاعدين بيتناولوا العشاء
_محدش بيرد ليه
عفاف بصت لحامد وقالت: تعالى يا غسان
دخل وقعد على الكرسي وقال باستغراب: مالكم
_اصلا
_اصلا اي يا ماما
حامد حط ايدو على كتف غسان وقال: انت كبرت يا ابنى
_امممم ادخل في الموضوع
_العمر بيجري بينا أنا وامك ولازم
زق الكرسي برجله وقال بعصبية: لازم اي يا بابا
حامد بص لتحت وعفاف قامت وقالت بعصبية: كفايه بقاا كفايه غرور وكبرياء اسمع بقا انا شوفت بنت من يومين كده والصراحه دخلت دماغى وطلبت ايدها من أهلها ووافقوا والفرح بعد اسبوع
غسان بصدمه: اي
انتظروا صدمات هتعمل على تغير حياه ابطالنا في البارتات القادمه
#يتبع اللي عاوز البارت التالت يعمل متابعه من هنااااااا
#روايه_غرور_وكبرياء_عاشق
#البارت_التالت من هنااااااا
#بقلمي_دعآآء_حجآآج
تعليقات
إرسال تعليق