 |
#جبروت_عائله_الرشيدي
#البارت_٣٢والاخير
وانت بتدور على النص الضايع منك اوعي تختار النص اللي انت عايز تعيش معه..... اختار النص اللي متعرفش تعيش من غيره
🌺🌺الفنان.محمد صبحي
بعد كم شهر
عند رحمه...
رجعت من المستشفى بدري وكان عاصي لسه مجاش لسه بتفتح باب الشقه عشان تدخل بصت الشقه اللي في الدور اللي فوق
اتنهدت بحزن وطلعت خبطت والخدمه فتحتلها
رحمه. ازايك يا نور
نور. الحمد لله ياهانم
رحمه. مدام ثريا أخبرها ايه دلوقتي
نور. زي العاده يا ست هانم
رحمه. طب جهزيلها الاكل انا هدخلها
في اوضه ضلمه قاعده ثريا على كرسي بعجل وباين على ملامحها الندم والحزن
رحمه دخلت وفتحت النور وفتحت الستاير
ثريا. اقفلي النور
رحمه. ليه
ثريا. انا عشت حياتي كلها في الضلمه هيفرق في ايه لو عشت في النور
رحمه. جايز لو عشتي دلوقتي في النور نهايتك تبقى كويسه يا ثريا
ثريا بعصبيه . انتي ليه بتعملي كدا؟ ليه بتعاملني كويس؟ انا قت"لت امك..... حاولت اقت"لك ليه بتعملي كدا؟ ليه؟
رحمه. انتي فعلا قت"لتي امي اللي انا معرفش عنها حاجه لكن امي دلوقتي عند اللي احسن مني ومنك يا ثريا...... عارفه جايز دا عقابك في الدنيا
ان البنت اللي انتي اذتيها هي اللي تساعدك دا أكبر عقاب يا ثريا..... على فكره انا بشفق عليكي اتمنى ترجعي لربنا لان اللي جاي مش اد اللي راح
نور. الاكل يا مدام رحمه
رحمه. هاتيه يا نور
رحمه. ياله يا ثريا كلي لو سمحتي
ثريا. مفيش ملايكه على الأرض يا رحمه لسه بتعملي كدا
رحمه. عشان انا بعاملك بأخلاقي مش أخلاقك لو عملتك باخلاقك اول حاجه هعملها اني اقت"لك لكن انتي عملتي فيا معروف محدش خد باله منه
لما بعدتيني عن قصر الرشيدي وانا صغيره انا اتربيت في بيت شخص يعرف معنى الأخلاق علمني ان النا"ر بتحر"ق صاحبها في النهايه.... انا لازم انزل عاصي زمانه جاي.... خالي بالك عليها يا نور
نور. انتي تؤمري يا ست هانم
رحمه نزلت شقتها
ابتسمت ودخلت اخدت شاور ولابست قميص عاصي و خرجت وهي بتنشف شعرها
عاصي واقف مربع ايديه بغيظ ادامها
رحمه. خضتني يا عاصي انت جيت امتي
عاصي بغضب مزيف. ايه دا يا هانم؟
رحمه. ايه في ايه؟
عاصي وهو بيقرب منها وشدها من وسطها.. مش ملاحظه يا مدام انك بتلبسي كل قمصاني
رحمه بغمزه. وماله يعني؟
عاصي بضحكه صاخبه. بنت أين حياءك؟
رحمه بضحكه. هو اللي يعرفك يعرف حياء دا انا اكتشفت بعد جوازنا ان قاموسك دا ممسوح منه كلمه حياء
عاصي بخبث. ااااممم مدام كدا بقى عايزك في كلمه سر
رحمه بحده. عاصي!
عاصي. والله العظيم يا بت انتي مراتي انتي هبله
رحمه وهي بتلف ايديها حوالين رقبته.. عاصي عندي ليك خبر حلو
عاصي. اامم ايه؟
رحمه بابتسامه جميله . انا وانت هيبقى عندنا بيبي صغير اوي
عاصي بذهول. انتي!
رحمه هزت راسها بمعنى اه و بعدت عنه وحطت ايديها على بطنها ... انا وهو هنفضل نحبك للابد
عاصي ضحك وشدها لحضنه
عاصي. من يوم ما دخلتي حياتي وانتي مديه لحياتي طعم يا رحمتي سبحان الله فات سنه ونص شكرا لانك قبلتي تكوني في حياتي حتى يعد ما عرفتي حقيقتي
رحمه بعصبيه. عاصي لو سمحت مش كل شويه تتكلم في الموضوع دا... لو سمحت لو بتحبني سيب الماضي للماضي وانسى بقى يا حبيبي وخلينا نعيش حياتنا ونفكر ازاي هنربي ولادنا
عاصي رفع راسها له وبا"سها. بحبك
رحمه. وانا بعشقك يا عاصي
..... 🌺🌺🌺🌺🌺🌺...
في شقه قاسم
دخل وشم ريحه اكل جميله من المطبخ وسمع صوت صا"خب في المطبخ
ملاك ماسكه المغرفه وبتغني وكانت لابسه بجامه على شكل أرنب
ملاك... ومشيتي فيها
ومشيتي فيها والغلط درتيها كنتي حفرتي حفره واليوم طحتي فيها يالا دابا عقتي ومن القلب فقتي ناري وشنو درتي....
كان عندي حلم كبير
كنت ناوي لك الخير
ونعيش حياتنا نطير
شربتيني المرار
قاسم بمقاطعه من وراها. دا انتي طفحتيلي المرار يا بعيده
ملاك. انت جيت امتى؟
قاسم وهو بياخد منها المغرفه وبيقلدها
ملاك بحده. قاسم
قاسم بقى يقرب منها وهي بترجع بخوف
قاسم. ايه اللي انتي لابسه دا يا ملاك
ملاك. ايه
قاسم بغيظ. هو انتي نسيتي انك متجوزه ولا انا اللي بيتهيالي
ملاك. يعني عايز ايه
قاسم. يعني فين
ملاك بمقاطعه. خالص خالص انا اصلا عارفه دماغك شمال أسألك ليه اطلع برا بقى عشان اجهز الغدا
قاسم بسرعه شالها وخرج من المطبخ
ملاك. نزلني يا حيو"ان نزلني ياض
قاسم بغمزه. سيبك بقى من المطبخ يخربيتك
ملاك بابتسامه جميله. بحبك
قاسم بتنهيده. بعشقك يا روحي
..... ❤️❤️❤️❤️❤️❤️....
في شقه دياب
حور كانت بتعيط
دياب دخل البيت واتخض لما شافها قاعده على الأرض بتتالم
جري عليها وقعد جانبها
دياب. مالك يا حور
حور بدموع. بطني بتوجعني اوي يا دياب مش قادره اتحمل الوجع
دياب.. طب طب ياله بينا على المستشفى
حور بتعب. لا يا دياب انا مش عايزه اروح المستشفى
دياب. حور؟! ارجوكي بطلي عند
هنطمن عليكي انتي والولد
حور. طب ناديلي رحمه هي دكتوره وهتقدر تساعدني بس انا مش عايزه اروح المستشفى ارجوك
دياب شالها ودخل اوضته حطها في السرير ورن على رحمه
عند رحمه
عاصي. مين الغليس دا
رحمه. مش عارفه وبعدين بطل بقى
مسكت موبايلها ولقيته دياب
رحمه. ازايك يا دياب
دياب. رحمه ممكن تطلعيلي لو سمحتي حور تعبانه اوي انتي عارفه انها في التاني و انا مش عارفه اعمل ايه
بقلم. دعاء احمد عن روايه جبروت عائلة الرشيدي
رحمه. خالص انا طالعه اهو متقلقش
عاصي. في ايه؟
رحمه. حور تعبانه ودياب مش عارف يعمل ايه انا هغير واطلعلها
لابست هدومها وحجابها وطلعت هي وعاصي لشقه دياب
هو كان واقف منتظرها على باب الشقه
دياب. رحمه
رحمه. متقلقش انا هدخلها
دخلت و بعد شويه خرجت
دياب. هي كويسه
رحمه. الحمد لله دلوقتي احسن بس على فكره حور مش بتتغذا كويس و لأنها في أول الحمل حالتها متلغبطه شويه لازم تبعد عن أي توتر انا اديتها حقنه مهداه هتنام لحد الصبح.... على فكره يا دياب دا بسبب التوتر مش اكتر
دياب. مش عارف اقولك ايه يا رحمه
رحمه. انا اختك مفيش بينا الكلام دا ياله تصبح على خير
دياب دخل لحور
لقها نايمه راح قاعد جانبها وشدها لحضنه وبقي يطبطب عليها لحد ما راح في النوم
بعد عشر سنين
في جنينه العماره
قاسم ودياب بيشوا اللحمه وعاصي بيجهز السفرا
قاسم بضحك. بقى هم دول ولاد الرشيدي اااه مخبيالنا ايه تاني يا دنيا
عز ابنه. اشوي يا بابا اشوي بدل ما ماما تطلع تتخانق معانا ودي ست نكد
قاسم بضحك. والله انت طلعلي يا واد ابني ابني
ملاك من وراهم. نكديه دا انتم سنتكم زفت
عز. اجري يا بابا
حور طالعه بصنيه مكرونه بشاميل وجانبها طفله عندها تسع سنين
حور. وادي المكرونه انا خلصت
رحمه. وانا كمان
بيدخل عمرو ورغد و ابنهم إياد اللي عنده ١١ سنه
عمرو. اتاخرنا عليكم
ملاك. لسه يبدوب مخلصين ياله بينا
إياد بجديه طفوليه. اونكل عاصي
عاصي. نعم يا حبيبي
إياد. انا طالب ايد بنت حضرتك سلوي
رحمه واقفه فاتحه بوقها وبصه لرغد وعمرو
عاصي. وانتي رايك ايه يا سلوي
سلوي وهي واقفه وراه رحمه. اللي تشوفه يا بابي
قاسم وقع على الأرض من كتر الضحك وجانبها عز ابنه
عاصم ابن عاصي. وانا مش موافق معندناش بنات للجواز
إياد. وانا لو متجوزتهاش هخطفها وساعات هتجوزها برده عشان انا وهي بنحب بعض
عاصم بغرور. وانا موافق لكن بشرط
بقلم. دعاء احمد عن روايه جبروت عائلة الرشيدي
إياد. ايه هو؟
عاصم. اتجوز اختك ورد
إياد. وانا موافق
ورد بغرور طفولي . وانت فاكرني هوافق اتجوزك هههه
عاصم وهو واقف اصادها. تقدري ترفضي يا بنت المنشاوي
ورد بدموع. مامي دا بيخوفني
رحمه. متزعليش يا روحي.. عاصم اعتذر
قاسم. والله يا واد يا عز انت اللي فيهم..
عز. السنجله جنتله يا عم
عاصي حط ايده على دماغه بصدمه. هما دول أطفال!
رحمه. الولد طالع لك يا عاصي. ربنا يستر
عاصي. متخافيش يا روحي طول ما احنا جانبه متخافيش
خالد. السلام عليكم
رحمه. وعليكم السلام ورحمة الله وبركاته اتاخروت ليه
خالد. دكتوره سلمي طبعا لازم تفضل ساعه أدام المرايه
سلمي. ازايك يا رحمه
رحمه. الحمد لله كويسه ياله بينا بدل ما الاكل يبرد
كلهم قاعد ا وكانت سفره طويله بتجمع كل أبطالنا بين جو حب وود
بعد كم يوم
رحمه واقفه أدام المقابر
رحمه. خالص يا صقر نام وانت مرتاح سلمي وخالد بقوا مع بعض وانا حياتي اتغيرت وبقي عندي ولد وبنت زي القمر كان نفسي تكون معايا.. ربنا يجمعني بيك على خير
قامت وقررت تروح لعاصي الشركه ويروحوا سوا
في الشركه
رحمه. عاصي جوا
السكرتيره. ايوه يا مدام رحمه
رحمه. تمام هدخله
وبسرعه دخلت و ووقفت مصدمه لما شافت عميله قاعده مع عاصي وهي لابسه ما يكشف
عاصي بخضه. رحمه انتي كويسه. الولاد كويسين؟ حصل حاجه
رحمه وهي باصه للعميله. لا ابدا بس انت وحشتني اوي فقلت اعدي عليك ونخرج سوا
بقلم. دعاء احمد.. جبروت عائلة الرشيدي
عاصي. تمام يا روحي بس انا عندي اجتماع دلوقتي
العميله بمياعه. خالص يا باشمهندس ولا يهمك ناجل الاجتماع
رحمه. انا برده رأي كدا
بعد شويه العميله خرجت وفضلت رحمه واقفه بصه بغيظ لعاصي
عاصي. في ايه يا حببتي
رحمه. مين دي؟
عاصي بمشاكسه . بتغيري عليا؟
رحمه. مفيش واحده مش بتغير على حبيبها
عاصي بابتسامه. بس انتي عارفه اني مش ممكن احب غيرك وكلهم بالنسبه لي زي بعض
يبقى ليه تغيري؟خايفه اروح لواحده غيرك؟
رحمه بابتسامه. لا دا اصل مش بيشغل بالي
لأنك مش هتلقي معهم اللي بتلقيه معايا
لن تجد امرأه تحبك مثلي
ولن تهتم بك أمراه متلي
ولن تحنو عليك أمراه مثلي
ولن تجد قلبا ينبض بعشقك مثل قلبي
عاصي بدهشه وهمس. يبقي ايه الداعي لأنك تغيري بقي
رحمه. اغار عليك من ان تنظر إليك امرأه.... فتقع في عشقك
وتمضي حياتها معذ"به.. خلف بحث عن سراب لرجل لن يكون ملك لها
اغار عليك من كل امرأه تحدثها بلباقتك المعهوده.. فتظن انك تتودد إليها.. وتلهث خلفك..
ثم تصحو على صاعقه انك ملكي انا وحدي
اغار عليك من كل انثي تجد شهامتك فتظن انك تفعل ذلك لأجلها وحدها
ثم تفاجأ... أيضا بأنك ملكي
فلا تخف يا حبيبي فأنا اثق بك
فقد وصل حبي لك منتهاه
فقوه الحب ان اتركك مع غيري.. وامضي مطمئنه.. فصك ملكيتك معي وحدي
تمت بحمد الله
كنتم مع دعاء احمد ❤️❤️
اللي وصل لهنا يعملي (لاف) بصراحه عايزه أعرف شعور ان البارت ياخد لاف مش لايك
واعملوا متابعه للمدونه علشان يوصلكم كل قصصي ورواياتي من هنا هنا
وانتظرني ان شاء الله
في (العشق المسموم)
بعد اسكريبت طفله أعادت شبابي واسفه على التأخير اللي حصل
رايكم يا قمرات بيفرق معايا 🌺🌺
حلقه اضافيه من هنا
❤️
ردحذف