 |
#طفله الفهد
في المستشفي ✨
سمر مسكت القلم وكانت رايحه توقع ولكن انصدمت واخيرا فاقت من الصدمه وقالت:اي المبلغ ده
الدكتوره:ده فلوس العمليه !!
_كل ده فلوس العمليه ليه يا دكتوره
_سمر احنا مش هنعمل لوالدتك عمليه واحده بس والدتك تعبانه جدااا واكتشفنا ورم في الكلى
الدموع نزلت من عين سمر وقالت:بس ازاى حضرتك متقوليليش
_زوج حضرتك هو اللى طلب منى كده
_دكتوره انا مقدرش أدفع المبلغ ده كله
الدكتوره بابتسامه: المبلغ كله اندفع يا سمر
سمر مسحت دموعها وقالت:اندفع مين اللى دفعه
_زوج حضرتك !!
سمر وقعت فعلاا على الورق وطلعت ومكنتش عارفه تقول اي لمالك
سمر دخلت لوالدتها اللى كانت بتتالم اوى وقالت في سرها:أن شاء الله اللى فيكى يجى فيا يا ماما
والده سمر ابتسمت وقالت:تعالى يا بنتى واقفه كده ليه
سمر دخلت عالطول وقالت بعياط:ماما انتى هتسبينى صح
والده سمر كانت مستغربه اوى كلامها وقالت:ليه بتقولى كده هو انا عندي حاجه وحشه
سمر بصت في الأرض وقالت:لا يا ماما معندكيش حاجه والدكتوره قالت انك هتبقي كويسه
_بس في الم غريب اوى يا سمر وعالطول حاسه بدوخه
سمر حضنت أمها وقالت:أن شاء الله هتبقي بخير يا ماما
_هروح اجبلك حاجه تاكليها
_بس
_مش عايزه اعذار مش هتأخر
أبتسمت وهزت رأسها وقالت:خدي بالك من نفسك
سمر هزت رأسها مع دموع مكتومه
سمر طلعت فعلاااا ورنت على مالك
_خالتى بخير صح
_بخير انا عايزاك
_خير !!
سمر بعياط: محتاجك يا مالك عايزاك تكون جنبي
_بتهزري صح
_اه بهزر سلااام
سمر قفلت التليفون وقالت:معقول يجرا ليها حاجه والنبي لا انا مقدرش ابعد عنهاا انا امو"ت من غيرها
في قصر الكيلانى ✨
الباب انفتح ليدخل جمااال ولحسن الحظ بتول استخبت عالطول وكانت دقات قلبها سريعه جدااا
جمال فتح الدولاب وقال:كان في حد هناا
بتول خافت اوى وحطت أيدها على بوقها وقالت في سرها:ينهار اسو"د معقول شافنى
جمال قعد على السرير وفجاه تليفونه رن
_الوووو
_يا تري بيكلم مين ؟
_حادثه
بتول قالت باستغراب:حادثه اي ؟
_يعنى عرفوا أن انا السبب****
جمال كان رايح يقول يعنى عرفوا أن انا السبب في مو"ت أهل زينه ولكن شاف رجل بتول وقام
وقتها بتول خافت اوى وقالت:سكت ليه معقول يكون شافنى
جمال كان رايح يشوف مين اللى ورا الستاره ولكن صوت الباب قاطعه
_مين
_انا يا بيه
جمال فتح الباب وقال:عايز اي يا جاسر
_في حد عايزك تحت
_هكلمك بعدين
جمال قفل التليفون وطلع وقفل الباب وراء وبتول طلعت عالطول وقالت:الحمدلله يا رب قلبي كان هيقف
بتول لقت ورقه على الأرض وقعه من جمال
بتول مسكت الورقه وفتحتها وقالت:رقم مين ده ؟
بتول طلعت تليفونها من جيبها وكتبت الرقم وطلعت عالطول
_اكيداا الرقم ده مهم !!
بتول دخلت اوضتها وقفلت الباب ورنت على صاحب الرقم
_اخيراا رنيت انا كنت منتظرك من زمان اوى يا جمال
بتول استغربت وقالت في سرها:بس انا مش جمااال
_الووو جمال بيه
بتول قفلت التليفون وقالت:اكيداا الرلجل ده مش عارف رقم بابا واكيدا ورا حاجه
بتول رنت على محمود
_بتول
_انا عايزاك
محمود ضم حواجبه وقال:في اي ؟
_الكلام مش هينفع على التليفون لازم نتقابل
_تمام هنتظرك في الكافتريا
_تمام
عند فهد وزينه ✨
زينه كانت قاعده قدام الكمبيوتر بتاع فهد وفجاه حد رن فيديو
زينه فتحت عالطول لتنفتح الكاميرا على شيري
_شيري
_بتعملى اي بكمبيوتر فهد
زينه ضمت حواجبها وقالت:والله اللى يسمعك يقول انى حراميه انتى ليه مش عايزه تفهمى أنى مدام فهد الكيلانى
شيري اتعصبت اوى وقالت:فهد فين ؟
_مالكيش دعوه
شيري قبضت ايدها وقالت:ردي على قد السوال
_وانا رديت على قد السوال
_انا مش عايزه اتعصب عليكى
_عايزه اي من زوجى يا شيري
شيري قعدت تضحك وقالت:فوقي لنفسك بقاا فهد مستحيل يحبك والحب اللى انتى عايشه ده من طرف واحد بس اللى هو انتى
_مش مهم المهم انا جنبه وانتى لاء
شيري قعدت تضحك للمره التانيه وقالت:صحيح فهد بعيد عنى بس قلبي معااا
_واضح فعلاا أن قلبك معااا
شيري بعد فهم:تقصدي اي
_ههه لما نرجع هقولك على كل حاجه !!
_تقولى اي
_خليها مفاجاه يلا سلاام اصلاا شكله فهد رجع
زينه أنهت المكالمه وقالت:البدايه يا شيري وربنا لخليكى ترجعى امريكا لوحدك
شيري قعدت على السرير وقالت:معقول اللى بفكر في ؟
شيري حطت أيدها على وشها وقالت: لا يا شيري ده كدابه وبتحاول تعصبك مش اكتر
شيري ابتسمت وقالت:اكيداا محصلش حاجه اكيدا
الباب خبط وزينه قامت وفتحت الباب وقالت:نعم
_اتفضلى
الشاب مشي عالطول وزينه استغربت اوى وقالت:اي ده ؟
زينه فتحت الهدايه ولقت فستان اسود حلو اوى
_فهد
وفجاه الباب خبط تانى زينه قامت عالطول وفتحت الباب وقالت:الفستان حلو اوى
ولكن اللى كان على الباب مش فهد
_مين حضرتك
_اتفضلى
ومشي أيضا من غير ما يقول ولا حاجه
زينه قفلت الباب وقالت:في اي ؟
زينه فتحت الهدايه الثانيه ولقت سلسله دهب جميله جدااا ماشيه مع الفستان
_طب وبعدين ؟
زينه مسكت تليفونها ورنت على فهد ولكن تليفونه كان غير متاح
وفجاه الباب خبط لثالث مره
_اكيدا المره ده فهد
زينه فتحت الباب وقالت:هو فهد فين ؟
الشاب حط الهدايه على الأرض ومشي من غير ما يجواب على زينه
زينه اتعصبت اوى ومسكت الهدايه التالته وفتحتها ولقت صندل ابيض كعبه عالى وكان جميل جدااا
وفجاه الباب خبط لرابع مره
زينه خدت نفس عميق وفتحت الباب ومدت أيدها من غير ما تشوف اللى على الباب
فهد حط ايدو في أيدها وزينه فتحت عينها عالطول وقالت:اخيرااا كنت فين ؟
_البسي
_البس اي
_الفستان
_ليه
_يا بت كفايه اسئله ادخلى يلاا
_بس ليه عملت كده اقصد لازمتها اي تبعت الشباب ده
_كنت عايز اعصبك شويه
_لا اتعصبت اوى وضايقت كمااان
_هفضل واقف كتير
_ممكن سوال
فهد خد نفس عميق وقال:اسالى يا زينه
_احنا رايحين فين ؟
_هتعرفي بس ادخلى غيري هدومك
_حاااضر
زينه مسكت الفستان ودخلت الحمام عالطول
فهد قعد على السرير منتظر زينه
بعد شويه صدر صوت الصندل
فهد التفت عالطول وقال: اوبااااااا مين القمر ده
زينه وقفت قدام المرايه وقالت: متاكد ان ده منظر واحده قمر
فهد حاضنها من ورا وقال:واحلى من القمر كمااان
زينه خجلت اوى وقالت:طب لبسنى السلسله
فهد جاب السلسله فعلاا وزينه حطت شعرها على جنب
زينه لبست فعلاا السلسله وازدادت جمالاً وجاذبية
فهد بص في المرايه وزينه بصت ايضا وقالت:كل ده عامل كام يا فهد ؟
فهد ضر"بها على رأسها
_اعااااا
فهد بحب:انتى احلى من كنوز الدنيا يا زينه
زينه أديرت وحضنت فهد وقالت:وانت احلى شخص عرفتوا
فهد بعد عن زينه وقال:ليه عرفتي قبلى قبل كده
زينه بصت في الأرض وقالت: الصراحه
_ايوه عايز الصراحه
زينه عملت بايدها رقم خمسه وقالت:خمسه بس
فهد بغيره:خمسه ؟
زينه هزت راسها وقالت:اه
فهد:________
زينه حضنت فهد وقالت بضحكه:الخمسه دول بابا وماما الله ير"حمهم
فهد بحزن:الله ير"حمهم
_وسمر وبتول
_طب الخامس مين ؟
_اصلااا الخامس لو قولته هتزعل اوى
_ليه شاب ؟
_شاب اي يا عم ده موز
فهد ضم حواجبه وقال:مين ده بقاا
_انت يا فهودتى
فهد بزعل:وانا رقم خمسه عندك
_لا مش رقم خمسه بس انا بجيب بالترتيب انا عارفه سمر من ايام الطفوله جيران يعنى وبتول شوفتها قبل ما شوفك
_طيب
_صحيح مش يلاااا
_يلا فين
زينه باستغراب: انت مش عملى مفاجاه
_لاء
_امال قولتلى البسي ليه ؟
_كنت عايز اشوفهم عليكى
_وشوفتهم
فهد ببرود اعصاب:اه
وفجاه زينه داست على رجل فهد بكعب الصندل
_اعاااااا
زينه زقت فهد وقالت:اوعى كده مش خساره فيك
فهد مسك أيدها وشدها ليا وقال:كده يا زينه رجلى وجعتنى
_تستاهل
_يعنى مش صعبان عليكى
_لاءء
_طب خلاص انا ماشي
زينه مسكت ايد فهد وقالت:فين
_مالكيش دعوه بقااا
_هاجى معاااك
_لاء
زينه مسكت في لياجته فهد وقالت بطفوله:عشان خاطري
_صالحينى الاول
_اعااا فهد متبقاش رزل
فهد زقها وقال:انا رزل طب عن اذنك
زينه مسكت ايد فهد وقالت:انا اللى رزله وبارده كماان
_واي تانى
_بس !!
_طب يلاا يا ام لسان
_استنى عندك
زينه بفرحه:يعنى عاملى مفاجاه وقولتلى لا يا رزل
فهد اتعصب اوى وقال:اي رزل ده
زينه حطت أيدها في ايد فهد وقالت:اسفه يا فهودتى مش يلا
_يلاااا يا لمضه
فهد وزينه طلعوا فعلااا
في المستشفي ✨
سمر كانت ماشيه وفجاه دخلت في مالك اللى مسكها عالطول
_انتى بخير
سمر هزت راسها وقالت:انت ازاى تخبي عليااا
مالك باستغراب:خبيت اي ؟
_ماما عندها ورم في الكلى وانا معرفش
_مكنش لازم تعرفي
سمر اتعصبت اوى ومسكت هدوم مالك وقالت:ده امى فااهم يعنى اعرف عندها اي قبل أي حد
_تعرفي ازاى بالدموع اللى مش بتنشف ابدااا
_بس ده امي بردو
_انا كان ممكن اقولك بس مردتش عارفه ليه مش عشانك لا عشان خالتى اللى حضرتك متقدريش تمسكى نفسك خالص قدامها
سمر بصت في الأرض وقالت:فعلااا في ده عندك حق انا ضعيفه اوى قدام اي حد بحبه
مالك خد نفس عميق واخدها اخيرا في حضنه وقال:انا اسف مش قصدي ازعلك بس امك مينفعش تعرف عشان نفسيتها
سمر هزت راسها وقالت:هي ماما ممكن تمو"ت
_متقوليش كده أن شاء الله هتبقا بخير
سمر حضنت مالك جامد اوى وقالت:أن شاء الله
مالك استغرب وقال:انتى ؟
سمر بعدت عن مالك عالطول وقالت:انتى اي
_لا متخديش في بالك
_ماما لازم تاكل عشان تاخد العلاج
_عشر دقائق ومش هتاخر
سمر مسكت ايد مالك وقالت:مش كل حاجه تجبها انا معايا فلوس على فكره
مالك حط ايدو على أيدها وقال:انا اي ؟
_مالك
_مش قصدي انا بالنسبه ليكى اي اقصد قدام الناس
سمر بخجل:زوجى
_يبقا من حقي اقف جنبك وقت الشده
سمر ابتسمت وقالت:شكراا
مالك ابتسم أيضا وقال:مش هتاخر
سمر هزت راسها وقالت:وعد منى يا مالك مش هزعلك تانى وهبدا حياه جديده معاااك عشان بحبك ♥️
في الكافتريا ✨
_اي ده ؟
_ده رقم لقيتوا في اوضه بابا
محمود مسك الورقه وقال:يا تري رقم مين ده
_انا رنيت عليه وواحد رد وقال اخيرا رنيت انا كنت منتظرك من زمان يا جمال بيه
_قال كده بالظبط
بتول هزت راسها وقالت:ايوه
محمود بص في الرقم وقال:الرقم ده مش غريب عليا
محمود طلع التليفون وكتب الرقم عندو وظهر اسم محسن
_محسن
_مين محسن
_جمال شافك
بتول هزت رأسها وقالت:لاء
_كويس اكيدااا محسن متفق مع جمال على حاجه
بتول مكنتش فاهمه حاجه وقالت:انت تعرف صاحب الرقم ده
محمود هز رأسه وقال:شغال في الشرطه بردو
_تبع الفساد صح
محمود ضحك وقال:ايوه
_انا اول مره اشوفك بتضحك
محمود ضم حواجبه وقال:مش عالطول بضحك
_بتشتغل على قد ما بتضحك
محمود بحزن:ومعملتش حاجه في الاخر الفساد اللى انتصر
بتول مسكت ايد محمود وقالت: انا واثقه انك
بتول نزلت رأسها لتحت والدموع امتلئت عينها وقالت:انك هتقدر ترجع بابا اقصد جمال
محمود قرب منها وقال: ارفعي راسك انك مش زيه بالعكس قولى شكرا يا رب انى بقيت زي ماما مطلعتش زي الشخص ده
بتول هزت راسها ومحمود مسح دموعها وقال: مش عايزك تراقبي جمال
بتول بفضول:ليه
_جمال خطير واعتقد مصلحته الشخصية اهم منك ومن فهد ومالك ولو وصل بيا الأمر ممكن يقت"لكم
_طب هتعمل اي ؟
_على فكره انا شغال في الشرطه بقالى ٦ سنين يعنى اللى زي جمال دول ولا الهوا عندي
_وانا واثقه فيك
_طب تعرفي انا اتشجعت اوى انى أمسك جمال في اقرب وقت
_واتشجعت دلوقتى
_اوى !!
بتول خجلت وقالت:انا همشي انااا
_استنى هوصلك
_بس
_مبسش يلااا
بتول ومحمود طلعوا فعلااا وركبوا عربيه محمود اللى للاسف الشديد مفيهاش فرامل
طلع التليفون من جيبه وبعت رساله لجمال
جمال فتح التليفون وقرا الرساله وقال:الوداع يا محمود
الرساله كانت كلاتى
(انا عملت كل حاجه يا بيه والظابط محمود طلع وركب العربيه فعلاا وعلى الأكيدا هتسمع خبره النهارده )
في الطريق ✨
بتول كانت مكسوفه اوى أن ده اول مره تركب مع محمود
وكان معدي رجل عجوز ومحمود حاول يوقف العربيه وللاسف العربيه موقفتش
بتول بخضه: في اي
_العربيه مفيهاش فرامل
_اي
العربيه قربت من الراجل اوى وكانت هتدخل فيا ولكن محمود غير الطريق عالطول
الدموع نزلت من عين بتول وقالت:يعنى هنمو"ت
محمود حاول يسيطر على العربيه لكن معرفش
والعربيه كانت سريعه جداااا
_بتول افتحى الباب فورااا
_ليه ؟
_بتول في جبل قريب اوى ممكن نقع فيا
_طب لما افتح الباب اعمل اي
محمود بزعيق:تنطى عالطول
_بس العربيه سريعه اوى ازاى عايزنى انط
_بتول اخلصي مفيش وقت
بتول فتحت الباب فعلااا ومحمود زقها عالطول لتلف على الأرض ولحسن الحظ انها وقعت على قش
بتول قامت وبصت لقت العربيه وقعت من على الجبل وانف"جرت عالطول
_محمود
بتول طلعت تجري ولقت العربيه بتو"لع كلها وكانت في حاله صدمه:😳😳
عند فهد وزينه ✨
فهد وقف العربيه ونزل فتح لزينه باب العربيه بطريقه رومانسيه جدااا
ومد ايدو ليها زينه حطت أيدها عالطول ونزلت
_اي رايك
_رايي في اي
وفجاه الاضواء اشتغلت لينزل ورد على زينه وفهد
زينه فرحت اوى وقالت:اي الجمال ده
فهد وقف يتفرج على زينه وكان مبسوط اوى أنه قدر يفرحها
زينه راحت حضنت فهد وقالت:ده احلى هدايه بس بمناسبه اي
فهد بحب: بمناسبة وجودك في حياتي يا زينه
_انا مش عارفه اقولك اي يا فهد بس أنا فرحانه اوى
فهد مسك ايد زينه وقبلها بحب وقال:وانا على قد ما اقدر هفرحك
زينه بصت في عيون فهد وقالت:انا بحبك اوى يا ابن الكيلانى
فهد أخدها في حضنه وقال:وانا بعشقك يا طفلتى
_طب يلااا عشان عامل عشا رومانسي هيعجبك اوى
زينه راحت مع فهد وشد الكرسي وقال:اتفضلى
زينه قعدت وكانت فرحانه اوى فكلمه فرحانه لا تكفي سعادتها
السفره كان منظرها حلو اوى خصوصاً الشمع اللى كان موجود عليها بجانب الورد الاحمر رمز الحب
زينه مسكت الشوكه والمعلقه وفهد كذلك وبدأوا يأكلوا
فهد قرب من زينه وزينه خجلت اوى
_خدي ده من ايدي
زينه فتحت فمها وفهد باسها وهو بياكلها
فهد بعد عن زينه بكل حب وزينه وشها احمر اوى من الخجل
_اي رايك نرقص
زينه هزت رأسها وهي بصه في الأرض
فهد قام وزينه قامت أيضا
فهد مسك ايد زينه وحطها على كتفه وحط ايدو على خصرها وزينه حضنت فهد عالطول من الخجل
فهد ابتسم وقال:مكسوفه من اي مفيش إلا انا وانتى معقول تكونى مكسوفه منى ؟
زينه مردتش لأن الخجل كان سيد الموقف
وفجاه اشتغلت اغنيه اجنبيه رومانسيه جدا
_فهد انت مش قولت انك مش بتعرف ترقص
_اهو بنهبل
زينه قعدت تضحك اوى وفهد بغضب:يعنى بتضحكى عليا
زينه حطت أيدها على فمها وقالت:مش قصدي بس غصب عنى والله
_امممم
زينه بتريقه:امممم
فهد مسكها من أنفها وقال:ربنا يخليلى الطفله المجنونه ده
_بقولك اي ؟
_اممم
_هات اغنيه مصريه بلاش الاجنبي ده عشان مش فاهمه حاجه خالص
_خالص
زينه بابتسامه:خالص
_حاااضر
_عندك اي
_هو انتى جايه تشتري ولا اي
_مش قصدي بس عايزه اغنيه لما تشوفك عينى لكارمن سليمان (الاغنيه ده المفضله ليااا اسمعوها يا بنات حلوه اوى وهاديه♥️)
وفجاه الاغنيه اشتغلت وزينه قالت:اي ده
_احنا مش لوحدنا لوحدنا
زينه ضر"بت فهد وقالت:وتقولى مفيش حد يا كداب
فهد شد زينه من خصرها وقال:واي يعنى اتنين متجوزين محدش ليا دخل صح ولا انا غلطان
زينه هزت راسها وقالت:اه طبعاا
زينه وفهد كملوا رقص وكانت اجمل لحظه بين زينه وفهد يا تري اي اللى هيحصل لما يرجعوا مصر هل هذه السعاده ستزول ام لا ؟
في المستشفي ✨
مالك رجع ودخل لقي سمر قاعده جنب أمها اللى نامت
_نامت امتى
_الدكتوره ادتها ابره مهدا عشان تعبت اوى
مالك بص في الأرض وقال: متخافيش إن شاء الله هتكون بخير
سمر قامت وقالت:مالك انت لسه زعلان منى
مالك محاولا تغير الموضوع:الاكل اهو لما تفوق وكليها
سمر مسكت ايد مالك وقالت بحزن:انا اسفه مكنش لازم ***
_خلاص يا سمر مش زعلان
_طب قولى يا منال
مالك بابتسامه:اقولك اي
سمر مسكت لياجته مالك وقالت:منال
_وانتى مش هتزعلى ؟
سمر هزت رأسها وقالت:لا مش هزعل
_منال
_يا منال
مالك ضحك اخيراا وسمر فرحت اوى وقالت:مالك انا عايزه اقولك على حاجه
_اممم
سمر قربت من مالك وقالت:اناااا
بدأت نبضات سمر تزداد وربما كانت مسموعه وقالت:انا بحبك وكانت طالعه ولكن مالك مسك أيدها وشدها ليا وقال:قولتى اي ؟
سمر ارتبكت اوى وقالت:قولت قولت
_سمر لا والنبي انا مستنى اللحظه ده من زمان اوى قولتى اي
سمر بخجل: قولت بحبك ♥️
مالك فرح اوى مكنش مصدق اخيراا بعد العذا"ب ده
سمر بصت في الأرض وكانت مكسوفه اوى
مالك رفع وشها لفوق وقرب منها وقبلها وكانت أول قبله حره بنهم
اتمنى اللى بيقرا في صمت يعمل ليك حتى مش هيفرق معاكى يا قمر بس هيفرق معايا اوى والله♥️♥️
يتبع
تكملة الروايه بعد عمل متابعه من هنا هنا
تعليقات
إرسال تعليق