 |
#طفله الفهد آسفه على التاخير
في شركه الكيلانى (شركه نور الدين المنصوري)
وصل الشركه والكل كان قاعد وبيبص علياا فهد كان مستغرب نظراتهم ليا وقال باستغراب: في اي مالكم
حسام راح عند فهد وقال: كل ده تاخير
_اتاخر زي ما انا عايز مش انا المدير
حسام قرب من فهد وهمس في ودنه وقال: اصلا الشركاء قاعدين من ربع ساعه ومنتظرين حضرتك
فهد ضم حواجبه وقال: شركاء اي
حسام بص للشباب وقال: عندك رجاله يا فهد
فهد بابتسامه: اللى بفكر فيا صح يا حسام
حسام ابتسم وقال: قولت للشباب يرجعوا بيوتهم لكن رفضوا وقدرنا نعمل كل التصميمات
_حقيقه مش عارف اقولكم اي بس بجد شكرا
واحد من الموظفين: ده اقل حاجه نعملها معاك يا بيه
حسام بجمود: لو فضلنا نشكر بعض كتيرا اعتقد الشركاء هيمشوا
_طب اهداا يا خفيف وامشي ورايا
--------------------------دعآآء حجآآج-----------------------------
_عشان خاطري فكر
اخدها في حضنه وقال:لازم اسافر يا بنتى وبعدين انا قولتلك اي هنزل كل شهر عشان اشوفك
سمر بحزن: طيب
باسها على رأسها وقال: طب تعرفي انا مسافر وانا مطمن عليكي
ثم كمل: عشان متاكد مليون في المية أن مالك هيحافظ عليكى
مالك ابتسم وقال: متخافش يا عمى سمر هتكون في عينى
هز رأسه وقال: متاكد من كده
_على المسافرون التوجه إلى الطائره فورا
سمر مسكت ايد والدها والدموع ممتلئه عينها وقالت: عشان خاطري بلاش
بص لمالك وهز راسه
مالك خد سمر في حضنه ووالدها خد الشنطه ومتجها الى الطائره
سمر قعدت تعياط وقالت: كان لازم تمنعه يا مالك كان هيسمع منك
مالك بعد عن سمر وحط ايدو على خدها وقال بحب: حاولت كتير لكن رفض وبعدين انا جنبك خايفه من اي
_مش خايفه بس كنت عايزه جنبي
_على فكره هو جنبك
سمر بصت حواليها وقالت: جنبي فين
مالك بابتسامه: التليفونات بقت بتقرب البعيد يا قلبي
سمر بصت لتحت وقالت: مش اوى
مالك رفع وشه لفوق وقال: اي رايك نروح مطعم ونتغدا سوا
_لا انا عايزه اروح
مالك خد نفس عميق وقال: خلاص اللى تحبي
-----------------------دعآآء حجآآج--------------------------
_فهد طلع هتعمل اي
جمال بتفكير: مش عارف بس اكيدا في حل
شيري خدت نفس عميق وقالت: واي هو الحل
جمال بص لشيري وقال: انتى الحل
شيري ضمت حواجبها وقالت: انا الحل ازاى مش فاهمه
جمال:_________________
بعد مرور دقيقتين جمال قال لشيري على الخطه وشيري بخوف: تفتكر الخطه ده هتنجح ؟
جمال هز رأسه وقال: تنجح اوى كمااان
_واي اللى مخليك واثق كده
جمال وقف على جنب وقال: اللى مخلينى واثق أن الخطه ده هتنجح حب زينه وحمزه زمان
_صحيح حمزه بيحب زينه لكن زينه بتحب فهد
_هي ده بقااا اللى عايزها ثم كمل: طالما حمزه بيحب زينه يبقا الخطه هتنجح
_الا صحيح عرفت حمزه ازاى
جمال بيفتكر
فلاش باااك
_على فين يا فندم
_عايز اروح قصر الكيلانى
جمال بص ليا وقال: قصر الكيلانى
حمزه بص لجمال وقال: حضرتك تعرفوا
جمال بابتسامه: ده يبقا قصري
حمزه بابتسامه أيضا: حضرتك أبو الشاب اللى خد منى حبيبتى
جمال ضم حواجبه وقال: حبيبتك
حمزه هز رأسه وقال: ايوه ابن حضرتك اتجوز البنت اللى بحبها
_تقصد زينه ؟
حمزه هز رأسه للمره التانيه وقال: ايوه زينه
جمال قبض ايدو وقال بعصبية: وانت بقاا عايز تروح القصر ليه عشان ترجعها
_عايز أقابلها
جمال في سره: ده فرصتك يا جمال
جمال بابتسامه خبيثه: لو عايز زينه ليك انا عندي خطه
حمزه بفضول: خطه اي
جمال قرب من حمزه وهمس في ودنه وقال: لازم تكر"ه فهد في زينه
حمزه بعد فهم: ازاى مش فاهم
_لازم الثقه تنهز بين الطرفين
حمزه ضم حواجبه وقال: ازاى بردو
_لازم فهد يشوفك انت وزينه في وضع م"خل
حمزه بصدمه: انت بتقول اي متحترم سنك وبعدين ده ابنك ازاى عايز تعمل فيا كده
_خلاص انت حرا انسي زينه خالص
حمزه بغضب: راجل مجنون
جمال نزل من العربيه وقال: ده رقمي فكر وبلاش تستعجل هكون منتظر ردك
حمزه مسك الورقه وقال: مستحيل اعمل كده انا بكر"ه زينه فياا كده
بعد مرور يوم كامل
جمال كان قاعد على الكنبه وماسك تليفونه وفجاه التليفون رن ليفتح جمال التليفون عالطول وقال: كنت متاكد انك هترن
_وعرفت منين
_مش عارف بس كنت متاكد انك هترن
_المهم انا موافق بس عندي شرط زينه تكون متخدره
_كده كده زينه هتكون متخدره امال هتيجى لوحدها كده
_التنفيذ امتى
_في الوقت المناسب
حمزه بخبث: تماام
جمال قفل التليفون وقال: حلو اوى
باااااك
_في حاجه مش فاهمه ازاى حمزه كان راكب معاك في عربيه واحده وعرف منين أن زينه عايشه في قصر الكيلانى
_العربيه بتاعتى اتعطلت وقتها اضطرت اركب اوبرا وموضوع عرف منين قصر الكيلانى اكيدا سال على فهد ومفيش حد مش عارف مين فهد الكيلانى
شيري خدت نفس عميق وقالت: خلاص انا همشي والباقي عليك
_تمام
----------------------------دعآآء حجآآج-------------------------
بعد مرور ربع ساعه وخصوصاً في اوضه فهد
كانت في الحمام وفجاه التليفون رن
طلعت من الحمام ومسكت التليفون وقالت باستغراب: شيري
زينه فتحت التليفون وقالت: غربيه بترنى ليه
_كنت برن عليكى عشان اسالك فهد في الشركه ولا لا
زينه بعصبية: ويا تري بتسالى ليه
شيري بمايعه: عايزه اشوفه اصلا وحشنى اوى يا زينه
زينه بغضب: ابعدي عن جوزي يا شيري
شيري بابتسامه؛ من كلامك يبقا فهد في الشركه خلاص انا رايحلوا الشركه باااي
شيري قفلت التليفون وزينه بعصبية: الوووو شيري
زينه رمت التليفون على السرير وقالت: اكيدااا هتروحلوا وهتكون قريبه اوى منه
زينه قعدت على السرير وقالت بتفكير: اعمل اي
زينه بعد تفكير: لازم اروحلوا والا البومه ده هتلزق فياا
زينه خدت الشنطه وحطت فيها التليفون وطلعت
جمال كان واقف عند الباب وقال: حلو اوى
جمال طلع تليفونه وقال: زينه طلعت والخطه ماشيه زي ما احنا خططنا بالظبط
شيري بخبث: انا عملت اللى عليا اعمل اللى عليك بقااا
جمال بابتسامه تحمل الشر: حاضر
جمال قفل التليفون وحطوا في جيبوا وطلع عالطول
زينه نزلت وقالت: اكيدا عمو جاسر راح مع البومه
زينه طلعت على الطريق العام
وفجاه عربيه جات عند زينه ووقفت
زينه بصت للسواق وقالت بخوف: عايز اي
_مش حضرتك عايزه حد يوصلك
زينه فتحت باب العربيه وللاسف ركبت وقالت: شركه الكيلانى لو سمحت
هز رأسه وطلع التليفون وبعت رساله لجمال
كان سايق العربيه وفجاه وصلت ليا مسج من السواق فتح التليفون عالطول وقال: البت راكبه معايا دلوقتى
جمال ابتسم وقال: مفضلش ألا الخطوه ده
في شركه الكيلانى
خلص الاجتماع وتم توقيع العقد فعلاا والجميع كان فرحان
دخل مكتبه ومسك تليفونه ورن على زينه
زينه مسكت التليفون وفتحتوا عالطول وقالت: فهد
_اعتقد من صوتك انك بقيتى احسن
_شويه
_انتى طلعتى من القصر ولا اي
زينه في سرها: اعتقد ان شيري مرحتش بلاش أقوله انى جايه اعملوا مفاجاه احسن
_زينه انتى معايا
_ايوه طلعت
_على فين
زينه بتفكير: رايحه المول
فهد باستغراب: المول
_اه رايحه المول بتاع زوجى
فهد ابتسم وقال: مع جاسر
زينه بارتباك: اه مع عمو جاسر متخافش يلا سلاام
فهد قفل التليفون وقال بشك: حاسس ان زينه مخبيه حاجه
وقف العربيه قصداً وزينه باستغراب: في اي
بص في المرايا وقال: اعتقد العربيه خلصت بنزين
زينه طلعت فلوس من الشنطه وقالت: اتفضل انا هركب عربيه تانيه
خد من زينه الفلوس وزينه نزلت وقالت: اي ده الطريق مقطوع
زينه لفت وقالت: هو مفيش عربيات بتعدي من هناا
زينه بصدمه: راح فين ده
وفجاه وقعت على الأرض
طلع التليفون وقال: العمليه تمت بنجاح يا بيه
_امشي انت
مسك شنطه زينه وتليفونها وحطهم جنبها وركب العربيه ومشي
جمال كان قريب اوى من زينه ونزل فعلا من العربيه وقرب من زينه ومسك تليفونها وقال: الخطوه التانيه
جمال طلع تليفونه وقال: افتح واتس يا حلو
حمزه بخبث: اشطااا
جمال قفل مع حمزه وفتح واتس من تليفون زينه وبعت لحمزه على أساس انه زينه
_حمزه انا زينه وحشتني اوى اي رايك نتقابل فهد في الشركه واحتمال يتاخر
حمزه بص على الرساله وقال: انت مخطط لكل حاجه بقااا
ليرد حمزه قائلاً: زينه انا مش مصدق انك بتكلمينى على فكره انا زعلان منك اوى
ليرد جمال: انا عارفه انى خونتك بس والله لسه بحبك طب اقولك انا جايلك
ليرد حمزه: لا يا زينه اوعك تيجى وبعدين انتى متجوزه دلوقتى
ليرد جمال: حمزه افهمنى انا مش بحب فهد انا بحبك انت وعايزه اكون معاااك بس مش عارفه بسبب فهد
ليرد حمزه: طب انا منتظرك
ليرد جمال: يعنى موافق اننا نرجع انا مش عارفه اقولك اي انا فرحانه اوى خلاص ابعتلى الموقع اللى انت فياا
_حاااضر
جمال قفل الواتس ورن على حمزه من تليفونه وقال: كده تمام صح
حمزه بخبث: اعتقد ان المحادثه ده هتودي زينه في داهيه
جمال بابتسامه: انا مش بعتقد انا متاكد من كده
_طب هنعمل اي تانى
جمال بص على زينه اللى كانت واقعه على الأرض وقال: حجزت الاوضه ولا لسه
حمزه بابتسامه: حجزت
_طب اجهز عشان هتكون عندك حالا
_جاهز
جمال قفل التليفون وشال زينه وحطها في العربيه وقال: نهايه زينه وفهد النهارده
شغل العربيه ومشي عالطول
(عشان محدش يسأل للاسف زينه مش عامله باسورد للتليفون )
-------------------------دعآآء حجآآج----------------------------
في الطريق
_خلاص بقااا يا سمر
سمر بصت لمالك وقالت: انا مش زعلانه على فكره
_امال قالبه وشك ليه
_عااادي
مالك داس فرامل وقال: عادي ازاى من ساعه ما طلعنا من المطار وانتى ساكته
_مفيش
_عارفه كلمه مفيش ده بكر"ها اوى
سمر بعصبية: خلاص يا مالك
مالك بخضه: انا قولت اي عشان تتعصبي كده
سمر بصت لتحت وسكتت
مالك شغل العربيه وساق باقصي سرعه وكان متعصب اوى
في قصر الكيلانى
_مدام زينب
_في اي يا سناء
_في واحد عايزك برااا
زينب باستغراب: مين ده
_معرفش يا مدام
_طب خلى يتفضل
_للاسف رفض يدخل وطلب يشوفك براا
زينب قامت وقالت باستغراب: مين ده
زينب طلعت ومالقتش حد وقالت باستغراب: محدش هنااا
_خالتى زينب
نبضات قلبها ازدادت وقالت: محمود
اخيرااا ظهر وقال: عامله اي
زينب حطت أيدها على خد محمود وقالت بصدمه: انت عايش
محمود حط ايدو على أيدها وهز رأسه
زينب بفرحه: انت فعلااا عايش
محمود ابتسم وزينب حضنتوا وقالت: الحمدلله يا رب ده حنان هتفرح اوى
محمود بعد عن زينب وقال: مينفعش ماما تعرف يا خالتى
زينب بصدمه: اي
_الحادثه كلها لعبه منى
زينب ضر"بت محمود بالقلم وقالت بعصبية: يعنى اي لعبه منك يعنى اي لما اختى تعيط ليل نهار عشانك
الدموع نزلت من عين محمود وقال: غصب عنى يا خالتى
_غصب عنك انت بتهزر صح
_كان لازم اعمل كده
زينب مسكت محمود من لياجته وقالت بعصبية: عملت كده ليه ده فهد كان هيمو"ت بسببك
_انا اسف
زينب زقت محمود وقالت: عملت كده ليه يا محمود خليت اللى بيحبوك يعيشوا في وجع
_كان لازم اختفي يا خالتى عشان اكشف جمال
زينب ضر"بت محمود قلم تانى وقالت وايدها بترتعش: مكنتش اعرف انك جبان اوى كده
محمود مسك ايدها وقال: اه جبان وبعترف انى جبان عشان مقدرتش اكشف جمال
الدموع نزلت من عين زينب وقالت: طول عمري بقول ابن اختى شجاع وبطل بمعنى كلمه بطل
_جمال كان عايز يقت"لني يا خالتى وعملت نفسي مي"ت عشان جمال يشتغل براحتوا عشان اعرف اكشفوا
زينب هزت راسها وقالت: غلط يا محمود اللى عملتوا غلط كان لازم تواجه جمال وش لوش
محمود بص لتحت وقال: مش هعرف يا خالتى وجودي بالنسبه لجمال مشكله وكان لازم يتخلص منها
_اطلع براااا
محمود بصدمه: اي
زينب بعصبية: اطلع براااا
_خالتى انا عارف انك زعلان منى على اللى عملتوا لازم تفهمى انى عملتى كده عشان اكشف جمال
_اطلع برااا
محمود بص لتحت وقال: حاضر هطلع بس قبل ما اطلع اتمنى متقوليش لحد انى عايش
زينب:__________
محمود كان طالع ولكن زينب مسكت ايدو وقالت: عايز تمشي من غير ما تحضنى يا ابن الجزمه
محمود ابتسم وحضن زينب اللى قعدت تعياط وقالت: مكنتش مصدقه انك مو"ت يا كلب
محمود بعد عنها وقال: كفايه شتيمه والنبي
زينب ابتسمت وقالت: حاضر
محمود مسح دموعها وقال: متزعليش منى يا خالتى بس كان لازم اعمل كده
_مش زعلانه يا قلب خالتك
_محمود
زينب بصت لبتول وقالت بصدمه: بتول
محمود ابتسم وبتول كذلك وزينب باستغراب: استنوا استنوا يعنى بتول كانت عارفه انك عايش
محمود هز رأسه وزينب مسكت بتول من ودنها وقالت: وانا بقول البت منزلتش ولا دمعه ليه اتريها متفقه مع الكلب
محمود بغضب: اي كلب ده
_وحيوان كماان
_طب يا خالتى مقبوله انا لازم امشي
زينب: وهتيجى امتى
_مش انا اللى هاجى انتى
زينب باستغراب: اناااا
_هستناكى في ******
زينب بفضول: ليه
_موضوع كده
_موضوع اي
_مش هينفع هنا يا خالتى بكره إن شاء الله هكون منتظرك وهقولك على كل حاجه
زينب حضنت محمود وقالت: خد بالك من نفسك
محمود بص لبتول اللى بصت في الأرض وقال: حاضر يا خالتى
زينب بعدت عن محمود وقالت: متاكد انك مش عايز تشوف امك
_نفسي يا خالتى بس غصب عنى
زينب هزت رأسها وقالت: قريب إن شاء الله هتكون في حضنها
محمود ابتسم وقال: يلا عن اذنكم
زينب دخلت ومحمود راح عند بتول وقال: وحشتينى
بتول بخجل: وانت كمان وحشتينى
محمود حط ايدو على خد بتول وقال: قريب اوى هاخدك في حضنى
بتول اتكسفت اوى وقالت: انا لازم ادخل وانت لازم تمشي قبل ما بابا يرجع
محمود قرب من بتول وباسها من خدها وقال: خدي بالك من نفسك
بتول اتكسفت اوى ووشها قلب طماطم وقالت بلامبالاه: سلام
بتول طلعت تجري عالطول ومحمود ابتسم وفجاه تليفونه رن
_اي يا محسن
_فينك
_جاي حالا
_اوعي حد يشوفك يا محمود
محمود ركب الموتوسيكل وقال: متخافش جمال مش في البيت
_طب متتاخرش هكون في انتظارك
_حاضر
محمود قفل التليفون وشغل الموتوسيكل وساق باقصي سرعه
--------------------------دعآآء حجآآج-------------------------
في الفندق
صاحب الفندق يبقا صديق جمال واتفق معااا وطبعا ده ساعد جمال انه يدخل زينه بكل سهوله
في الغرفه
حطوا زينه على السرير وحمزه بابتسامه: اي ادخل
جمال مسك حمزه من لياجته وقال: تدخل فين يا روح امك أوعك تلمس شعره منها
حمزه مسك ايد جمال وقال: في اي بتحبها ولا اي
جمال بارتباك: لا بس ده مرات ابنى
حمزه قعد يضحك وقال: طالما مرات ابنك وخايف المسها بتعمل كده ليه
جمال بعصبية: انت تنفذ الخطه وانت ساكت
حمزه فك ازرار القميص وقال: انا جاهز
جمال وقف على جنب وقال: الخطوه الاخيره
حمزه بص على زينه برغبه وقال في سره: هاخد اللى عايزو يا جمال
جمال بص لحمزه وقال بتحذير: لو قربت من زينه مو"تك هيكون النهارده
حمزه بكدب: حاضر
_جمال بيه
_تعالى
دخلت واحده في حدود العشرنيات
حمزه باستغراب: مين ده
_ده اللى هتلبس زينه
حمزه بخبث: طب ما ألبسها انا
جمال مسك ايد حمزه وقال: اطلع برا والا هق"تلك
حمزه وجمال طلعوا فعلاا وكانوا منتظرين البنت تغير لزينه
بعد شويه
طلعت البنت وقالت: الفلوس يا بيه
جمال طلع الفلوس من جيبه وقال: البت جاهزه
هزت راسها وقالت: كلوا تماام
حط في ايدها الفلوس وخدت بعضها ومشت
_ادخل ولا عندك راي اخر
جمال بتحذير شديد اللهجة: ممنوع تقرب من زينه فاهم
حمزه هز رأسه وقال: فاهم
جمال طلع تليفون زينه من جيبه وقال: تحط تليفون زينه جنب تليفونك عشان لما يدخل فهد يشوف الرسائل ده
_بس التليفون هيكون مقفول
_متخافش عملوا على ٣٠ دقيقه
_تمااام
جمال مشي وحمزه فتح الباب ودخل وزينه كان وضعها م"خل للاسف
حمزه بص على زينه بشهوه وقال: مكنتش عايز اوصل لكده خالص بس غصب عنى يا زينه انتى عارفه انا بحبك قد اي
حمزه قرب من زينه وحط ايدو على وشها وقال: بحبك وهفضل احبك
جمال نزل تحت وقال: جاهز
هز رأسه وقال: جاهز
مدير الفندق مسك التليفون ورن على فهد
فهد مسك تليفونه وقال: الوو
_فهد بيه انا عز الدين المنشاوى صاحب فندق المنشاوى
_اهلا اتشرفت بحضرتك في حاجه
_ مراتك جات مع واحد غريب مش عارف اذا كان اخوها ولا لا
_وانت تعرف مراتى منين
_هو محدش يعرف فهد بيه ومراته
_بقولك اي انا مش ناقص ام التخاريف ده
_حضرتك انا مش بكدب على العموم انت حرا انا قولت ارن عليك لان الشاب ومراتك كانوا ماشين مع بعض وطالعين على الاوضه واعتقد انهم شاربين حاجه
وقتها فهد خاف وقال بتهديد: لو طلعت بتكدب وربنا لاقت"لك
فهد قفل معاا وقال: لا يا فهد زينه مش كده
فهد بخوف: لازم اقطع الشك باليقين
فهد مسك تليفونه ورن على واحد شغال في المول
_فهد بيه
_زينه جات المول
_لا يا بيه
فهد انصدم وقال: يعنى اي
_الوو فهد بيه
قفل التليفون وخد الجاكيت وطلع عالطول متجها إلى فندق المنشاوى
عند زينه
حمزه قرب من زينه وكان رايح يبوسها لكن زينه فاقت
زينه بخضه: حمزه
حمزه بارتباك: زينه
زينه بصت على جسمها وشدت الملايه وقالت: انت بتعمل اي
حمزه مكنش عارف يقول اي
زينه قامت ولفت الملايه عليها وقالت: انت ازاى تفكر تعمل كده
حمزه قام ومسك ايد زينه وقال: زينه انا بحبك
زينه سحبت أيدها وقالت: انا متجوزه وبحب جوزي يا حيوا"ن
حمزه اتعصب اوى وقال: انتى ليا فاهمه
زينه كانت طالعه ولكن حمزه مسكها من ايدها وشدها ليا وقال: انا ما صدقت اننا بقينا لوحدنا
زينه حاولت تزق حمزه لكن معرفتش وبدأت تصرخ
حمزه بص على الساعه اللى عطت انذار بمعنى فهد وصل
حمزه حط ايدو على كتف زينه وقال: زينه اهدي
_اهدا ازاى انا متخيلتش منك كده خالص
حمزه بص على الباب وشاف خيال مسك زينه من ايدها وشدها ليا وقبلها من فمها بعنف وخدها ونزل بيها على السرير وقتها فهد دخل وكان في حاله صدمه
_😳😳
إن شاء الله هخلص الروايه خلال الأسبوع ده وعشان اخلص الروايه خلال الأسبوع ده هنزل بارت في يوم وبارتين في يوم يعنى بكره بارت على موعدنا وبعضه بارتين واحد الصبح وواحد على موعدنا يعنى يوم بارت ويوم بارتين
يتبع
روايه طفله الفهد الحلقات الاخيره اللي عاوز البارت الجديد يعمل متابعه من هنا
تعليقات
إرسال تعليق