 |
الجزء الاخير . #دعوى_حضانه
وخرج حازم ...
وهوا ماشي فى الطرقه..
سمع بنت بتغني. في مكتب المهندسين...
الصوت لفت انتباهه جدا ...ودخل ...
لان الصوت جذبه...
واتصدم لما شافها..
_معقول هى....
اتعصب جامد ودخل ..وبدأ يزعق
وراح ناحيتها وهي لما شافته اتخضت
_انتى هنا بتعملى اي يا حراميه انتى
قامت وهى متعصبه
_اي اللي انت بتقوله دا وانت مين اصلا
_انتى هتستهبلي انا اللي نصبتي عليه في العربيه يا حراميه فين العربيه بتاعتي
_مش معايا وانا مالى اصلا
_امال مع مين يعنى دانتى سنتك سوده معايا
$العربيه معايا أنا
_عمر!؟
معاك ازاي انت اللى سرقتها
_ولى متقولش بعلمك الادب أو باخد حقى منك ..
الصراحه انا عرفت اختار اللي تعمل معاك كدا ..
اعرفك ياسمين أكفأ مهندسه عندى هنا وكانت أكفأ ممثله وأكفأ حراميه واحسن خطافة قلوب..
حازم بعصبيه:انت لي عملت معايا كدا لي دا كلو علشان اللي حصلك
_لا يا حزوم انا كنت بعلمك الادب مش اكتر علشان
وقرب منه وهمس
متبقاش تدافع عن واحده حلوة تاني وتبطل عينك الزايغه ومتقلقش هجوزهالك...
حازم :بجد..
عمر:تاني مش هتتغير..
_فعلا انا هتغير وبصلها بس على أيدها
ايدك
_على اي
_العربيه
_مشكلتك يا حازم انك غبى والعربيه مركونه قدامك في الجراج بس هتعمل اي بتبقى داخل عامل زي العصفوره بتبص على دي شويه ودي شويه ...
ربنا يهديك
_مهو هيهديني على أيدها جوزهالي بقى...
اه صحيح هوا الظابط اتفق معانا ازاي انا مش فاهم حاجه
_انت بقى متعرفش أن الظابط دا صحبي
_انت دماغك بقت سم يا عمر
_من اللي شوفته ...
مشي عمر ..
وحازم قرب من ياسمين..
تسمحيلي أعزمك عالغدا
_لا طبعا
_متخافيش والله غرضي شريف
_ازاي يعني
_عاوزك تغني
_فين
_في فرحنا
_اي!؟
_اي !
ياسمين اتكسفت وبصت في الأرض
_السكوت علامة الرضا خديلنا معاد مع الوالد الساعه ٧
ومشي...
عمر وصل مكتبه ...
لقي شهد قاعده بتكلم نفسها..
_انا غبيه والله غبيه انا لازم اقولو بحبك خبط لزق كدا على طول...بس هوا بيكسفني كدا يخربيته ابن القمر دا ...
عمر ابتسم ...
وحمحم
شهد بصتله بصدمه
_انت سمعت حاجه من اللى قولتها دلوقتي
عمر ببراءه:لا خالص انتى كنتي بتقولى اي مش عايزه اسمعه
اتوترت
_لا مفيش حاجه مكنتش عاوزه اقول حاجه ...
_طيب..
ودخل المكتب وهوا مبتسم ..
وطلبها.
وهي دخلت ..
_نعم..
_عاوز قهوة
_لا لا لا بقى كدا كتير يعني هتفضل طول النهار تطلب قهوة ومتعجبكش مش لاعبه
يصلها وغمزلها:لا هتعجبني بس حاسبي عالوش علشان عندنا في مصر اللي توقع وش القهوه متبقاش ست بيت شاطره ..وانا الصراحه مش هاخد زوجه سكه.
_اي انت قولت اي
_بقولك اعملي قهوه
_لا اللي بعدها
_حاسبي عالوش
_يوووووه اللي بعدها بقى
_اه فهمتك يا لئيمه مش بحب اعيد كلامى مرتين..
وزعق_يلا هاتيلي القهوة
وبعدين قال بهدوء:بس حاسبي عالوش يا زوجتي المستقبليه...
_اي!؟
شهد عينيها لمعت وابتسمت وحست انها عاوزه تطير وخرجت وجابتله القهوة وهى متوتره ومكسوفه
ودخلت المكتب وهي حرفيا كانت بتترعش..
وحطت القهوة ..ولسه جايه تمشى لقت اللي مسك أيدها
_استني يا شهد
وقفت وهي مصدومه وقلبها هيقف من كتر دقاته وكمان أيده اللي مسكاها ..يعيني عليه...
حاولت تطلع صوتها
شهد بتحشرج:نعم
_هنقدري تكملى حياتك معايا..
_ها...انا
_بصي اهدي ...
انا عاوز اقولك انك بتربطي نفسك بواحد عنده طفل وكمان حياته متدمره قبل كدا ...هتقدري انك تكملى معاه في حياته دى وهتحبيه ...
_انا اصلا حبيته وهوا كدا وهحبه اكتر واكتر من اول لما شوفتك اصلا وانا بحبك من غير معرف حياتك ولما عرفتها حبيتك اكتر وحاسه انى ممكن اعوضك عن اللي فات...
_انتى بجد مستوعبه اللي بتقوليه يعنى قادره تكملى معايا...
هزت راسها كأنها طفله ...
فعلا انا كنت بتكلم معاها كأنها طفلتى. هى شكلها برى اووي وعفويه ودا اللي وقعني في حبها ....
_انا عوزا اكمل معاك يا عمر عوزا ابقى معاك علشان انا بحبك...
قالتها ومشيت ..
وخطفت قلبي معاها وهي ماشيه...
فعلا الحب ملهوش وقت ولا اسباب ولا بيتقاس بالايام ولا الأشهر بيتقاس بالإحساس. ..
انا عمري مكنت أتخيل انى ممكن احب تاني ..هوا انا كنت حبيت اولانى اصلا!؟
انا حذفت كل اللي فات ومسحته بأستيكه وهبدا مع شهد صحيح هي العوض عن كل اللي فات ...
عمر روح بليل ...
وكالعادة جاب كوبايه الشاي وخرج يشربها في البلكونه...
وهى كانت واقفه كأنها مستنياه...
وهوا وقف ...
وفجاه قال
_على فكره انا كمان بحبك ...
_قول والله
_والله
_بجد
_بجد يبنتي في اي
_طيب ثوانى ...
دخلت جوا وجابت البوم كبير كدا ...
وفتحته وطلعت كل صورنا واحنا صغيرين انا وأخوها وحازم مع بعض ...
وفي صورة ليا وليها وانا شايلها بحنيه ..
_من يوم ما شوفت الصورة دي وانا بحب نظرتك دي وحاسه انك الوحيد اللي حبتنى وانا صغيره...
_ياااه الصور دي من زمان
_بس دائما معايا ودائما في قلبي ..
انت عارف انا قضيت مراهقتي في اي
_اي
_اني احبك واكراش عليك
_انتى مجنونه بتكراشي على صورة وبتحبي مجهول
قدري مكنتيش شوفتيني
_لا انا كنت دائما يدعى ربنا انى اشوف الشخص اللي خطف قلبي دا وأشوف الشخص الحنين دا ودعيت كتير اووي انك تكون من نصيبي عارف كنت مثلا ساعات بتخيلك مع واحده غيري....
كنت بقول لو شوفتها هجيبها من شعرها ...
والحمدلله مشوفتهاش
_يا ساتر يشيخه
_انت عاوز اشوف الشخص اللي فضلت طول عمري احلم انى اشوفه واشوفه مع غيري
_ارضي بنصيبك..
_لا مخلاص بقى طلع بيحبني
_وانا متاكد ان اختياري صح
_انتى صحيح عندك كام سنه
_٢٣
_ياااه عنستي
_نعم يا اخويا دانا كانت الجامعه كلها بتجري ورايا وانا بس اللي كنت برفض
عمر بغيره:نعم جامعه اي اللي بتجري وراكى لى انتى كنتي عامله ازاي
_كككنت عادي والله
_لا مش عادي
_بتغير عليا
_يوووه لو سمحتى يا شهد طريقة كلامك تتعدل برا البيت عاوز جعفر برا وممنوع الضحك علشان ضحكتك حلوة وممنوع الكلام علشان صوتك حلو وممنوع تفكى شعرك وتسيبيه علشان شكله بيبقى حلو اقولك انتى تتحجبي احسن ...اقولك احسن انا هنقبك علشان محدش يشوف جمالك غيري ...
_اي حيلك حيلك انت مفكرني اي انا واحده عندي استقلال وكرامه
_طب بحبك
_يا اخى تبا الكرامه أمام عيونك يا جدع الله وانا كمان بحبك يا جدع...
وفضلوا يتكلموا ويضحكوا لحد ما الشمس طلعت ومحسوش بيها...
عمر قال لامه وهي فرحت جدا وباركتلهم...
ومرت الايام
وحازم اتقدم لياسمين واتفقوا يتجوزوا مع عمر وشهد
وعمر طبعا عمل فرح كبير يليق بشهد وحبه ليها وهى كانت مبسوطه جدا أن ربنا عوضها بعمر وهوا كمان مبسوط أن ربنا عوضها بعد تعب السنين دي كلها...
ومرت الايام والسنين...
كانو واقفين في البلكونه زي متعودوا كل يوم بليل وبيشربوا الشاى...وبيتفرجوا على زكرياتهم اللي اللي عملولها البوم خاص شامل أعمارهم وكل زكرياتهم الحلوة وصور الحمل وكل حاجه...
_فاكره زمان
_وانا عمري في يوم انساه اتخلقنا هنا كان يوم ميلادنا
_علشان كدا رفضتي نسيب الشقه دي
_يرضيك اسيب زكرياتي مع اجمل حد في الدنيا ...
_متضحكيش
_لي
_غمازتك باينه وابن الجيران واقف
_دا قد ابني
_بس ولد وانا بغير عليكي
_هههههههههه ...
علشان كدا حبيتك❤️
أستنوا العوض يا جماعه متتسرعوش🥺❤️
#يارا_عبد_السلام
تعليقات
إرسال تعليق