البارت الاول والتاني🖤🖇
🍂الانتقام الحلو🍂
--------------
في فيلا السوهاجي
حمزه: انتي جيتي والله لسه بدري
ساندي:خليك في حالك يا حمزه وقلتلك الف مره ملكش دعوه بيا
حمزه:اومال مين اللي ليه دعوه هاا،انتي شكلك اتهبلتي وعاوزه تتربي صح
نرمين:في ايه يا عيال صوتكم عالي ليه
حمزه:تعالي يا ماما شوفي بنت اختك المحترمة جايه البيت الساعه 12 وبقولها انتي جايه متاخر ليه تقول ملكش دعوه
نرمين:حمزه بص ساندي مش صغيره علشان تزعق ليها بالطريقة دي مفهوم،ثانيا ساندي اخدت مني الاذن انها تتاخر
حمزه: طيب يا ماما بس اخر مره تتاخر
كل ده وساندي قاعده علي الكنبه وبتسمع الحوار بين حمزه ونرمين ومقالتش حرف واحد
نرمين:يلا يا ساندي يا حببتي روحي نامى واستريحي شويه وانت يا حمزه تعالي المكتب عوزاك
ساندي:حاضر يا خالتو
في المكتب
نرمين:حمزه قلتلك الف مره ملكش دعوه بساندي هيا مش صغيره وطول ما حاطه فكره الانتقام في دمغها مش هنقدر نقف قدمهاا
حمزه:يا رب يا ماما الموضوع ده يخلص علي خير ساندي اتغيرت جامد وحشتني ساندي الطفله الا كانت بتضحك علطول واللي ديما بتعمل مقالب فيا اما دلوقتي قدمنا ساندي تانيه خالص بقت خطيرة اووي
نرمين:ساندي الوحيده الا ممكن تعرف مين قاتل امها يا حمزه ويلا روح نام وراك شغل كتير بكره
ستووووب لحد هنا🚫
نتعرف بالشخصياات بقاا
ساندي محمد الرفاعي 23سنه مخلصه كليه حقوق وبتشتغل محاميه جسمها رياضي وهيا طويله وشعرها بني وطويل عنيها عسلي
حمزه احمد السوهاجي ابن خالتها عنده 27سنه مخلص كليه هندسه وبيساعد والده في شركاته والشركات ديه لانتاج البترول في القاهره والشرق الاوسط جسم رياضي وشعره اسود وعنيه سوده كالفحم
نرمين تبقي ام حمزه وخالت ساندي هيا مصممه ازياء مشهوره جدا بسبب تصممها الجميله وغير كده هيا طيبه جدا وبتحب حمزه وساندي
بااااك 🍂
في اوضه ساندي
ساندي واقفه قدام المرايه وبتبص فيها وبتتكلم مع نفسها وبتقول كان فاضل خطوه واحده بس خطوه واحده واوصل للقاتل اوصل للحقير اللي قتل امي قدام عيني 6 سنين وانا مستنيه اليوم ده وبعدين دخلت الحمام وغيرت هدومها ونامت
تاني يوم الصبح كانو متجمعين علي السفره للفطار
نرمين:يلا يا عيال جهزو نفسك علشان في حفله بليل
حمزه:حفله ايه يا ماما
نرمين: كتب كتاب هيام بنت صحبتي
ساندي:اسفه يا خالتو مش هعرف احضر
نرمين:لا يا ساندي هتحضري انتي محتاجه تغيري جو انتي من يوم وفاه ناردين وانتي من المدرسه للتمارين ومن التمارين للبيت قلت هيا اكيد هتتغير لما تدخل الجامعه واهو خلصتي جامعه بقالك سنتين وبتشتغلي وفضلتي ذي ما انتي ساندي حببتي انا عارفه انك عاوزه تنتقمي بس ده ميمنعش انك تعيشي حياتك
ساندي:خلاص يا خالتو هحضر
حمزه:ايوه بقاا علي الاقل القي حد ارقص معاه
ساندي:ده في الاحلام يا حبيبي
Sarah mahmoud 🔏🐿
البارت التاني 🖤🖇
🍂الانتقام الحلو 🍂
--------------
وقفنا في البارت الاول لما كانت العيله بتفطر يلا نكمل بقاا
ساندي: طيب انا خلصت فطار ويلا يا استاذ حمزه علشان توصلني المحكمه وبعدين انت تروح الشركه
حمزه: ايه يا بنتي جعان وعاوز اكل سبيني بقا و روحي لوحدك ساندي: لا مانا عوزاك يا استاذ علشان في موضوع مهم لازم نتكلم فيه
حمزه:يلهووي اهو المواضيع دي مش بيجي من وراها خير
ساندي:معلش ياباا انجز بقاا
نرمين:متقوم يا حمزه وصل ساندي وشوف ايه الموضوع ده
يمكن تبع الشغل
ساندي:عليكي نور يا نيمو
نرمين: بضحكه قلب نيمو
حمزه:طب يلا علشان منتاخرش
في فيلا الحديدي في صعيد مصر
الباشا:ايه الاخبار لقيتها
المجهول:ايوه يا باشا بقالي شهر برقبها وبراقب تحركتها
الباشا:اخيرا بعد 6 سنين لقيناكي يا بنت نردين
المجهول: هنعمل ايه دلوقتي يا باشا هنقتلها ولا ايه
الباشا: لا سبها للاخر وطبعا مش هاكد عليك ان محمود ميعرفش حاجه
المجهول:اوامرك يا باشا بس انا عاوز اقولك حاجه مش هتعجبك
الباشا:ايه هيا
المجهول: انها بتدور علي قاتل امها يا باشا وغير كده كانت قربت توصل للظابط الا قفل القضيه انها انتحار بس الحمد لله انا قتلته قبل ما توصله
الباب خبط وشخص من ورا الباب بيقول ممكن ادخل يا جدي
الجد:اتفضل يا مراد يا حبيبي
مراد:عامل ايه يا جدي قلت اطمن عليك قبل ما اسافر القاهره
الجد: هتسافر القاهره ليه يا مراد
مراد: كتب كتاب صحبي انهارده وقلت بالمره اخلص الشغل بالمره الا هناك
الجد:ربنا معاك يا حبيبي خلي بالك من نفسك
مراد:حاضر يا جدي انا همشي بقا
الجد:توصل بالسلامة يا حبيبي
في القاهره
ساندي:ايه يا عم حمزه انت ليه بتسوق العربيه براحه كده
حمزه:مستنيكي علشان تتكلمي يا ساندي وايه الموضوع المهم الا عاوزه تقوليه
ساندي: انا كنت خلاص قربت اوصل لاخر دليل
حمزه:وبعدين كملي
ساندي:فاكر لما كنت بدور علي الظابط الا قفل القضيه انتحار وقالو انه سافر امبارح عرفت انه رجع مصر ولما رحت عنده وقلتله اسم ماما لقيته جري بسرعه وبعدين في حد قتله
حمزه:ينهر اسود انتي هبله يا ساندي ده ممكن حد يقول انتي الا قتلتيه
ساندي:عارفه يا حمزه،المهم متقولش حاجه لخالتو
حمزه:اما نشوف اخرتها ايه
ساندي:طب انجز يا عم هتاخر كده علي الشغل
حمزه:طيب ربع ساعه وهنوصل
في شركه الحديدي في القاهره
مني السكرتيره:نورت الشركه يا مراد بيه
مراد:شكرا يا مني،لو سمحتي اطلبي فنجان قهوه ليا وهاتي الملفات علي مكتبي
مني:حاضر يا استاذ مراد
مراد: ازيك يا عمي وحشتني والله
محمود :مراد حبيبي عامل ايه
مراد:بخير يا عمي انت عامل ايه
محمود:بخير يا حبييي
مراد:مش ناوي ترجع الصعيد يا عمي
محمود:ارجع ليه يا مراد وانا حياتي انتهت علي ايد جدك
مراد:قصدك ايه يا عمي
محمود:انت مبقيتش صغير يا مراد ولازم تعرف كل حاجه وانت الا ممكن تساعدني
مراد:اكيد يا عمي
نتعرف بقاا بشخصيات البارت ده 🚫
الباشا او الجد: اسمه حسام الحديدي عنده 72 سنه دماغه صعيدي اوووي وبحب يمشي بالعادات
مراد الحديدي: حفيد حسام الحديدي بارد جدا وعصبي وهو الل بيدير اعمال جده عنده 30 سنه عنده جسم رياضي وشعره اسود وعنيه عسلي حب مره واحده في حياته وبعدين كره الحب وبقي بيتسلي بالبنات
محمود الحديدي:ابن حسام الحديدي عايش في القاهره وبيكرهه الصعيد جدا لان حياته ادمرت هناك وهو يبقي والد ساندي
بااااااااك🍁
مراد:اتفضل يا عمي احكي الا انت عاوزه
محمود:الا انت متعرفهوش يا مراد اني كنت متجوز وعندي بنت
مراد:ازاي يعني يا عمي
محمود:انا هحكيلك كل حاجه بس متقطعنيش ،انا لما كنت صغيره في سن الجامعه حبيت واحده زملتي بس جدك اعترض عليها لانها مكنتش من مستوانا وبعدين
#يتبع
#بقلمي
ŚÄŖÄȞ MÄȞMÖŮĐ
تعليقات
إرسال تعليق