مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

سكريبت

-انا طالب ايد بنتك سها يا عمي 

اتجمدت مكاني وحسيت كأن حد كب عليا مية متلجة....بصيت لاحمد بصدمة ...سها ازاي....طالب ايد اختي طب وانا ...ازاي ...لقيت احمد بصلي وابتسم ببرود وكمل :

-انا عايزة اتجوز سها بنتك 

ابتسم بابا وقال :

- وماله يا بني احنا نتشرف بيك طبعا بس مش كان واجب تجيب اهلك معاك ...

مسكت دموعي بالعافية ...مرضتش اهرب ...كان لازم افهم هو ليه بيعمل كده ...

ابتسم احمد وقال:

-اكيد يا عمي أنا جيت عشان اخد موافقتك الاول وبعدين اجيبهم ويكون ليكم فرصة تسألوا عني 

 -ده برضه كلام يا بني اسأل علي مين ده انت ابني يا احمد بثق فيك زي خالد ابني بالضبط ومش هلاقي احسن منك لسها بنتي ...

-ولا أنا هلاقي احسن من سها يا عمي ...

حطيت ايدي علي قلبي ...حسيت اني مك*سورة معقول اللي حبيته يعمل فيا كده هيتجوز اختي طب ليه ....ده هو كلمني امبارح وقال انه جاي يتقدملي أنا ...مكنتش فاهمة حاجة ...كنت حاسة اني في كابوس ....دخلت اوضتي وقعدت علي السرير ...دموعي كانت رافضة انها تنزل ...قلبي كان بيصرخ بس وشي ...وشي كان هادي....كان لازم اعرف ايه المشكلة ....دخلت اختي سها وقعدت جمبي ...كان باين انها مبسوطة ...مسكت ايدي وقالت:

-انا فرحانة اووي يا جنا احمد هيتجوزني...

بصتلها بحزن حاولت اخبيه سها ملهاش ذنب لان محدش يعرف علاقتي بأحمد ...احمد جارنا من زمان يعتبر اتربي معانا ...انسان ناجح ووسيم وتقيل مش أي واحدة تلفت نظره في الكلية بنات كتير حاولت توقعه بس مقدرتش وانا كنت بحبه من صغري بس مقدرتش اقوله عشان كده لما جاني واعترف بحبه ليا مصدقتش نفسي وطرت من الفرحة وارتبطت بيه فضلنا مع بعض سنة لحد ما قال انه هيتقدملي بس هو ك*سرني واتقدم لاختي ...أنا لازم اواجهه واشوف عمل كده ليه!

..........

تاني يوم ...

طلعت بدري عشان اشوفه واواجهه ...كان لازم اعرف هو عمل كده ليه بعتله رسالة يقابلني ضروري في المكان اللي بنتقابل فيه وهو سطح العمارة بتاعتهم ...

....

-خير يا جنا فيه ايه 

قالها ببرود فقربت منه وكنت هض*ربه بالقلم بس مسك ايدي وقال:

-لا لا يا شاطرة بلاش لأك*سرك ايدك ...

وبعدين زقني وقال:

-ها انجزي عايزة ايه مش فاضيلك 

-انت حي*وان  ..

-وانتي رخ*يصة ..

بصتله بصدمة وهزيت راسي وقولت:

-اانت ...انت 

-انا ايه ...فكرتي اني هتجوزك انتي شكلك مجنونة ...معقول ادخل بيتي واحدة زيك أنا لما اتجوز هتجوز واحدة محترمة ...قطة مغمضة زي سها ملهاش أي تجارب ...أنا حبيتك فعلا ولو كنتي رفضتي ترتبطي بيا كنت هتجوزك بس لما وافقتي ترتبطي بيا وتكلميني نزلتي اووي من نظري عشان كده حبيت اك*سرك ...وفعلا ك*سرتك ولسه ه*كسرك اكتر يا جنا لما تشوفيني مع اختك ...سلام دلوقتي يا قطة ..

ولسه هيمشي صرخت وقولت:

-هقول لبابا كل حاجة عنك ...هخليه يعرف حقيقتك 

بصلي بإبتسامة باردة وقرب وطلع تليفونه وقال:

-وانا هوريله المحادثات الجميلة دي وصورك الحلوة اللي كنتي بتبعتيهالي !

يتبع

الجزء التاني❤️

-يا تري ابوكي هيكون وضعه ايه لما يعرف ان بنته المحترمة كانت بتبعتلي صورها ...أكيد هن*كسر قلبه كده ...ده ممكن ي*موت فيها ...

دموعي نزلت وانا ببصله...مكنتش قادرة اصدق ان اللي حبيته يطلع بالشكل ده ...

دخل موبايله في جيبه ومسكني من دراعي وقال:

-اسمعي بقا يا روح امك انا هتجوز اختك ...برضاكي او غصب عنك وانتي لو فكرتي تنطقي وديني لافض*حك فاهمة ولا لا ...

هزيت راسي بخوف فزقني بعيد ومشي وسابني ....قعدت علي الأرض وانا ببكي ... حسيت اني انه*ارت ...مكنتش مصدقة ان اللي حبيته يعمل فيا كده ويك*سرني بالطريقة دي والمصيبة الاكبر انه هيتجوز اختي ...سها طيبة واحمد ش*يطان أكيد هياذ*يها يارب أتصرف ازاي ...

حطيت ايدي علي وشي وانا بعيط ...بعد ثواني خلصت بكا ومسحت دموعي وقررت اني انقذ اختي منه ....

......

قبل ما يجوا اهل احمد عشان يطلبوا ايد سها  روحت قعدت قدام اختي اللي كانت بتضبط نفسها وفرحانة ...مكانش هاين عليا اك*سر فرحتها بس جوازها من انسان زيه ه*يدمرها ...معرفتش ابدا ازاي 

...قلبي واج*عني وانا شايفة اللمعة اللي في عينيها واللي ممكن تطفي بسببي أنا ...اتنهدت وقولت :

-سها 

بصتلي بإبتسامة سعيدة وقالت:

-شكلي حلو كده يا جنا ؟!

قلبي واجعني مسكت ايديها وقولت:

-زي القمر يا حبيبتي

ابتسمت بسعادة ومسكت ايدي جامد وقالت:

-انا فرحانة اوووي يا جنا ...حاسة اني هطير من الفرحة ...احمد اختارني أنا من دون البنات ..

بلعت ريقي وقولت :

-سها انتي متأكدة أنك عايزة احمد فكري شوية متوافقكيش علطول ...

بصتلي وقالت ببراءة وقالت:

-ليه يا جنا هو كويس اووي ...احمد جارنا ونعرفه كويس ويعتبر متربي معانا ..دكتور  محترم وناجح ومحدش شاف منه حاجة وحشة ...

بصتلها بو*جع ...اقول ايه بس لو اتكلمت هدين نفسي عشان كده سكت ...

.....

جه اهل احمد اللي كانوا حابين سها اووي كان الكل فرحان الا أنا ببصلهم بحزن لاني عارفة حقيقته بس مش قادرة اتكلم ...احمد كان كل شوية يبصلي بشماتة وانتصار ...عارف اني مش هقدر اتكلم ولا انطق... وأخيرا حددوا معاد الخطوبة اللي قرروا يعملوها بعد اسبوعين ...الم وخوف كان جوايا الشخص ده لسه كان من يومين بيقول انه بيحبني ...رسملي احلام كتيرة قالي انه عمره ما يخليني ابكي واهو د*مرني وعايز يد*مر اختي !

.....

مرت الايام والخطوبة بتقرب وفي يوم بابا جالي وقال:

-جايلك عريس يا جنا 

قربت ماما منه بسعادة وقالت :

-مين ده يا علي؟!

قرب اخويا وقال:

-حسام صاحبي عارفينه أكيد ..

اتوترت وانا لاقية كله فرحان وسعيد ..بابا قرب مني وقال بحب:

-ها يا جنا ده تالت عريس يجي من وقت تخرجك يا بنتي عايزة افرح بيكي ...

مسكت ايده وقولت :

-هقابله يا بابا ...

......

تاني يوم 

كنت طالعة شغلي لما جاتلي رسالة من احمد اقابله ضروري علي سطح بيتهم ...خفت وروحت واول ما شافني قال :

-سمعت ان جايلك عريس هتوافقي عليه 

بصتله ببرود وقولت:

-ملكش دعوة 

ولسه همشي مسك ايدي وزعق:

-لا يا حبيبتي اركزي كده ..انتي روحك في ايدي ...لو وافقتي علي العريس هوري صورك لابوكي !!

-انت عايز ايه مني ؟!

قولتها بإنهيار 

ابتسم بشر وقال :

-اهلي النهاردة هيباتوا عند قرايبهم ...عايزك تيجيلي النهاردة البيت !!

يتبع

لتكملة الروايه بعد عمل متابعه من هنا 

البارت الثالث والرابع من هنا