مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

البارت الثامن والتاسع 

نظر لها صقر باستغراب وغموض وتحدث :

-انتي مين وايه اللي چابك اهنه 

-نظرت له زينب بصدمة فهي تعلم انه صقر اخ ادهم ولكن لم يكن في حسبانها انه سوف يأتي هنا فسوف يضيع عليها ما خططت له فردت بتلعثم انا انا ابقي زينب 

-زينب مين وفين ادهم يا أدهم يا أدهم ودخل يبحث عن اخيه 

-في غرفة ادهم كان شاردا فيما حدث لا يعلم اين ومتي اصبح مهتم بزينب فهي اقتحمت حياته فجأة وقلبتها رأسا علي عقب ولكن المفاجأة انه تعلق بها واصبح متعودا علي جنانها فقد اعطي لحياته معني ، يسأل نفسه لما يشعر بالسعادة هكذا وهي بجانبه فهو لم يشعر مثل هذا الشعور من قبل الا مع واحدة فقط وعند ذكرها استنبه وبعدها اعتدل بجلسته وعقله اكمل ما كان يخبره به ان معني هذا الحديث انه احبها مثلما احب فاطمة من قبل فهذا هو التفسير الوحيد لتلك المشاعر التي كانت لفاطمة من قبل والأن لزينب اتصدم ادهم حين اعترف لنفسه انه احبها وشبح ابتسامه ظهرت علي وجهه ولكن قاطعه صوت يعرفه جيدا نعم فهو صقر سمعه ينادي عليه بصوت عالي فخرج ادهم وهو يعلم ان صقر لن يرحمه .......

.....................

سمعت فاطمة جرس الباب فذهبت لتفتح وجدتها نورهان فتحدثت بترحيب :

-نور حبيبتي تعالي طمنيني عليكي 

--وهو انتي فاضيالي ياختي ما انتي خلاص خدتي مصلحتك مني واتجوزتي الواد اخويا وطلعت انا من المولد بلا حمص 

-ضحكت فاطمة وتحدثت بمرح اخس عليكي يا نورهان ده انتي خيتي مش صحبتي يلا تعالي معايا نعملنا نسكافيه وذهبو الاثنان الي المطبخ وجلست نورهان علي السفرة الصغيرة التي تتوسط المطبخ وتحدثت بتردد:

--فاطمة هو مامتك واخواتك عاملين ايه 

--نظرت لها فاطمة وابتسمت فهي علمت ما تقصد فجلست قبالها وتحدثت بمكر :

-اممممم جولي اكده بجي الموضوع مش انك چاية تشوفيني وتجعدي معايا 

-نورهان باحرج ردت عليها :

--قصدك ايه يعني يا فاطمة انا بتكلم عادي يعني 

-طبطبت فاطمة علي ايد نورهان واتكلمت حاسة بيكي يا نورهان بس هنعمل ايه ماما مش موافجة خالص معرفش ليه 

--اتنهدت نورهان بحزن طب ممكن اعرف انس قال لكامل ايه يعني ناوي علي ايه ؟

-نظرت لها فاطمة بقلة حيلة وتحدثت بصراحة هو انس معرفش يقؤل ايه اتحرج يقؤله انه ماما مش موافقة بسببي وكامل فهم انك انتي اللي رفضتيه 

-شعرت نورهان ان قلبها يؤلما فهذا اخر ما ارادت ان يعلمه كامل فهي تمنت ان يعلم انها تريده مثلما رأت في عيونه انه يريدها ، هربت دمعة من عنيها فأزالتها بألم 

-اما فاطمة فشعرت بالشفقة علي نورهان صديقتها وقررت ان تتحدث هيا مع كامل وليكن ما يكن 

...........

كانو يجلسون سويا  صفية وعزيزة وغرام وشعرت صفية ان عزيزة تريد ان تتحدث مع غرام فتحدثت :

--انا هطلع يا مرت عمي عشان چمال زمانه چاي 

-ردت عزيزة بلهفة صح جومي يابتي جومي اطلعي شوفي وراكي ايه واعمليه علي ما چوزك يجي 

-تأكدت صفية من شكوكها وتركتهم وذهبت فاقتربت عزيزة وجلست بجانب غرام وتحدثت بصوت منخفض :

-بجولك يا غرام يا بتي كنت عايزة اتحدت معاكي في موضوع اكده 

-طبعا يا ماما اتفضلي انا سامعاكي خير 

--مش انتي نفسك برضك تچيبي لولدي حتة عيل يملي عليه الدار 

-ردت غرام بحزن والله نفسي يا ماما بس غصب عني هعمل ايه 

--انا هجولك علي حل ان شاء الله يچيب نتيچة وتحبلي وتچيبلنا عيال گتير 

-ردت غرام  باستغراب حل ايه يا ماما قولي 

--في شيخ اسمه الشيخ مصيلحي ده شيخ مبروك جوي يا بتي بيفك السحر والاعمال وفي ستات گتير كانو زيك اكده وعرف يفكولهم العمل اللي معمولهم  وما شاء الله بجي دلوجتي معاهم عيل وتنين وتلاتة كمان  

-بجد يعني تفتكري ممكن احمل واخلف خلاص ماشي موافقة نروحله بسرعة ، فهي في داخلها حتي ولو لم تكن مقتنعة بهذا الكلام الا انها كالغريق الذي تعلق بقشة 

-ردت عزيزة بفرحة جدعة يا بتي كنت عارفة  انك مش هتجولي لع خلاص بليل نروحله 

-هزت غرام راسها بالموافقة وفي داخلها خاىفة فهي علي يقين ان صقر اذا علم  بهذا الموضوع وعلم بذهابها  مع امه لذلك الرجل فسوف يغضب بشدة ولكن هذا لن يجعلها تتراجع عن قرارها 

.............

-صقر وهو يقوم بغضب من علي الكرسي:

--اتخ*بلت يا ادهم ازاي تعمل حاچة زي دي 

-اسمعني بس يا صقر انا مكنش جدامي حل تاني انا لجيتها عالطريج يعني اسيبها اخلاجي متخلنيش اعمل اكده 

-رد صقر بسخرية بس اخلاجك تخليك تجعد مع بنته في بيت واحد لحالكو وهيا مش علي زمتك مش اكده يا ولد ابوي بجي هيا دي تربيتي وتربيت ابوك الحاج عتمان ليك يا ادهم ازاي تعمل حاچة زي دي طب مش هجولك خاف من كلام الناس لع خاف من ربنا يا اخوي 

-ادهم باسف رد انا اسف يا اخوي ربنا يعلم اني مجربتلهاش انا راعيت حالتها وانها مش فاكرة حاچة خالص ومتعرفش غيري 

--اتنهد صقر بضيق وتحدث :لولا اني عارف اخلاجك يا ادهم  كان ليا تصرف تاني معاك اتفضل خش لم خلجاتك وجولها تلم خلجاتها عشان هنرچع الصعيد حالا 

-بس يا صقر هجولهم ايه وهعرفهم علي زينب كيف اكيد هيسألو تبجي مين 

-صقر بحزم مفيش غير انك تجول انك عاشجها وهتتچوزها وهتجعد حدانا لحد ما تخف ونعمل الفرح ولما تخف سعتها ربك يحلها اهو عالاجل هناك في حريم ومش هتجعدو لحالكو زي اهنه 

-كانت زينب  تسترق السمع ولم تصدق ما قاله صقر فهي تعرف عنه انه شخصية متعجرفة وشخص مسيطر ولكن كيف يوبخ اخاه لمجرد انه علم بوجودها معه في مكان واحد شعرت ان عقلها سيشت وفرحت ان خطتها لم تفسد بل بالعكس بسبب صقر سوف تخطو لبيت عتمان الغرباوي وتبدأ اللعب بهم وايقاعهم واحدا تلو الاخر وذهبت سريعا لغرفتها عندما شعرت بادهم قادم 

...............

كانت صفية في غرفتها فوجدت جمال يفتح الباب ويدخل وما ان رأها حتي اقترب منها وطبع قبلة علي جبينها وتحدث :

--كيفك يا صفية قالها وهو يجلس بجانبها 

-زينة يا واد عمي انتي كيفك 

-اتنهد جمال وتحدث زين زين يا صفية 

--اقتربت منه اكثر ولفت وجهه لها لينظر في عينيها وتحدثت بصوت رقيق : لع انت مش زين يا چمال فيك ايه جولي من امتي وانتي بتخبي عليا حاچة مش انا ابجي مرتك حبيبتك 

-توتر جمال وتحدث بتلعثم صدجيني يا صفية مفيش حاچة  شوية مشاكل في الشغل وان شاء الله هحلها 

--اتنهدت صفية بيأس فهي توقعت انه سيخبرها ما به ولكن محاولاتها باقت بالفشل قامت من مكانها وتحدثت بقلة حيلة : ماشي يا چمال علي راحتك مش هضغط عليك يلا جوم اتحمم وانا هطلعلك هدوم 

-زفر بضيق وتحدث :تسلميلي يا جلبي يلا هجوم انا وتركها ودخل الي الحمام وبقيت هيا تفكر في حالهما هذا فجمال لم يعد مثل السابق وهي كأي زوجة تعلم زوجها جيدا حين يتغير عليها وقاطع افكارها  صوت هاتفه فاقتربت منه وحملته ولكنها وجدت رقم ليس مسجل بأسم  فنادت علي جمال بصوت عالي :يا چمال تلفونك بيرن بس رقم  ولم تكمل حديثها اذ وجدته يخرج بروب الحمام وامسك الفون منها بلهفة وهو يتحدث بتلعثم وحدة :

- اياكي تردي علي تلفوني يا صفية انتي واعية لحديتي وبعدين ده تلاجي حد تبع الشغل بيرن عليا ، وبعد وصلة حديثه الكثيرة الغير مفهومة نظرت له صفية بغموض وتحدثت :

-انا مكنتش هرد يا چمال  ومن امتي وانا برد علي تلفونك انا بس كنت بجولك وتركته وخرجت من الغرفة بأكملها وهو نظر في اثرها وظل يلعن نفسه علي غباءه وتصرفه المتهور اما هي فاصبحت متأكدة ان جمال يخبئ عنها امرا ولا يريد ان تعرفه 

......................

-اسمعني يا كامل زين انا عايزة احدتك في موضوع مهم جوي يخص نورهان 

-انا افتكرت فيكي حاچة يا خيتي الله يسامحك واكمل كامل بحزن لو بخصوص رفضهم فمتجلجيش يا خيتي انا خلاص مش هكرر الحديت في الموضوع ده تاني 

-لع يا كامل مش اكده واتنهدت فاطمة واكملت وهي تعدل الفون علي اذنها : الموضوع مش ان نورهان رفضتك زي ما فهمت من انس هو جالي انه مجدرش يجولك ان السبب امه 

- كامل باستغراب :امه كيف يعني مش فاهم 

-بص يا كامل ام انس مكنتش رايداني لابنها فهمت واكملت بحزن ولحد دلوجتي برضك مش رايداني ومش متجبلاني خالص حاولت اجربلها بس هيا رافضة نهائي معرفش ليه 

-كامل بخوف علي اخته  : فاطمة انتي زينة يعني اهم حاچة انس بيعاملك زين ولا لع 

-ردت فاطمة بلهفة :لع والله ده شايلني في عنيه وبيراضيني ويطيب بخاطري يا اخوي بس انا حاسة بيه وبوجعه صعبان عليا جوي يا كامل حاسة انه مجسوم نصين نفسه يراضي امه ويراضيني بس مش عارف عشان اكده انا صابرة ونفسي اريحه زي ما بيحاول دايما يريحني 

-وكان انس قد عاد من شغله ولم تشعر به وسمع ما كانت تتحدث به فاطمة مع اخيها وشعر ان حبها في قلبه زاد اضعاف وحمد الله عليها وعلي وجودها في حياته وتركها تتحدث مع اخيها علي راحتها وخرج من الغرفة بهدوء

--كامل وقد اطمئن علي اخته :خلاص يا خيتي انا اكده اطمنت عليكي و معلش دي مهما كان امه حتي لو هيا عفشة مش ييده حاچة يعملهالك والمهم انه بيچبلك حجك ومش بيسيبها تيچي عليكي بس سأل فاطمة بخوف من اجابتها ولكن لابد ان يعلم فهذا سيترتب عليه اشياء كثيرة : جوليلي يا فاطمة يعني انتي جولتي ان امها اللي رفضتني طب ونورهان رأيها ايه ؟؟

-ابتسمت فاطمة بخبث وتحدثت :اممم يعني يهمك يا خوي انك تعرف هتفرج معاك يعني 

-كامل باحراج :فااااطمة جولي علطول 

-ردت فاطمة بضحك : خلاص خلاص هجولك بدل ما تتحول عليا ايوة يا سيدي موافجة واكملت بحزن يا مري يا كامل لو تعرف كانت عاملة ازاي لما امها زعجتلها وجالت انها مش موافجة كانت بتعيط بحزن وخاصا لما سألتني انس جالك ايه وجولتلها انك فهمت ان هيا اللي رفضتك يا مري صعبت عليا جوي وهيا بتبكي اكده 

-شعر كامل ان قلبه تألم فقط لتخيله لها وهيا تبكي لاجله واقسم بداخله انها ستكون له سواء شاءت امها او ابت وانتبه لكلام فاطمة 

-انا اصريت اني اكلمك واعرفك الحجيجة عشان صعبت عليا نورهان وحسيت اني لازم اعمل حاچة ومجفش اتفرچ اكده 

-زين يا خيتي انك خبرتيني زين انا بجي هتصرف انا كان يهمني اعرف رأي نورهان ايه عشان هو ده اللي هيخليني اتحرك يلا روحي انتي لچوزك وانا هشوف هعمل ايه وهبجي احدتك 

-ماشي يا خوي يلا مع الف سلامة 

......................

دخلت عزيزة وغرام مكان غريب ومغلق ووجدو كثير من السيدات يجلسان في انتظار ادوارهم ولكن عزيزة تحركت لتلك السيدة التي تجلس علي مكتب خارج الغرفة وتحدثت معها : ازيك يا نفيسة ها ندخل دلوجتي للشيخ مصيلحي 

--ردت نفيسة بترحيب :طبعا يا مرت كبير البلد ده انتي بالذات تدخلي علطول 

--عزيزة وهيا تضغط علي فم نفيسة بيدها :يا ولية اجفلي خشمك ده هتفضحينا في البلد كلها انا مش عايزة حد يوعي علينا اهنه انتي واعية ولا لع 

-نفسية بخوف :حاضر حاضر حجك عليا يا ست عزيزة يلا اتفضلو ادخلو الشيخ مستنيكو 

--دخلت عزيزة وغرام تمسك يدها برعب وقلبها يدق خوفا من هذا المكان وهؤلاء الناس فالغرفة مظلمة ولا يوجد سوا نور ضعيف يأتي من مكان يجلس به ذلك الرجل التي فور ان رأته غرام فزعت وتمسكت بعزيزة اكثر ولكن تفاجأت بعزيزة وهي .........يتبع 🔥

رأيكو في البارت يهمني جدا واتمني التفاعل يرجع زي الاول ♥️

تفاعل نار بقي عشان البارت التاسع 🔥

وفي حاجة لو سمحتو اي حد بينزل روايتي انا مش معترضة  بس ياريت تكون بالاسم والغلاف 

غرام صَعيدي

حدوتة الادهم 

#بقلمي_اسراء_ابراهيم

البارت التاسع 

تفاجأت غرام بعزيزة وهيا تتمسك بها اكثر وكأنها اكثر رعبها منها فقالت في نفسها :

 دي خايفة اكتر مني يا لهوي ربنا يستر انا غلطانة اني سمعت كلامها فينك يا صقر

-تحدث مصيلحي بصوت عالي تعالو اتفضلو 

-ذهبو الاثنان وجلسو امامه وتحدثت عزيزة بخوف : احنا چاينلك عشان مرت ولدي يا شيخ 

-قاطعها مصيلحي وهو يتحدث عارف عشان مبتخلفش وعايزاها تحمل 

--استغربت عزيزة وغرام ونظرو لبعضهما فردت عليه عزيزة :وه انت خابر احنا چاين ليه ازاي ومين اللي جالك ؟

-مصلحي رد بغضب : انا ميتقاليش ازاي انا عارف كل حاجة ودلوقتي انا عايز اشوف وشها عشان اعرف مين اللي عملها العمل وافكهولها 

--نظرت غرام بتردد لعزيزة التي حركت راسها بإيجابيه فرفعت غرام الطرحة من امام وجهها لينظر لها مصيلحي وينبهر بجمالها وينظر لها باعجاب ونظرات ضايقت غرام كثيرا وجعلها تخبئ وجهها مجددا لتهرب من نظراته تلك 

--تنحنح مصيلحي وجمع شتات نفسه وتحدث بجدية وهو يعطي لعزيزة قطعة قماش علي شكل مثلث واخبرها : الحجاب ده تحطيه تحت مخدة جوزها اللي بينام عليها لازم اوعي تنسي ودي ورقة فيها طلبات الاسياد تجيبيها وتطلعي تدفعي الف جنيه برة لنفيسة ووجه نظره لغرام بإعجاب وقال : والمرة الجاية مرات ابنك هتخشلي لوحدها عشان عشان الاساد عايزين كدة فاهمة 

-عزيزة ردت بطاعة : طبعا طبعا يا شيخ فاهمة وهنعمل كل اللي تجول عليه 

--اما غرام فدب الرعب في اوصالها ولم تشعر بالراحة لكلامه ولا لنظراته وخاصا حين ارادها ان تدخل له بمفردها 

................

في بيت فاتن رن جرس الباب فذهبت نورهان لتفتح الباب معتقدة انه اخاها ولكنها تفاجأت بسيدة ام فاطمة امامها فرحت نورهان جدا وتحدثت بترحاب :طنط سيدة اهلا نورتينا  والله اتفضلي ادخلي 

-ردت سيدة بود : ده نورك يا بتي كيفك وكيف الست امك زينة 

-الحمد لله بخير اتفضلي تعالي 

- لع عشان انا ولدي كامل معايا بس واجف تحت  اخوكي انس اهنه ولا لع 

-خجلت نورهان وشعرت ان قلبها ينبض لمجرد انه بنفس المكان فتحدثت :انس فوق هكلمه ينزل حالا 

--سيدة باعتراض :مفيش داعي يا بتي احنا هنطلعو لفاطمة علطول وقاطعهم خروج فاتن وحين رأت سيدة رحبت بها بفتور 

-اهلا يا ام فاطمة اتفضلي 

-اهلا بيكي يا ام انس لع معلش انا هطلع لبتي اطمن عليها انا بس جولت اعدي عليكي الاول مش هيا  دي الاصول برضك 

-نظرت لها فاتن بغيظ داخلي فهي تعلم انها تقصد اخر مرة حين صعدت لهم واحرجتهم في شقة ابنها  في نفس الوقت كانت نورهان قد ذهبت  وارتدت الحجاب وخرجت بسرعة 

-تحدثت سيدة موجهة حديثها لنورهان :بجولك يا بتي ياريت توسعي سكة عشان كامل جايب خير كتير وهو زمانه طالع بيهم 

 - نظرت نورهان لامها وجدتها لم تتحدث او تعلق فشعرت بالاحراج وتحدثت هيا : والله ملوش لزوم يا طنط ليه تعبتو نفسيكو 

-نظرت سيدة لفاتن التي لم تنطق بحرف مما جعل ابنتها ترد مكانها لترفع عنها الحرج وتحدثت  : 

ازاي يا بتي احنا نفهم في الاصول زين وده واجب بتي عشان محدش يتكلم عنها نص كلمة ومهما كان ده خير ابوها وقطع كلامهم دخول كامل وهو يتنحنح  ووضع الكثير من الفاكهة وغيرها ثم رمي السلام عليهم لترد فاتن باقتضاب أما  نورهان فنظرت له بحزن فهي تعلم انه يعتقد انها من رفضته خرج كامل مسرعا ولم ينظر حتي تجاه نورهان وصعدو هو وامه لفاطمة 

.................

وصل صقر و وادهم وزينب الصعيد ودخلو البيت وجدو عتمان فقط يجلس ويشرب الشاي وعندما رأهم ابتسم ورحب بهم بحرارة :

-اهلا يا ولدي منك ليه حمدالله علي السلامة 

-قبل كلا من صقر وادهم يد ابيهم اما زينب ظلت تنظر لعتمان بغموض فتحدث صقر :

--كيفك يا بوي وكيف صحتك 

-زين يا ولدي والحمد لله ولقت انتباهه زينب فسألهم باستغراب :

--مين دي يا ولدي 

- تنحنح ادهم بتوتر اما صقر فنظر لابيه وتحدث بجدية :

 هجولك يا بوي بس نبجي لحالنا هم بينا نخش اوضة المكتب وبالفعل ذهبو ثلاثتهم للمكتب وظلت زينب جالسة في الصالة وهي تنتظر  وظلت هكذا فترة حتي رأت صفية وهي تنزل الدرج وتقترب منها وفي نفس الوقت وجدت عزيزة وغرام يدخلان من باب البيت 

-عزيزة وهي تقترب من زينب انتي مين يا بتي ثم وجهت حديثها لصفية تبجي مين دي يا صفية 

-صفية باستغراب :مخبرش يا مرت عمي انا لسة نازلة من فوج ولجيتها جاعدة اكده ولسة هسألها لجيتك چيتي 

-عزيزة بحدة :ما تنطجي يا بت انتي مين وايه اللي جابك اهنه ،نظرت لهم زينب بتوتر فهي لا تعلم بما تخبرهم ولكن انقذها صوت عتمان وهو يخرج من مكتبه 

-دي تبجي زينب مرت ادهم يا عزيزة 

--اتصدمو جميعا بما فيهم زينب التي لم تتوقع انه سيتقبل الامر هكذا اما عزيزة وصفية وغرام فكانت صدمتهم واحدة فتحدثت عزيزة بغضب :

:يعني ايه مرت ادهم يا عتمان خبرني 

-نظر لها عتمان نظرة جعلتها تصمت ولم تتحدث فوجه حديثه لزينب بود 

--جومي يا بتي عشان ترتاحي ثم نادي علي بدور التي جاءت مسرعة من المطبخ وامرها ان تأخذ زينب لغرفة خاصة بها فقامت زينب ومشيت معها وهي لم تستوعب ما حدث للتو فور ان صعدو حتي تحدث عتمان موجها حديثه للكل 

-اسمعوني كلكم زين البنته غلبانة ادهم لجاها غرجانة  في د*مها عالطريج  ووداها المشتشفي وطلعت فاقدة الذاكرة يعني مش فاكرة حاچة واصل ولا تعرف هيا مين اصلا وملهاش حد ياخد باله منيها والدكتور خبرها ان ادهم يبجي چوزها ومن سعتها وهيا مفكرة انه چوزها بجد ولو حد حاول يفكرها ممكن حالتها تتعجد  ومتفتكرش حاچة واصل وهيبجي ذنبها في رجبتنا  واعييين لحديتي زين 

--نظرت له عزيزة بحزن وقد صعبت عليها زينب ورق قلبها لها فتحدثت :يا عيني يا بتي يعني معدتش فاكرة حاچة واصل ولا حتي اسمها 

-اكمل عتمان حديثه : مش عاوز حد يتحدت معاها في اي حاجة ولا يفكرها بيها هيا بس هتعيش وسطينا لحد ما تخف وتبجي زينة وسعتها هنعرف اهلها فين ونوديها ليهم ولحد ده ما يحصل تتعامل البنته زين وتحطوها في عنيكم واعية يا عزيزة 

--عزيزة بحنان متجلجش يا حج دي هتبقي زي بتي والله دي صعبت عليا جوي 

-كانت زينب تسمع كل شئ وهي تقف في اعلي السلالم ولم تصدق ما سمعته هل فعلا صعبت عليهم هل وافقو بهذه السهولة علي استقبال واحدة غريبة في بيتهم فهي لم تتوقع انه سيستقبلوها في بيتهم بهذه السهولة فقط لمجرد انها فاقدة الذاكرة وليس لها احد ولكن كيف وهيا رسمت خطة طويلة وعريضة فقط للولوج لبيت عتمان التي تعرف عنه انه ثعبان ولن يأمن لاي احد بسهولة وليس له ضمير او شفقة علي احد فكيف يقول مثل هذا الكلام لهم ويحثهم علي معاملتي الحسنة رجعت لغرفتها ثانيا وهي تحاول ايجاد تفسير لما حدث 

--اما في المكتب تحدث ادهم لصقر :متشكر جوي يا خوي انك مجولتش لابوي انها كانت جاعدة في شجتي وكانت في المستشفي 

-رد صقر بضيق : وانت واعي لو ابوك عرف هيعمل ايه ده كان يتبري منك 

-ربنا يخليك ليا يا اخوي بس ليه جولت لابوك  الحجيجة ومجولتش زي ما جولتلي في مصر 

-عشان لو جولت انك عاشجها امك مش هتسكت وهتبجي عايزة تعرف اصلها وفصلها وهتسألها لكن لما جولت الحجيجة وانها مش فاكرة حاچة محدش هيتحدت معاها وخصوصا ان ابوي اللي امر باكده 

--ادهم وهو معجب بتفكير اخاه :انت فعلا صقر الغرباوي يسلملي نفوخك ده يا اخوي 

-ابتسم صقر علي تفكير اخوه وحديثه المرح واحتضنه بعضهما بحب وطبطب صقر علي ظهر اخوه فهو يعتبره ابنه وليس اخوه الصغير 

....................

-والله لو خطيتي عتبة شقة اخوكي يا نورهان هزعلك انتي فاهمة 

-نورهان بحزن ما خلاص يا ماما بقي قولتلك الموضوع خلص خلاص وهو عرف اني رافضاه بطلي بقي كل شوية تسمي بدني بالكلام و حتي الفون خدتيه مني عايزة ايه تاني 

--انا بفهمك عشان مترجعيش تقؤلي اني مقؤلتلكيش 

-تركتها نورهان ودخلت غرفتها وظلت تبكي وهي تتذكر عندما دخل كامل فهو لم ينظر حتي لها نعم فله الحق ان يبتعد فمن وجهة نظره انها رفضته للمرة الثانية 

--اما فوق عند فاطمة دخل كامل المطبخ وتحدث مع فاطمة التي تصب العصير في الاكواب :بجولك ايه مليش صالح اتصرفي انا لازم اتحدت معاها 

-فاطمة ردت بقلة حيلة :يعني هعمل ايه حاولت اخلي انس يحدتها عشان تطلع تجعد معانا امه اللي ردت عليه وجالتله دي نايمة تقريبا كدة مصادرة التلفون 

--مليش صالح اتصرفي انا چيت لحد اهنه عشان اشوفها واتحدت معاها واقنعت امك اننا نيچي نشوفك وچبتهالك لحد عندك اتصرفي بجي 

-تصدج انت اخ عفش وبتجولها في وشي انك چاي عشانها مش عشان خيتك ماشي يا كامل عموما في محاولة هعملها وربنا يستر 

-اتنهد كامل بضيق فهو توقع انه سيراها ويتحدث معها ولكن هي بجانبه ولا يستطيع ان يراها او يتحدث معها فهذا ظلم زفر بضيق وخرج ليجلس مع زوج اخته 

....................

غمزت عزيزة  لغرام التي تجلس بجانب صقر وهو محاوطها بيديه فتوترت غرام وهزت رأسها بإيجاب لعزيزة بمعني انها ستنفذ ما قاله ذلك الرجل وتضع الحجاب تحت وسادة زوجها شعرت غرام بصقر وهو يضغط علي يدها وهمس في اذنها وحشتيني جووي يا غرامي 

--شعرت بقشعريرة تجري في جسدها نعم فهو الوحيد القادر علي اللعب باوتار قلبها وبكلمة منه فقط تعصف بكيانها وتزيد من ضربات قلبها  فنظرت له بعشق ممزوج بخجل وتحدثت بهس : مش اكتر مني يا صقري 

-تحدث صقر بصوت مسموع طيب تصبحو علي خير يلا يا غرام واخذ غرام من يدها وصعدو لغرفتهم 

.................

صعدت صفية في طريقها لغرفتها  لتري جمال فهو لم ينزل منذ ان جاء من عمله كالعادة وحين دخلت غرفتها لم تجده و توقعت انه في الحمام ولكن سمعته يتحدث لاحد فاقتربت من الحمام وسمعت حديثه الذي جعلها توقفت مكانها من الصدمة ........ يتبع

رأيكو يهمني جدااااا ♥️

تفاعل جامد بقي عشان البارت العاشر 🔥🔥

اللي عاوز البارت 10_11 يعمل متابعه من هنا

بشكركم علي تفاعلكم القمر و دمتم ليا مشجعين ♥️♥️

غرام صَعيدي

حدوتة الادهم 

#بقلمي_اسراء_ابراهيم

البارت 10_11من هنا